Dictionnaire - lettre F

fabriki, fabriquer. Au batimint Dènis on fabrikoût dès bas d' swè. A cause du nilon, is ont fét fayite.

fabuleûs'mint, fabuleusement. Il a dès djins qui sont fabuleûs'mint riche èyè dès autes èxcèsiv'mint poûves. Ça n' va ni ça ! Vîve lès djilèts djaunes !

fache, n.f., 1. maillot, langes : asteûr, on n' mèt pus dès faches à lès èfants, on leû mèt dès Pampers. Rv. yèsse al fachète : être à la prime enfance. 2. bandage : dji m'ai coupé à 'm pètit dwèt, èl mèd'cin va mète ène fache. V. latin fascia.

facheûs'mint, facheusement. I s'a facheûs'mint cochi in djeûwant au fout'bal. Ès' patron va co yèsse guinguin.ye quand i vîra 'l papi du mèd'cin.

fachi, 1. emmailloter : fachi in n-èfant scarpèyant, ça n'est ni facîle ! Rv. En parlant d'une personne aux jambes arquées : il a sti fachi su in tounia. 2. mettre un bandage : s' fachi tout seû, ça prind du timps. 3. emballer, envelopper : al Sint Nicolas, lès èfants s'amuse dè pus avu lès faches qu'avu çou qu'on leû z-a acaté !

facîle, adj., facile. C'est pus facîle à dire qu'à fé. Vos l'avez facîle, vous ! Dj'ai yeû facîle pou rèsponde au mésse. Djè n' ai ni yeû facîle avu mès coumarâdes Eric yè Pascal. Note : on entend aussi fachîle (rare).

facîlmint, facilement. Èle a monté facîlmint èl tiène d' èl Fourtchète, avu s' nieu vélo élèktrike.

façon, n.m., façon, manière. C'est dès djins sins façon, is n' font jamé d' leû rinkinkin. Rv. Fé façon : maîtriser. I n' a jamé seû fé façon d'ès' rosse dè tchi.

façonnâdje, n.m., façonnage. Pou 'l façonnâdje d'in nouvia tchapia, èm' mame daloût al modisse à Nivèle, rûwe dè Mons, à gauche in montant.

facteûr, n.m., facteur. Paul Auly, Robert Dejean, astine facteûr dès posses à Yite, Marc Ducochet à Vèznau.

fâde, n.m.f., et adj., paresseux, se, fainéant, e. In grand fâde come li, vos n'avez jamé vu ! Rv. Yèsse pus fâde qu'ène bite d'ours. Note : pas d'explication trouvée ou serait-ce en lien avec sa longue… période d'hibernation ? Rv. Il est tél'mint fâde qu'i buke : il est tellement fainéant qu'il s'endort sur son siège, sa tête venant heurter (buki) le bureau.

fâd'mint, paresseusement, nonchalamment. Si vos continuwez à bouter aussi fâd'mint qu' asteûr, vos n' ârez jamé fini pou 'l fin d' l'anéye.

fafârce, n.f., petite farce. Yè adon, fifiye, au prèmi d'avri, on cache à fé 'ne fafârce à 's mounonke ?

fafiâdje, n.m., propos bêbête, bredouillage. Hé fieu, arètez vos fafiâdjes qui n'èrchène à ri.

fafiau, te, n.m.f., personne qui bredouille. Quand i bwèt, i n'est pus fafiau !

fafiyi, bredouiller, minauder. V. fafouyi.

faflote, n.f. petite quantité. On vwèt dès faflotes dè bûre sul potâdje. Aussi : fafiyote, fafiote.

fafouyâdje, n.m., propos sans fond, minauderie. Èle est pus malène dins sès fafouyâdjes què dins 's min.nâdje.

fafouyi, fafyi, minauder. C'est ni in fafouyant qu'on fra avanci 'l discussion.

fagot, n.m., fagot. Rv. In fagot mau loyi (personne mal fagotée). In rin (rang) d' fagot (bois soutenant les ramilles du fagot).

fagotâdje, n.m., fagotage. Après qu'on a rnètyi lès couches, on couminche èl fagotâdje.

fagoteû, eûse, fagoti, personne qui fagote. In ivièr, on vwèt dès abateûs, yè après, lès fagoteûs arife.

faim, V. fangn'.

falot, 1. torche, flambeau : Au martchi d' Nowé, lès èfants pourmène avu dès falots. 2. cigare de mauvaise qualité : tchieuuu, ké falot vo cigare, vo l'avez yeû pou ri ?

Fâlousse, èl fontin.ne. Fontaine située au fond de la rue E. Nils à Virginal.

falu, 1. part. passé de falwêr. Il a falu payi sès dèsses. 2. garçon manqué : Colette astoût in vré gamin falu !

falwêr, falloir. I fauroût bi couminchi à fosser 'l djârdin.

famiye, n.f., famille. Rv. Ène famiye dè pète-al-course (originaux). Ké bèle famiye ! Èle ratind co toudi famiye (elle est enceinte) !

famiyèr'mint, familèrement. Maugré qu'il a fét dès wautès z-ètud' i pârle toudi famiyèr'mint à lès djins du vilâdje.

fanfèrluche, n.f., fanfreluche. C'est co 'l moûde dè keûde dès fanfèrluches à lès cotes dès fiyes !

fangn', n.m ou f., faim. Ène mauvéje fangn' (fringale). In crèv' dè fangn' (un miséreux). Rv. Il a pus fangn' què soumèy'. Aussi : faim.

Fani ou Faniye, Stéphanie.

fantasse, adj., fantasque. Ni moyi d' li fé confiyance tél'mint qu'il est fantasse.

fârce, n.f., farce, parole ou action plaisante. Is ont soûné à toutes lès uch' pou fé dès fârces à lès vizins d'èl rûwe.

fârcer, duper, jouer une farce. Ké arsouye, èle mè fârce toudi.

fârceû, se, n.m.f., farceur, euse. Èl Pètit Fârceû, c'esst' in calendriyé avu dès blagues tous lès djoûs.

fârci, remplir de farce (t. de cuisine). In poulèt fârci avu dès yèrbes yè du fromâdje, ça chène toudi bon.

fârde, n.f., farde pour classer des documents. Ès' fârde astoût plin.ne dè papis pou l'èscole.

fardèler, emmailloter. Èl marmot astout trop (in)fardèlé, i stoufichoût. V. fachi et infardèler.

farfouyâdje, n.m., action et résultat de farfouiller. Hé, dji n'inme ni vos farfouyâdjes dins mès ostis.

farfouyeû, se, n.m.f, personne qui farfouille. Ès' curieû-là, c'esst' in farfouyeû d' mèsti.

farfouyi, farfouiller. A foûrce dè farfouyi dins lès afêres dès autes, on troufe toudi 'ne sakè à dire.

Faribole, spo pour Marie-Paule.

farmacyin, farmaciène, n.m.f., pharmacien, ne, parfois péjoratif pour quelqu'un qui travaille mal. Ça fét peû, hin ! Du grec pharmakeia. V. apotikêre.

farmas'riye, n.f., pharmacie. Il a 'ne pètite santé, il est toudi stitchi à l'uch' d'èl farmas'riye.

farô, n.m., purin dans l'expression : èl farô d'èl fosse à fichéye (par analogie avec la couleur de la bière faro ?).

faro, n.m., faro, bière composée de lambic et sucre candi. C'est foûrt sucré du faro.

fatal'mint, fatalement. Fatal'mint, ça d' voût ariver : à foûrce dè bwêre, il a atrapé ène maladiye à 's fwè (foie).

fatig', n.f., fatigue. Dj'ai bouté t'au long du djoû, mins asteûr, dji sins ène bone fatig'.

fatigui, fatiguer. I s'a fatigui in min.nant sacans browètes dè têre. V. èscrandi.

faubourti, n.m., faubourien. Èm' grand-pére astoût faubourti al tchausséye dè Mons à Nivèle.

faucâdje, n.m., fauchage. In djwin, on fét 'l faucâdje dès pachis.

fauchèle, n.f., faucille. On prind ène fauchèle pou coud' lès trin.nèles yè lès doner à mindji à lès lapins.

fau-coûrdia, n.m., faux-cordon, sangle fixée au trait et à la rêne de bride. Rv. Èle est su 's fau-coûrdia : à l'adresse d'une jeune fille se redressant fièrement.

fau-cu, n.m., vertugadin, bourrelet faisant bouffer la jupe autour des hanches. Ça stoût 'l moûde dè mète in fau-cu à lès jupes dè nos grands-méres.

faufilur', n.f., faufilure. Dèvant d' keûde pou du bon, on fèzoût ène faufilur' pou tèni lès tissus inchène.

faukeû, se, n.m.f., faucheur, euse. Avant lès faukeûses mècanikes, on faukoût tout al min.

faukéye, n.f., fauchée. Ène faukéye, c'est çou qu'in faukeû fauke su in djoû.

fauki, faucher. Dj'ai fauki au matin, èyè asteûr, dj'ai mau 'm dos pou trwès djoûs.

fau-lamia, n.m., palonnier simple. Padière èl tchèvau, Florent a mis in fau-lamia.

fau-pico, n.m., bâton placé plus haut que le pico afin d'écarter davantage les traits. Èl cavaye est plène, faura mète in pico pou n' ni qu' lès tréts frote dè yun à l'aute.

fau-pilâte, n.m.f., hypocrite.

fau-plantchi, n.f., soupente. On a monté in fau-plantchi pa-d'zou l'èscayé pou fé in p'tit guèrni.

Fauquet, Fauquez, sur le plan Popp (±1860), Fauquez désigne l'actuelle Basse Hollande, tandis que Fauquet désigne l'actuel Fauquez. Certains habitants de la Basse Hollande disent encore qu'ils habitent la Basse – Fauquez. Gentilé moqueur : lès Faukèteûs.

Fauquez, château, connu depuis 1312, démoli à partir de 1831. Les derniers vestiges disparurent lors de la construction du nouveau canal en 1964.

Fauquez, voir vêr'rîye.

faus, se, adj, 1. faux, fausse : in faus visâdje (hypocrite). Ène fausse djin. In faus bouc (fourbe). Dèspu qu' dj'ai mis dès faus dints, ça blinke dins 'm bouche. 2. creux,se : In faus mur'. Rv. Il esst' aussi faus qu'in navia pouri.

faus'mint, faussement. Il a sti faus'mint accusé d'avwêr volé in vèlo al gare dè Vèznau.

faustriyâdje, n.m., tricherie au jeu. Is n'ont ni arèté avu leûs faustriyâdjes, adon, is ont gangni facîlmint.

faustriye, n.f. hypocrisie. Is m' font rîre lès djins avu leûs faustriyes à lès intè'rmints.

faustriyeû, eûse, n.m.f., tricheur, euse. Djeûwer à cârtes avu dès faustriyeûs, c'est ni lè pin.ne, vos avez pièrdu d'avance.

faustriyi, tricher au jeu. Quand on s' mèt à faustriyi, on pièrd souvint sès coumarâdes.

fautcheûse, n.f., faucheuse mécanique. Il a fauki lès rèfus avu 's fautcheûse mècanike. V. faukeû, se.

faute, n.f., 1. faute : i m'a fét faute. I n' sét ni scrîre sins faute. 2. cause : c'est li d'èl faute (c'est à cause de lui). Faute qu'il a djèlé, lès fleûrs sont flaniyes. C'est ni mi dèl faute !

fauteuy', n.m., fauteuil. Boudjiz !, putoût què dè dmorer dins vo fauteuy' !

fauve, n.f., fable, conte, canular. Arètez dè m' èstitchi dès fauves dinsi, hon !, dji n' vos crwès ni ! Rv. C'est co pus pire qu'èl fauve qui dure toudi (cela n'en finit pas).

fauvète, n.f., 1. fauvette : on vwèt deûs soûrtes dè fauvètes : lès ciènes à nwêre tièsse yè lès grîjes. 2. il a dès fauvètes pa-d'zou 's bras (il manque de franchise).

favète, n.f., grosse féverole. Lès favètes, ça rchène à dès féves ; l'anéye d' après, on sème du froumint.

faveûr, n.f., faveur. Branmin d' djins vont priyi Notrè-Dame d' Ite pou avwêr ène faveûr : yèsse guéri d'ène maladîye, gangni au Lotto, yèsse kite d' ès' bèle-mére (mins ça, ça n'est ni foûrt catolike).

fav'lote, n.f., petite féverole. Lès pidjons mindje volti dès fav'lotes.

favorâbe, favorable. Si 'l timps est favorâbe in avri, nos dirons pourmèner au bo d'Hal, i parèt qu'il a 'ne masse dè clés d' bo. On vwèt minme dès autocârs avu dès Japonès.

favorâblèmint, favorablement. Dj'èspére què vo rèspondrez favorâblèmint à çou què djè vos ai d'mandé.

fawine, faîne. V. fowène.

fayè, fayé, adj., 1. fatigué, patraque, faible. Dj'ai trop bu ayèr, audjoûrdu, dji m' sins tout fayè ! 2. médiocre, mauvais : ké fayè timps pou daler à l'uch ! Ké fayè bokè d'târte !

fayeû, se, médiocre, malade. Ké fayeûse bière !, Buvone aute choûse ?

fé, faire :

Indic. prés. : djè fés, i fét, nos fèzons (f'zons), vos fèzez (f'zez, fètes, faites), is font.

Indic. imparf. : dji fèzoûs (f'zoûs), i fèzoût, (f'zoût), nos fèzine (f'zine), vos fèziz (f'ziz), is fèzine (f'zine).

Indic. futur : djè frai, i fra, nos frons, vos frez, is front.

Condit. : djè froûs, i froût, nos frine, vos friz, is frine.

Subj. prés. : què djè fèye (ou fasse), qu'i fèye (ou fasse), què nos fèyonsse, qu'is fèye.

Impér. : fèzez (f 'zez), fèziz-'l, fèzone, fêtes, faites.

Part. prés. : fèzant, fèjant.

Part. passé : fét, fète ou faite

Locut., il a yeû a fé à 's pére (à plus fort que lui). I n' avoût ni à fé dé fé ça (il n'avait pas besoin de faire cela). Si fét (certainement, bien sûr, certes oui). Fét-à-fét (au fur et à mesure). Sins fé yeune ni deûs (sans hésiter). A vo toûr dè fé (de mêler lès cartes). Rv. Què fètes là ? Répl. : dès mandes à sot, si i d'a deûs, vos d'ârez yeune. Tant qu' vos frez ça, vos n' frez ni aute choûse ! Fé, yè dèsfé, c'est toudi travayi ! Dîre èyè fé, c'est deûs ! Èl ci qui n' fét ri, i n' pût mau dè s' tromper. Bi fé, èyè lèyi dîre, ri dîre, yè lèyi fé. ! I n'est jamé trop târd pou bi fé ! Çu qu'est fét, est fét ! In tout volant fé 'l mèyeû, on fét pîre ! Dj'ai fét 'l mitan à 'm moûde, èyè l'aute come i m' plét ! Quand vos ârez fét ça, vos n' sârez ni pus cras ! I n' fét ri au matin, après din.ner, i s'èrpoûse, èyè au nût' i doûrt ! Fé d'ès' Jan, fé du Mènîr. V. flam., « de grote Jan uithangen » et « Mènîr » pour le grand Monsieur. Rv. Alez vo fé rfonde à Boufiou ! Rv. Fé sans, s'en passer : i n' a pus pon d'suke ? Hè bî, on fra sans !

fèbe, faible. In fèbe d'èsprit. Quand i vwèt ène cochur' i tchét fèbe. A cause d'ès' maladîye, il est co toudi fèbe.

fèblèmint, faiblement. Avant d' mori, i rèspiroût co fèblèmint.

fèbli, faiblir. Rv., Quand vos ârez mis tout ça à place (mangé), vos poûrez mau d' fèbli !

Féca, spo pour une dame de Virginal qui avait inscrit CAFÉ sur la face intérieure de la vitrine.

fèjâbe, adj., V. fèyâbe, fèzâbe.

fèjeû, se, n.m.f., V. fèzeû, se.

fèl, e, adj., ardent,e, vif,ve, hardi, e. Pou 's n-âdje, il est co fèl ! I fét du fèl (il se vante, il crâne)

fèlé, n.m., vinaigre bouilli recommandé comme remède pour les cors aux pieds. Dj'ai mis du fèlé su mès agaces, mins dj'ai co mau.

Félice, Félix, Félicien.

Félicie du Facteûr, spo.

fèl'mint, vigoureusement, crânement, fortement. Pou fé du calitche, on mètoût dèl tamblète dins 'ne boutèye d'eûye, yè adon, on skeûwoût fèl'mint pou fé d' l'èscume qu'on chuchoût.

félomène, n.m.fr.sp., phénomène. À Vèznau, à Yite, yè à Waut-Ite, il a dès félomènes pa t'avau lès tch'mins.

Fèlu, Feluy. Lucien s'a marié avu 'ne coumère dè Fèlu. Quand i pieut, yè qu'i fét du solèy' on dit à Nivèle qu' lès soûrcières danse à Fèlu.Aussi : i pieut, èl solèy' lût, lès soûrcières sonsst'n à Fèlu qui ramasse tous lès ûs.

fèmèle, n.f., femelle. Dj'ai trwès fèmèle dè lapin qui sont plènes. Aussi fumèle avec une connotation péjorative : ké rosse dè fumèle dè tchi !

fènâdje, n.m., fenaison. Si l' fènâdje est bon, lès bièsses âront à mindji pou l'ivièr.

fènasse, n.f., 1. fane, herbe haute. Il a 'ne masse dè fènasses dins 'm djârdin. 2. débris, poussière de tabac : quand i rimplit 's pupe dè toubak, i lèye ène masse dè fènasses al têre ! 3. rien du tout : i n' dèmeûre pus 'ne fènasse ! 4. femme grande et élancée : ène grande fènasse. 5. objet ou personne qui est le jouet du vent.

fèner, faner, faire les foins. Quand i fét bon, lès cinsis vont volti fèner. On fèn'ra d'min pau solèy'.

fèneû, se, n.m.f., faneur, euse. Lès fèneûs ont yeû foûrt tchaud.

fèneûse, n.f., machine à faner. I va fé bon, lès cinsis raguid' à leûs fèneûses.

fènèyandîse, n.f., fr.sp., fainéantise. Èl fènèyandîse, ça n' min.ne à ri d' bon !

fènèyant, e, fainéant, e. Èm' n-ome, c'esst' in grand fènèyant.

fènur', n.f., fanure.

fèrâdje, n.m., ferrage. On apèle in marchau pou 'l fèrâdje dès tch'faus.

fèraye, n.f., ferraille. Finalmint, ène auto, ça d'vît toudi in moncha d' fèraye.

fèrayeû, n.m., ferrailleur. Dins 'l timps, èl fèrayeû passoût dins 'l vilâdje avu 'ne tchèrète à tch'fau ; i racatoût ètou dès vîyès lokes èyè dès pias d' lapin.

fèrayi, 1. s'activer, rouler vite : avu 's 2 tch'faus, Djan fèrayoût pa t'avau 'l Bèljike. 2. garnir de fer : pou n' ni ûji trop râde sès solés on lès fèrayoût al pwinte yè au talon ; avu ça, on vos intindoût ariver dè d' lon !

fèrdèk, raccourci de God-fèrdèk ! Fèrdèk, Jules, lèyiz ça trankéye, hon !

Fèrdinand, Saint Fèrdinand, donez-mi in galant !

fèrdin.ne, n.f., fredaine. Avu toutes sès fèrdin.nes, on l'a foutu à l' uch d' ès' mézo.

fèrdom', raccourci de God-fèrdom'. Fèrdom', lès Bèljes ont co sti batus pa lès Olandais !

fèrer, 1. ferrer. Audjoûrdu, èl marchau a fèré trwès tch'faus. 2. tremper, dans une boisson, un fer rougi par le feu : i parèt qu' pou sougni in catâre, i faut bwêre d' èl bière fèréye.

fèrète, 1. n.f., ferret. Ène fèrète, c'est 'l dèbout in fièr d'in lacèt. 2. n.f., esclandre. Quand is bwêve, ça toûrne toudi à fèrète ou à brète. 3. n.f. petit malaise passager.

Fèriyère, Ferier, èl Moulin Fèriyère. Sis rue aux Cailloux (à l'époque, rue du Bilot), il fut établi dans une ancienne papeterie, en vertu d'une autorisation du 14 septembre 1837 accordée à M. Charles-Louis Ferier. Aujourd'hui, ce moulin appartient à la famille de Jean-Claude Vanvarembergh.

Cinse Fèrière, èl, ferme disparue qui était située à l'endroit de l'immeuble sis au début de la rue de Virginal à Ittre.

fèrlaye, n.f., femme négligente, désordonnée. Ès' grande fèrlaye-là, èle n'a jamé pon yeû d'alur'.

fèrlike, n.f., mauvaise farce. Ké sale djoûne, i n' sondje qu'à fèrlikes.

fèrlin, n.m., saveur, goût. C'est 'l sé qui fét 'l fèrlin dins 'l potâdje.

fèrlitche, n.f, petite quantité. I n'a pus 'ne fèrlitche dè suke dins 'l mézo.

fèrlope, n.f., 1. lambeau, guenille : puskè lès marones sonsst' à fèrlopes, pusk' èles cousse tchèr. 2. café dans lequel on plonge des mastèles avec de la cassonade et de la cannelle : quand on daloût à scrène, on buvoût du cafè al fèrlope. 3. atome : i n'a pus 'ne fèrlope dè suke dins 'l bwèsse.

fèrlukèt, e, n.m.f., fr.sp., freluquet, coquette. C'est 'ne famîye dè fèrlukèts, mins is n' sont jamé malâdes.

fèrme, adj., 1. stable, ferme : il a toudi sti fèrme avu sès èfants. 2. lucide, sain d'esprit : i n' faut ni yèsse fèrme pou lachi dès fauves dinsi.

fèrmèmint, fermement. Quand vos pourmènez vo tchi, i faut toudi tèni fèrmèmint 's lache.

Fernand du Bon Dieu, spo.

Fernand du Lapin, spo.

Fernand du Libin, spo.

Fernand du Pitch, spo.

Fernand Mado, spo.

Fèrnand d' Twène, spo de Fernand André.

fèrnièsse, n.f., fenêtre. Quand on 'l tape dèwoûr pal grande uch, i rvit pal pètite fèrnièsse. Sèrer/frumer 'l fèrnièsse.

fèroni, n.m., ferronnier. C'esst' in bon fèroni qu'a monté 'l griyâdje du chatau.

féros'mint, férocement. I rèspond toudi féros'mint à lès cis qui l' critike.

fèrtiyâdje, n.f., frétillage. C'esst' au fèrtiyâdje d'èl keûye qu'on vwèt si 'l tchi vo vwèt volti.

fèrtiyant, e, adj., frétillant. Il esst' aussi fèrtiyant qu'ène èspinoke au d'bout d'in n-am'çon.

fèrtiyi, frétiller. Lès èfants fèrtiyine in ratindant 'l crin.me à la glace.

fèrtiy'mint, n.m., frétillement. Èle d' in fét dès manières avu tous sès fèrtiy'mints !

fèssâr, n.m., fessier, fessard. Èle avoût in fèssâr co pus lârdje què l' uch dè 's mézo, adon èle daloût d'crèsse pou passer.

fèsse, n.f., fesses. Daler à confèsse, confèsser sès fèsses. Dins lès cabinèts, minme lès princèsses mousse leûs fèsses ! Rv. Ké cu pou deûs fèsses ! Répl si adressé par une dame à un homme : yè vous !, ké tètes pou deûs nènès ! Èl min.nâdje nè va pus qu' d'ène fèsse (va mal).

fèsser, coïter, faire l'amour. Li, il a fèssé avu toutes lès coumères du vilâdje… qu'i dit ! Alez fèsser lès dindons à Ronquières (pour éloigner un importun). Rv. quand on fèsse pa padière, on gangne trwès cintimètes, mins on pièrd in bètche.

fèsseû, se, n.m.f., personne qui coïte allègrement. Rv. In fesseû d' gates : un dragueur impénitent. In fèsseû d' pouyes : un obsédé du sexe, un vantard. In fèsseû d' trouyes yè in pikeû d' gates : celui qui saute sur tout ce qui bouge.

fèstia, n.m., 1. faîte : èl fèstia du twèt. 2. tuile faîtière. Lès pidjons sont co toudi su lès fèstias.

fèstu, n.m., fétu. In fèstu d' èstrin. Du timps d' Napoléion, lès fèstus fèzine 1,6 m dè waut, asteûr 60 cm ? On leû mèt dès ormones ? Rv. On vwèt souvint in fèstu dins l'î d'in aute mins on n' vwèt ni 'l soumi qu'on a dins 'l si. Quand vos stez né dins in balot d' paye, vos stez parint avu tous lès fèstus. Tous lès fèstus c'est vos parints ou il est tcheut dins l'èstrin, i counwèt tous lès fèstus (il connaît beaucoup de monde). Èrmète èl paute (épi) sul fèstu (réparer quelque chose). Il est cras come in fèstu : très maigre.

fèt', n.m., fait. C'esst' in fèt' : lès feumes sont pus malènes què lès omes. Come dè fèt' i s'a mis à pieur à midi. Rv. come dè fèt' : comme prévu.

fét'mint, tout-à-fait. T'a-fét'mint, c'est mi qu'a rézo !

feu, n.m., feu. In feu d' bo. Dèstinde èl feu. Avwêr èl feu 'ne sadju. Mète dè l'wîle sul feu. Tous lès ans, on s' pourmène pou lès grands feus. Yèsse come èl feu èyè l'eûye. Rv. I n'a pon d' fumière sins feu. Fé feu dès kate pates yè d'èl keûye (se démener). Sauvez 'l grésse, èl feu est dins 'l marmite. I n' faut ni mète èl feu au bo. Feu d'èstrin èn' dur' ni lonmin. Yusk' èl feu a sti, i d'meûre toudi dès cindes. Èl vî bo prind râde feu. Mète lès fièrs au feu.Si vos tapez dins 'l feu èl brin d'in èfant, ça li poûrtra maleûr ! I foutroût 'l feu dins n-in saya d'eûye : en parlant d'un hyperactif, de quelqu'un qui sème la zizanie.

feûki, lancer des jets de fumée. Avu 'l vint, l'èstûve feûkèye. V. funkyi.

Feulyin, Feuillien. Ène Sint Feulyin, c'est co bon à bwêre.

feume, n.f., 1. femme. 2. bleuet : ène bleûse feume. 3. coquelicot : ène roudj' feume. 4. bourdaine : nwêre feume ou nwêr bo. Rv :

- ène feume rit quand èle pût, yè èle brét quand èle vût !

- in tch'feu d' feume pût fé branmin pus qu'èl mèyeû dès combias !

- ène feume a toudi pète ou vèsse !

- quand on a ène feume su lès bras, èle avièyit râde : quand on a mindji 'l tchér, i faut bi rondji lès ochas !

- ène feume a toudi in fièr qui clape !

- ène feume, quand èle n'a ni tchaud, èle a scau !

- à chake avé, in tchi piche, yè ène feume brét !

- ène gate, ène feume, in puss', c'esst' assez pou mète in vilâdje cu d'zeûr cu d'zoû !

- ène feume est souvint pus malène qu'èl djâle !

- qui prind 'ne feume, prind 's mésse !

- èl ci qui pourmène ès' feume, pourmène ès' mésse !

- ène feume sins alur' èrlafe èl sèm'di au nût' ès pagna pou 'l dimince !

- c'est lès feumes qui font lès omes !

- i faut prinde mézo fète èyè feume à fé !

- qui gâte ès' feume gâte ès' viye !

- dji 'n d'in vouroûs ni, co bi qu'èle aroût in cu d'oûr yè 'ne tièsse in n' ârdjint !

- in ome qui s' trompe, èyè 'ne feume qui pète, ça fét min.nâdje trompète !

- ome yè feume, c'est ni'l minme : li c'est li, yè léye, c'est léye !

- dins 's vîye, ène feume passe pa 7 ètapes : bèbé, gamène, djoûne fîye, djoûne feume, djoûne feume, djoûne feume, djoûne feume… !

- dès vîyès mézos, dès djoûnes feumes, dès grands djârdins, il a toudi à fé alintour !

feûte, n.m., feutre. Lès tchapias d' feûte, on couminche à d'in vîr dè pus in pus.

feuwéye, n.f., 1. poignée de brindilles : c'est pus facîle d'alumer l'èstûve avu ène feuwéye. 2. flambée : in iviêr, ène bone feuwéye, ça vos rtchaufe in bon coû.

feuwyi, se consumer en produisant beaucoup de fumée. Èl bo n'est ni sètch assez, l'èstûve feuwiye.

feuyâdje, n.m., feuillage. Èl feuyâdje dès pouplis, i fét branmin d' brû pau vint.

feuye, n.f., feuille. Ène feuye d'ârbe, ène feuye dè gazète. Rv. Il a pus d'ène feuye au bo (il y a plus d'un âne qui s'appelle Martin). V. fieuye.

feuy'tâdje, n.m., feuilletage. C'est 'l feuy'tâdje qui fét lès bones pausses (pâtes) dès bones pâtis'rîyes.

feuy'ter, feuilleter. Maria, n'avez ni co fini d' feuy'ter 'l gazète dinsi !?

feuy'ton, n.m., feuilleton. Christine est toudi à ratinde ès' feuy'ton pou counwète èl swite.

féve, n.m., haricot. Dès féves à pièrtche. Rv. On plante lès féves dins l'avant-din.ner d'èl Sint Marc (25 avri) pou qu'èles monte à pièrtche. Èl féve dwèt vîr ès' mésse qui s'inva du djârdin (il ne faut pas semer trop profondément).

fèvié, février. Èl pètit mwè, c'est fèvié. Rv.

- èl mwè d' fèvié, c'est 'l mwès qu' lès coumères ûje èl mwins' leû langue !

- in fèvié, dèl nédje su lès briyeus, dèl djèléye avant trwès djoû !

- pieufe in fèvié, c'est dèl fichéye !

- quand fèvié est bia, mars n' sèra qu'ène nuwéye !

- quand 'l bîje roubliye fèvié, èle nè roubliy'ra ni mai !

- nédje in fèvié, fichéye su lès pachis !

- avin.ne dè fèvié rimplit lès guèrnis !

fèyâbe, fèzâbe, adj., faisable. Couri lès 20 kms dè Brusèle, c'est fèzâbe. Aussi fèjâbe.

fèye, n.f., fille. Ça va 'm fèye ? V. fiye.

fèzâdje, n.m., action de faire. Rv. On n' s'ocupe ni du fèzâdje du sûr (lacto sérum) au Ministère (à chacun ses affaires).

fézan, n. m., faisan. Asteûr on n' vwèt pus qu'dès fézans d'alvâdje.

fèzeû, se, n.m.f., faiseur, euse. Li, c'esst' in fèzeû d'imbaras, dj' inme austant vîr sès talons qu' sès pwintes. Aussi f'zeû.

fi, n.m., fils, fieu. Ça va 'm fi ? Non, hin, 'm fi !

fi, n.m., fût. In fi d' croche, toûrner à fi d' croche (tourner à rien, comme le manche d'une crosse qui s'amincit vers le haut). On entend aussi : feu d' croche.

fi, n.m., fumier. Bah, èl fi, ça n' sint ni si mauvé qu' ça ! Aussi fumi. Rv. Donez-li dès sayes (paille ou fane), i d'in fra du fi (à un snob). Lat. Fimum.

fiane, n.f., 1. brin : dès fianes dè strin. 2. petite quantité : dji n' ai pus pon d' eûye, pus 'ne fiane !

fichau, te, n.m.f., putois. I sint mé come in fichau. C'esst' in fichau (rusé, retors). Aussi putwè.

fiche, n.f., 1. suppositoire :

Anecdote : al farmas'rîye

- Tchieuu, Gustav' dj'ai yeû du mau pou m' mète èl fiche !

- Ah bon !

Bi waye, dj'avous roubliyi d' èrsaki 'l papi d'ardjint.

Ène aute :

- Hé Gustav', vo fiche, dj' ai yeû du mau à l' avaler !

2. charnière : èl fiche dè l'uch est skètéye.

Voir : albute et supozitwêre.

fichéye, n.f., purin. Quand on vûde èl citèrne à fichéye, lès vizins d'in profite ètou… façon d' pârler !

fictiv'mint, fictivement. I s'a domicilié fictiv'mint d' lé sès parints.

fidèl'mint, fidèlement. Il a fidèl'mint rèpèté çou qu'èl curé li z-avoût dit.

fièfe, n.f., fièvre. Ça fét deûs djoûs què dj'ai ène fièfe dè tch'fau, dji dmeûre dins 'm lit. Rv. fièfe al tièsse : méningite.

fième, n.f., écume d'humeurs sortant de la bouche. Èl tchèvau à 'ne masse dè fièmes à 's bouche.

fièr, e, adj., fier, fière. Ké fièr-cu 'stilâle ! Ké fière-cu èl fîye du champète ! Rv. :

- il est fièr come in pus su 'ne rogne (croûte) !

- il est fièr come in brin su 'ne ruke !

- il est fièr come in coq sul fi !

- èle est fière, on dîroût qu' èle a dès yeus (œufs) dins 'l cu !

- èle est fière, èle fét l'èstrwète (cul serré) !

fièr, n.m., 1. fer : du fil dè fièr à picots (barbelés), èl fièr dè l'èstûve (tisonnier, v. tchaufièr), in fièr à poli (à repasser), in fièr à waufes, in fièr d'èscoupe, du blanc fièr, èrmète lès fièrs (se reconcilier), Rv. :

- i faut bate èl fièr tant qu'il est tchaud !

- on n'est ni d' fièr !

- il est blinkant come in fièr à lacèt !

- ça n' vaut ni lès kate fièrs d'in tchi (c'est sans importance) !

- on n' pût ni d'in fé ni fièr ni clô ! (on ne sait rien en faire) !

- i s' bat à fièr yè à clôs !

2. crochet en fer dont se servent les couvreurs de chaume. 3. jeu de fer : consistait à lancer des fers, par équipes de 4 joueurs, le plus près possible de broches enfoncées dans le sol. L'équipe de Haut-Ittre était la meilleure de la région. De là, l'expression : « èn' lachiz ni pou lès Waut-Ite ! » qui sert à encourager un sportif ou une équipe en difficulté.

fièrblanti, n.m., ferblantier.

fièr-cu, n.m.f., personne hautaine, arrogante. Il est tél'mint fièr-cu qu' i tap'roût bi lès autes dju du trotwêr ! V. préfet.

fièrmint, fièrement. Milo poûrtoût fièrmint èl drapau bèlje pou daler au Rocher d'èl Résistance.

fièsse, n.f, poutre faîtière. Quand 'l fièsse èst mîje on va bi râde mète lès lates à panes.

fièsse, n.m., fête. Èl Sint Rèmy, c'esst' ène fièsse pou lès famîyes dè Yite. Avu lès rûjes qu'il a, i n'est ni al fièsse ! On danse bi maugré què ç-n'est ni fièsse.

Fauve : au catéchime :

- José, c'est quand èl pus grande fièsse dè l' anéye ?

- C'est quand on tûwe èl pourcha, Mossieu 'l curé !

fièster, fêter. Al fièsse dès Mères, on a toudi dès mames à fièster.

fieu, n.m., fieu, fils. Mès gamins, c'est dès bons fieus. Ça va daler fieu ! Hé fieu, d'meurez trankîye hin !

fieuye, n.f., feuille. Les fieuyes dè poupli, ça triyane in fèzant du brû. V. feuye.

Fieuye, Marcel du, spo.

fièvreûs'mint, fiévreusement. On prépare fièvreûs'mint lès ducasses au vilâdje.

fifi, ye, n.m.f., 1. pour parler à une petite femelle : ayusk'èle est èm' djintîye fifiye ! 2. préféré : Jacques astoût 'l fifi du mésse. 3. zizi, t. enfantin : m' enfin, muchiz vo fifi !

fifis, n.m. plur., paire de sandalettes de plage, légères avec système de boucle et aérées, généralement en matériau très souple : alez lès gamins, n' roubliyiz ni vos fifis pou daler à La Panne ! …(rires : v. 3 ci-dessus)… ! Ces sandalettes s'appellent aussi, selon les régions : Nouilles, Méduses, Squelettes, Glouglous.

Fifikinète à Papates, spo pour Guy Lekime, fils de Marie-Louwise Caskète Salmon.

fignolâdje, n.m., fignolage. C' esst' in totin, èl fignolâdje, i n' sét ni s' in passer.

fignoleû, se, n.m.f., fignoleur, euse. C'est 'l pus fignoleû dès ouvris.

fîgue, n.f., figue. Dès fîgues dè Barbarie ça poûsse su dès cactus. Rv. Dès fîgue d'après Pâques (arriver trop tard). I n' poûsse ni dès fîgues su lès tchèrdons (vous rêvez !, c'est impossible). On n' sét ni fé dès fîgues avu du brin d' tcha. Il èxisse ène soûrte dè fîgues qu'on apèle « couye du Pâpe » ; on d'in fét d'èl confitur'.

figuètes, à, sauter à l'aide d'une perche. Lès gamins ont passé 'l Ry à figuètes.

filâdje, n.m., filage. Èl filâdje d'èl lin.ne, asteûr, ça s' fét dins dès usines.

fil à picot, à ronches, fil barbelé. In 1909, l'usine De Bruycker, rûwe dèl Blanchisserie à Molenbeek dizoût fabriki des Ronces Artificielles et des Grillages Galvanisés.

file, n.f., file. Lès djins fèzine èl file pou rintrer dins l' èglîje.

filé, n.m., 1. fil : ène istwêre keûduwe dè blanc/gris filé. Quand dji pârle, i n' faut ni coûper 'm filé. 2. fil d'araignée qui vole dans l'air : du filé d'Avièrge. 3. filet lingual : on coupe èl filé dès mièrlaus pou qu' is tchante mèyeu. Rv. Pus fin qu' ça, c'est du filé ! On stind tant in filé, qu' i skète. 4. n.m, moment de répit. Ni moyi d'èl bate au filé : il a toujours le dernier mot, une dernière répartie.

filer, 1. filer : èl kinkè file (la mèche charbonne). 2. fermenter : èl pausse file, èl bière file. 3. croître trop vite : vo gamène, èle file. Èl poupli file.

filèt, n.m., filet, sac, sac à provisions. Lès fîyes qui font leûs Pâkes ont toudi in p'tit filèt.

filieu, filleul. Dj' ai deûs filieus.

filieûse, filleule. Èm' filieûse Bènèdicte dèmeure al Coumène.

filmeû, eûse, n.m.f., filmeur, euse. À lès mariâdjes, il avoût toudi dès filmeûs avu dès caméras dè 8 mm ou super 8.

filosomiye, n.f., français spotchi pour physio-nomie. Èm' feume n'avout ni 'l mémwêre dès filosomiyes.

filozèye, n.f., filoselle. Èm' pére, i mètoût tikfwè dès gants d'filozèye pou min.ner ès' Triumph dè 1947.

filtâdje, n.m., 1. filetage : èl filtâdje d'ène vis. 2. filet : si vos sèrez èl filet avu 'ne pinche, vo dalez l'abumer.

filtrâdje, n.m., filtrage. Pou 'l filtrâdje du vin, on tapoût du blanc d' yeu dins lès barikes, ça s'apèloût èl colâdje.

fin, e, adj., fin, e, très. Dès finès cindes, i n' faut ni lès skeûwer. Vos stez fin djoli avu vo nouvia capia. Èle est toute fine seûle. Dji sus fin binèje dè vos vîr dwéci. Èle est fine èscranse. Rv. Nos stons fins propes avu ça : nous voilà bien avancés avec ça !

Fin, èl, spo pour une personne rusée.

Fine dè Nane, spo.

finâl'mint, finalement. Finâl'mint, il a rèyussi à avwêr ès' diplôme.

financièr'mint, financièrement. Financièr'mint, lès djoûnes mariés sont toudi à strape.

findache, n.m., déchirure verticale, incision. In dalant dins lès buchons, dj'ai fét in findache à 'm marone.

findâdje, n.m., 1. fendage : pou 'l findâdje du bo, on prind in cugnè ou bi in mièrlin, ou bi lès deûs. 2. fente : ène cote, ène marone à findâdje.

finde, fendre. Finde du bo, ça done tchaud. I n' s'a ni findu (d'un avare). Rv. I faut qu' ça rintre ou bi qu'ça s'finde ! : de gré ou de force.

findeû, se, n.m.f., fendeur, fendeuse. Lès findeûs, is n' sont jamé cras à foûrce dè bouter.

findiyi, fendiller. Èl sètch bo est souvint tout findiyi.

findon, n.m., bois fendu pour fagots. Lès findons sont louyis inchène pou lès ramin.ner.

findrèsse, n.f., cochoir du tonnelier, fendoir de l'abatteur. Ène findrèsse à tonia, ça rchène à ène apiète yè ça sièrt à fét dès intayes dins lès clapes (douves). Ène findrèsse d'abateû, ça a in n-atchau (couperet) d' bouchi.

Fine, pour tous les prénoms se terminant en « phine ».

Fine Broke, Joséphine Haeseleer, épouse du Baron, spo.

finemint, finement. Jean-Claude astoût spécialisse pou djeûwer finemint au biyâr.

fini, finir. Si vos continuwez à satchi dinsi, ça va fini pa skèter. Li, c'est 'l minisse dès travaux finis (à un paresseux). Rv. Avez fini ?… mètez dès cindes dèssus ! (comme un chat recouvre sès crotes).

finichâdje, n.m., finissage. V. finissâdje.

finicheû, se, n.m.f., finisseur, euse. In bon finicheû, ça fét l'ouvrâdje pus bia.

finich'mint, n.m., finissement, achèvement. Èl dérni finich'mint, c'est quand on est moûrt.

finissâdje, n.m., finissage. Après 'l rabotâdje, on passe au finissâdje.

finot, e, adj., frêle, menu, e. Si èle nè mindje ni come i faut, èle va d'meûrer finote pou toudi. Finot come vos stez, tènez-vous à lès couches quand i fét du vint.

finte, n.f., fente. V. craye.

Firmin dè Djan Kinje, spo.

Firmin du Blanc Tintin, spo de Firmin Dal qui épousa Marie Fontaine, veuve de Casimir Panpan.

fis', n.m., fils, fiston, fieu.

fiscal'mint, fiscalement. Il est fiscal'mint in orde, i n'âra pon d' rûjes avu lès contribucions.

fis'lâdje, n.m., ficelage. Èl fis'lâdje dès rostis.

fis'ler, ficeler. On va fis'ler lès fagots dèvant d' lès mète sul browète.

fixâdje, n.m., fixage. Pou 'l fixâdje dès fotos, on lès mètoût dins in batch avu dè l'hyposulfite yè du bisulfite dè sodium.

fixèmint, fixement. Èle mè raguidoût t'aussi fixèmint què si dj'astoûs 'l bon Dieu.

fiyâbe, adj., fiable. Si vos acatez ène nieufe auto, acatez 'ne sakè d' fiyâbe.

fiye, n.f., fille. Ène djoliye fiye, c'est co bia à raguider. Daler vîr lès fiyes. Ène vîye djoûne fiye. Mon Dieu 'm fiye, què dites là ! Rv., :

- ène fiye unique : èle âra èl tchambe èyè 'l boutike !

- i n'a ni 'ne fiye si bi aprîje qui n' risse dè fé in faus pas !

- lès fiyes sont souvint facîles à alver mins maléjièles à marier !

- lès fiyes yè lès guèrzèlis sont maléjièles à survèyi !

- èl pére nourit 's fiye, èyè 's vizin 'l mariye !

- fiye yè gârçon, c'est 'l souwè d'in rwè !

- ène bèle djoûne fiye, c'esst' in fru qu' lès parints n' consèrve jamé lonmin !

- à lès bèlès fiyes yè à lès viyès lokes, on troufe toudi dès arokes (obstacles, défauts servant d'excuses) !

- dès fiyes qui n'ont ri, i d'âra co l'anéye qui vît !

Aussi : fîye, féye.

fiyème, n.f., bave, écume. Gamin, stièrdez vo fiyème, ça n'est ni prope.

fiyeû, fiyeule, V. filieu, se.

fiyeuye, n.f., feuille. Èle n'est ni pus spèsse qu' ène fiyeuye dè papi à cigarètes. Rv. Diriz bi lès fiyeuyes lès pus propes ? C'est lès ciènes dè ouche (houx) pask' on n' sét ni s' d'in sièrvi pou stièrde ès' cu ! Aussi : feuye et fieuye.

fiyi, fier. Ni moyi dè s' fiyi à li, i vos d' in stitche toudi dès lédes. Djè n' mè fiye què tout djusse à léye. Rv. :

- i n'a pus à s' fiyi à li qu'au cu d' in èfant qu'a l' èskite !

- djè n' mè fiye ni pus à li qu'au grand djâle !

- on n' pût s' fiyi à pièrsône, minme à swè-minme : on crwèt qu'on vèsse, yè on tchit dins 's marone !

fiyon, n.m.f, linot, e, (oiseau) : dès linots, i d' a dès vèrts yè dès gris. Vos stez ène vréye tièsse dè fiyon : toudi distrèt.

fiyot, te, n.m.f., gamin, ine. Bondjoû, 'm pètit fiyot, tout va bi ?

flache, n.f., flaque d'eau. Après qu'il a pieut, on vwèt dès flaches pa t'avau. Lès èfants ont branmin d' plèji à sauter dins lès flaches pou spliter les autes.

Flache, èl, lieu-dit constitué de flaches (étangs), situé en aval et à droite de l'écluse 5F. On daloût al flache pou pèchi dès brochèts.

flachi, 1. épancher : tènez vo saya bi drwèt, sinon, vos dalez flachi t'au long du tch'min ! V bèrdachi. 2. verser : quand i pieut yè qu'i fét du vint, lès froumints flache toudi.

flachi, flachéye, adj. et n.m., personne qui s'auto-flagelle, masochiste. Aussi pour une personne fatiguée, qui se laisse aller, sans ressort, dépressive. I dmeure toudi achîs su 's sèle, tou flachi.

flacon, n.m., gourde en fer blanc ou en alu. Dè l' ivièr,lès scolis mètine leus flacons su l'èstûve.

fladjolè, n.m., flageolet. Si vos mindjiz dès fladjolès, vos n' ârez pus dandji d' pèdaler su vo vélo !

flafla, n.m., luxe tapageur. C'est 'ne famiye dè pète-cus, is font toudi dès flaflas pou ri grand-choûse.

flamache, n.f., flammèche. Quand 'l grègne a brûlé, trwès djoûs après on viyoût co dès flamaches.

flambéje, n.f. framboise. V. frambwèje.

flambéji, framboisier. V. frambwéji.

flambéye, flaméye, n.f., flambée. In novimbe, on fét 'ne flaméye yè on mindje dès gayes avu du bon vin roudj'.

flamer, flamber. Ès' gamin li z-a flamé tous sès liârds.

flamin, flamind, je, flamand, e. In Flamind, ène Flamindje. Branmin dès cinsis d' Yite, c'est dès èfants d' Flaminds. Rv. :

- il a in visâdje come in cu d' Flamind : rougeaud !

- pârler flamind : incompréhensible !

- in bètche dè Flamind : bouton de fièvre, herpès labial !

- in ratchon d' Flamind : trou dans un sous-vêtement ou dans des bas/chaussettes.

- do, ré mi, fa, sol, la, si, ut, tous lès Flamins c'est dès flayut'

- lès Flaminds, c'est ni dès djins, is ont dès puces come dès lapins, is lès mèt'tè dins leû n' assiète yè lès crok'tè come dès nojètes !

Rv. Flamins dè gates ! Répl. Walon dès flates.

Note : en Wallonie, les flamands ont toujours eu la réputation d'être des travailleurs zélés, infatigables et entreprenants. Alors que la Wallonie tarde à se remettre de la perte de ses industries minières et sidérurgiques, la Flandre, très dynamique a largement pris son essor économique. Aujourd'hui, les Wallons peuvent ravaler les moqueries condescendantes dont ils abreuvaient précédemment leurs compatriotes du Nord.

Fauve : in Flamind va in France. Al douwane, on li dmande :

- Bèlje ?

- Nee, Vlaming !

- Ri à déclarer, chocolat ?

- Nee !

- Bière ?

- Nee !

- Tabac ?

- Nee !

- Dèvise ?

- Nee ! Ah, ja : « Schild en vriend ! ».

V. walon

flamindji, parler comme un flamand qui vient d'arriver en Wallonie, de façon incompréhensible. Arètez d' flamindji, dji n' comprinds ri à vo charabia.

flaminète, n.f., fleur de souci (couleur de flamme). Lès flaminètes, ça sint foûrt, foûrt drole.

flamoutche, n.m.f., flamand, e, terme légèrement péjoratif. Pârler flamoutche.

flam'ter, faire flamber, t. de cuisine. Dès voûtes flam'téyes au Grand Marinier, c'est fin bon. Note : Marnier est souvent spotchi en Marinier.

flanchi, flancher. Il a flanchi à deûs kilomètes dè l'arivéye.

flancréye, adj., pour une vache aux flancs creux. No vatche est flancréye. Aussi : flankéye.

flani, faner, se flétrir. I fét tél'mint sètch què les fleûrs sont toutes flaniyes.

flantchè, n.m., flanchet, t. de boucherie. Èl flanchet c'est 'l dèzou du vinte dès bieus.

flasse, adj., flasque. Èle avoût dès fèsses tout flasses, ça li fèzoût in cu d' barboteuse.

flatchi, V. flachi.

flate, n.f., bouse, flatte (belg.). Si vos mètez vo pîd dins 'ne flate, ça poûrte tchance. Rv. : c'est dèl fine fleûr dè flate : de la racaille. Il a in visâdje come in coup d' pougn' dins 'ne flate ! : pas beau.

flauwe, adj., mou, faible. Avu 's catâre, èle est toute flauwe. Ça n'est ni guéy' d'avwêr ène coumère qu'est toudi flauwe. V. flam. flauw.

flauwi, faiblir. Dj'ai 'm tièsse qui toûrne, yè djè flauwe, dji dwès m'assîr.

flaya, n.m., fléau pour battre le blé. Lès flayas, c'est du bo d' frane (frêne). Quand on bat au flaya, i faut bi tèni 's mantin (le manche). Rv. Au couminch'mint, c'est toudi bètchi-bètcha, après, c'est grougni-grougna, yè asteûr, c'est flayi-flaya !

flaye, n.f., femme grande et mal bâtie. Qué grande flaye !

flayeû, se, n.m., frappeur, euse. Al bale pèlote, on est contint d'avwêr in bon flayeû dins 's n' èkipe.

flayi, frapper avec violence. Au pus ç-qu'on flaye sul bale, au pus ç-qu'èle va lon. V. flaya.

Flayute, n.m.f., flahute, spo que l'on donne aux Flamands courageux et entêtés. C'est co in Flayute qu'a gangni èl Toûr dès Flandes.

flèchi, fléchir. Èl couche flèchit, tél'mint qu'il a dès puns d'su.

flèchis'mint, n.m., fléchissement. On vwèt 'l flèchis'mint du twèt télmint qu'il a d'èl nîve dèssu.

flègmatik'mint, flegmatiquement. I rèspond toudi flègmatik'mint à tout 'l monde.

flètri, flétrir. Fin avri, lès tchambouréyes sont toutes flètriyes.

fleûr, n.f., fleur. Dji sus al fleur dè l'âdje ! Waye, waye, préparone lès crisantinmes ? Coquelicot : fleûr d'orâdje Rv. C'est d'èl fine fleûr dè flate (pour la racaille). Ène fleûr dè tounwêre : sempervivum tectorum, joubarbe des toits. Si vos mètez ène fleûr dè tounwêre su vo twèt, l'orâdje èn' tchéra jamé su vo mézo !

fleûr du P'tit Jézu, n.f., myosotis. Dj' inme bi èl couleûr dès fleûrs du P'tit Jézu.

fleûrâdje, n.m. fleurage. Ène cote à fleûrâdje.

fleûrète, n.f., fleur de farine.

fleurtâdje, n.m. t. de sabotier qui grave des fleurs.

Fleûru, Fleurus, plais., Soviètebloem.

fliche-flache, onom., flic-flac. Lès gamins s'amuzine à fét fliche-flache in pèfiyant dans lès flaches.

flime, n.m., bave. V. fiyème.

flincheû, se, n.m.f., personne s'adonnant à l'amour. Quand on est djoûne, on est tèrtou 'ne miyète flincheû.

flinchi, fouetter, cingler. Asteur, on n' flinche pus sès bièsses.

flinchi, 1. flancher : c'esst' in fameû gayârd, i n' flinche jamé ! 2. faire l'amour : vaut mèyeû flinchi què d' daler al guêre.

flinke, n.f., frasque. I sondje pus à sès flinkes qu'à 's n-ouvrâdje.

Flipe, Philippe. Flipe astoût 'l pus djoûne dès gamins d' l'apotikére. V. Flupe.

flipe, n.m., fruit à double noyau. Ène cérîje dè caféyier, c'esst' in flipe.

Flipine, Philippine. V. Flupine.

flitche, n.m., petite quantité. I n'a pus 'ne flitche d'eûye dins 'm n' arozète (petit arrosoir). V. fèrlitche.

Flo, Florian.

Flochet, èl, lieu-dit situé rue de et vers Fauquez, à gauche après le carrefour avec la rue du Pérou.

flopéye, n.f., 1. couche de fond pour peinture ou vernis : èl tchârli a stindu ène flopéye dè couleûr sul nouvia tchâr d'èl Drugnôde. 2. grande quantité : au matin, il avoût ène flopéye dè lum'çons dins mès salâdes.

Florentine du Tutu, spo.

florète, n.f., 1. fleur sur la bière. 2. taie sur l'oeil : mon Dieu Jozète, vos avez ène florète à vo n-î ! (tache sur la cornée).

Flori, pour Floribert, Florimond.

flori, fleurir. C'esst' in avri qu' i faut daler au bo d' Hal pou vîr flori lès clés d' bo. Minme lès Japonès vène djusk'à là. Fin mars, lès tchambouréyes floriche au bo du Spluc à Nivèle.

Floribert dè Laliye d'èl Bèrluwe, spo.

florichâdje, n.m., floraison. Si n'djèle ni au florichâdje dès pumis, on âra dès puns à rlaye (en abondance).

florichant, e, adj., florissant, e. Lès p'tits comèrces èn' sont pus foûrt florichants, mins ça pût candji.

florich'mint, V. florichâdje.

flot, dans la locut. « à flot », en abondance. On a yeû dès fréjes à flot.

flotâdje, n.m, flottage. Quand i n'a pon d' tchèmin pou dèskinde lès ârbes abatus, on asproufe èl flotâdje si lès rivières sont lârdjes assez.

flotche, 1. adj., faible, flou, flexible. Dji sus trop flotche pou fosser. Èl baguète est trop flotche pou fé ène èstapète. V. fèbe, flauwe. 2. adj. pour une boisson légère, peu goûteuse : bière, café, flotche. Mot d'origine flamande. Proviendrait de « fluit », pour un verre en forme de flûte dans lequel était servie une bière à très faible pourcentage d'alcool (0,8°). Pour remédier à cet inconvénient, certains consommateurs com-mandaient « ein bier, ein schnaps » par dérision envers l'occupant allemand des première et seconde guerres mondiales (source Ivo Dreesen). On entend aussi pitche. Vo cafè, c'est du pitche. V. pitche.

flotche, 1. n.f., floche (belg.) gland à franges : èl gamin a atrapé èl floche au carousèl, il a gangni in toûr gratwit ! 2. erreur, faute : avu 'm flotche, on a sti doub' au whis' ! 3. morve : gamin, pèrdez in mouchwêr pou stièrde vo flotche ! 4. trèfle incarnat : dins lès trin.nèles il a dès roudj' flotches èyè dès blanchès flotches.

flotchète, 1. n.f, petite floche : dj'ai fét ène flotchète à 'm lacèt. 2. perce-neige, fleur de Saint Joseph : in fèvié, lès flotchètes floriche d'asto.

flotcheû, se, n.m.f., passementier, ère.

flotchi, fauter, commettre erreur. Faute qu'i flotchoût toudi, il a arèté d' djeûwer à cârtes.

flote, n.f., rondelle métallique ou de cuir servant de surépaisseur. Èl boulon astoût trop long, adon on li z-a mis trwès flotes.

flote, n.f., en papeterie, feutre de laine usagé. À Skimpont, on dèscoupoût lès viyès flotes al mèzur' dès tâbes dès mézos, yè on rpolichoût d'su.

floteûr, n.m. boule de savon légère flottant sur l'eau. Lès èfants djeûwine avu dès floteûrs.

flot'mint, n.m., flottement. Quand 'l mayeûr a pârlé, il yeû in flot'mint dins 'l sale.

floutche, n.f., erreur, maladresse. Il a deûs gauches mains, i n'arète ni d' fé dès floutches. V. flotche.

floutche, n.f., petit excrément liquide. In vèssant, il a lachi 'ne floutche dins s' n-èscan'son.

floutcheû, se, n.m.f., maladroit, e. Il est trop floutcheû pou fé oûrlodji. V. flotcheû.

floutchi, fauter, commettre des erreurs. V. flotchi.

floutchi, lâcher un petit excrément. À foûrce dè mindji dès prones, i n'arète ni d' floutchi dins 's marone.

flowâdje, n.m., curage. Normalemint, on fét 'l flowâdje dès ris tous lès ans.

flower, curer. Pou flower, i faut mète dès grandès botes.

flower, flouer. I faut vos dèmèfiyi dès cis qu'ont 'ne doûce alin.ne, is vont bi seûr vos flower.

flowêre, n.f., ancien instrument en bois servant à curer les rus. Faloût yèsse à branmin pou bouter avu 'ne flowêre : dès omes pou 'l satchi, dès autes pou taper lès dèchèts dèwoûr du ry.

floweû, se, n.m.f., cureur, euse. I boutoût al Comune, yè tous lès ans i fèzoût 'l floweû.

flowi, V. flauwi.

flucsia, n.m., fuchsia. Lès flucsias, is sont roudj' avu leu tièsse qui raguid' in bas. Aussi flicsia.

Flupe, Philippe. Flupe d'èl Posse astoût 'l frére d'Alice (famille De Vogeleer); il avoût spoté Guy Lekime « Fifikinète à papate ». Ayu ç-qu'il a sti ké ça !?

Flupine, Philipine.

flute, zut !

flûter, boire avidement. Quand i fét tchaud, i vo flûte trwès gueuzes d'ène trake. Rv. On n' sét ni flûter yè tambouriner in minme temps.

flûteû, eûse, n.m.f., buveur, euse. C'esst' ène flûteûse dè pèrmission : èle bwèt co pus qu'ès' n-ome.

FlY-Tox, petit pulvérisateur à main. Donez mi 'l Fly-Tox, dji m' vas spiyi du D.D.T. su les moustikes, lès mouches yè lès mouchètes.

Fauve : parèt qu' on a d'djà vu in Belje qui stoût avu in Fly-Tox au boûrd dèl Seine à Paris. In agent li dmande :

- Yè adon, kè faites dwé-ci avu vo Fly-Tox ?

- Bi, c'est pask' on m' a dit qu' dwé-ci il avoût 'ne contrèmasse dè bateaux-mouches !

foc, ne que. V. fon.

fôde, n.f., faulde (aire de). Ène fôde, c'est 'l place ayuskè lès djins fèzine dès mulias d' bo qu'on brûloût tout doûs'mint pa-d'zou in couvièrke dè têre ; èl bo qui n' brûloût ni, i toûrnoût à tchèrbon. In crayon d' fôde, ça sièrt pou lès cis qui dèssine.

fôdeû, se, n.m.f., personne qui fabriquait du charbon de bois. Lès faudeûs is stine toudi yoûrds come dès tchèrbonis…, évidamint !

foliye, n.f., folie, dans l'expression « yèsse in foliye » pour la chienne en chaleur.

fol'mint, follement. Èle n'a ni branmin d' tièsse, èle rit toudi fol'mint.

fon, fon qu', ne que. I n' a fon qu' li qui sét rèsponde à ça. On entend aussi « foc ». Rv. Vos pinsez qu'i n'a foc qu'à prinde yè à pûji !?

foncha, n.m., fondrière, petit fond. Quand i pieut, lès fonchas dèsboûrde d'eûye.

fonci, foncer. Avu 's vèlo, Christian Gervy a fonci su l' instituteûr Landercy qui daloût al jandarmèriye pou leu doner in rapoûrt sul djoûnèsse délinkante. Christian n' a ni soufèlé dins 'l balon, eûreûsmint, putète.

foncièr'mint, foncièrement. Il a mau l' ér, mins il est foncièr'mint djinti yè onète.

foncsionemint, n.m., fonctionnement. Dj'ai acaté in Mixoup yè i m' a falu deûs djoûs pou comprinde èl foncsionemint in lîjant èl moûde d'emplwè : d'aboûrd in inglè, in alman, in flamin, in èspagnol, in grec (n'ai ri compris), in italyin, in portuguès, in russe (dificîle), ukrényin, in kazak, in arâbe (faloût èrtoûrner 'l lîfe), in francès, brèf tout ça pou dîre qu'i faloût djusse mète èl prîje, aspouyi sul bouton yè n' ni mète ès' dwèt dins l' élice ! Pffff !

fond, e, adj., fond, profond, e. Tchieuss' !, èl Ry a du fond ! Rv. Èl fond c'est pou in gârçon (à l'adresse de la personne à qui l'on verse le fond de la bouteille) ! V. parfond.

fonde, fondre. Mindjiz râm'mint vo crinme à la glace dèvant qu'èle nè fonde.

fondeû, se, n.m.f., fondeur, euse. Dès fondeûs d' clokes, i n'd'a pus branmin in Bèljike, mins i d'a co !

fond'mint, n.m., fondement. Dj'ai dèskiré èl fond'mint d'èm' nieufe marone, bi seûr què d' vas avwêr dès complumints d'èm' mame.

fondréye, n.f., fondrière, chemin creux. Pou dèskinde d'èl tchapèle Sinte Bèrlinde djusk'à 'l rûwe Plantchète, ç-astoût pur' fondréyes.

fondriye, n.f., fonderie. Ayuskè ç-astoût Fabelta à Tubisse, on troufe ène fondriye d'art.

Fonse, Alphonse. Fonse Deguillaume astôut d'èl famiye dès Panpan. In n' aute Fonse astoût 'l frére du P'tit Louis Leclercq.

Fonse dè Fani, spo.

Fonsine, Alphonsine.

fonteuy', n.m., fauteuil. Qu'on est bi dins 's fonteuy' a sto d' l' èstûve ! Aussi et plutôt : fauteuy'

fontin.ne, n.f., 1. fontaine : à Vèznau, il avoût sacans fontin.nes : Pézîb', Sint Pière, Sint Djozef, Sint Djèrmain, Ayète, Jaco, Rabote, Rozéye, dès Moûrts. V. coulète. 2. abreuvoir, auget d'oiseau : èl pèrokèt Filipe, quand il a swè, i skeûwe ès' fontin.ne come in sot. 3. fontanelle : avu sès tch'feûs, on n' vwèt pus 's fontin.ne.

Fontin.ne, èl, lieu-dit à Virginal, à gauche de la rue Mon Plaisir vers le Bois des Nonnes, avant le carrefour avec la rue Laverland.

Fontin.ne Bouboule, Rue Haute à Ittre (disparue).

Fontin.ne Rokète : située à droite au début de la rue de et vers Virginal. Disparue depuis la construction de l'immeuble au coin avec la Rue Montoisy. V. Fèrière, cinse.

forâdje, n.m., forage, sondage. Dèvant d' bati 'l mézo, on a fét dès forâdjes pou vîr s'il avoût d' l'eûye pa-d'zou ; Maria Dèyi, i d'avoût tél'mint qu'on a fét in n-ètang.

foreû, n.m., foreur.

forière, n.f., tournière, tournaille, partie extrême du champ sur laquelle les tracteurs tournent. Dè forière à forière, il avoût bi 500 m.

formèl'mint, formellement. Dji vos 'l dis formèl'mint : djè n' dirai ni à vo n' intèr'mint, vos m'avez trop fé inmarvouyi t'au long d' vo vîye !

formidâblèmint, formidablement. Vos n' avez ni l'ér dè ça avu vo drole dè tièsse, mins vos stez
formidâblèmint intèlijant.

for'riye, n.f., forerie. I travaye al for'riye d' Emmenthal : c'est li qui fét lès traus dins lès fromâdjes.

fortifiyi, fortifier. Pou fortifiyi lès èfants, on leû d'noût dè l' wîle dè fwè d' morûwe ! Bêêêke !

fos'lète, n.f., fossette, partie inférieure de la nuque. Quand èle fé dès risètes, on vwèt sès fos'lètes.

fosse, n.f., 1. fosse : à lès Mourbètch', èl tchèmin esst' à fosses yè à bosses. Quand on vûde èl fosse à fichéye, tout 'l vilâdje d'in profite ! A no mézo, on vûde èl fosse d'ézance sul djârdin, dinsi on sét çou qu' on mindje ! 2. puits de mine : après 'l guêre, c'est branmin les italyens qui dèskindine al fosse.

fosser, bêcher profondément. Dèvant l'ivièr, on fosse volti 's djârdin.

fosseû, n.m., personne qui bêche profondé-ment la terre et la retourne sans la défaire. In fouyeû, c'est ni in fosseû : èl fouyeû, i fosse èyè i dèsfét 'l têre.

fosti, n.m., 1. fossoyeur : èl fosti intère lès moûrts in tchantant « ça n'est qu'in au rèvwêr, mès fréres… ! I s'roût bi paf dè lès vîr èrvènu li dîre bondjoû ! 2. mineur, houilleur : in 1956 à Marcinèle, in coûp d' grisou a fét 262 moûrts dins lès fostis : 136 Italyins, 95 Bèljes, èc' cétèra.

foswèyâdje, n.m., fossoyage.

foto, n.f., photo. Il a yeû 's foto dins 'l Pètit Tram. Rv. I vaut mèyeû vos avwêr in foto qu' in pinsion : pour un gourmand.

fou, 1. Rv. On n' plante ni lès fous, is crèche bi tout seûs ! Tous lès fous n' sont ni à Geel. Voir Geel.
2. extrémités d'une ligne tracée pour des jeux : lès fous.

Fou Zîré, èl, spo.

fouch'nâdje, tripotage,. I d'a co yeû yun d' fouchn'âdje au Parlèmint !

fouch'ner, tripoter, fouiller, fureter. Arètez d' fouch'ner dins mès afêres sivoplét.

foûch'neû, se, tripoteur, euse, fureteur, euse. Lès fouch'neûs sont passés, tout est cu-d'zeûr cu-d'zou dins 'm burau !

foûch'nins, débris, déchets sans valeur. On tape à lès mouchons lès fouch'nins du d'djuner.

Foucou, lieu-dit à Virginal : à droite au début de la montée de la rue Mon Plaisir au départ du canal. (Plan Popp).

foudrini, n.m., prunellier. V. nwêre èspène.

foudrwèyant, e, adj., foudroyant, e. Il a atrapé ène atake foudrwèyante, il est moûrt à pau près tout d'chûte.

foudrwèyi, foudroyer. Èl maseûr m'a foudrwèyi du rgârd paskè dj'avoûs pârlé à Colète Dumont.

Fou du Pâpe, lieu-dit.

Fou Ziré, èl, spo.

foufe, n.f., chiffon, vieil habit, effets personnels. Èrmètez vos foufes à place, hon !

fafiau, te, n.m.f., personne qui parle difficilement et de façon peu compréhensible.

foufiyi, V. fafiyi.

FoufnY-lès-Bèrdouyes, pour un village imaginaire ou perdu dans les matitis.

foûgnâdje, n.m., fouillement ou travail effectué avec une machine fouilleuse. Lès foûgnâdjes dès singlés, ça fét dès traus dins lès pachis yè dins lès tchamps.

foûgnaut, e, n.m.f., 1. fouilleur, euse : no pourcha c'esst' in foûgnaut d' tous lès djâles. 2. machine fouilleuse : lès cinsis boute tikfwè avu in foûgnaut. 3. fer triangulaire du binoir : èl fougnaut du bin'wè a sti parfond.

foûgneû, se, n.m.f., 1. fureteur, euse : èm' tchi, c'esst' in foûgneû, i nache (fouille) toudis dins mès afêres. 2. gâcheur, se : Avu in n' ouvri foûgneû dinsi, ni possib' dè fé du bèl ouvrâdje.

fougueus'mint, fougueusement. Èle mè counichoût dè deûs minutes qu'èle mè rimbrassoût d'djà fougueus'mint ; dj'ai d'mandé pardon (imploré d'arrêter), dji daloûs stoufi ! On n' a ni l' idéye dè cakèyi lès amidales dès autes dinsi, hon !

fouke, n.f., fougue, lubie. Ké fouke qui li z-a pris à 'm n-ome ?

four', n.m., four, vagin. Èl four' du boulindji Brancart rèstchaufoût tout 'l boutike. Rv.

- èl ci qu'a sté dins 'l four' sét coumint ç-qu'on fét dès orèyes dè bèguine !

- à 'm n' âdje, dji n' sus pus bon qu'à tchaufer 'l four' !

- èle va fé danser 's sieûr sul cu du four' (d'une cadette qui se marie avant sa soeur plus âgée) !

- djè n' dîrai ni cûre à vo four' (je ne dépends pas de vous) !

- c'est ni pour vous qu' èl four' tchaufe !

- yun tchaufe èl four' yè l'aute infourne !

- çu qui n' va ni au four' n'est jamé cût !

foûrâdje, n.m., fourrage. In ivièr, dji done du foûrâdje à mindji à mès baudèts. Rv. Il est trop bièsse pou mindji du fourâdje (il est très, très bête) !

fouradji, fourrager, ravager. Lès singlés ont tout fouradji 'm pèlouse, binde dè vauris !

foûrau, n.m., robe. Pou daler à lès bals, èle mètoût ès' bia foûrau à dintèles.

fourboûr, bouillir excessivement. Cafè fourboulu, cafè foutu !

fourbouti, n.m., métayer. Rv. Dins 'l timps, lès fourboutis daline à Notrè-Dame au Bo, à Brin.ne-Chatau, priyi pou leûs bièsses.

foûrçâdje, n.m., forçage, viol. On a pîèrdu 'l clé, adon, on a passé au foûrçâdje d'èl sèrur'.

foûrce, n.f., 1. force : il a d'èl foûrce come in tch'fau. À foûrce dè li dire, dji sus scrans. Il est dju d' foûrce. 2. étançonnement d'un mur au moyen d'un bloc : ène djambe dè foûrce. Rv. Èl foûrce dès îs yè dès sourires, c'est d' pouvwêr pârler sins ri dîre.

foûrcémint, forcément. I mèzur' trinte cintimètes dè pus qu' mi, forcémint, i va coud' dès pus bias puns qu' mi, èno !

foûrcer, forcer. V. foûrci

foûrceû, n.m., forceur, violeur. Lès foûrceûs d' gamine, i fauroût lès dèscouy'ter dirèk.

foûrci, forcer. Lès voleûrs ont foûrci l'uch. Il a sté foûrci dè s'incouri. Lès saudârds avancine à marche foûrcéye.

fourdène, n.f., fruit du prunellier. Quand vos mindjiz ène foûrdène, tous vos bouyas èrmonte à vo goyi tél'mint qu' c'est sûr à sûr ! Lès foûrdènes poûsse su lès nwêres èspènes.

fourdèni, n.m., prunellier. Aussi : foudrini, nwêre èspène.

foûrdjâje, n.m., forgeage. Pou 'l fourdjâje dès fièrs dès sclites, on daloût au marchau.

foûrdje, n.f., forge. Èl marchau Vanderlinden avoût 's foûrdje à Vèznau.

foûrdjeû, se, personne qui forge. In bon foûrdjeû, i djeûwe avu 's martia su l'èglime.

foûrdji, forger. Ène griye foûrdjéye, c'est du bia ouvrâdje.

foûrdoner, mal donner les cartes. Il est tél'mint distrèt qu' i foûrdone in coû su deûs.

foûrdoneû, se, n.m.f., personne qui donne mal les cartes. Djeûwer avu dès foûrdoneûs, c'esst' à brére : i faut toudi èrcouminchi à machi.

fourguigni, reluquer avec insistance. I s'achit sul banc yè i fourguigne toutes lès coumères qui passe.

fourme, 1. n.f., forme. Lès coûrdanis mètine lès solés su foûrme. Mète ès' vinte su foûrme (se gaver). Lès coureûs sonsst' in foûrme. 2. gîte du lièvre : èl lièfe est dins 's foûrme, i doûrt. 3. stalle : lès foûrmes d' èl coléjiale ont pèri in 1940. 4. banc d'église sur lequel les fidèles peuvent s'asseoir sans payer : lès poûves daline à mèsse su lès foûrmes.

fourmiche, n.f., fourmi. Voir frumûje.

fourmiyi, fourmiller. Dj'ai lès djambes qui fourmiye, dji vas daler pourmèner au long du canâl. Aussi : frumuji.

fourmiy'mint, n.m., fourmillement. Su 'm vélo, quand dji roûle su lès pavéyes, dj'ai dès fourmiy'mints dins mès bras.

fourmouyi, mettre trop d'eau dans le mortier, la pâte, le plâtre, etc. Si vos fourmouyiz 'l cimint, i va falwêr lonmint pou qu' ça sètche.

fourmwèse, n.f. pelle de four à pain. Èl manse d'èl fourmwèse dwèt yèsse long assez pou daler parfond dins 'l four'. V. fournéle.

fournachi, fournaki, fouiller, s'immiscer. Ké curieûse, èle fournache toudi dins mès afêres !

fournéle, n.f. pelle de boulanger. V. fourmwèse.

fournése, n.f., fournaise, foyer de la forge. Quand 'l marchau satchoût lès fièrs d'èl fournése, is stine tout roudj'

fourni, n.m., fournil. Dins lès cinses, on n' mètout ni 'l fourni trop près d'èl grègne, peu d' mète èl feu. Lès târtes sont d'djà dins 'l fourni, prèsses à mète dins 'l four'.

fourni, fournir. C'est 'l boulindji qui fournit lès couyes dè Suisse à l'ospice.

fournia, n.m., fourneau, foyer. Èl fournia d' l'èstûve est branmin trop tchaud, i d'vit tout roudj'.

fournikeû, eûse, n.m.f., personne qui a des relations sexuelles avec un partenaire qui ne lui est lié d'aucune façon. Si tous lès fornikeûs dirine in infièr, d' sés ni s' il âra dèl place assez !

fourniki, forniquer. Fourniki, on n' pût ni, mins…c'est pou ça qu' c'est co mèyeû, putète !

fournimint, n.m., fourniment. Èl fournimint d'in saudârd, ça pèsse sacans kilos.

fournouri, gaver, suralimenter, faire bonne chère. Pou fé du cras fwè, i faut fournouri lès z-wès pindant ène douzin.ne dè djoûs.

fournwèse, n.f. fournaise. V. fourmwèse.

foûrt, e, adj., forte. Il est foûrt come in tchin.ne, mins aticion à li si 'l vint soufèle. Ès' coumère-là, dji 'l vwès foûrt volti. Rv. Yèsse foûrt à foûrt, (de force égale). Il est foûrt ? Répl., Waye, foûrt léd ! C'est ni toudi lès pus grands lès pus foûrts !

fourtchâdje, n.m., action de fourcher. Pou fé l'awouss', on mètoût lès djoûnes au fourtchâdje.

fourtche, n.f., fourche. On boute avu dès fourtches à deûs ou trwès dints. Lès agaces font leû nid al fourtche dè l'ârbe. Èl djâle tijène lès dan.nés avu 's fourtche. Prinde èl fourtche (jeter la boule entre les quilles de l'avant). Èl fourtche du tchâr (pièce en forme de fourche sur laquelle la barre de frein est fixée).

fourtchète, n.f., fourchette. Si 'ne saki a dès grifes à 's visâdje, c'est qu'i n'est ni abituwé à mindji avu 'ne fourtchète.

Fourtchète, èl, lieu-dit situé sur la route de Ittre à Virginal. Devrait son nom au restaurant qui s' y trouvait, à l'enseigne « La Fourchette » ou à la forme du carrefour avec la rue de Tubize.. Un des exploitants fut Jean-Baptiste André.

fourtchètéye, n.f., fourchetée. Donez mi ène fourtchètéye dè carotes, mèrci !

fourtcheû, se, n.m.f., fourcheur, euse. Lès fourtcheûs ont yeû tchaud à leu coyène.

fourtchéye, n.f., fourchée. Quand lès vatches sonsst' au staule, on leû done 4 fourtchéyes dè fourâdje au coû.

fourtchi, fourcher. Dj'ai tchapné (pincé) 'l grafe (greffe) pou 'l fé fourtchi. Èm' langue fourtche quand dji mins. Èl grain est fourtchi. Lès djârbes sont fourtchéyes.

fourtchu, we, adj., fourchu, e. Èl tièsse dè l'ârbe est fourtchuwe, faura coûper yone dès deûs couches.

fourte !, foutre !, merde !, va au diable, fourt(e) (belg.) ! Rv. C'esst' à lès soûlants come vous qu'on dit « fourte » ! Dji n' sés ni fourte ni mèrte, j'hésite. V. néerl. « foert » !

foûrtèmint, fortement. Dji vos consèye foûrtèmint dè voter pour mi à lès prochin.nes élècsions.

foûrtifiyi, fortifier. Il esst' à la mer pou s' foûrtifiyi ène miyète.

fo(û)rtune, n.f., fortune. C'esst' in as, il a fét fortune in vindant dès tulipes à lès Olandès !

fourvwèyi, fourvoyer. I s'a fourvwèyi in acatant dès acsions Eurotunnel.

fout'bal, n.m., football.

Fauve : dins ène èscole dè Lîdje, èl mésse dèmande qui ç'qui supoûrte èl Standârd. Tous lès gamins èrlèfe leûs mains, sauf Kèvin ! Èl mésse li dmande :

- Yè adon, Kèvin, vos n'astez ni amateûr dè fout'bal ?

- Si fét, dji sûs supoûrtère dè Chârlèrwè !

- A kè manke ?

- Hè bè, mès parints sont nés natifs dè Couillet Queuye yè is ont toudi stis supoûrtère dès Zébes !

- Ah bon, yè vous, vos faites toudi come vos parints !? Si vo pére sroût bièsse à bèsse yè va mame sul doux, què frîz adon ?

- Hè bi, adon…, bi seûr supoûrtère du Standard !

fout'baleû, se, foutbalisse, n.m.f., footballeur, euse. Si vos èfants sont fout'baleûs, acatez ène bone machine à buwéye.

foute, 1. flanquer, Foutez 's djin-là à l'uch ! Foute èvoye (jeter). 2. se moquer. Ès' foute dè djins, c'est ni pou rîre ! In Djan-foute (pleutre, négligent). Rv. I s' fout austant d' ça qu'in pourcha d'in bètche ! Quand l'èfant est batiji, on s' fout du pârin ! 3. se ficher, se foutre. Kè foutèye-t-i achmé dinsi ? Foute èl camp. I n'a ni foute ni mèrte (c'est peine perdue). I n' d'a ri à foute : ni pa pad'vant, ni pa padière.

fouteû, eûse, n.m.f., 1. un moqueur : in fouteû d' djins. 2. faiseur d'embarras : in fouteû d'imbaras. 3. raconteur de gaudrioles : in fouteû d' pèsses. 4. un branleur : in fouteû d' touches/drines. 5. un embrouilleur : in fouteû d' brin.

foutu, uwe, part., passé de foutre. I m'a foutu in coûp d' pîd. In mau-foutu, (mal habillé, mal proportionné), ène foutuwe bièsse (un con ou un comique), Is n' sont ni foutus d' lèyi ni djins ni bièsses trankéyes (des emmerdeurs). Rv. Èl ci qu'est foutu 'l dèmeûre ! Répl. Èyè 'l ci qu'est scapé, i s'inkieûrt.

fouwant, V. fouyon.

fouya, n.m., branche garnie de feuilles. Lès gamins ont sti ké dès fouyas pou fè ène pètite mézo.

fouyâdje, n.m., bêchage. In fouyâdje dè printemps. V. fossâdje.

fouyeû, se, personne qui bêche. Lès bons fouyeûs font lès bias djârdins.

fouyi, bêcher. Pou bi fouyi, i faut ène bone èscoupe…, yè in bon dos. Fouyi stampé, on n'a jamé vu ça. V. foncer, fosser.

fouyon, n.m., taupe. Lès fouyons ont co fé 'ne masse dès rukes dins 'm pèlouse. Il a tél'mint peû qu'i s' much'roût bi dins in trô d' fouyon ! Il est vwèye tinde à fouyons : on l'a enterré. Rv. Dj'ai in fouyon à 'm cu : la crotte au cul. Aussi fouwant.

Fauve :

- Jules coumint faites pou yèsse kite dès fouyons ?

- Bî, dji lès atrape, yè après dji lès intère vivantes !

fouy'tâdje, n.m., bêchage léger. In fouy'tâdje, c'est djusse pou rsaki lès p'tits criyaus. V. fouyâdje.

fouy'ter, bêcher légèrement. Il a fouy'té ène miyète pou èrsèmer sès carotes.

fouy'teû, se, personne qui fouy'tèye. Li, i fosse, èyè léye, èle fouy'tèye.

fôvèle, n.f., liseron. Lès fôvèles, c'est foûrt volontère, ni facîle dè d'in yèsse kite (V. vôvèle).

fowène, n.f., faîne. Lès fowènes c'est dès s' mince dè foya : on pût d'in mindji, mins ni d' trop sinon vos ârez dès maus d' vinte yè dès invîyes dè vômi ! Aussi fawine.

fowine, n.f., fouine. Sacantès autos ont dès câbes élèktrikes qui sinte èl pèchon : ça fét vnu lès fowines qui lès mindje. Yè adon, pus moyi dè démarer, bondjoû lès dègâts !

foya, n.m., hêtre, fayard, foyard. Lès foyas, n' ont ni branmin d' racènes ; is sont râde al têre pau foûrt vint. Lat. Fagus.

Foya, Gaston, spo.

fracas'mint, n.m., fracassement. In 1955, quand 'l twèt d' l' anciyène bras'riye Dehaspe a passé woute, on a intindu in fracas'mint dè tous lès djâles. JP Cayphas a tout rbati in 1980 pou d'in fé in muzéye.

fracsion'mint, n.m. fractionnement. Quand vo s'rez moûrt, vos éritiés dèvront bi seûr fé in fracsion'mint d' vos bis.

frake, n.m., frac. Mète in bia frake à 's dos pou daler al fièsse. Il a volé su 's frake, (il est tombé).

frambwèse, n.f., framboise. D'èl confitur' dè frambwèses, c'est 'l mèyeûse.

franbatant, franchement, d'une façon décidée. Il a rintré franbatant dins 'l mézo, sins minme buski à l'uch !

franc, n.m., franc. Unité monétaire de Belgique avant l'euro. In franc, ça valoût 10 gros sous, 20 mastokes, 50 cènes, 100 djigots. Ou bi 0,02 euro.

- 1 sou = 5 centimes

- 1 gros sou = 10 centimes

- 1 mastoke = 5 centimes

- 1 cène = 2 centimes

- 1 djigot = 1 centime

franc, che, adj., hardi, e, effronté, e. Èle vo raguid' sins jamé bachi sès îs, come ène franche garce.

france, n.m., lupin. Dès frances, ça mèt dès couleûrs dins vo djârdin. Dèsbautchi qu' on coudoût sès frances, Ansèlme avoût mis du goudron su leûs tîjes ; i d'a sacans qu' ont yeû leûs dwèts tout imbèrnés.

Francès, èsse, françès, èsse, adj., et n.m.f., Français, français(e). Parler francès come ène vatche èspagnole.

Dji m' ai marié avu 'ne Francèsseuu,

Dj'ai vu 's dèrière, dj'ai vu sès fèsseuus,

Èle a dit qu' dj'avoûs tout vu,

Èle avoût dès pwèy' à 's cu !

franchi, franchir. Armand n' douvroût ni 'l baye, i l' franchissoût in sautant au-d'zeûr. Après, on l' a spoté Anibal pask'i n'avoût ni sauté waut assez !

franchipane, n.f. frangipane. Pou doner du goût à lès franchipanes, on met dès amandes piléyes dins 'l pausse

franch'mint, franchement. Non mins, hé, franch'mint, Frèdy, on mèt lès pîds sul tâbe à vo mézo ? Non fét, seûlemint su lès tablètes !

François du Roussli, spo.

franc-tigneû, n.m., audacieux. André, c'esst'in franc-tigneû, i n' a peû d' ri, sauf d' ès' feume !

frane, n.m., frêne. Èl bo d' frane, ça sièrt pou lès manses d'ostis, lès èskiyèyes, lès èscayés, yè lès rakètes dè tènis'. (Donnay à Couvin d'in fabricoût 2.000.000 tous lès ans. L'usine a bouté dè 1910 à 1993). Rv. Quand 'l frane boute, l'iviêr est woute : quand le frêne bourgeonne, l'hiver est terminé.

Franswè, se, François, e

frape, n.f., petite portion, brin. Nos avons tout dèspinsé, no n'avons pus 'ne frape. Dénuement : is ont fét fayite, is n'ont pus ni fripe ni frape.

fratèrnèl'mint, fraternellement. Dji vos 'l dit fratèrnèl'mint : dji vos vwès volti maugré qu' vos n'arètez ni dè m' fé inmarvoyi.

fraudeû, se, n.m.f., fraudeur, euse. Al frontière francèse, lès fraudeûs ramènine du vin, du cognac, du champagne, qu'is rvindine in Bèljike.

frauduleûs'mint, frauduleusement. Su lès travaus, sacans voleûrs ont frauduleûs'mint ramin.nè du cwîfe.

Fraune, Frasnes.

Fraziye, Euphrasie.

frécamint, fréquemment. I faut frécamint rlaver sès pîds ; sès orèyes ètou !

frécantâdje, n.m., action de courtiser. Li, i couminche dès frécantadjes, mins après i rcule toudi. Rv. Frécantâdje n'est ni mariâdje !

frécanter, courtiser. Quand vos couminchiz à frécanter, i faut toudi fé bèle-bèle avu lès parints d' l'aute. Frécanter à grands coûs : faire une cour assidue.

frécanteû, se, n.m.f., personne qui courtise. Lès frécanteûs, is sont toudi su in p'tit nuwâdje.

frèchau, n.m., marais, marécage, terrain très humide. Si vos d'vez daler dins lès frèchaus, wétiz d' bi tèni vos botes.

frèche, adj., 1. frais, fraîche : dè l'eûye frèche. Rv. Yèsse frèche come èl satch d'in martchand d' moules. 2. nouveau : mètez-mi du frèche (café juste passé). 3. mouillé, humide : i fét frèche dins lès pachis. Yèsse frèche dè tchaud. Rv. Yè adon, ça va lès amoûrs ? Répl., Bi waye, èle est co toute frèche. 4. original : c'esst' in frèche èm' n-ome ! 5. état fâcheux : yèsse frèche. Nos stons frèches avu ça : nous voilà bien avancés.

frècheûr, n.f., 1. fraîcheur. C'est souvint au nût' qu'èl frècheûr tchét. 2. humidité : èl mur' est plin d'frècheûr, c'est ni bon.

frèchi, mouiller, fraîchir. Il a frèchi sès lokes in pourmènant pal pieufe.

frèch'mint, fraîchement. Il a sti frèch'mint rçu pa 's famiye.

Frèd, Alfred. Rv. Frèd fronche ès' cu pou fé 'ne barète.

Frèd du Canari, spo de Alfred Sohier, parâtre (beau-père) de Freddy-Willy Van Hemelen, lui-même père de Freddy-Daniel Van Hemelen (alez fé dèl soupe avu tout ça !). Alfred fut boucher à Fauquez et aussi gérant de la cantine (démolie lors de l'élargissement du canal entre 1960 et 1968) de la verrerie. Frèd du Canari se mettait à siffler lorsqu'un enfant appuyait sur son ventre.

Frèd du Pîre, spo.

frédjan, pinson qui émet cette onom. V. pinchon.

fréje, n.f., fraise. Lès fréjes dè Yite, c'est lès mèyeûses. Il a in nez come ène fréje. Ène fréje, c'esst' in osti d' toupiyeû ou bi d' dintisse. Rv.

- Al Sint Djan (24 juin), lès fréjes coudant, al Sint Pière (9 juil.) mès fréjes al têre.

- Al Pint'coute, il a dès fréjes à coud', au Vénéré (Trinité), i d'a tout grimé (dru), au Vènèrâbe (St Sacrement), èles sonsst' au diâbe !

- Pou in pourcha, austant 'ne mèrde qu'ène fréje.

Fauve : in Bruslère passe à Yite yè va acater dès fréjes al cabane dè Fèrdinand :

- Tchieuu !, qu' i dit l'ome : coumint faites pou avwêr dès si bèlès fréjes ? (c'est 'l pur' vérité !), qu'est-cè què vos mètez d' su, hon ?

- Du fi, ri qu' ène miyète dè fi !, qu' i rèspond èl vindeû.

- Ah bon, nous autes, à Brusèle, nos mètons ri qu' du suke !

fréji, n.m., fraisier. Avu leûs trin.nârds, (stolons) lès fréjis poûsse come dès dints d' tchi.

frélukète, coquette, V. fèrlukèt.

frèmi, frémir. Dj'ai frèmi in raguidant l' èfant qui tchèyoût d' l'ârbe.

frèmich'mint, n.m., frémissement. Il a yeû in frèmich'mint dins l'assimbléye quand 'l mayeûr a dit qu' i dèmissionoût.

Frénoy, èl, ferme du Fresnoy, prendre à gauche, chemin perpendiculaire au carrefour de la rue du et vers Le Croiseau avec la rue du Pou.

frére, n.m., frère. Èm' mèyeû coumarâde, c'est come in frére pour mi.

Fauve : Abel rinconte ès' frére :

- coumint qu' ça va Caïn ?

- Caha, da… !

Frérots, lès, spo dès frères Abel et Arille Delferrier qui s'interpellaient mutuellement « frérot ».

frés, n.m. pl., frais (d'ordre financier). Waye, si dji n' vos mèts ni à trop d' frés ? (oui, si ça ne vous coûte pas trop cher) : plaisamment à un hôte qui propose de resservir à boire ou à manger.

fréte, n.f., dans un talus, accès aménagé de biais pour entrer dans un champ. V. latin fractus. I faut qu'èl fréte fuche lârdje assez pou passer avu 'l mwèsoneûse.

frèyeûr, n.f., frayeur. Dj'ai yeû 'ne frèyeûr dè djâle in viyant l'acsidint ariver.

frézâdje, n.m., fraisage. On fét in frézâdje dins 'l plantche pou muchi 'l tièsse d'èl vis.

frézeû, se, n.m.f., personne qui fraise. In frézeû dwèt toudi prinde èl bone mèzur'.

frézeûse, n.f., machine à fraiser.

fricasse, n.f., dans « fé fricasse », faire bonne chère.

fricasser, fristouiller. Fricasser dès tchampiyons avu dès yeus.

fricasseû, n.m., fricasseur. Lès fricasseûs, i mindje dès yeus avu du lard, du djambon yè d'èl saucisse. In lîjant ça, tout 'l monde glète.

frich'touye, V. fristouye.

fricoter, courir la gent féminine, draguer, flirter. Li, i fricot'roût minme avu 'ne gate qu'a du Ricil !

frich'touyi, V. fristouyi.

fricoteû, coureur de femmes. Dès fricoteûs i d'a toudi yeû.

Frida Oumpapa, spo.

frigorifyi, frigorifier. Dji m'ai frigorifyi in dalant pourmèner pau vint d' bîje.

frîjâdje, n.m., frisage. D'aucuns ont in frîjâdje dè leûs tch'feûs quand i fét frèche.

frîje, n.m., frise. Au d'zeûr du mur' on a fét 'ne frîje in plâte.

frijète, n.f., frisette. Èle gamine a bèl ér avu sès frijètes.

frîji, friser. Dj'ai acaté in fièr pou frîji lès tch'feûs. Rv. Vos tch'feûs sont frîjis come dès keûyes dè pourcha.

frîjur', n.f., frisure. Èl vint fèzoût dès frijur' sul canâl.

frinchi, fringuer, faire l'élégant, gambader. Raguid'-èl frinchi 's cu pou fé 'l pawon. V. fronchi.

frinje, n.f., frange. Wétiz d' fé ène frinje bi drwète, hin, Henri !

frinke, n.f., frasque. Quand i couminche sès frinkes, pu moyi d'èl calmer, ké brake !

frin.nâdje. n.m., freinage. Pou 'l frin.nâdje du tram, il avoût deûs sistinmes : yun à l'ér comprimé, l'aute avu ène grande manivèle à tchin.ne.

frin.neû, se, n.m.f., freineur, euse. Ni moyi d'intèrprinde ène sakè avu li, c'esst'in frin.neû d' tous lès djâles !

fripi, n.m., fripier. Il a sti au fripi pou wéti d' acater in paltot d' rinconte (d'occasion).

frisse, adj., frais, frisquet. I fèzoût frisse au matin, il avout minme dès djèléyes à sacans places.

fristouye, n.f., fricassée. Ène bone fristouye avu du lârd dès yeus, dès ougnons : avu ça vo stez fèl pou in djoû.

fristouyi, fricasser, fristouiller (belg.). Tous lès swêrs, i s' fristouye ène sakè à mindji, yè ça sint bon dins tout 'l mézo.

fritche, n.m., pinson qui n'achève pas son chant.

fritur', fritûre, friterie, baraque à frites, fritkot (belg.). Êle est tchaude come ène barake à frites. L'apparition des premières fritures ambulantes daterait 1830, celle des premiers fritkots date de 1870 à proximité des gares.

frîzé, ye, adj., et n.m.f., bouclé, e, frisé, e, crollé, e. Dins lès pâkis, ç-astoût 'l moûde dè vîr dès frizés : avu ça is rchènine à dès fiyes. In 1940, les Frizés, ç-astoût lès Fridolins.

frochi, V. frouchi.

froch'mint, n.m., froissement. Èle avoût 'ne cote dè swè, ça fèzoût ène masse dè froch'mints.

frochur', n.f., V. frouchur'.

frol'mint, n.m., frôlement. In ibou qui vole, vos n'intindez ri, ni minme in p'tit frol'mint ! Ri !

fromâdje, n.m., fromage. Lès Vanvarembergh astine dès fabricants d' fromâdje, al rue aux Cayaus, lé 'l Moulin Fèrière. Rv. Promète pus d' bûre què d' froumâdje. Aussi froûmâdje.

fromint, n.m., froment. D'èl guêre, in satch dè froumint, ça coustoût branmin tchèr. Du fromint d'ivièr, on l' sème in sètimbe. Fromint du djâle : ivraie. Aussi froumint.

fronche, n.f., fronce. Ène cote à fronches, i li faut pus d' tissu qu'ène aute.

fronchi, 1. froncer : i fronche sès sourcis pou fé peû lès èfants. 2. fringuer, sautiller, se dandiner : èle fronche du cu come in vèrau qu'a 'l gale. Frèd, i fronche ès' cu pou fé 'ne barète.

fronch'mint, n.m., froncement. Quand i fét in fronch'mint avu 's front, c'est qu' i va vos rèsponde dè trèviè.

fronci, froncer. Froncer 's front, sès sourcis.

frotâdje, n.m., frottage. Quand on dèstind trinte sègondes les lampes du bal, lès frotâdjes dè boudine couminche.

froteû, se, n.m.f., frotteur. À scole, lès froteûs d' manse avine toudi dès pus bias pwins qu' lès autes !

froteûr, n.m. frotteur, euse (belg.). Bloc de bois muni d'un feutre sur une face et servant à effacer les marques à la craie sur les tableaux. Èl mésse astoût tél'mint in colère qu'il a invouyi 'l froteur sul tièsse du ci qui riyoût d' li.

frot'mint, n.m., frottement. On intind in frot'mint quand vos frin.nez.

frotwè(r), frottoir (outil de sabotier). Lès chabotis avine dandji d'in frotwèr pou doner ène bèle fourme à leûs chabots. In frotwè, ç-astoût janre à 'ne pètite èscoupe à main avu 'ne pia d' rèkin d'su pou poncer 'l bo.

froû, adj., masc., froid. I va fé froû d'min. I fét nwêr froû : très froid. V. frwèd.

frouchâdje, n.m., froissement. Tant qu'èle ravançoût, on intindoût 'l frouchâdje d'ès' cote.

frouchi, froisser, meurtrir, taler. Alez doûs'mint pou vudi vos puns, sinon, vo dalez lès frouchi. Rv. Ç 'esst' in cu d' plomb, i n' pût mau d'ès' frouchi.

frouchur', n.f., froissure, froissement. V. frochur'. Quand il a soûrti du fauteuy', ès' marone astoût toute à frouchur'.

froûmâdje, fromage. V. fromâdje.

froumint, n.m., froment. V. fromint.

frouye, n.f., frai. Lès pèchons s' muche dins lès rojas pou punre leû frouye.

frouyi, frayer (pour les poissons). Tant qu' lès pèchons frouye, ça n' bètche ni.

froyon, n.m., échauffaison, transpiration localisée au périnée. Quand i fét tchaud yè qu'on boute à rlaye, on atrape souvint 'l froyon. V. cras-cu.

frû, n.m., fruit. I parèt qu'i faut mindji chinke frûs tous lès djoûs. Dj'ai asprouvé, mins al trwèzième pastèke, dji stoûs apowé.

fructifiyi, fructifier. In bon pére dè famiye, i dwèt toudi sondji à fé fructifiyi 's patrimwène.

fructuweûs'mint, fructueusement.

frumer, fermer. Frumez l' uch, sivoplét, ça satche à moûrt (ça tire, il y a un courant d'air), (belg.).

frumûje, n.f., fourmi. Lès frumûjes rinte dins 'l mézo pou cachi à mindji. Hé, c'est ni paskè vos sintez dès frumûjes dins vo djambe qu'i faut sprouy'ter du Fly-Tox dèssu, hin ! Frumûje à pènas : fourmi ailée. Rv. Il a dès frumûjes dins sès djambes (il a envie de partir). V. coupiche. On entend aussi fourmiche.

frumujète, n.f., dimin. de frumûje. Lès frumujètes rinte dins 'l mézo, faura wéti à ça.

frumuji, 1. fourmiller (picoter) : à foûrce d'aspouyi su 'm guidon, mès mains frumujine d'asto. Èle avoût tél'mint peû, qu'èle frumujoût d'ès' tièsse djusk' à sès pîds.

frumujière, n.f., fourmilière. Doner in bon coûp d' pîd dins 'l frumujière, ça soulâdje souvint.

frumuj'mint, n.m., fourmillement, picotement. I n'arète ni d' boudji su 's sèle come s'il aroût dès frumuj'mints à 's cu.

frumwêr, n.m., fermoir. Èl frumwêr d'ès' sacoche est skèté, èle va pièrde tous sès pifos.

frwèd, n.m., froid. Ène vague dè frwèd arife sul Beljike, mètez ène couvièrte dè pus sul bèdèr ! Sès pîds sonsst' aussi frwèds qu' dès mouzons d' tchi.

frwèd, e, adj., froid, e. I fét frwèd à l'uch, rintrez vo achîr dè lé l'èstûve.

frwèdeûr, n.m., froideur. Il a rçu 'l galant d'ès' fèye avu branmin d' frwèdeûr.

frwèd'mint, froidement. Èle rèspond toudi frwèd'mint à lès djins.

frwèdur', n.f., froidure. Pau vint d'ès', in fèvié, èl frwèdur' va tchér su no dos.

Frwèmont, èl, le Froimont, lieu-dit à Ittre, situé face à la rue du Masy, à gauche et à droite du chemin vers le Mambourg (plan Popp).

frwès'mint, n.m., froissement.

frwèsser, froisser. Il a sti frwèssé quand on li z-a dit sès kate vérités.

frwit, n.m., fruit. Ène date (datte), ça s'apèle in frwit d'Amèrike. Aussi : frû.

fumâdje, n.m., fumage. Èl pètit Bèrt avoût monté in four' à fumâdje. Lès cis qui sont toudi avu 'ne sigarète à leû bètch is s'impwèzone tout doucemint avu leû fumâdje.

fumèle, n.f., femelle. Lès fumèles dè tchi sont souvint pus agneûses què lès mâles. V. fèmèle.

fumer, fumer. Dji vas fumer ène cigarète. Rv. I va fé bia, lès pourchas keûre avu du strin dins leû grougnè : à quelqu'un qui fume en rue.

fumeû, se, n.m.f., fumeur, euse. Lès fumeûs dwève fumer à l'uch dès rèstaurants, sinon, is infunke tous lès djins. In fumeû, quand i satche ès' prèmière sigarète du djoû, i fét ène inspirâcion djusk' in bas d'ès' boudène, yè adon, il fét in mouzon come yun qui lache in brin trop lonmin rastènu : tchieuu, qu' ça fét du bi !

fumèyi, V. fumiyi.

fumi, n.m., fumier. V. fi.

fumière, n.f., fumée. In ivièr, on vwèt 'l fumière d'ène tchèminéye à toutes lès mézos du vilâdje. Rv. I n'a pou d' fumière sins feu ! I n' vaut ni l'ombe d'èl fumière du brin d'èm' grand-pére !

fumiyi, fumyi, fumer, faire de la fumée. Èl tchèvau suwe, ès' dos fumèye. Lès gamins fumèye du bo d'albute padière l'èglîje.

fum'tia, n.m., petit fumeur. Li, c'esst' in fum'tia : à chake coû qu'i satche su 's cigare, i tousse sins arèter.

fumwêr, n.m., fumoir. Quand i soûrte du fumwêr, is impèsse èl toubak.

fumyi, V. fumiyi.

funki, funkyi, produire de la fumée. Èl bo n'est ni sètch assez, i funke d'alur'.

funkia, n.m., petit feu. On a alumé in funkia dins 'l bo pou nos rtchaufer 'ne miyète.

funkyi, V. funki.

Furèt, èl, spo d'Etienne Lelièvre qui tint salon de coiffure à Huleu et à la Rue Haute à Ittre.

furieûs'mint, furieusement. Èl tchi a furieûs'mint agni 'l gamin du vizin qui li z-avoût tapé d'su.

Furmin, Firmin.

furtâdje, n.m., furetage. Lès rnauds sont toudi à furtâdje quand is ont dès djoûnes qui ratinde à mindji. V. ranch'nâdje, èrnachâdje.

furter, fureter. V. èrnachi, ranch'ner.

furteû, se, n.m.f., fureteur, euse. Lès curieûs sont toudi furteûs quand is vont d'lé lès autes. V. èrnacheû, èrnachau, ranch'neû.

fusionemint, n.m., fusionnement.

Èl fusionemint dès comunes s'a fét èl prèmi janvié 1977. On a passé dè 2359 comunes à 596. Yè putète què ça n'est ni fini.

Fut' fut', Josèf, spo d'un ancien officier polonais dont toute la famille avait été fusillée. Le malheureux en avait gardé des séquelles psychologiques.

fuzéye, n.f., fusée, toupie, jeu de toupie (disparu). Pou djeûwer al fuzéye, i faloût ène toupie qu'on lançoût avu 'ne coûrdèle. Aussi fizéye. Voir : èsplôsion.

fuzik, n.m., fusil. Il a tuwé 's vizin d'in coûp d' fuzik. Èl cî qu'a indvinté 'l fuzik, djè n' sés ni s'il l'a d'djà poûrté li-minme !, disst-i 'l cacheû.

fuziyi, fusiller. Èle l'a fuziyi du rgârd.

fwè(s), fois, dans la traduction wallonne de ce délicieux belgicisme dont se moquent les français : « viens une fois ici, fieu » ! Vènez in coû dwéci, fieu ! Ène fwè, dj'astoûs à 'm mézo, yè… ! V. flam., kom ne keer hier !

Fauve : on splike à Nènèsse què si i va in France, i n' dwèt jamé dîre « une fois ». Il arife au camping dè « Vènez-lès-proutes-proutes-du-swèssante-kinje » ayusk' i fét counichance avu sès vizins, Francès, mins foûrt simpatikes, – siya, siya, i d'a ! – qui pârle dè cinéma :

- Yè vous Nènèsse, vo film prèfèré, c'est 'l kîle ?

Nènèsse rèflèchit, yè :

- Il astoût… dins l' Ouwès' !

fwè, n.f., foi. In ome sins fwè ni lwè. Pou s' fé curé ou maseûr, faut avwêr èl fwè.

fwè, fwèd', n.m., foie. Mindji du fwè, du pâté d' fwèd'.

fwêre, n.f., foire. À Nivèle, on va al fwêre in mai, yè in octôbe. Rv. I n' a pon d' fwêre sins voleûr, come i n'a pon d' grègne sins sori. Ène fwêre sins procèssion, c'est come ène cûtéye sins l'vur'. Rv. èl fwêre est lèvéye : il est trop tard.

fwèreû, n.m., forain. Lès fwèreûs sonsst' arivés, èl ducasse va couminchi (rare).

fwès, fois. Chîz fwès chîz = trinte-chîz. V fwè.