Dictionnaire - lettre N
n, pour euphonie ou pour éviter un hiatus. À vo n' avis, in n-ome, in n-afutâdje, vo n-èfant.
n', ne, négat. Vo n' avez ni rézo. Dji n' ai ri à vîr avu ça.
'n, 'ne, art., une, élision de ène. Dj'ai 'ne pètite fiye.
na ! t. enf. Ça, jamé, na !
nachi, fouiller, fureter. Èl tcha nache pou tchîr. Èle pouye nache après dès vièrs.
nâdje, n.f., nage. On travièrse èl canâl al nâdje. I fét tchaud, dji susst' in nâdje.
nadjeû, se, n.m.f., nageur, euse. Pou daler dins l'eûye à La Panne, austant yèsse bon nadjeû.
nadji, nager. Yseult Gervy a nadji à deûs Jeux Olympiques : Atlanta 1996 yè Sydney 2000. Èle a sti mèdaye dè bronze au championat d' Europe 1998 Helsinki. Ès' frére Stéphane a sti champion d' Beljike ène kinzin.ne dè coûs. Rv. Quand on n' sét ni nadji on dmeûre près du boûrd : quand on n'y connaît rien, on se tait.
nadjwêre, n.f., nageoire. Lès anguiyes n'ont pon d' nadjwêres.
nafe, n.m., naphte. Pou dèsfacer lès tatches on pèrdoût du nafe : atincion, ça pût èsploser.
nafiâdje, n.m., bégaiement. Dji n' ai ri compris à 's nafiâdje.
nafiau, n.m.f., bègue. Si deûs nafiaus s' marie inchène, is n'ont jamé 'l timps d'ascouter l'aute. V. bèctaud, e.
nafyi, bégayer, bredouiller. Asprouvez d' dîre râm'mint, yè sans nafyi :
- Diriz bi chî coûs autour du cu du co du cloki sins babiyi !
Ou bî :
- Chi plats d' pape au cloki !
nake, n.m. nacre (fém. en français). In bia bouton d' nake. Dès boutons in bia nake.
nanète, n.f., nuque. Apici 'ne saki pa 's nanète. Aussi : anète.
nangn', n.m.f., nain, e. Simplèt astoût in nangn' qui riyoût toudi avu Blanche-Nédje. Aussi : nain.
nan-nan, t.enf., faire dodo. Fé nan-nan. Fé nônô. V. Ninète.
narcwè, se, adj., narquois. 'Sti-lâle, avu 's n-ér narcwè, dji l'ai su 'm gros dint.
narcwès'mint, narquoisement. Lès djins qui riye narcwès'mint d' mi, ça m' fét inmarvoyi.
nâreû, se, adj., vite dégoûté, difficile dans la propreté, le choix des aliments, de mauvaise humeur. Ké nâreûse, ène vréye ploumitche, in ri li dèsgousse. I n' rit jamé,ké nâreû !
nâse, n.f., hase. Ène nâse, c'est 'l fèmèle du lièfe.'. V. lièfe
nate, n.f, vulve d'animal, spécialement des bovins ; probablement en relation avec natur', constitution, essence d'un être. V. natur'.
natif, né à, dans « yèsse né natif ». Audjourdû, lès nés natifs dè Yite, i n' d'a pus branmin.
natur', n.f., 1. nature ; c'esst' au mwè d' mai qu'èl natur' est 'l pus bèle. 2. vulve d'animal : ès' natur' file, èle va yèsse in tchaleûr. V. nate.
naturél, e, naturèl, e, adj., et n.m. Avez bèl à 'l cachi vwèye, èl naturèl èrvit toudi in courant. Ri d' tél què dès fleûrs naturèles paskè lès cis qui done dès fleûrs artificièles c'est putète què leûs sintimints sonsst' artificièls ètou.
naturél'mint, naturèl'mint,
adv., naturellement. Naturél'mint què d' vérai à vo n-intèr'mint, si c'est ni vous au mi d'aboûrd.
naufrâdje, n.m., naufrage. Dèvnu vièy', ké naufrâdje ; on n' sét minme pus nadji.
naufradji, naufrager. I d' a qui naufradjine insprès lès batias pou rpèchi lès martchandîses à leû compte.
navia, n.m., 1. navet : lès gamins ont sti marauder dès navias pou l'âne dè Sint Nicolas. Rv. Avwêr in visâdje come in navia pèlé deûs coûs (être blême). Qui vût in bon navia, èl sème in djulète. Lat., napus.
navigui, naviguer. Philippe yè Marc ont navigui dins 'l golfe dè Gascogne, is ont sti skeûs come dins 'ne machine à bate.
nav'léye, n.f., étuvée de navets. Mindji ène nav'léye, ça n'a ni branmin d' goût.
nayif, e, adj., plaisant. Djozèf, c'esst' in nayif, i rit toudi.
nayif'té, n.f., naïveté. Èl gamène est plène dè nayif'té, ça n' va ni durer.
n', contraction de nè : dji n'èl dîrai ni, sauf si vos n'èl rèpètez à pièrsône.
nayiv'mint, naïvement. Il a rèspondu nayiv'mint al Police : « waye, dj'ai bu trwès trapisses ».
'ndo, locut., n'est-ce pas. Lès feumes sont pus malènes què lès omes 'ndo ! V. èn'do.
'ne, une, élision de ène. C'est 'ne djintiye coumère qu' i m' fauroût.
nè, ne, négat., Dji nè l' vwès ni volti. I nè l'âra qu'après mindji.
nè, élis. de tènè. Nè !, vla vo n-assiète !
nècèssére, n.m., nécessaire. Quand on s'a marié, nous avine tout djusse èl nècèssére.
nècèssér'mint, adv., nécessairement. Ça n'est ni nècèssér'mint vré, çou qu' vos racontez !
nédje, n.f., neige. Su les wautes montagnes, on vwèt toudi lès nédjes étèrnèles. V. nîve.
nédji, neiger. I va nédji, mètez dès bons pneus à vo n-auto. Note : on entend plutôt : i va tchér d' èl nîve. Plaisam., parfois : sniyoût' pour néerl., het sneeuwt.
nèf, adj., num. neuf, 9. Èl gamène va avwêr nèf ans. On entend aussi : neuf.
nèfli, n.m., néflier. V. nèssi.
nègativ'mint, négativement. Ké grigneû, i vwèt tout nègativ'mint.
nèglidjamint, adv., négligemment. Il a nèglidjamint rèspondu au cî qui li parloût.
nèglidjance, n.f., négligence. C'esst' à cause d'ène nèglidjance qu' èl convwè a dèrayi.
nèglidji, négliger (é). À foûrce dè néglidji les èfants, is ont mau toûrné. Èle n'a pon d'alur', èle dèmeûre in nèglidji t' au long du djoû.
négue, n.m.f., nègre. Travayi come in négue. Rv. Mète dès tchaussètes dè négue : porter des chaussures fermées sans chaussettes. Note : aujourd'hui, cette expression est à proscrire.
nékieû, se, n.m.f., malingre, chétif. Dès p'tits nékieûs dè djoûnes dè tchi.
nènè, n.m., néné, sein.Quand èle s'a abachi, on viyoût 'l dèbout d' sès nènès. V. tète.
nènène, n.f., marraine, grand-mère. I faut toudi doner in bètche à vo nènène, hin, 'm pètit colau !
Nènèsse, Ernest. V. Mète dîj (èl), spo notamment d'Ernest Parvais qui mesurait 1,10m tout en gardant des proportions parfaites.
Nènèsse dè l'ârtisse, spo.
Nènète, spo. Èl fritur' Nènète à Brin.ne-Chatau, ayuskè lès frites sont toudi bones.
Neneuy', spo à Haut-Ittre.
Nènéye, spo de Louis-Couronné Painblanc ainsi que de son fils Couronné-Louis.
nèr, nèrf', n.m., nerf. Il a sès nèrs : il est nerveux.
néri, nèri, nâri, ninri, non plus. Vo n' avez ni vu l'estwèle à keuye ? Mi néri (de nè et ri).
nèrtiyâdje, n.m., nettoyage. V. èrnètiâdje.
nèrtiyi, nettoyer. V. èrnètyi.
nèrveûs'mint, adv., nerveusement. I min.ne toudi nèrveûs'mint ès' vîye Saroléa.
nèsli, nèspèli, n.m., néflier. Aussi : nèsli.
nèsse, n.f., nèfle Pou mindji dès nèsses, i faut ratinde lès djèléyes. Aussi : cu d' tchi, en rapport à la physionomie de la base du fruit. Advinia : chinke pièrètes, ène barbète, èl pia du cu roussète ? Ène nèsse.
nèssi, n.m., néflier. V. nèsli, nèspèli.
Nèst du Roi, spo.
Nestor du Pérou, spo.
nèt', e, 1. adj., propre : i fét nèt' dins 's mézo. Rv. C'est clèr et nèt' come buzète. 2. entièrement, complètement, très, vraiment : il est nèt' sot d'ès' coumère.
nètiyâdje, n.m., nettoyage. V. èrnètiâdje.
nètiyi, nettoyer. V. èrnètiyi.
nètiyur', n.f., raclure, crasse de nettoyage. On a tapé lès nètiyur' à l'ègoût.
nèt'mint, nettement. Èl bale astoût nèt'mint woute.
neû, n.m., nœud : on a fét in neû coulant. On a tcheut su in neû. Rv. Vlà 'l neû disst-i 'l soyeû : voilà la partie la plus difficile de l'ouvrage, le nœud du problème. I ronfèle, il est dins in neû : par référence au bruit de la scie : rrr, rrr, qui s'accentue en attaquant un nœud dans le bois.
neûte, adj., neutre. Les arbites yè lès jûches, is dwève toudi yèsse neûtes.
neuvin.ne, n.f., neuvaine. Ène neuvin.ne dè djoûs. Pou fé ène neuvin.ne, lès catolikes dwève priyi neuf djoûs d' long. Il est co dins 's neuvin.ne : de quelqu'un qui, après abstinence, se remet à « fé lès tchapèles » et à boire exagérément pendant quelques jours.
neuwer, 1. nouer : pou avwêr bèl ér, i faut bi neuwer vo cravate. 2. enfant rachitique, aux articulations épaisses : in èfant neuwé.
nèveû, se, n.m.f., neveu, nièce. Dj'ai kate nèveûses, yè deûs nèveûs, tout va bi.
nèvin.ne, n.f., neuvaine. V. neuvin.ne.
nez, n.m. Avwêr in nez come ène patake, come ène fréje, come in stoufichoû. Rv. On d'in pèrdroût d' pus avu 's nez qu'avu in palot : son nez est très large ! Fé d'ès' nez. Graz'ner dins 's nez, pou fé dès pilur'. Rv. Avwêr in nez come in crapau assis su 's cu.
n'-fét-ri, n.m.f., paresseux, se, glandeur, euse. Li, i n'est jamé scrans, c'esst'in n'-fét-ri !
ni, pas. Ça va ou bi ça n' va ni ?
n' ni , ne pas. Fètes atincion pou n' ni tchér.
nicheû, se, n.m.f, nicheur, nicheuse. Mès canaris sont dès bons nicheûs.
nichi, nicher. Ayusk' is niche cès djins-là ?
nic-nac, petit biscuit sec et sucré, souvent en forme de lettre d'alphabet. Èl gamin a scrit 's no avu dès nic-nac. Donez in nic-nac au tchi.
Nicole-ni-Cravate, spo de Nicole Dubois, demi-sœur d' Eric Pirson.
nid d' soûrcière. gui
nièrson, n.m., hérisson. Ayèr, il avoût trwès nièrsons spotchis intrè Vèznau yè Waut-Ite.
nieu, fe, adj., neuf, neuve. Pou leû Sint Nicolas, èl gamin a yeû in nieu vélo, yè 'l gamène, ène nieufe cote.
nieune, à, locut. À nieune djè dirai mindji. Afr., none, heure de midi, vers 15h.
nieûnéye, n.f., sieste. V. nikè.
nikè, n.m., somme, méridienne. Fè in p'tit nikè, ça fét du bi. Après din.ner, grand-pére fét toudi in ptit nikè.
nindje, n.f., engeance, racaille, ribambelle. Dji plins lès vizins dè cès nindjes-là !
Ninète, dans la berceuse :
Nan-nan Ninète
squ'èles sont mès pouyètes
èlès sont st-èvoyes à mèsse
quand ç' qu'èles èrvéront
dimince après grand-mèsse
koû ç' qu'èles rapoûrtront
dès gayes èt dès nojètes
dès gayes toutes tchamousséyes
dès nojètes toutes trawéyes !
Version communiquée par Josette Wautier
Variante :
Nan-nan Ninète
ayusk' èle est Babète
èle est st-èvoye à mèsse
quand ç-qu'èle èrvéra
dimince après basse-mèsse
koû ç-qu'èle rapoûrtra
dès gayes yè dès nojètes !
Version communiquée par Lucien Decamps
Ninîye, dim., de Virginie.
nipe, n.f., nippe. Il est toudi abiyi avu dès nipes.
nîve, n.f., neige saisonnière. Èl timps esst' al nîve. C'est ni co 'sti-lâle qui m'tra 'l feu à in saya d' nîve : pour un niais. V. nédje.
Nivèle, Nivelles. Ville fondée en 650 par Pépin de Landen. Branmin d'èfants d' Yite vont à scole à Nivèle. Èl sèm'di au matin, on va au martchi à Nivèle.
nivèl'mint, n.m., nivellement. V. niv'lâdje.
Nivèlwè, se, gentilé des Nivellois. Lès Nivèlwès, c'est lès cis qui d'meûre à Nivèle, tandis' què lès aclots, c'est lès nés-natifs d'èl vile, pou bi fé, dins les rimpârts. Woûr des rimpârts, c'est dès payizans. Qu' is dîje ! Ascoutez :
Quand lès Aclots sâront pindus
Lès payizans diront tchîr dèssu.
Quand lès payizans sâront brûlés,
Lès Aclots diront lès tij'ner.
nîver, neiger (rare). V. nédji.
niv'lâde, n.m., nivelage. Èl niv'lâdje du pachi, du tèrin.
niv'ler, niveler. Dèvant d' couminchi à bati i faura niv'ler 'l place.
niv'leû, eûse, n.m.f., personne ou machine qui nivèle.
niyau, n.m., nichet, œuf en plâtre ou en plastique qui incite les poules à pondre. Pou incouradji lès pouyes à punre, on stiche in niyau dins 'l pènète (pondoir).
niyi, nier. Il a toudi niyi qu' c'est li qu'avoût maraudé lès puns du notère.
no, nos, 1. adj., poss., notre, nos : no gamin, no gamène, nos èfants. 2. pron. poss., nôtre : ès' tchi-là, c'est 'l no ! V. nôle.
no, n.m., nom. Èl pètit no (prénom), èl no d' batinme (id.), Coumint ç-què c'est vo no d' famîye ? Si vos stez scrans d' vo no, c'est ni pou ça qu'i faut l' doner à lès autes ! : à quelqu'un, qui vous insulte. Rv. avwêr èl no : être réputé.
nôbe, noble. C'est ni paskè vos avez in p'tit « de » ou in p'tit « van » què vos stez in nôbe. Èl contrére pût yèsse vré.
nôblèmint, noblement.
noceû, se, n.m.f., noceur, euse. Par nût' lès noceûs tchante, clape lès uch' dè leûs autos, tchante, dinsi tout 'l monde esst' au courant.
nojète, n.f., 1. noisette : lès spirieus cache à nojètes. Rv. On done toudi dès nojètes à croki à lès cis qui n' ont pus d' dints. 2. noix de serrure, pièce recevant l'axe de la poignée : èl nojète d'èl sèrur'. 3. charnon, oeil de charnière : èl nojète d'èl tchârnière. 4. t. de charron : bloc de bois assemblant les 2 pièces de l'armon (partie du train avant d'une charrette sur laquelle se fixent les brancards et le timon). Aussi, et de préférence, à Ittre : nwèjète. Aussi : noujète, nwèzète.
noj'ti, n.m., noisetier. V. nwèsti, nwèjti.
nokète, n.f., petite quantité. Mètez co ène nokète dè mustôde dins 'l sauce.
nokion, n.m., petite quantité. Vo n' mètez qu'in p'tit nokion d' bûre su vo târtène ?
nôle, pron. possess., nos, nôtres. Lès vôles yè lès nôles, chake lès syènes.
nombe, n.m., nombre. Daler in nombe al ducasse.
nonantin.ne, n.f., approximativement nonante. Il avoût ène nonantin.ne dè djins à l' intèr'mint.
non-fét, locut., mais non, pas du tout. Non-fét, c'est ni mi qu'a lèyi boûre èl lacha. V. si-fét, siya.
non.na, même sens que non-fét (rare). Contraction de « non a », du latin « non habet. »
nônô, t. enfantin pour dodo. On daler fé nônô, 'm pètit gamin ?
Noré, dim., de Honoré. On rclame Sint Noré (16 mai) à Baulé pou sougni lès maus d'orèye yè lès soûrdias
normalisse, n.m.f., normalien. Lès cis qui voline fé mésse d'èscole, is stine normalisses à Nivèle. Pindint 'l guêre 40, Arthur Masson astoût dirècteûr dè l' èscole dès normalisses.
normal'mint, normalement. Normal'mint, i dèvroût fé bia èl sèmin.ne qui vît.
nos, pron., pers., nous., nos Nos dirons pourmèner après din.né. Nos dalons bi. Attention à la tournure : c' est d'à nous, vènez avu nous, d'lé nous. Note : on parle ici d'un « cas régime », hélas, pas moyen de trouver une explication compréhensible à cette définition de tournure grammaticale.
Nosta, Madame, spo d'une dame à la poitrine bien fournie. En référence à la laiterie Nosta dès années 1970.
notâbe, notable. Dins 'l temps, lès notâbes dès vilâdjes, ç'astoût èl curé, èl vikére, èl mèd'cin, èl farmacyin, èl notêre, èl mayeûr, èl directeûr dè l'usine, l' instituteûr, sacans gros cinsis, yè lès chataus. Audjoûrdu, lès notâbes, c'est lès cis qu'ont lès pus grosses mézos, lès pus grosses autos, lès pus grosses foûrtunes, yè lès pus bèles feumes putète… !
notablèmint, adv., notablement. Èm' feume est notablèmint pus malène què mi. Ça m'énèrfe !
notamint, adv., notamment. Au mètinke, il avoût notamint Arthur, Michel yè 's feume, André, Bibi, yè co d' z-autes què dji n' counwès ni.
note, notes, pron., poss., nôtre, nôtres. Vo tchi est là, èl note est dwéci.V. no.
notére, n.m.f., notaire. Avwêr ène panse dè notére. Mète sès liârds au notére goyi (boire sa fortune). Rv. I vaut mèyeû notére què d' mau pârler.
notifyi, notifier. Èl Police li z-a notifyi qu'i d'voût daler au Tribunâl.
Notrè-Dame, Notre-Dame. Dins 'l timps les djins du vilâdje daline à toutes lès Notrè-Dame possib' yè imajinâbes du moumint qu'on savoût daler là, à pîd, au tram yè au trin :
- Notrè-Dame d' Ite pou lès cassur'.
- Notrè-Dame au Bo à Brin.ne-Chatau pou lès bièsses (waye, on priyoût pour vous ètou… !).
- Notrè-Dame d'èl cay'tousse au bo d' l' Oûssière.
- Notrè-Dame dè Hal pou tous lès maus.
- Notrè-Dame dè Zem'bèrg pou avwêr dès grâces.
- Notrè-Dame dè pète al course.
Rv. On fét 's provision d' bûre intrè deûs Notrè-Dame : Yite au 15 d'awouss', Hal au 8 sètimbe.
notrè-pére, n.m., pater. Pou 'm punicion, èl curé m'a fét dîre kinje notrè-pére en chûvant ; co bi què djè n'ai ni tout raconté, sinon, dji d' avoûs pou deûs djoûs à fé chènance dè priyi.
notwêre, adj., notoire. Il est notwêre què lès omes sont pus bièsses què lès feumes… !, (astez contène, èm' chériye ?).
notwèr'mint, notoirement. On sét notwèr'mint què lès omes sont mésses à leû mézo… !, (chériye, ène sakè qui n' va ni ?).
nounouche, n.m.f., nunuche, cucul, neuneu. I faut wéti à ç-qu'on li dit tél'mint qu'èle est nunuche !
noûri, nourrir. C'est l'eûre dè noûri lès bièsses yè lès djins.
noûrichâdje, n.m., nourrissage. Lès bons noûrichâdjes font lès bèles bièsses.
nourichant, e, adj., nourrissant, e. Ène bone côt'lète au spirinke avu dès frites mayonèse, c'est foûrt nourichant.
nouricheû, se, n.m.f., nourrisseur, nourricier. I boute come nouricheû à Péri Déza. Sint Jozef astoût èl pére nouricheû du p'tit Jézu.
noûrin, n.m., porcelet, jeune cochon à l'engrais. In catcho d' trwès mwès, c'esst' in noûrin.In noûrin, c'esst' in catcho co al tète.
nouritur', n.f., nourriture. Rv. In baudèt qui fét à 's moûde, c'est 'l mitan d'ès' nouritur'.
noûrson, nourrisson, petit porc à la mamelle, pas sevré. No trouye a chî noûrsons à noûri.
Nouvèl An, jour de l'an, 1er janvier. Au Nouvel An, on rcèvoût lès vizins yè on mindjoût dès galètes, dès gaufrètes ou bi dès waufes, avu du Tchèssau pou lès omes yè d' l' èlixîr d' Anvers avu dès payètes in oûr pou lès feumes.
nouvèle, n.f., nouvelle. Lès nouvèles sont coumint ? C'est toudi lès bones nouvèles qu' on aprind in dérni. Rv. Ké nouvèle ? Répl. Lès pus nouvèles, c'est lès dèrnièrès cûtes ! : comme les pommes de terre « nouvelles ».
nouvèl'mint, adv., nouvellement. Leû mézo est nouvèl'mint batiye.
nouvia, nouvèle, adj., nouveau, nouvelle. Yè adon, ène sakè d' nouvia au vilâdje ? Jules a 'ne nouvèle coumére.
nouviaté, n.f., nouveauté. Dans lès gazètes, tous lès djoûs on lit dès nouviatés.
nouyi, noyer (dans du liquide ou au figuré, dans les ennuis, les dettes, etc.). I d'a yun qu' a tcheut avu 's n-auto dins l' canâl yè i s' a nouyi.
novimbe, novembre. In novimbe, èl vint soufèle yè rasoufèle. Rv. In novimbe, ène nîve dè trwès djoûs vaut mèyeû qu'in bègna d' fi.
nôwe, n.f., noue, intersection de 2 pans du toit, bande de zinc servant à l'écoulement des eaux pluviales. On va mète in nouvia zinc al nôwe.
Nowé, Noël. Al Nowé, on fét fièsse in famîye. Asteûr, pus pon d' mèsses dè minuit ; lès curés sont d'djà dins leû lit ! Rv. Blanc Nowé, vèrtès Pâkes ; vèrt Nowé, blanchès Pâkes. Lès coqs qui tchante intrè Nowé yè 'l Tchandlé, is sont sots. Au Nowé, lès djoûs ralondje d' in solé. Mouchètes au Nowé, glaçons à Pâkes. S'i rèle (gelée blanche) au Nowé, branmin dès frûs l'anéye d'après
Nowèle, Noëlle.
noya, n.m., noyau. V. nwèyau.
noyi, noyer. Èl camionète des jandarmes a tcheut dins 'l canâl, yè i d'a yun qui s'a noyi. Noyi dès djoûnes dè tcha. Rv. Noyi 'l moûni : mettre trop d'eau dans la farine. Aussi : nouyi.
nu, pas un, aucun. I n' a nu pun sul pumi. I n'a pus nu gaye su l'ârbe, lès spirieus ont vnu tout coud'.
nu, we, adj., nu, e. Èle astoût toute nuwe dins 'l l'ètang, pièrsône n'a ri vu. Dj'inm'roûs mèyeû doûrmi avu léye toute nûwe qu'avu vous tout abiyi !
nulès, aucune, nulles. I n' a nulès salâdes dins 'm djârdin, lès caricoles ont tout mindji.
nul'mint, adv., nullement. Dji n'sus nul'mint in toûrt dins l'acsidint.
nulvâr, nulle part. Ayu dalez audjoûrdu ? Nulvâr, i fét trop tchaud.
numèrotâdje, n.m., numérotage. On va raguider 'l numérotâdje dès tickèts d'intréye.
nût', nûte, n.m.f., nuit. In décimbe, i fét râde nût'. Au nût' (au soir), al nût' (soirée). Rv. I fét nût' ayusk' i s'pièrd (c'est un opportuniste). Ké bia nût' pou ascouter les suwètes. In sètimbe, lès nûtes sont bèles.
nuwâdje, n.m., nuage. In nuwâdje dè poûssières. Yèsse dins lès nuwâdjes.
nuwajeû, se, adj., nuageux, se. C'est drole, hin, i fét toudi nuwadjeû à Seraing. Trisse ça !
nuwance, n.f., nuance. Intrè chou vert yè vert chou, i n'a pon d' nuwance, c'est kif-kif bouricot.
nuwéye, n.f., nuée. Lès cis qu'on poûrte dins lès nuwéyes, après, is tchèye dè waut.
nwèjète, n.f., noisette. V. nojète.
nwèj'ti, n.m., noisetier. Aussi : nojti.
nwêr, n.m., déformation de loir, V. lwêr.
nwêr, e, nwér, e, adj., ou n.m.f., noir, e. In décimbe, i fét râde nwêr. I fét nwêr come dins 'l boûrse du djâle. In nwêr bouc qui puwe. Nwêr come èl cu d'in tchaudron. I fét nwêr nût' (obscurité complète). Dès nwérès guèrzèles (cassis).
nwèrâte, adj., noirâtre. Sès tch'feus sont yoûrds, nwèrâtes.
nwèrceû(r), n.m., noirceur. D'èl nwèrceûr du kieûr dè sacans djins, vos n'avez ni idéye !
nwèrci, noircir. Il a nwèrci sès mains èyè 's visâdje pou fé Pére Fwètârd. Rv. On est toudi nwèrci pa in pus nwêr pot.
nwèrcichâdje, n.m., noircissage. On fét 'l nwèrcichâdje dès solés avu du lusse. Aussi : nwèrcissâdje.
nwèrcich'mint, n.m., noircissement. Il est toudi dins 'l nwèrcich'mint d'èl situwacion. Aussi : nwèrcis'mint.
nwèrcichur', n.f., noircissure. Lès nwèrcichur', c'est paskè ça tchamousse. Aussi : nwèrsissur'.
Nwêre Broke, Denise d' èl, spo.
nwêre-èspène, prunellier. Aussi foudrini ou fourdèni.
nwèrète, n.f., brune, noiraude. Ène nwèrète à moustatche, ça fét drole !
nwèrou, n.m., brun, noiraud. Èl nwèrou dwélà, il a dès tch'feus nwêrs come dès pènas d' coûrbau.
nwèse, n.f., noise. Quand i bwèt, i cache toudi nwèse à lès djins.
nwèse, n.f., œuf hardé, sans coquille. Si vo pouye a pun ène nwèse, faut li doner dès cokiyes d' yeu à mindji ou bi dès bokès d' cokiye d' wite. Aussi : lwèse, wèsse.
nwèyau, n.m., noyau. Nom dè Zo, èl gamin a avalé sacans nwèyaus d' cèrîje ; fèzez atincion quand i va pèter. Si jamé i brodèle, ça sra pus pîre qu'ène mitrayeûse, tout 'l monde à lès abris !
nwèyautâdje, n.m., noyautage.
nwèyauter, noyauter. Lès comunisses ont nwèyauté 'l populacion d' sacans payis.
nwèyauteû, se, n.m.,f., personne qui noyaute.