Dictionnaire - lettre O

obélisse, n.m., obélisque. Al Dodin.ne, Obélisse ès' pourmènoût avu Idéfisse, yè Vèrt-Sint-Gétorisse pou fé d' l'atlétisse. I parèt qu'is ont bu ène trapisse avu Maurice èl Trisse qu' avoût 'l djaunisse. ! Le wallon a tendance à spotchi les terminaisons de mots en iste, isme, ixe.

obèyi, obéir. Wétiz d' fé obèyi vo tchi. V. ascouter.

oblidji, obliger. Is ont sti oblidjis d' ès' marier ? Bah dins lès èfants d' l' amour, i n'a jamé in crombin, yè après tout, i vaut mèyeû yun qu'arife què yun qui s'in rva ! Note : Dans ce sens, oblidji sous-entend : parce que elle est enceinte.

obligatwêre, adj., obligatoire. In Beljike, il esst'obligatwêre dè rouler à drwète ; tikfwè, i d'a qui l' roubliye, adon, bèrdanfe, n'a pus ri qui va.

obligatwèr'mint, adv., obligatoirement. Obligatwèr'mint vos direz vôter pou lès élècsions.

obliki, obliquer. On n' sét ni poukè, il a obliki su 's drwète, yè il a tcheut dins 'l canâl.

oblik'mint, adv., obliquement.

obscurci, obscurcir. Tout d'in coû, èl cièl s'a obscurci yè il a tcheut ène fameûse nuwéye.

obscurcich'mint, n.m., obscurcissement. Avu l'èclipe, on a vu in n-obscurcich'mint pa t'avau.

observatwêre, n.m., observatoire. On raconte qu'èl 18 djwin 1815, Napolèyon avoût 's n-observatwêre lé Plansnwè ; dè d'là i sondjoût vîr ariver Grouchy, mins, couye bèrdouye, ça stoût Blucher.D'après sacans scriveûs, tout ça, c'est pur' indvincion.

obstake, n.m., obstacle. Èl tchèvau a aroki su l'obstake.

obtèni, obtènu, obtenir. Èl gamin a obtènu 's diplome dè comptâbe.

ocâsion, n.f., occasion. L'ocâsion fét 'l laron, yè 'l pourcha fét 'l djambon.

ocasionèl'mint, adv., occasionnellement. Ocasionèl'mint, dji daloûs dîre bondjoû à in vî coumarâde, Rèné Guisse, du costé d' Beloeil, mins asteûr qu'il est moûrt… !

ocha, oche, n.m., os. Dj' ai mau tous mès ochas. Spèpyi in n-ocha. I n'a pus qu'èl pia su sès ochas. S'i raméri co i va pièrde in n-ocha ! I n' a pus qu'èl pia su sès ochas. Poûrter sès ochas au Crac (cimetière d'Ittre). Rv. Ène langue, ça n'a pon d'oche on pût 'l toûrner come on vût. Trimper 's n-oche (coïter). A quelqu'un qui vient de s'attirer une réplique cinglante : tènè, disst'i Barète à 's tchi, vlà co in n-oche !

oche-cu, n.m., 1. hoche-queue, bergeronnette : i s' prind pou lè rwè dès oche-cu. 2. petite femme qui se dandine en marchant : raguidez l' oche-cu qui s' pourmène là pa-d'vant. Rv. Il esst'arivé come lès oche-cu, il a pus d' bètch què d' cu.

ochi, hocher, secouer. Dins 'l timps, il avoût dès tir'lîres avu 'l tièsse d'in Sint au d'zeûr ; quand vos mètiz ène pièche, èl tièsse ochoût in p'tit moumint.

och'mint, n.m., hochement. Lès cis qu'ont 'l balzin is ont tîkfwè du mau pou arèter leûs och'mints d' tièsse.

octôbe, n.m., octobre. Si l'ivièr est timpru, i rèle tikfwè in n-octôbe. Rv. Brouyârd d'octôbe, pieufe in novimbe.

octrwè, n.m., octroi, péage. Dins 'l timps, à Skimpont, i faloût payi in octrwè pou prinde èl pavéye qui daloût à Yite.

oculacion, n.m., écussonnage. Lès bons djârdinis ont asprouvé l'oculacion d'in nèfli su 'ne blanche èspène ; ça a doné dès pus grosses nèsses què lès sauvâdjes.

oculer, écussoner. Èl mèyeû moumint pou oculer, c'esst' au mwè dè djulète ou bi d'awouss'.

oculeû, se, n.m.f., personne qui écussonne.

ocultâdje, n.m., occultation. D'èl guêre, par nût', i faloût mète du bleu papi su lès fèrnièsses pou leû n-ocultacion.

ocupâcion, n.f., occupation. Rv. Tant qu' vos faites ça, èl solèy' toûrne. À l'adresse de quelqu'un qui s'occupe pour tuer le temps.

Odile dè Marie-Claire, spo.

odeûr, n.f., odeur, parfum. Pou 'l fièsse dès Méres on acatoût ène boutèye d'odeûr.

ofe, n.f., offre. Dj' ai fét ène ofe pou racater l'auto d' Gaston.

ofèrtwêre, n.m., offertoire. À l'ofèrtwêre, èl curé qui fét mèsse moustre au Bon Dieû èl pangn' yè 'l vin in li dijant : « santé ! ». Adon, il a toudi in losse qui rèspond « sint-èl vous minme, vo nez est pus près ! ». Après ça, bî waye, èl curé, i bwèt 'l calice cu-blanc, chènance dè ri, sins partadji ! À ç-moumint-là, in aute losse lache « èl ci qui bwèt tout seû, i crèfe tout seû ! ».

oficièl'mint, adv., officiellement. Pou yèsse oficièl'mint marié, i faut daler al Comune ; à l'èglîje, ça n' compte ni !

oficieûs'mint, adv., officieusement. C'est ni co oficièl, mins oficieûs'mint, dji vos anonce qu' èm' fîye va s' marier dins trwès mwès.

oficyi, officier, agir. C'est toudi 'm mame qui oficiyoût dins 's cujène, pièrsône d'aute nè povoût boudji à sès bidons.

ofri, offrir. Èm vizin s' a ofri pou tayi l'aye.

ofuski, offusquer. Èm' matante qu'astoût missionére au Congo nè s'a jamé ofuski pou ri du tout.

olète, n.f., houlette. Tous lès bèrdjis boute avu 'ne olète.

olife, n.f., olive. Dè l' wîle d' olife, c'est bon pou vo santé. Dj'ai 'l mau d' l'olife (panaris).

ombe, n.f., ombre. Pau solèy', râm'mint à l'ombe ! Ké chitau, il a minme peû d' ès' n-ombe à li ! On a mis 'l voleûr à l'ombe (prison).

ombrâdje, n.m., ombrage. Poûrter ombrâdje à 'ne saki. Èrciner pa-d'zoû l'ombrâdje du cèriji.

ombradjeû, se, adj., timide, sombre, farouche. No tchèvau est foûrt ombradjeû, il a peû d' tout, minme d' in papi qui vole.

ombradjeûs'mint, adv., ombrageusement. Avu 's caractére, èle raguid' toudi ombradjeûs'mint lès candidats galants qui l'invite à danser. Èle finira vîye djoûne fiye.

ome, n.m., homme, parfois femme. In vî djoûne ome (célibataire). In ome dè coupe (équipier). Èm' n-ome (celle-ci, celui-ci). Avez intindu mès omes (ceux-ci ou celles-ci) ? Wétiz 'm n-ome, ké n-ér qui n'a ! Wétiz 'm n-ome, come èle est bèle ! Rv. I s'prind pou l'ome dès omes ! : pour un être supérieur. On âroût fét ène race dè pourcha d'pus ! Rv. Fé d' l'ome : faire de l'esbroufe. Rv. Vos stez in n-ome come i n'a pon d' feume. Vos stez in n-ome come César.

Omer du Tchou, spo.

om'lèt, n.m., hommelet. Ké p'tit boutchike, in p'tit om'lèt d' ri du tout.

om'lète, n.f., omelette. Pou fé ène om'lète, i faut toudi skèter dès yeus.

omologui, homologuer.

Ès' diplôme a sti omologué pal Comune.

on, conj., donc. Arètez ça, on ! Poukè avez dit ça, on. V. hon.

ondin.ne, n.f., andain. V. batéye. Lès ondin.nes sont bi alignéyes, c'est bi travayi ça !

onéte, adj., honnête, poli, aimable. Si vos stez brâve yè onéte, tout dira bi pour vous. Onète come in tchi d' tchèrète (mal embouché). Rv. Pacoûp, on saroût bi onteû d' yèsse onéte.

onét'mint, adv., honnêtement. V. onétrèmint.

onétrèmint, adv., honnêtement. I faut gangni 's vîye onétrèmint, sins strogni lès djins.

onétreté, n.f., honnêteté. In toute onétreté, c'est mi 'l pus bia, yè 'l pus malin. Poukè riyez ?

oneûr, n.m., honneur. I faut toudi fé oneûr à sès afêres. Travayi pou l'oneûr, c'est quand on d'in manke. Rv. On li f'ra pus d'oneûr qu'à in via ; on l' intèr'ra avu 's pia.

ongue, n.m., hongre, cheval châtré. Souvint, lès ongues, is s'apèle Anibal.

ongue, n.m., ongle. Il a atrapé su sès ongues (réprimandé). Èrtayi lès ongues d'ène saki (le freiner). Avwêr dès crompès ongues (voleur). Rondji sès ongues. Rv. Il a dès ongues à tatches (menteur).

onk (e), n.m., oncle. Èm' n-onk s' apèloût Omer. V. mounonke.

onorâbe, adj., honorable. Maugré qu'is ont mau l'ér, c'esst' ène famîye foûrt onorâbe.

onorâblèmint, adv., honorablement. Il a couru onorâblèmint, il a fini dins lès trinte prèmis ! À combi qu'is stine au dèpart ? Trinte èt yun.

onteûs'mint, adv., honteusement.

onzièm'mint, onzièmement.

onzin.ne, n.f., onzaine, à peu près onze. Dj'ai ramassé ène onzin.ne d' yeus dins 'l pouli.

Ophain ou Op-Hain, tchèmin d'. Actuel Bld Piron à Haut-Ittre (plan Popp).

Opinère, gentilé dès Ophinois, es, habitant, e, de Ophain. Èm' mame astoût Opinère dè 1920 à 1923.

orâdje, n.m., orage. A leû mézo, il a souvint d' l'orâdje (disputes). Èl timps esst' à l'orâdje. Dès bièsses d'orâdje (éphémères, mouchettes). Rv. À quelqu'un qui pète : tchieuu, i fét d' l'orâdje ! Répl., tchieuu, waye, yè minme què ça a tcheut tout près, ça sint drole !

oradjeû, se, adj., orageux. Èle sèyance al Comune a sti oradjeûse.

oradjeûs'mint, orageusement. Quand ès' bèle-fîye arife, ça s' passe toudi oradjeûs'mint.

orake, n.m., oracle. I pârle tél'mint bi qu' on dîroût in orake, tout 'l monde sè tét.

orâl'mint, oralement. Il a sti kèstioné orâl'mint dèvant d' yèsse ingadji à l' usine.

orde, n.m., ordre. Èle n'a ni pus d'orde què mès tchausses. À vos ordes mon coumandant (plaisam., à une épouse qui donne des directives). Dji n'ai pon d'orde à rcèvwêr d'ène grosse bièsse come vous !

ordinér'mint, adv., ordinairement. Ordinér'mint, il est toudi à l'eûre.

orémus', n.m., orémus, long soliloque insipide. Èl curé est co là avu sès orémus. Èl mayeûr n'arète ni d' fé dès orémus quand i pârle à lès djins.

oreûr, n.f., horreur. Mindji du tchi ou bi du tcha, sivoplét, ké oreûr.

orèye, n.f., 1. oreille : èl pègnon d' l'orèye (lobe). Doûrmi su sès deûs orèyes. Yèsse dur' d'orèye (malentendant). Du brin d'orèye (cérumen). 2. pommes coupées en lamelles et séchées au four : dès orèyes dè bèguine. 3. champignon comestible : orèye dè Judas. Rv. Èle nè pût mau d'èl mète dins 's n-orèye : à propos d'une dame plutôt délurée. Rv. Si ça chufèle dins vo n'orèye dè drwète, c'est qu'on pârle dè vous, pou du bî ; c'est 'l contrére pou vo n-orèye dè gauche.

orfèlin, e, n.m.f., orphelin, e. Faute au bombardèmint, il a sti orfèlin dèspu 1940.

orfèlina, n.m., orphelinat.

organisse, n.m.f., organiste. Lès organisses, is dwève djeûwer avu leûs mains yè avu leûs pîds ; co eûreû, ni avu leû nez.

orguluss', réglisse. V. èrguéluss'. Lat., glycirizza.

oribe, adj., horrible. Lès èfants dîje què mindji dès spinasses, c'esst' oribe. À 'm goût, d'èl sauce bolognèze qui rchène à du rindu d' tchi, c'est co branmin pus oribe.

oriyo, leuriyo, compére-leuriyo, n.m., orgelet. Il a souvint dès oriyos à sès is, yè ça n'est ni prope. Rv. Avez sté pichi au Ry ? à une personne présentant un orgelet. Probable jeu de mot au ry, oriyo.

orkèsse, n.m., orchestre. À leû mézo, c'est li qui tit 'l baston d' l'orkèsse : il est maître chez lui.

orminter, augmenter. Dji vas d'mander à 'm patron pou yèsse orminté (rare). V. augminter.

ornèmint, n.m., ornement. Sul cote du curé qui fét mèsse, il a branmin dès ornèmints. V. oûrnèmint.

orpintant, e, adj., repentant, e. Après vos bièstrîyes, il est trop târd pou yèsse orpintant, arètez vos larmes dè crocrodile. V. èrpintant.

orpinti, n.m., repentir. I n' a jamé pon yeû d'orpinti, 's bandit-là !

orpinti, se, se repentir. V.(è)rpinti.

ortografyi, orthographier. In walon, on pût ortografyi dè sacans façons : en francès, se nait pa la mainme chôze !

ortolan, n.m., fat. I s'prind pou qui ès' n-ortolan-là ; quand il est su 's tchiyote, i fét lès minmes grimaces què lès autes, yè ça n' sint ni 'l roûze, hin !

Orval, lès 20 boûnis d'. Lieu-dit à Haut-Ittre, situé à droite de la rue vers Wauthier-Braine à partir de la sortie de l'autoroute à Haut-Ittre (plan Popp).

Oscar du Berlu, spo.

Oscar Brake, spo.

Oscar Fauvète, spo.

Oscar du Gamin, spo.

Oskèrke, Oskeurke, Oisquercq. Quand on a fét 'l nouvia canâl, on a tapé dju ène masse dè mézos du vilâdje. Rv. Vos avez dès acsions à Oskèrke ? : à celui qui quitte une pièce en laissant fonctionner l'éclairage. Note : la Centrale Electrique de Oisquercq, construite en 1889, a alimenté les villages voisins de 1898 à 1951. De l'électricité était aussi fournie pour alimenter les trolleys servant à la traction électrique des bateaux sur le canal Charleroi-Bruxelles. Après association avec une centrale de Langerbrugge, vers 1911, l'appellation devint momentanément : « Centrale électrique des Flandres et du Brabant ». Etymologie : viendrait de hoge kerk, par rapport au lit de la Sennette.

oskiner, secouer, balancer. Quand 'l pidjon s'a mis sul couche, il a oskiné in p'tit moumint.

ospice, n.m., hospice. Mi, daler à l' hospice !? Èl pus târd possib' !

Fauve : Lèyon esst' à l'ospice dè Yite, al rûwe Waute, yè i va avwêr cint ans dèmain. In journalisse du P'tit Tram èl kèstione :

- Adon, Lèyon, C'est kè vo s'crèt pou viki si lonmin ?

- Bah, c'est facîle, èm' vîye c'est tous lès djoûs èl minme : à chîz eûres au matin, djè piche in bon coû, adon, inviè sèt'eûres, dji fés in bia gros stron …

- Yè après ?, qu'i dmande l'aute ène miyète sézi.

- Bi dji m'èrlèfe da !

oskineû, se, n.m.f., personne qui secoue, balance.

osse-cu, V. oche-cu.

ossemints, n.m.pl., ossements. Quand 'l fosti a douvri 'l cavau, on a vu tous lès ossemints dès cîs qu'on avoût mis d'dins.

ossi, t., osciller, t., technique : se dit d'un jeu se produisant entre un axe et son réceptacle par exemple. Èl manse d'èl brouche osse. Èl clé osse dins 'l sèrur'.

ossi, hocher, hausser. I n' faut ni ossi vos spales quand dji vos pârle ! V. ochi.

ostèlréye, n.f., hostellerie. L'ostèlréye dè l'Arbwè, du Rèlè du Marquis.

osti, n.m., outil. C'est 'l bon osti qui fét 'l bon oûvri. Ramasser sès ostis : cesser le travail, se rhabiller après le coït. In drole d'osti : personne peu accommodante. Il est monté d'ostis come Sint Roch dè tchapias : il est mal outillé. In mauvé ouvri bèrdèle toudi conte ès' n-osti. In malin osti : un outil ingénieux. Rv. À kou ç-què ça sièrt ès' n-osti là ? Ça, c'esst'in osti pou strôpiyi lès mâles dè bourdons !, façon de se moquer des curieux. Rv. In drole d'osti : pour un personnage bizarre.

ostrogo, n.m., individu bizarre. Ké drole d'ostrogo, èm' n-ome ! V. apostrofe.

ote, dans l'expression : dji n' sés pus ote, je n'en peux plus. Il a trop mindji, i n' sét pus ote. V. wote.

ôtèl, n.m., hôtel. Doûrmi à l' ôtel du Liyon d'oûr. Rv. Vènu au monde à l'ôtel dès imbarassés : pour celui qui naît dans une famille miséreuse.

otobus, n.m., autobus. Prinde l' otobus pou Tubisse.

oubliyi, oublier. Avez oubliyi 'ne sakè dwéci ? V. roubliyi

ouch', n.m., houx. Au Nowé, on gârnit lès mézos avu dès ouch'. V. èl bo d' l' Oûssière à Brin.ne-lè-Comte.

ouche, dans la locut., dji n' sés ni ache èt ouche dè ça ; je ne sais rien de tout ça. Advinia : diriz bi lès fieûyes lès pus propes ? C'est les ciènes dè ouche : pièrsône nè va stièrde ès' cu avu !

ouf, e, adj., léger, ère. L'orèyé est ouf. Èl payasse est oufe.

oufiéye, n.m., puanteur, relent nauséabond. Èl fi lache dès oufiyéyes à fé rculer n' impoûrtè qui. Rv. Ène oufiéye qu'in aveûle aroût sintu avu 's baston.

ouftéye, n.f., coup de vent, nuage. Tout d'in coû, ène ouftéye nos a invouyi ène masse dè poussières dins nos is.

oufti, oufti mounonke !, hé ben !, ça alors ! Expression empruntée au liégeois.

ougnon, n.m., oignon. Stan cultîve sacans èctâres d'ougnons pou lès Olandès. Dès ougnons, i d' a dès roudj' yè dès blancs. Dès ougnons d' tulipes. Mindji d'èl soupe à z-ougnons. Mèlez-vous d' vos ougnons ! Sinte l'ougnon. Rv. Quand lès ougnons sont bi abiyis, ça vût dîre què l'ivièr va yèsse dur'.

oulote, n.f., hulotte, effraie, chouette.

oupète, n.f., 1. aigrette : il a ène oupète à 's tchapia d' cacheû. 2. bouquet de branches ou de fleurs : lès maçons ont stitchi l' oupète sul tchèminéye. 3. bouquet :

Djè vos présinte ène oupète,

Grande gozète,

Si vos l' èrmouyiz bi,

Grand goyi,

V' d' ârez co yun l' anéye qui vit !

oûr, hors, dehors. Èl vatche est oûr du pachi. V. woûr.

oûr, n.m., or (matière). Ène mèdaye d'oûr. In kieûr d'oûr. Rv. Tout ç-qui rlût n'est ni d'oûr. I n'est ni keûdu d'oûr.

oûr, oûrdâdje, n.m., échafaudage. Wétiz d' ni tchér in montant su l'oûrdâdje.

oûrder, échafauder. Is ont oûrdi in plan pou gangni lès élècsions.

oûr-d'eûfe, n.m., hors d'œuvre. Après lès oûr-d'eufes, dji stoûs d'djà apowé.

oûrdia, n.m., fenil, grenier d'étable ou d'écurie. Après din.ner, il est vwèye fé 's pètit nikè dins l'oûrdia d' l' èstaule.

ourdinère, adj., ordinaire. D'ourdinère, c'est toudi mi qui min.ne l'auto.

oûrdinèremint, adv., ordinairement.

V. ordinèr'mint.

oûrdion, n.m., frelon. Dèmèfiyiz vous dès oûrdions, c'est pus mèchant qu' dès wasses.

ourdoner, ordonner. Èl curé Bucquoi a sti ourdoné adon qu'il avoût d'djà 40 ans.

oûrdur', n.f., ordure. Èl batch à oûrdur' : le camion poubelle. Avwêr ès' bouche à l' oûrdur : tenir des propos graveleux, orduriers.

oûrfèlin, e, n.m.f., V. orfèlin.

oûrfèlina, n.m., orphelinat. V. orfèlina.

oûrfève, n.m., orfèvre. Rv. C'esst' in n-oûrfève èm' n-ome ! : pour un mauvais ouvrier (par antiphrase).

oûrlodje, n.f., horloge. L'oûrlodje dè l'èglîje dè Yite a sti acatéye in 1637 ; avant ça, èle astoût su l'ôtèl dè vile à Nivèles. Rv. On li z-a skèté 's n-oûrlodje : elle est enceinte. C'est 'l minme què l' oûrlodje dè Brin.ne qui va come on 'l min.ne. L'oûrlodje dè l' èglîje dè Waut-Ite a sti montéye in 1905 : èle a cousté 20 euros, payis pa Colette Lisart (17,5 euros) yè 'l curé (2,5 euros).

oûrlodjeû, oûrlodji, n.m., horloger. Èm' rinvèy' èn' soune pus, dji vas daler l' min.ner à l'oûrlodjeû.

oûrlodj'riye, n.f., horlogerie.

ourme, n.m., orme. Du bo d'ourme, c'esst' aussi dur' què du tchin.ne. A pau près tous lès ourmes sont moûrts, faute al grafiyôse (tchampiyon transmis pa 'ne pètite bièsse : èl scolite). Lat., ulmus

ourmi, hormis. Ourmi et orbi ? Mins non, faut ni vo prinde pou 'l Pâpe !, ourmi vous, tout 'l monde a compris !

oûrnèmints, n.m., ornement. V. ornèmint.

oûrner, orner. Pou Nowé, on va oûrner 'l tchèminéye au d'zeûr du stûve.

oûrnière, n.f., ornière. Su lès autoroutes, lès gros camions font dès oûrnières dins l'asfalte : quand vos roulez là-d'su, vo n-auto bèrlondje à gauche, à drwète, ça n'arète ni.

ours', n.m., ours. Yèsse ours' : avare, égoïste. Avwêr l'ours' : être rabroué. Yèsse pus fâde qu'ène bite d' ours' : être fainéant, paresseux (peut-être en relation avec la période d'hibernation ?).

oûrtéye, oûrtiyes, n.f., ortie. Lès blanchès oûrtéyes, ça ne pike ni, lès roudj' nâri. Ène bone soupe d' oûrtîye, ça goute toudi. Michèl yè Yves Gossiaux, dès losses dè Sau, prétindine què si on n' rèspiroût ni tant qu'on s' frotoût à lès oûrtéyes, ça n' pikoût ni !? Wawaye, ça m' cakèye co !

ouspiyi, houspiller. Ès' pére l'ouspiyoût toudi pou qu'i pèdale pus râde, mins i n'a jamé fét prèmi.

Oûssière, cinse dèl. Ferme située à Haut-Ittre, après la ferme du Pré en se dirigeant vers Bois-Seigneur (plan Popp).

oute, outre. Il a tapé 'l bale oute. In Itrwè tout oute (pur sang). Il a passé oute : il est mort. Tout-oute : de part en part, d'outre en outre. Rv. Çou qu'est woute est woute. Aussi : woute. Lat. : ultra

outiyâdje, n.m., outillage, attributs sexuels. Èm' n-ome, i vos a in n-outiyâdje…,èl minme qu' in baudet !

outiyeû, se, n.m.f., personne qui s'occupe de l'outillage. Jules astoût outiyeû al fabrike.

outrâdje, n.m., outrage. Èle a subi in fameû outrâdje dès ans ! Arètez vos outrâdjes ou bi dji vas m' tourminter après vous !

outradji, outrager. Èle jûche l' a condan.né pask' il avoût outradji 'l champète en li dijant qu' i rchènoût à in sindje achmé in jandarme !

ouvèrtèmint, adv., ouvertement. I s'amusoût ouvèrtèmint avu toutes lès coumères du vilâdje ; kè volez, i faut bi qu' djoûnèsse ès' passe, hin' !

ouvrâdje, n.m., ouvrage, travail. Avwêr branmin, wêre, d' ouvrâdje. Avwêr èl kieûr à l'ouvrâdje. Rv. Èl kieûr est bon, mins l' ouvrâdje est foûrt. Èl ci qu' a indvinté l' ouvrâdje n' a qu'à 'l fé li minme! Passer 's main su l' coumère yè dîre : ça c'est d' l'ouvrâdje pou in n-aute. Èl courâdje est bon mins l'ouvrâdje est long : pour un travail long et fastidieux. Du bèl ouvrâdje, c'est bia à raguider, mins d' l'ouvrâdje al chîz-kate-deûs, c'est d' l'ouvrâdje dè pourcha.

ouvri, ouvrir. L'uch astoût sèréye, yè ni moyi d' l'ouvri. Aussi et de préférence : douvri.

ouvri, n.m.f., ouvrier, ère. Julie astoût ouvri al papètrîye.

Fauve : ké diférince inte in n-ouvri yè in notêre ? L'ouvri, i rlafe sès mains pou daler pichi, èl notêre, c'esst' après !

ouvrwêr, n.m., ouvroir. In ouvrwêr, c'est 'l place ayuskè dès feumes ou bi dès maseûrs, sè rachène pou bouter inchène ; surtout pou keûde.

ouy' !, interj., ouille ! Ouy' !, vos avez co pèstèlé su 'm pîd godvèrdom ! Aussi : ouye.

ouyeû, n.m., houilleur. Lès ouyeûs d'ont rsaki dès tones yè dès tones pou monter dès tèris dinsi !

oûzer, oser. Dji n'oûze ni pârler à lès bèles coumères. I n'a ni ouzu li doner in bètche. Èl dîre, c'est bi, mins oûzer 'l fé… !

Oyaux, lès, lieu-dit à Virginal. A droite de la rue A. Brancart vers le Charli dès Prés. (Plan Popp).

oyi, oui. Oyi, oyi, dji vas 'l fé dins chinke minutes. Rv. : oyi, disst'i l'aute in straunant 's feume sul fi ! V. langue d'oïl.

ozière, n.m., osier. In fauteuy' in ozière, ène mande in ozière.

oz'réye, n.f., osière. T'au long du vî canâl, on troufe sacans oz'réyes.