Dictionnaire - lettre U

û, ûwe, hue ! Cri du charretier pour faire avancer les chevaux. Rv. Il inme mèyeû deûs « auwe » qu'in « ûwe » : pour un paresseux.

û, œuf. On va ramasser dès ûs dins 'l grègne. Aussi : yeu.

ubèrlu, n.m., hurluberlu.

Ubèrt, Hubert. Dins 'l timps, on daloût in procèssion al tchapèle Sint-Ubèrt lé 'l cimintière dè Yite, yè on rvènoût avu dès pistolèts bénits. On lès mindjoûs pou n' ni dèv'nu inradjis si in tchi nos agn'roût dins l' anéye.

uch, n.f., porte, huis. Daler su l'uch. Taper 'ne saki à l' uch. Avwêr l' uch dè bo : close. Rv. On vwèt bi qu' vos dalez souvint à mèsse : à l'adresse de quelqu'un qui laisse la porte ouverte derrière lui.

uchè, n.m., guichet de porte. Èl tcha a rintré dins 'l grègne in passant pa l' uchè.

Ujène, Eugène. I parèt qu' lé lès Scoswès, i d' a sacans qui s' apèle Mac Eujène ! Mi, non !

ûji, user. Mès solés sonsst' ûjis.

ûler, hurler. In leûp, on l' intind ûler sacans kilomètes lon, tîkfwè, èm' feume ètou ; d'ayeûr, asteûr, dji l' apèle Loulou. Èl tchi ûle à moûrt. I faut ûler avu lès leûps, yè abayi avu lès tchis. Dj'inme bi quand èl vint ûle yè qu' èl pieufe èrlate su lès caraus.

Uleû, hameau d'Ittre. V. Huleu.

ûl'mint, n.m., hurlement. Par nûte, lès ûl'mints dès tchis, ça done èl chér dè pouye.

ûlô, n.m., 1. sirène d'usine : l' ûlô d' Askimpont. Rv. Quand l' ûlô va, l' ouvri s' inva. Anecdote : Odon Wautrecht, contre-maître à la Papeterie de Virginal avait baptisé l'ûlô, « èl vèrau », le verrat, en référence au cri du porc en détresse, semblable au bruit de la sirène : « èl vèrau a sté », disait-il, en faisant claquer ses bretelles (source Lucien Decamps). 2. loup-garou : ça, djè n' sés ni ayusk' i gare, lès loups !, yè vous ? Mins non, dji pârle dès ûlôs qui pourmène pau nûte. 3. toupie hurlante.

umanité, n.f., fr. sp., pour unanimité. Il a sti condan.né à l' umanité.

umblèmint, adv., humblement. Dji vous 'l dèmande umblèmint Mossieu 'l curé : dites vos priyères pour mi daler au Paradis.

umeûr, n.f., 1. humeur. Yèsse dè bone umeûr. Ème feume est d' mauvéje umeûr ; à 'm n-avis, èle fét co sès dints. 2. pus, suintement de plaie : ès' pia est rimpliye d' umeûrs.

umid', adj., humide. I fét umid' dins 'l mézo. Fé in pansemint umid' quand on a mau 's goûrdje : on mouye in lindje èl pus tchaud possib', on l' mèt alintoûr du cou ; après on mèt in papi parchèmin d'su, yè on va doûrmi. Èl lind'min, vos stez guéri.

unanim'mint, adv., unanimement. Lès avis astine unanim'mint lès minmes : èl pus bèle c'est 'l roûze dè Sinte-Èrnèle.

uni, 1. unir : èl mayeûr lès a unis pou 'l mèyeû, yè pou 'l pîre. Èl pîre, èl pîre…, vu 's caractére à li, ça va yèsse pou 'l pus pîre. 2. polir : èscurer ène bleûse pière pou l'uni.

uniformémint, adv., uniformément. In Flande, i fét uniformémint plat, is n' ont ni dandji d' dèrayeûr à leû vélo, i n' ont pon d' tiènes, sauf à lès ponts su lès rivières ou lès trains.

unifyi, unifier. Sondjiz qu' on va co unifyi 'l Bèljike, vous ?

unik'mint, adv., uniquement.

- Chérîye, vos savez tout d' minme bi què dji sondje unik'mint à vous, èn'do !

- Bèrlafe ! Poukè avez roubliyi audjoûrdu qu' c' èst no n-anivèrsére dè mariâdje, adon ? Vauri qu' vos stez, mau-apris d' vo mame, baraki d' ducasse ! T' taleûr, dji vos invite au rèstaurant d'à mi : vos mindj'rez dèl groûgne avu 'ne salâde dè cu rtoûrné !

- Mins chérîye, poukè min.ner vos vîye dinsi, hon !, dji vos avoûs aprèsti ène surprîje : tènè, vlà vo cadau : in fièr à rpoli à vapeûr, yè ène èscoupe pour vous fosser 'l djârdin. !

- Bèrlafe !, yè co bèrlafe !

unimint, adv., uniment, simplement. Il a rèspondu tout unimint à 's pére què ç-astoût bi li qu'avout mindji èl pakèt d' waufes dins l'armwêre.

univèrsèl'mint, adv., universellement. C'esst' univèrsèl'mint conu in Bèljike qu' i dizoût l'aute.

uréle, n.m., talus. Daler pichi su l'uréle. Rv. In fèyeû d' foûr dins ène uréle : pour quelqu'un qui se lance dans une entreprise sans avenir (puisque le talus va s' écrouler).On entend aussi : uréye.

uréye, V. uréle.

urinwêr, n.m., urinoir. On f'roût bi d' èrmète dès urinwêrs in vile, sinon, ayu pichi quand ça prèsse ? V. pis'rine.

Fauve : in tchipzi, qui mèzur' 1m95, piche dins in urinwêr. Arife in p'tit tchoupère dè 1m50 qui couminche à pichi ètou, djusse à costé d' li. Èl grand raguid' èl pètit qui s' mèt à fé dès clignètes :

- Yè adon, qu' i dit 'l grand, vos fètes dès clignètes pou vos foute dè mi, azâr !

- Mins non, qu' i dit 'l pètit, dji fé dès clignètes, tél'mint què vos splitez !

uripîye, n.f., maladie infantile en général. Avu lès èfants, lès uripîyes, ça n' arète ni.

urlèmint, n.m., hurlement. Lès urlèmints dès leûps dins lès bos, ça fét peû.

urter, prendre un air menaçant. Èl vatche a urté, yè après, èle a doné in bon coûp d' coûrne.

usâdje, n.m., usage. Lès èfants n'ont pon fét d' usâdje dè leûs solés : is stine dirèk trop p'tits !

ûsance, n.m., usage de, jouissance d'usage.

ûser, user. Faut ûser lès djins come is sont. Mès solés sonsst' ûjis. Ène marone ujéye. Aussi : ûji.

usinâdje, n.m., usinage. L'usinâdje d' in piston.

ussié, n.m., huissier. V. wissiè.

Ussinke, Huizingen.

utche, n.f., 1. huche. Mète èl pain dins l'utche pou n' ni qu'i sètche trop râde yè pou n' ni vîr lès soris l' mindji. 2. partie du versoir de la charrue.

utîle, adj., et n.m., utile. I faut toudi chwèzi pou l' utîle yè l' agrèyâbe pask'on n' vike qu'in coû.

utîl'mint, adv., utilement.

uwer, huer. Èl tchanteû avoût roubliyi 's tèxe, adon i s' a fét uwer d'alur', on li z-a minme lanci dès tomates. In tcha-uwant.