Dictionnaire - lettre I

i, is, pron.pers., il, ils. I bwèt, is bwêve. Coumint va-t-i ? Bi, disst' i ! Devant voyelle, i devient il : il a mau 's tièsse. Il a v'nu, is ont v'nu.

î, n.m., œil. Èle a dès bias îs. Dès îs d' bieu, d' pèrcot (petite perche, poisson), d' suwète (chouette). Riski in î. Cligni d'in î. Avwêr in î qui dit mèrte à l'aute (loucher). Fé dès îs come dès bouyons d' fichéye. Avwêr dès îs à fleûr dè brayète (concupiscents). Intrè kate z-îs. In î d'agace (œil de perdrix). Ça, c'est du spite à lès îs (tape-à-l'oeil). In kate z-îs (porteur de lunettes). On vwèt bi ène bwèche (bûche) dans l'î d'in n' aute qu'on n' vwèt ni in soumi dins 'l si ! Il a dès îs come dès kikines dè poupôusse : il a des yeux de gueule de bois. Sès îs criye après bibite : elle est en chasse. Èle a dès îs boûrdés come ène lète dè moûrt : avec trop de mascara. Rîre d'in n-î, yè brére dè l'aute : être pris par deux émotions contraires. Il a dès îs à 's cu : il voit tout, il est toujours aux aguets. Rv. Avwêr lès îs qui s'invont : tomber de sommeil. Rv. Fé dès îs come in marou pa dzoû 'ne drèsse : faire de grands yeux. Rv. Avwêr dès îs à 's cu : avoir les yeux partout. Fé dès îs come dès fourdènes dins 'ne flate.

iârd, réduct., de liârd, argent, monnaie. Rindez-mi mès iârds (pas de liaison entre mès et iârds) ! Aussi : yârds.

iau, n.f., eau. Peu usité à Ittre, sauf pour certaines rimes. V. eûye. Rv. C'esst' avè poû d'imbaras què pût mau a tcheut dins l'iau !

iboû, n.m., hibou.

Ida, dans la réplique qui suit une phrase se terminant par i d'a. Dès puns, i d'a ? Répl. Ida est moûrte dèspu lonmin !

idintifyi, identifier. Èl Police a idintifyi lès cis qu'ont volé l'auto d'èm' vizin.

idintikmint, identiquement. Chou vèrt, yè vèrt chou, c'esst' idintikmint 'l minme afêre.

idéye, n.f., idée, intention. Avwèr sès idéyes su 'ne saki : avoir des visées sur quelqu'un pour une relation amoureuse ou autre. I n'a ri d' pus foûrt qu'ène idéye ! Dj'ai toudi yeû mès idéyes su Paulète. Avwêr dè l'idéye : être imaginatif.

ièle, pr. pers., elle : voir léye.

Ignace, lieu-dit à Ittre, en contre-haut, au début du Vî Pavé d' Askimpont. Rv. Al Sint Ignace, c'est 'l fièsse dès tch'feûs ! (Sint Tignasse, hin, sézi !)

ignorant, e, imbécile, stupide. Vos n'astez qu'ène bièsse d'ignorant !

ikè, n.m., secousse, saccade. Èm' n-auto va à ikès, ça m' rind malâde ! V. licote.

ik'ter, hoqueter en pleurant. Quand èle brét, èle ikète à mori.

Il-a-d'djà-dès-Pwèy', spo.

ilégal'mint, illégalement. Lès cis qui boute ilégal'mint vont avwêr dès rûjes.

ilizîbe, adj., illisible. Çou qu'èl gamène a scrit esst' illizîbe, dès vréyes pates dè mouches !

iliziblèmint, illisiblement.

iluzwêre, adj., illusoire. Crwêre qu'on va diminuwer lès impôts, c'est foûrt iluzwêre.

imâdje, n.f., image. Sâdje come ène imâdje

imadjiner, imaginer. Si vos vos imadjinez qu' vos dalez gangni dès iârds in d'meurant achis su vo sèle, ça c'est couye bèrdouye, hin fieu !

imbalâdje, n.m., emballage. Quand vos acatez 'ne sakè au boutike, i vos faut tîkfwè 10 minutes pou rsaki l'imbalâdje ! Woûûh qu' c'esst 'inmarvouyant !

imbaler, emballer. I s'imbale toudi pou ri ! Lès tch'faus s'imbale. Dji vos imbale (aux cartes) !

imbaleû, se, n.m.f., celui ou celle qui emballe.

imbal'mint, n.m., emballement. Dins 's n-imbal'mint, i f'roût n'impoûrtè kè !

imbara, n.m. embarras. I fét branmin d' sès imbaras. C'esst' in fèzeû d' imbaras. I n' a pon d' imbara pour li (il est assez riche). Rv. C'esst' avè poû d'imbara què pût mau a tchieut dins l'iau. Kè f'zeû d'imbara, on diroût in tchi d' Mossieu ! Rv. I n' a pon d'imbaras : pas de problème, ça ne peut mal.

imbarassant, e, adj., embarrassante, e. Rire tout seû, c'est tikfwè imbarassant !

imbarasser, embarrasser. Il a skèté l'èscoupe du vizin, yè asteûr, il est foûrt imbarassé avu ça ! I n' s' imbarasse dè ri, ni minme dès autes (c'est un égoïste).

imbarbouyi, embrouiller, embarbouiller, barbouiller. Lès èfants, is s'imbarbouye tout quand is mindje ène crin.me à la glace. Lès foûrts vîs s'imbarbouye dins leûs idéyes.

imbardaki, entortiller. I s' a lèyi imbardaki dins 'ne drole d'afêre.

imbardéye, n.f., embardée. I rouloût télmint râde dins lès bèrdouyes, què tout d' in coû, bardaf, ça stoût l'imbardéye !

imbarki, 1. embarquer : Colette yè Chantal Dumont imbarkine su in batia à Skimpont, yè èles daline djusk' à l'èclûje d'après. Èles rèv'nine à pîd ou bi avu in aute batia. 2. emmener : on l'a imbarki à Wautî-Brin.ne tél'mint qu'i fèzoût dès bièstriyes. 3. dériver : èm' batia d' papi s'a imbarki sul Ry.

imbâse, n.f., embase. On a mis ène bone imbâse pa-d'zou l'èglime.

imbatâbe, adj., imbattable. Pou raconter dès fauves, il esst' imbatâbe.

imbauchâdje, imbauche, n.m., embauchage. Lèyon s' a présinté à Clabecq pou l'imbauche.

imbaucheû, se, n.m.f., embaucheur, euse. Lès imbaucheûs chwèzissine lès pus foûrts pou kèrtchi lès wagons.

imbauchi, 1. embaucher : On va putète imbauchi al papètriye. 2. ébaucher : l'architèke a imbauchi lès plans d'èl mézo. Èl plafoneû a imbauchi lès plafonds (1ère couche de mortier gris).

imbauchwêr, n.m., embauchoir. On a acaté in n' imbauchwêr pou mète dins lès nieus solés ; dinsi is d'meur'ront su foûrme.

imbaumer, 1. embaumer, empailler. Eric a imbaumé ène tièsse dè cèrf'. 2. empester : quand on vûde èl fosse al fichéye, tous lès vizins ont d' l'apétit… ! 3. par moquerie : indolent : in imbaumé parèy', i n' dira jamé pus râde qu'èl tram.

imbaumeû, se, embaumeur, euse, empailleur, euse. Asteûr, lès cis qu'imbaume lès djins, on lès apèle les thanatopracteurs, trices. Ça candje tout !

imbaum'mint, n.m., embaumement. Du timps dès farawons, l'imbaum'mint, ça stoût 'l moûde, lès monchas d' cayaus ètou.

imbècîle, adj., et n.m.f., imbécile. Si on d'vroût rinsèrer tous lès imbècîles dins dès placârds, i n' aroût pus branmin d' djins pou sèrer lès uchs. Rv. Vos m' pèrdez pou in imbècîle ? Répl. Non, mins dji pûs m' tromper !

imbèli, embellir, atténuer. Lès fleûrs ça imbèlit tous lès djârdins. Il a imbèli sès flotches (erreurs).

imbèlich'mint, n.m., embellissement. L' imbèlich'mint dès mézos, ça fét pléji à vîr quand on s' pourmène.

imbèrdachi, couvrir de boue, empêtrer. Quand on pèstèle dins lès frèchaus, on s' imbèrdache toudi.

imbèrdaki, empêtrer, embarrasser. Is s'avine imbèrdaki dins lès buchons.

imbèrkin, n.m., vilebrequin, foreuse à main en forme de vilebrequin. Lès mènuziés forine avu dès imbèrkins.

imbèrlificotâdje, n.m., action d'emberlificoter. Èl tchi avoût ène longue lache, yè i nos a fét in imbèrlificotâdje dè tous lès djâles alintour du pîd d'èl tâbe.

imbèrlificoter, emberlificoter. Su Intèrnèt', il a dès spécialisses pou imbèrlificoter lès djins, gare à vo poûrtèfeuy'.

imbèrlificoteû, se, emberlificoteur, euse. Li, c'est lè rwè dès imbèrlificoteûs, i vos d'in chufèle, què vos n' savez pus chûre.

imbèrnâdje, action de salir, souiller. Quand i pieut sul pièsinte, bondjoû lès imbèrnâdjes.

imbèrner, salir, souiller (plutôt par des éléments non solides). Lès èfants ont djeûwé dins lès bèrdouyes yè asteûr, leûs marones sont tout imbèrnéyes. Lès garajisses ont leûs salopètes foûrt imbèrnéyes dè crache.

imbèrtaki, empêtrer. V. imbèrdaki, imbardaki.

imbétant, e, adj., embêtant, e, ennuyeux, se. Quand i bwèt, i d'vit imbétant.

imbéter, embêter, ennuyer. Èle est foûrt imbétéye d'avwêr mau rèspondu.

imbét'mint, n.m., embêtement. Dins 'l viye, c'est ni lès imbét'mints qui manke.

imbicion, n.f., ambition. Lès djoûnes ont toudi branmin d'imbicion.

imbicioner, ambitionner. Mi dj'avoûs imbicioné dè dèv'nu Pâpe, mins final'mint, yèsse toudi abiyi in blanc, c'est trop salichant, yè on vos vwèt dè d' lon, pus moyi dè daler à vo marone discrèt'mint pa dière lès ârbes !

imbîji, imbîzer, gercer. Pau vint d'bîje, dj'ai toudi mès lèpes imbîjiyes/imbîzéyes.

imblaver, emblaver. On imblave ène têre in mètant dès s'minces dèdins.

imblav'mint, n.m., emblavement. Lès imblav'mints, ça s' fét avant l'ivièr ou bi al bone sézo.

imbobiner, embobiner. Èle s'a fét imbobiner pa in vindeû qu'avoût ène doûce alin.ne.

imborgni, éborgner. Èm' grand-pére a sti imborgni in tapant su in clô qu' a rdjiblé dins 's n-î.

imbouchi, emboucher. À foûrce d'imbouchi 's trompète, sès lèpes astine toutes roudjes.

imbouchur', n.f., embouchure. L'imbouchur' d' in tuba.

imbourber, embourber. I s'a imbourbé in dalant dins les Moûrbètch', djusse avant 'l Bon Dieu qui Croke.

imbouti, emboutir. I n'a ni vu qu'èl ci pa-d'vant li frin.noût, adon il a imbouti 'l bâre-chocs dè l'aute.

imbrassâdje, n.m., embrassade. Quand c'est fièsse dè famiye, lès imbrassâdjes, ça n'arète ni. V. rimbrassâdje.

imbrasseu, se, n.m.f., embrasseur, euse.

imbrassi, embrasser. Imbrassi lès bèles coumères, tous lès omes font ça foûrt volti. V. rimbrassi.

imbrass'mint, n.m., embrassement. Lès imbrass'mints avu dès matantes à moustatche, c'esst' ène corvéye dè Nouvel-An ; c'est bon qu'on rçwèt dès dringuèyes, hin… !

imbrèyâdje, n.m., embrayage. L'imbrèyâdje, c'est 'l pèdale dè gauche… èn' cachiz ni pus lon !

imbrèyer, embrayer. Si vos imbrèyiz, l'auto va avanci.

imbrigader, embrigader. I s'a fét imbrigader al jandarmèriye.

imbrocâdje, n.m., 1. action de donner des jets : l'imbrocâdje dès nwèj'tis.

imbroki, 1. rejeter, donner des jets : lès patakes s'imbroke. 2. s'embourber, s'empêtrer.

V. imbèrdaki.

imbrotchi, embrocher. On va imbrotchi 'l pourcha pou 'l fé cûre.

imbrouye, n.f., embrouille. Dins toutes lès famiyes il a d' l'imbrouye. V. infoufiâdje.

imbrouyeû, se, n.m.f., embrouilleur, euse. N' vos fiyiz ni à li, c'esst' in imbrouyeû.

imbrouyi, embrouiller. À foûrce dè tout imbrouyi, dji n'comprinds pus ri !

imbuscâde, n.f., embuscade. Dj'ai tcheut dins 'ne imbuscâde (j'ai dû participer à une beuverie).

imbuski, embusquer. Lès cacheûs ont sti s'imbuski t'au long du bo.

imbwètâdje, n.m., emboîtage.

imbwèter, emboîter. Djè li z-ai imbwèté 'l pas.

imbwèt'mint, n.m., emboîtement.

L'imbwèt'mint dès pièches est bon.

imédiat'mint, immédiatement. Gamin, vènez imédiat'mint dwéci. Syn., tout d' chûte/sûte.

iminsémint, immensément. I d'a d' trop qui sonsst' iminsémint riches à costé dès cis qui sont iminsémint poûves. Râm'mint ène nouvèle rèvolucion !

imeûbe, n.m., immeuble. On constrwit dè pus in pus d' imeûbes à apartèmints, minme à Yite.

imiteû, se, n.m.f., imitateur, trice. Frèd du Canari astoût in bon imiteû d' mouchons.

imodérémint, immodérément. I d'a qui bwève imodérémint, adon is atrape toutes soûrtes dè maladîyes.

impaciamint, impatiemment. Èfants, no ratindine impaciamint no Sint Nicolas.

impacyince, n.f., impatience. L'impacyince, c'est pou lès cis qui veule tout, tout d'chûte.

impacyinter, s', s'impatienter. I d'a qui s'impacyinte après trinte sègondes au feu roudje.

impak'tâdje, n.m., empaquetage. In bia impak'tâdje dè pralines, ça done inviye.

impak'ter, empaqueter. In ivièr, èle s'impakète dins trwès pilôfe.

imparcial'mint, impartialement. Il a sti jugé imparcial'mint à Nivèles.

impardonâbe, adj., impardonnable. I rouloût à 130 à l'eûre dins 'l rûwe dè Samme ; c'esst' impardonâbe.

imparer, s', s'emparer. Achille s'a imparé du balon, yè il a marki in gôl.

imparfèt'mint, imparfaitement. Quand l'ouvrâdje a sti fét imparfèt'mint, i faut rcouminchi !

impasse, t. de jeu de cartes : ne pas s'emparer du pli en espérant que son partenaire le fera.

impat'mint, n.m., empattement. L'impat'mint, d'ène auto, c'est 'l distance intrè lès rouwes dè d'vant, yè lès ciènes dè pa dière.

impayer, empailler. Vîr foûrt volti 's tchi, c'est d'djà drole, mins dè d' là al fé impayer… !?

impéchi, empêcher. Djè l'ai impéchi dè s' taper dins 'l canâl. Aussi : impétchi.

impéch'mint, n.m., empêchement. Djè n' sés ni v'nu à vo mézo du fét què dj'ai in n-impéch'mint.

impègne, n.f., empeigne. L'impègne du solé, c'est 'l cûr du d'zeur du pîd.

impèrcèptiblèmint, imperceptiblement.

Impèrcèptiblèmint, il a mis 's min dins 'l siène, mins quand èle l'a sintu, èle li z-a foutu ène bèrlafe què 's tièsse a toûrné deûs coûs su 's dos.

impétchi, V. impéchi.

imp'reûr, n.m., empereur. L'imp'reûr Lampe au Néon est mou acétylène : quand vo stez rosse, ça vût dire : l'imp'reûr Napoléyon est moûrt à Sinte Hélène. Imp'reûr : tireû à l'arc qu'a abatu 'l coq trwès anéyes in chûvant.

impérieûs'mint, impérieusement. Quand on a 'l prostate, il arife qu' i vos faut impérieûs'mint lachi l'eûye !

impèster, empester. Lès fumeûs impèsse, yè ça s' sint dè d' lon, yè lonmin.

impèstiférer, empester. In vûdant 'l fosse dès cabinèts, no vizin nos a impèstiféré à rlaye.

impétuweûs'mint, impétueusement. Il a rintré impétuweûs'mint dins 'l mézo pou li dire sès kates vérités.

impidji, entraver, empêtrer. Èl bègna esst' impidji dins lès frèchaus.

impiéter, empiéter. Èl camion impiétoût sul pisse ciclâbe, yè il a foncé d'dins avu 's vélo.

impièt'mint, n.m., empiètement. Lès ârbes du vizin avine in impièt'mint dè 2 m su 'm tèrin.

impifrer, empiffrer. Quand c'esst' à volonté i s'impife pûs pîre qu' in pourcha.

impiler, empiler. Lès batchs s' impile dins l'èrmîje.

impiri, empirer. Quand on d'vît vièy', tous nos maus impîre.

impitwèyâbe, impitoyable. I faut yèsse impitwèyâbe avu lès cis qui font du mau à lès èfants.

impitwèyâblèmint, impitoyablement.

implacâbe, implacable. Èl jûche a sti implacâbe avu 'l récidivisse.

implacâblèmint, implacablement.

implas'mint, n.m., emplacement. Al brocante, lès vindeûs paye leû n' implas'mint.

implâte, n.m., emplâtre. Mète in implâte su 'ne djambe dè bo, c'est come tchanter Malbrouk, ça n' sièrt à ri.

implwèyé, ye, n.m.f., employé, e. Rèné astoût implwèyé al Papètrîye.

implicit'mint, implicitement. Ça stoût marki implicit'mint dins 'l gazète.

impliki, impliquer. I s'a foûrt impliki dins 'l viye du vilâdje.

imployi, implouyi, employer. I stout implouyi à tout fé.

impochi, empocher. Chènance dè ri, c'est li qu'a impochi èl bènèfice d'èl fièsse.

impolimint, impoliment. Rèsponde impolimint, c'est d'èl mauvéje éducacion.

imposse, n.f. imposte. In djeûwant au fout'bal, lès gamins ont skèté 'l carau d' l'imposse.

impossibe, adj., impossible. Rv. Impossibe n'est ni francès ! I n'a ri d'impossibe à ça. Rv. On n' sét ni fé du suke avu du brin : c'esst' impossible. Aussi impossib'.

impougnâde, n.f., empoignade. Quand on pârle politike, ça toûrne bi souvint à impougnâde. V. capougnâde.

impougne, n.f., empoigne. Rv. Il a acaté in vèlo al fwêre d'impougne (il l'a volé).

impougni, empoigner, saisir, agripper. Il a impougni 'l tchi yè i l'a tapé à l'uch.

impoûrtèmint, n.m., emportement. C'esst' in colérike, sès impoûrtèmints sont counus.

impoûrter. 1. emporter : il a impoûrté sès afêres, yè il a rintré à 's mézo. 2. importer : ça, c'est n' impoûrte kè ! N' impoûrte ayu. Impoûrter dès déréyes coloniales.

imprévwèyance, n.f., imprévoyance. Èl frumûje l'avoût bi dit al cigale : avu vo n' imprévwèyance vo direz tchanter pa-d'vant l'uch dèl CPAS t'au long d' l'ivièr.

imprévwèyant, adj., imprévoyant, e. Lès djins imprévwèyants diront briber à lès uchs dè leûs vizins.

imprijonemint, n.m., emprisonnement. Il a sti condan.né à 6 mwès d'imprijon'mint.

imprijoner, emprisonner. Il a sti imprijoné à Yite : 3 mwès pou avwêr èscroki èl mitan du vilâdje.

imprimeû, n.m., imprimeur. Armand Denuit astoût imprimeû al rûwe Plantchète.

improprèmint, improprement. On pârle improprèmint du Rwè d' Bèljike : i faut dire èl Rwè dès Bèljes.

imprudamint, imprudemment. Si vos roulez imprudamint tout près dès èscoles, on vo mètra à l'aminde.

imprunt, n.m., emprunt. Is ont fét in imprunt pou acater 'ne mézo au Kârti du Tram.

imprunter, emprunter. Atincion, imprunter, ça cousse dès liârds.

impunémint, impunément. Ça fét deûs ans qu' i min.ne ès' n-auto impunémint : on l'i z-a rsaki ès' pèrmis d' condwîre, mins i s'in fout, i n'a jamé sti controlé pal Police.

impwèsse, n.f., empois. D' l' impwèsse c'est d' l' amidon qu'on mèt su lès tchèmises po n' ni fét dès plis.

impwèyer, employer. I d'a qui impwèye tous lès trucs pou n' ni payi d' contribucions. V. imployi, implwèyé.

impwèzonemint, n.m., empoisonnement. Il est moûrt d'in impwèzonemint du sang.

impwèzoner, empoisonner. Lès brus dès motos impwèzone souvint 'l trankilité dès djins du vilâdje : on lès intind dè Waut-Ite djusk'à tout près In.nuyères !

impwèzoneû, se, n.m.f., empoisonneur, euse. Il a dès djins, c'esst' à crwêre què c'est dès impwèzoneûs d' mèsti : is foute èl brin pa t'avau.

impwissant, e, adj. : impuissant. Cet état amène parfois des hurlements de loup chez ceux qui en sont atteints :

- Grand-père, il a lonmin qu' vos stez impwissant ?

- Wouuuu, wouuuu !

- Coumint qu' ça s'fét ?

- Bi, c'est l'orâdje qu' a tcheut su 'm paratonère !

in, adj., num., un. In tchi, in tcha, in tch'fau. Il arife à in n-eûre dè l'après-din.ner.

in, art. indéf., un. In djou ou l'aute, vo toûr véra.

in, prép. en. Lès èfants sonsst' in condji.

in, pron. pers., en. Kou ç-qu'on in f'ra d'ès' n-ome-là ?

inaboûrdâbe, adj., inabordable. Acater in tèrin à Yite, ça d'vit inaboûrdâbe pou lès djoûnes.

inachèvé, ye, adj., inachevé, e. Vo vîye esst' inachèvéye djusk'au djoû qu' vos vîrez lès pîds du fosti pa pa-d'zou.

in-ardi, en-hardir. Ès' n-èfant-là, i dwèt s' in-ardi au pus râde.

inatincion, n.f., inattention. Ène sègonde d'inatincion au moumint què… !, yè bardaf, vo vlà oblidji d' vos marier.

in-bas, n.m., rez-de-chaussée. Èm' feume èrnètiye l'in-waut avant d' fé l'in-bas.

inbrakner, s', s'acoquiner. S' inbrakner avu dès vauris, ça toûrne toudi mau.

in-ca, n.m., encas, ombrelle. Dj'ai pris m' n'in-ca avu, dinsi, si on n' troufe ri à mindji, ça dira. I pût pieûre, dj'ai pris 'm n' in-ca (ombrelle) avu.

incachi, chasser hors, pourchasser. Il a couminchi à cachi misère, adon, dji l'ai incachi d'èl mézo. Aussi : cachi.

incâdrèmint, n.m., encadrement. N' dèmèrez ni dins l'incadrèmint d' l'uch, intrez ardimint !

incâdrer, encadrer. On va incâdrer 'l foto d' no tchi, èyè on l' mètra dins 'l bèle place.

incâdreû, se, n.m.f., encadreur, euse.

incaki, encaquer. Èl sèm'di à midi quand lès djins rèv'nine du martchi d' Nivèle à midi, on stoût incakis dins 'l tram come dès érins (harengs) dins 'ne cârtèle (tonnelet).

incanayi, s, encanailler, s'. Èl sèm'di swêr, i va s' incanayi dins dès droles dè cabarèts.

incastrer, encastrer. I s'a incastré dins 'l grosse pilasse du cwin du mur'.

incendîye, n.m., incendie.

Fauve : à Washington, èl feu a pris dins 'l Maison Blanche, adon, èl Présidint Trump, i brét, i brét… ! In pompier arife dè lé li :

- Scusez, Présidint, poukè bréyez dinsi, hon !?

- Bi, dj' avoûs deûs lifes, yè i d'a yun kè djè n' avoûs ni co fini dè mète lès imâdjes in couleûr !

incendyi, incendier. Èl tounwêre a tcheut su 'l twèt d' l'èscole d'aplicâcion (Ecole Normale) à Nivèle, yè 'l guèrni a sti incendiyi.

incèrclèmint, n.m., encerclement. Lès leûps ont fét in n-incèrclèmint alintour du bèdot, yè après, ils l'ont mindji.

incèrcler, encercler. Èl 4 sètimbe 1944, à Jacquet, sul route dè Vèznau, lès djoûnes résistants ont sti incèrclés pa lès Almans qui d' ont tuwé 5 : Louis Mabille, Maurice Herpain, Pierre Charlier, Antoine Gueur yè Jean Hoyoux. Dins lès Almans, in blèssé : Benno Schirmer qu' est moûrt dins 'l mézo dè Frèd du Staloni, rûwe d' Haut-Ite.

incèssamint, incessamment. Incèssamint sous peu dji vérai à vo mézo pou bwêre in vêre.

inchanter, enchanter, charmer, ensorceler. Dji sus inchanté dè 'm nouvia vèlo élèktrike, asteur, dji monte èl tiène Bièrny come pou rire. Ès' coumère-là m'a inchanté, dji sus nèt' sot après léye. V. intchanter.

inchaufer, échauffer, enflammer. I monte râde in grin.nes ; i s'inchaufe pou n' impoûrte kè. V. intchaufer.

inchène, ensemble. Yèsse coumarâde inchène. Daler al ducasse dè Vèznau inchène. Rv. Su 's monde-ci, on n'arive ni inchène, yè on n' s' inva ni inchène. V. èchène.

inchifèrné, ye, inchufèrné, ye, adj., enchifrené, e. Avu 's catâre, èle est toute inchifèrnéye, èle n' arète ni d' soufler 's mouzon.

incidamint, incidamment. Lèyon, dj'ai apris incidamint qu' vos aviz yeû 'ne croke ! Ça va asteûr ?

incin, n.m., encens. I d'a qui n' supoûrte ni l'odeûr dè l'incins, is tchéye fébe.

incins'mint, n.m., encensement.

À lès intèr'mints, lès moûrts sont nouyis pa-d'zou lès incins'mints : is sont cras avu ça !

incins'wêr, n.m., encensoir. Èl curé a rinsèré l'incins'wêr dins 'l tabèrnake.

inclo, n.m., enclos. Faute à lès rnauds, i faut tènu lès pouyes dins in n-inclo. L'inclo dès Lapins, c'est sul route dè Vèznau, ni lon du canâl.

inclume, n.f., enclume. V. èglime.

inclusiv'mint, inclusivement.

incoche, n.f., encoche. Tous lès ans, 'm pére èm' mèzuroût avu in baston èyè i fèzoût ène incoche pou vîr si dj'avoûs crèchi, yè d'combi.

incolur', n.m., encolure. Pou mès tch'mîses, i m' faut ène incolur' dè 42, sinon, dji straune.

incombe, encombre. Lès èfants sonsst' arivés sins incombe à Péri Déza.

incombrant, e, adj., et nom, encombrant, e. Deûs coûs par an, èl Comune passoût pou 'l colèke dès incombrants.

incombrèmints, n.m., encombrement. À lès eûres dè pwinte, il a toudi dès incombrèmints pou daler à Brusèle.

incombrer, encombrer. Quand in camion esst' arèté dins 'l vilâdje, il incombre èl tchèmin.

incomparâbe, adj., incomparable. Bwêre d' èl Gueûze ou bi ène Trapisse, c'esst' incomparâbe.

inconcèvâbe, adj., inconcevable. Daler à pîd djusk' à Rome c'esst' inconcèvâbe mins i d'a qui l'ont fét.

inconsiamint, inconsciemment. Inconsiamint, il a dèsbobiné çou qu'i n' dèvoût ni dîre.

inconsyince, n.f., inconscience. Rouler râde pau brouyâr, c'est d' l' inconsyince.

inconte, à l', à l'encontre. Dji n' vas jamé à l'inconte dès idéyes d'èm' feume, sinon, c'est grougne èyè salâde dè cu rtoûrné pou 'ne sèmin.ne.

incontèstâbe, adj., incontestable. Vos stez pus malin qu' mi, c'esst' incontèstâbe.

incontèstablèmint, incontestablement. Eddy Merckx est incontèstablèmint èl pus foûrt coureû à vélo pou toudi.

incorèctèmint, incorrectement. I d'a branmin qui scrîve èl francès incorèctèmint.

incorporer, avaler une boisson, de la nourriture. Quand il âra incorporé ès' saclot d' frites à 2 eûros, èyè sès deûs cèrvèlas, i s'ra apowé, i n' sâra pus dîre pape !

incougnur', n.f., encoignure. On fabrike dès meûbes èspéciâls pou mète dins lès incougnur'. V. incwègnur'.

incouradjant, e, encourageant, e. Quand on vwèt qu'èl djârdin est bia, c'esst' incouradjant pou continuwer à bouter d'dins.

incouradjeû, se, n.m.f., personne qui encourage. Lès pus incouradjeûs sont souvint lès parints dès èfants.

incouradji, encourager. Pou incouradji lès cis qui font du sport, i faut leû dîre : « èn' lachiz ni pou lès Waut-Ite ». Note : au jeu de fer, Haut-Ittre disposait d'une équipe qui raflait les premiers prix ; on encourageait leurs adversaires par le slogan en question.

incouradj'mint, n.m., encouragement. Lès incouradj'mints, ça assiste lès cis qui d'ont dandji.

incouri, s', s'enfuir. I s'a incouru come in tchi qu'a 'l feu à 's cu. Èl tcha s' inkeûrt quand il a peû.

incoûrner, encorner. Èl vatchi a sti incoûrné pau toûr. Èl gate a sti incoûrnéye pal bouc.

incrachâdje, n.m., graissage. Avant d' mète èl platène au foûr, i li faut in bon incrachâdje.

incrachi, 1. engraisser : on incrache èl moyeû pal trou d' incrachâdje. I s' incrache come in pourcha. 2. graisser : il a incrachi 's salopète. Rv. Il incrache sès botes (il se prépare pour un long voyage). 3. duper, escroquer : i cache toudi à incrachi lès djins. Rv. Ç-n'est ni à chuchi 'l vèrau (verrou) d'èl câve qu'i s' incrache. I va mori, èl curé a v'nu incrachi sès botes : lui a administré les derniers sacrements.

incrach'mint, n.m., engraissement. L'incrach'mint dès pourchas, ça dur' intrè 3 à 5 mwès.

incrinki, s', s'embarrasser, s'empêtrer. Èl mouchon s'a incrinki dins 'l filèt du tindeû. Aussi : impidji, imbrinki.

incrwèyâbe, adj., incroyable. C'esst' incrwèyâbe çou qu'on vwèt asteûr al tèlèvision.

incrwèyant, e, adj., incroyant, e. In Bèljike, il a d' pus in pus d'incrwèyants lé lès catolikes.

incroter, s', s'endetter. Is s'incrote tél'mint, qu'asteûr, is dwève vinde leû mézo.

incwègnur', encoignure. Lès meûbes in foûrme dè cwins, ça s'apèle ène incwègnur'. V. incougnur'.

incwètes, galerie du cloître. À Nivèle, èl martchi d' Nowé, est stitchi dins lès incwètes.

indaler, partir, mourir. I va s'indaler pou toudi.

indauboûzer, barbouiller, couvrir de saleté. Quand i pieut yè qu' lès èfants vont djeûwer à l'uch, is rvène foûrt indauboûzés. Aussi : dauboûzer.

in-d'dins, n.f., intérieur, doublure. L'in-d'dins d' in paletot. Èl mèd'cin li z-a fét drouvi 's bouche pou vîr s' n' in-d'dins.

indéfinimint, indéfiniment. Indéfinimint, c'esst' in mot foûrt counu dès cis qui ratinde lès bus du TEC qui sonsst' in gréve.

indépendamint, indépendamment.

Indépendamint d' ça, mi dji vos dis què djè n' dirai pus djeûwer à cârte au cabarèt.

indèter, endetter. I s'a indèté pou acater in n-apartèmint in Espagne.

indeûri, endurcir. V. indurci.

indèver, tourmenter, enrager. Si vos fètes indèver 'l tchi, i va vos agni.

in-dèwoûr, n.m., extérieur. Lès in-dèwoûrs d'èl mézo sont fins bias.

indiféramint, indifféremment. Dji pârle indiféramint francès ou walon.

indiférint, adj., indifférent. D'èl soupe ou bi du pôtâdje, ça m'est indiférint.

indijèsse, adj., indigeste. Lire èl Moniteûr Bèlje, ça, pou yèsse indijèsse, c'esst' indijèsse.

indiki, indiquer. C'esst' in flamind qui m'a indiki 'l tchèmin ; pour mi, ça stoût du canifèchtoûne, dji n'ai ri compris !

indimanchi, endimancher. Lès coumères qui daline à mèsse astine au pus indimanchéyes possib'. Aussi : indimantchi, indiminchi, indiminci.

indirèctèmint, indirectement. Èle m'a fét indirèctèmint comprinde què dji n'astoûs ni à 's goût.

indiscrèt'mint, indiscrètement. Dj'ai apris indiscrèt'mint qu'èl curé Cambier daloût yèsse nomé dwèyin à Tubisse.

indiscutâbe, adj., indiscutable. Deûs yè deûs, ça fét kate, c'esst' indiscutâbe.

indiscutâblèmint, indiscutablement. Lès Flamins sont indiscutâblèmint pus nombreûs qu' lès Walons.

indistinctèmint, indistinctement. Al papètrîye, is ont ingadji indistinctèmint dès omes yè dès feumes.

indîve, n.f., endive, frisée. Pou fé blanchi lès indîves, on lès rlouye. Atincion : à Paris, ène indîve c'esst' in chicon. Rv. Skeûre ès' n'indîve (pour une dame qui va à la toilette)(belg.).

individuwél'mint, individuellement. Pou voter, on passe individuwél'mint dins l'isolwêr.

indjèlé, ye, adj., pour une personne introvertie, indolente. I n' dit ri, i n' fét ri, ké indjèlé !

indjèler, geler. Dj'ai mès dwèts yè mès pîds tout indjèlés.

indjèlur', n.f., engelure. Dj'ai râde dès indjèlur' à mès pîds.

indjoler, enjôler. Avu sès risètes, èl gamène m'a indjolé.

indjoleû, se, n.m.f., enjôleur, euse. Avu 's doûce alin.ne c'esst' in indjoleû d' prèmière.

indjoliyi, enjoliver. Lès mézos indjoliyéyes c'est pus bia à raguider. Aussi indjoliver.

indjur', n.f., injure. C'est lès maus alvés qui lance toudi dès indjur'.

indjuryi, injurer. I s'a fét indjuryi pau ci qu'il a fét tchèr dju dè 's moto.

indjusse, adj., injuste. L'èkipe qu'a sti batuwe au fout'bal troufe toudi qu' c'esst' indjusse.

indjustèmint, injustement. Èl mésse l' a puni indjustèmint.

indjustice, n.f., injustice. Lès indjustices, ça n'est ni suportâbe pou pièrsône.

indolori, adj., endolori. Èm' pètit dwèt esst' indolori dèspu què dj'ai rclapé l' uch dèssu.

indomadji, endommager. Èl vint a indomadji sacans twèts dins 'l viladje.

indos'mint, n.m., endossement. On a sti al banke pou l' indos'mint d'in gros chèke.

indosser, endosser. C'est li qu'a indossé lès dèsses d'ès' feume.

indoûrmeû, se, n.m.f., endormeur, euse, trompeur, euse. Lès aparinces sont tikfwè indoûrmeûses.

indoûrmi, endormir. Pou indoûrmi l'èfant, ès' mame li tchantoût : « èle m'est l'avoût toudi promi dè bi râde s'indoûrmi… ». Rv. I n'faut jamé s'indoûrmi su sès cabus/ lauriers.

indrwèt, n.m., endroit. Jules, vos tchaussètes nè sont ni à l' indrwèt ! Èl pètit indrwèt (W.C.).

indumint, indûment. I s'a fét passer indumint pou 'l comte dè Monte-Cristo.

indurance, n.f., endurance. Pou d'meurer chinkante ans avu 'ne saki qu'on a marié, i faut branmin d' indurance.

indurant, e, adj., endurant, e. Pou couri in maraton, i faut yèsse foûrt indurant. Lès feumes sont souvint pus indurantes què lès omes.

indurci, endurcir. Quand on daloût saudard in an d' long, on rèv'noût pus indurci qu'avant. V. adeûri. Rv. L'avarice indurcit 'l kieûr.

indurcich'mint, n.m., endurcissement.

indurer, endurer, souffrir. Avant d' vîr lès solés du fosti, i d'a qu'ont branmin induré.

industriyèl'mint, industriellement. Si 'l pangn' est fabriki industriyèl'mint, ça cousse mwins' tchèr, mins putète què ça n'est ni si bon.

indvincion, n.f., 1. invention : èl machine à buwéye, c'esst' ène bèle indvincion. 2. mensonge : c'est tout pur' indvincions çou qu' vos ramadjiz dwéci. Aussi : invincion.

indvincioner, mentir, se défiler.

indvincioneû, se, personne qui ment, qui se défile.

indvinter, inventer, composer, créer. Râm'mint qu'on indvinte ène machine pou fé lès djins intèlijants. I d'a qui sont toudi à indvinter dès fauves. Aussi : invinter : invinter dès istwêres.

indvinteû, se, n.m.f., inventeur, trice, mythomane. Èl baron Bich n' est ni l' indvinteû dès stilos à bîye : c'est lès frères Biro qu'ont lanci ça in 1938. In indvinteû d' mintes. Aussi : invinteu.

indvitacion, n.f., invitation. Nos avons rçu ène indvitacion pou daler au mariâdje dè no cousin, au Palais d' Plume à Yite. Aussi et de préférence : invitacion.

indviter, inviter. Dji n' vos indvit'rai ni à 'm mézo, vos stez bi trop boufon, èl tchi n'âra ri à mindji. Aussi et de préférence : inviter.

inégâl'mint, inégalement.

inévitâbe, inévitable. Quand on boute, c'esst' inévitâbe, on fét tikfwè dès floutches.

inévitâblèmint, inévitablement. Dji sus 'l pus vî d' èl famiye, inévitâblèmint, c'est mi qui va mori 'l preumi.

in-èsprè(s), exprès. Waye mins hé, vo l'avez fét in-èsprès dè mè spliter dinsi !? Aussi insprè.

infagoter, serrer, emmailloter. In ivièr, i d'a qui s' fagote dès pîds sk'al tièsse pou n'ni avwêr frwèd.

infayiblèmint, infailliblement. I parèt qu'èl Pâpe pârle tikfwè infayiblèmint… ah bon, èm' feume ètou… qu' èle dit !

infance, n.f., enfance. Lès vis èrtchèye tikfwè in infance ; bi waye, on couminche ès' vîye avu dès faches, yè on l' tèrmine souvint avu lès minmes faches.

infârdèlâdje, n.m., emmaillotement. C'esst'al matèrnité qu'on aprind lès mames a fé dès infârdèlâdjes.

infârdèler, 1. emmailloter : infârdèler in bèbè. 2. bander avec un pansement : infârdèler in dwèt cochi. V. fachi, fârdèler.

infarfouyi, s', se troubler, s'embarrasser. Quand i pârle à 'ne bèle djoûne fiye, i s'infarfouye toudi. V. infarfouyi, foufyi.

infaufiler, faufiler. Pou passer pa-d'vant lès autes, i s'infaufile intrè lès djins.

infèrnâl, e, infernal, e. 1. turbulent, e : lès èfants ont co sti infèrnâls audjoûrdu, bi seûr qu' i va fé d' l'orâdje au nût' ! 2. variété de pommes de terre destinée à l'engraissement des cochons.

infeûki, enfumer, fumer un produit alimentaire. Infeûki dès pèchons, d'èl viande. Lès fumeûs infeûkine lès cabarèts, ké pèsse ! V. infunki.

infièr', n.m., enfer. Rv. Il est pus tchaud qu'èl vèra (verrou) d' l' 'infièr. Èl Trau d'Infièr, ayuskè lès coumères sont toudi à pètâdje (lieu-dit sur la route de Haut-Ittre, face au chemin de Schoot) !

infilâde, n.f., enfilade. Lès scolis s'avine mis in infilâde. Lès mézos d'èl rûwe dès Dikes sonsst' in infilâde.

infiler, enfiler. Pou infiler ène èguîye, èl ci qu'a 'l balzin, i n' rit ni.

infileû, se, n.m.f., enfileur, euse.

infinimint, infiniment. Lès parints viye infinimint volti leûs èfants (vîr volti = aimer, sentiment d'amour. V. néerl. ik zie u graag).

inflamer, enflammer. Si vos stitchez ène alumète pa-d'zou in bokèt d' papi, i s'inflame dirèk.

inflèmint, enflement. Quand dji sins qu' mès solés sont trop strwèts c'est qu' dj'ai in inflèmint d' mès pîds.

infler, enfler, gonfler. On m'a raconté l'istwêre d' ène guèrnouye qui vouloût èrchèner à in bieu. Adon, èle s' a infèlè, infèlé, djusk' à lachi èl froûmâdje qu'èle avoût dins 's gueûle. Ène tortûwe qu'avoût batu in lièf al course à pîd, li z-a dit : ascoutez : èl ci qu'est 'l pus foûrt a toudi rézo minme s' i n'a ni dandji d'in pus pètit, i n'a qu'a pârti à timps ! Dji m'infarfouye ? Putète què dj'ai 'l cervau tout infèlé !

inflidji, infliger. Èl mésse li z-a inflidji ène fameûse punicion : rmète èl tablau nwêr in couleûr.

influr', n.f., enflure. Dj'ai poki 'm tièsse sul mur', yè asteûr, dj'ai ène grosse influr' à 'm front.

infoncer, enfoncer, charger, faire endosser. Il a cachi d' m'infoncer pou yèsse payi d' l'assurance. Èl tracteûr s'a infonci dins lès bèrdouyes.

infonceû, se, personne qui enfonce. Rv. C'esst'in infonceû d'uch douvièrte.

infonsâdje, n.m., enfonçage. Èl vèlo a buski dins l'uch' dè l'auto, yè ça a fét in fameû infonsâdje ; l'uch est foutuwe.

infoufiâdje, embrouillement, bégaiement. Avu 's n-infoufiâdje, i n'a pièrsône qu'a compris 'ne sakè.

infoufyi, V. infarfouyi, foufyi.

infournâdje, n.m., enfournage. Lès boulindjis qui sonsst' à l'infournâdje, is crèfe dè tchaud.

infournèmint, n.m., enfournement.

L'infournèmint dès brikes.

infourner, enfourner. Infourner lès târtes, lès gataus.

infourneû, se, n.m.f., personne qui enfourne.

infournwèse, n.f., pelle de boulanger. Lès infournwèses, on leu stitche in long manse, dinsi l'infourneû n'a ni trop tchaud.

infourtchâdje, n.m., action d'enfourcher.

L'infourtchâdje dès djârbes pou lès mète sul tchâr.

infourtcheû, se, n.m.f., personne qui enfour-che. Pou kèrtchi lès tchârs on avoût dandji d' sacans infourtcheûs.

infourtchi, enfourcher. Tous lès matins, èl facteûr dès posses infourtche ès' vèlo pou daler fé 's tournéye.

infrouyi, éye, adj., affairé, e, aussi une personne qui ne sait plus quoi faire, par où commencer. Avu tous sès comptes d'apotikêre, asteûr, il est tout infrouyi. In ronsu qui vwèt ariver ène cavaye, il est tout infrouyi.

infunki, enfumé. L'èstûve èrboufe (refoule, onom.), nos dalons yèsse nèt' infunkis.

infutâdje, n.m., emmanchage d'outils ou d'accessoires, action de s'introduire. Quand on a buski à l'uch', i s'a râm'mint infuté dins 's marone.

infuter, 1. emmancher, emboîter : infuter èl bûse dins l'èstûve. 2. se faufiler, s'introduire : i s'a infuté dins lès djins pou ariver èl prèmi à l'uch du tèyâte d'èl Valète.

infuteû, se, n.m.f., personne qui emmanche. Aussi au sens figuré : personne qui raconte des carabistouilles pour tromper.

ingadjant, e, adj., engageant, e. Ès' n-ome-là, i n'est ni ingadjant, ké mourdreû !

ingadjantes, n.f.plur., atours, engageantes. Lès coumères qui mète leûs ingadjantes c'est souvint pou cachi à s'marier au pus râde.

ingadji, 1. n.m. engagé : li, i boute come ingadji al Police. 2. engager : i s'a ingadji pou trwès ans al Marine.

ingadj'mint, n.m., engagement. Èl mariâdje, c'esst' in ingadj'mint pou lonmin. On dwèt rèspècter sès ingadj'mints.

ingénieûs'mint, ingénieusement. Èl gamin avoût ingénieûs'mint arindji 's tchambe.

Inglès, se, inglès, e, Anglais, e, anglais, e, Rv. Spiter voye à l'inglèse, c'est s' muchi pou s' indaler.

Inglètére, n.f., Angleterre. Si vos dalez pourmèner in Inglètére, fèzez atincion in traversant lès rûwes : i faut d'aboûrd raguider à gauche.…, mins non, c'est 'l contrère !

inglime, V. èglime, èclume.

inglouti, engloutir. L'èfant nos a inglouti trwès dèssèrts d'ène trake ! Co eûreû qu'i n' a ni strauné.

ingorlur', n.f., 1. ensemble du harnachement. À lès tch'faus qui sont pa-d'vant 'l procèssion, on leû mèt ène bèle ingorlur'. 2. accoutrement. Si vos dites à lès cis du Cras Stofé qu' is ont ène bèle ingorlur', putète qu'is n' vont ni rire avu ça !

ingoufrèmint, n.m., engouffrement. L' ingoufrèmint d' l'eûye dins l'èclûje esst' imprèssionant.

ingoufrer, engoufrer. Èl tchi s'a ingoufré dins 'l buchon, au cu du lapin.

ingoufreû, se, n.m.f., personne gloutonne. In ingoufreû d' gataus.

ingourdi, engourdir. À d'meurer achis sul banc, dji sus nèt' ingoûrdi.

ingourdich'mint, n.m., engourdissement.

ingourdjèmint, n.m., engorgement. À sèt' eûres au matin, lès ingourdjèmints couminche à l'intréye dè l'autoroute, à Waut-Ite.

ingourdji, engorger.

ingrédyint, n.m., ingrédient. Su lès imbalâdjes dè boubounes, lès ingrédients sont markis ; bon apétit.

ingrènâdje, n.m., engrenage. Rv. Ès' lèyi prinde dins l'ingrènâdje.

ingrèner, engrener. In coû qu'il a lachi l'imbrèyâdje, tout s'a ingrèné.

ingrèneû, se, n.m.f., personne qui engrène.

ingrès'mint, n.m., engraissement. Mète lès pourchas yè lès bieus à l'ingrès'mint. Aussi incrach'mint.

ingrèsser, engraisser. I d'a d' trop qui s'ingrèsse sul compte dès autes.

ingueûlâde, n.f., engueulade. Èl vizin a yeû ène ingueûlâde avu 's feume yè is ont même tapé dès bidons (vaisselle) al têre. À tous mès bultins, dj'avoûs ène ingueûlâde d'èm' pére.

ingueûler, engueuler. Èl patron ingueûloût toudi sès ouvris minme qu'is fèzine du mèyeû possib' ; final'mint, i s'a rtrouvé tout seû.

Ingui, Enghien. À Ingui, is pârle mitan francès, mitan flamin, alez vo spliki avu yeûss' !

inguirlander, enguirlander. V. ingueûler.

inke, n.f., encre.

inkié, n.m., encrier. Cécile buvoût l'inke d' ès' n-inkié. Aussi : inkriyé.

inkès'mint, n.m., encaissement. Lès inkès'mint su 'm compte in banke, ça m' fét pléji.

inkèsser, encaisser. Il a inkèssé sacans maleûrs dins 's vîye, dèspû, il est souvint trisse.

inkèsseû, se, n.m.f., encaisseur, euse. Pière astoût inkèsseû al Banke Nacionâle.

inkeûre, s', s'encourir. Èl ci qui scape, i s'inkeûrt.

inkeuwer, inkeuy'ter, 1. se dit des canidés attachés par la copulation : Jozète, no tchi esst' inkeuwé avu 'l liche (chienne) du vizin, tapez in saya d'eûye dèssu pou qu'is s'dèslache ! 2. heurter par derrière : i stoût distrèt pal coumère qui stoût in p'tite cote sul trotwêr, adon il a inkeuwé l'auto qui frin.noût pa-d'vant li. Aussi : akeûwer.

inkièt, e, adj., inquiet, e. Quand i va fé d' l' orâdje, on vwèt qu' no tchi esst'inkièt.

inkiètud', n.f., inquiétude. L' inkiètud' gangne lès djoûnes : l'av'ni fét peû.

inkriyé, n.m. Encrier. V. inkié.

inlaci, enlacer. Èl rampieule (lierre), ça inlace lès ârbes, mins i n'a pon d' danger pou yeûss'.

inlédi, enlaidir. Fumer, ça inlédi lès djins. Aussi alédi.

inlèv'mint, n.m., enlèvement. L'inlèv'mint dès poubèles, c'esst' in coû par sèmin.ne. Lonmin avant Jézu, Romulus avoût organisé l'inlèv'mint dès Sabines pou doner dès feumes à lès Romains.

inl'ver, enlever. Hé, inl'vez vos solès avant d' rintrer, sinon, vos dalez tout yoûrdi 'l bèle place què djè vis d' ramouner (balayer).

inmagasinâdje, n.m., emmagasinage.

inmagasiner, emmagasiner. Èm' bia-pére inmagasinoût tous lès saclots d' plastike à comissions.

inmankâbe, adj., immanquable. Minme Lionel Mèssie yè Luc Aku rate dès goals inmankâbes.

inmankâblèmint, immanquablement. In djulète, i pieut inmankâblèmint al fièsse nacionâle.

inmantchâdje, n.m., emmanchage. Frécanter avu 'ne coumère qui d'meûre à Foufny-lès-Bèrdouyes c'esst' in drole d'inmantchâdje. V. infutâdje.

inmantcheû, se, n.m.f., emmancheur. 'Stilâle c'esst' in inmantcheû profèssionèl, n' vos fiyiz ni à li.

inmantchi, 1. emmancher : dj'ai skèté 'l manse d'èl brouche, dji vas inmantchi in nouvia. 2. combiner, rouler quelqu'un : il a 'l manière pou inmantchi les djins.

inmantchur', n.f., emmanchure. Mi, dès inmantchur' parèy', dji n' djeûwe ni avu ça ! Pou in bon martia, i faut ène bone inmantchur intrè 'l tièsse yè 'l manse.

inmarachâdje, n.m., empêtrement, encombrement. Il a sti bloki dins l'inmarachâdje dès buchons yè dès ronches.

inmarachi, embourber, entraver, empêtrer. On a inmarachi 'l tchèvau pou qu'i n' pète ni vwèye.

inmarachiner, empêtrer, enchevêtrer. Èl via s'a inmarachiné dins lès fils à ronches. Ès' pére, Anibal avoût yeû 'l minme fârce, yè après on l'a apèlé Ani tout cour'.

inmarach'mint, n.m., V. inmarachâdje.

inmarvoyi, taquiner, agacer. Arètez d' èm' fé inmarvoyi, vo daler ramasser in coup d' pîd à vo cu ! Aussi : èmarvoyi, amarvoyi.

inmayoter, emmailloter, emmitoufler. V. fachi, infârdèler.

inmer, aimer. Dj'inme bi dè lîre èm' gazète à 'm n' éje. Note : dire à l'élue de son coeur « dji vos inme », le inme, ne sonne pas bien aux oreilles ; i vaut mèyeû dire : « dji vos vwès volti 'm n-amoûr ! Quand is frécantine, il l'aroût bî mindji tél'mint qu'i l' viyoût volti, asteûr, i l' mindjroût bi pou d'in yèsse kite. Dj'inme bi dè djeûwer à cârtes. En wallon, on aime « de » faire.

inmiji, jéye, adj., piqué de moisissure. Mi dji mindje volti dès froumâdjes inmijis come du Roquefort.

inmin.ner, emmener. On l'a inmin.né à Manâdje, lé lès sots.

inmitoufler, emmitoufler. Pal djèléye, lès èfants sont bi inmitouflés pou daler à scole.

inmourachi, amouracher. Is sonsst' aussi inmourachis yun què l'aute.

inmurayi, emmurailler. Pou yèsse trankiyes, is ont fé inmurayi leû djârdin.

in.ne, n.f., haine. Is ont ène in.ne conte lès tchis du vizin qu'abaye à toutes lès eûres, djoû yè nût'.

in.ne, n.f., aine. Dj'ai ène cassur' à 'm n-in.ne (hernie inguinale), dji vas daler rclamer Notrè-Dame d' Ite pou yèsse èrfét.

in.nindji, 1. encanailler : èn ' dalez ni vos in.nindji dins cès cabarèts-là ! 2. infester : èm' pachi esst' in.nindji d'oûrtéyes. 3. au fig., arrangé : nos stons bi in.nindjis avu ène grosse bièsse dinsi !

in.n'mi, ye, n.m.f., ennemi, e. Èl 6 jwin 1944, l'in.n'mi Alman a couminchi à rculer.

in.noufter, entêter, exalter. Lès coumarâdes dè God'frwè d' Bouillon astine nèt' in.nouftés pou daler à pîd djusk'à Jérusalem.

inoçamint, innocemment. Il a inoçamint rèspondu qu' ç-astoût li qu' avoût scroté 'l vélo du gamin.

inocène, adj., innocente, niaise. Èle esst' ène miyète inocène èl maleûreûse.

inocince, n.f., innocence. L'inocince dès èfants, ça n' dur' ni lonmin.

inocint, e, n.m.f., et adj., 1. innocent, e : in p'tit inocint, in inocint katoûrze (le dernier Pape prénommé Innocent était Innocent XIII). 2. niais : i faut yèsse inocint pou s' lèyi imbobiner dinsi ! Rv. Èl djoû dès Sints Inocints, mèsse pou tous lès parwèssyins dizoût 'l curé Bucquoi à Yite. A lès inocints lès mins plin.nes ! Rv. In inocint, c'est 'ne saki qui n' s' a jamé fét prinde.

Inocint, Inocint katoûrze, spo de JM. Gervy né un 28 décembre.

inocinter, innocenter. Èl jûche l'a inocinté, i d'a sté kite dinsi.

inopinémint, inopinément. Il est moûrt inopinémint in dalant al twèlète, c'est dinsi qu'il a passé woute.

inraciner, enraciner. I s'a inraciné dins 'l bwèsson.

inradjant, e, adj., enrageant, e. In mau d' dints inradjant.

inradji, enrager. In rnaud inradji. Il esst' inradji d' courses à vélo. Fé inradji 's feume. V. inmarvoyi.

inraler, partir, s'en retourner. Rv. Il est timps d' s'inraler ! Répl., In rat léd, ç-t'ène léde bièsse. Chanson de fin de soirée :

Timps d' inraler, timps d' inraler,

Vos savez bi qu' lès feumes sont droles

Timps d' inraler, timps d' inraler,

N' a pus pon d' yârds à dèspinser !

Note : on entend aussi : èraler.

inrègistrèmint, n.m., enregistrement.

inrègistrer, enregistrer. Julos a inrègistré ène masse dè tchansons in walon.

inreûmi, enrhumer. Dji m'ai inreûmi, in ratindant 'l bus.

inrichi, enrichir. Lès cis qui s'ont râde inrichi, putète bi qu'is sont ni onétes tout 'l minme.

inrôler, enjôler, enrôler. Èle avoût ène bèle manière pou inrôler lès omes ! Lès foûrdjes dè Clabecq avine inrôlé ène masse d'ouvris.

inrôl'mint, n.m., enrôlement. L'inrôl'mint dès contribucions.

inronchi, entraver, empêtrer. Èl gate s'a inronchi dins lès èspènes. Ès' lèyi inronchi pa in bia discours.

inroûlâdje, n.m., enroulage. Al papètriye, is fèzine l' inroulâdje dè grosses bobines dè papi.

inroûler, enrouler. Èl tchi a couru après 'l nièrson (hérisson) qui s'a inroûlé su li-minme.

inroûl'mint, n.m., enroulement. L'inroûl'mint d' in sèrpentin.

inrouyi, enrouiller, enrouer. I s'a inrouyi à ri fé. Èl baye est tout inrouyéye. Ès' vwè esst' inrouyéye.

inrumer, enrhumer. V. inreûmi.

insègne, n.f., enseigne, aiguille de montre ou d'horloge. L' insègne dè l'èstaminet est toudi a costé, ou bi, au d'zeûr dè l'uch'.

insèke, n.m., insecte. I n'a pus wêre d'insèkes dins lès tchamps, du coû, on n' vwèt tout près pus d'aleuwètes.

insensib', adj., insensible. C'esst' in insensib', il a in kieûr dur' come in cayau.

insensiblèmint, insensiblement. L'eûye monte insensiblèmint, bi râde no dirons nadji avu Maniken-Pis'.

inséparâbe, adj., inséparable. Vlà Cocotche yè Momotche, lès inséparâbes du vilâdje !

insèrer, enfermer, enserrer. Bibi, si vos n' astez ni sâdje, on va vos insèrer dins 'l câve ! V. rinsèrer.

insèv'li, ensevelir. Tous lès ans, dès èfants sonsst' insèv'lis dins in trô au sâbe.

insèv'licheû, se, n.m.f., personne qui ensevelit. Insèv'licheû, ké drole dè mèsti.

insèv'lich'mint, n.m., ensevelissement. Èl djoû d'èm' n' insèv'lich'mint, i n'a ni dandji d' jeûwer 'l Brabançone, savè !

insoûrcèler, ensorceler. In chatau insoûrcèlé, ayusk'on intind toutes soûrtes dè brus par nût'.

insoûrcèleû, se, n.m.f., ensorceleur, euse. Lès bèles coumères sont souvint foûrt insoûrcèleûses.

insoûrti, s'en tirer, se tirer d'affaire. Dji n' m'insoûrt ni avu tous lès méls qu'on rçwèt tous lès djoûs. I s' a insoûrti tout seû ! Aussi : invûdi.

inspétchi, empêcher. V. impéchi et impétchi.

insprè, exprès. Scus'èm', dji n' l'ai ni fét insprè.

instantanémint, instantanément. On a vu l'alumwère yè instantanémint on a intindu lès roûl'mints du tounwêre ; on a sti fameûs'mint sézis.

instigueû, se, n.m.f., personne qui instigue. Lès instigueûs, c'est ni lès fèzeûs.

instigui, instiguer. Il a instigui lès djins pou fé gréve.

instinctiv'mint, instinctivement. Quand lès V1 arivine, yè qu'èl moteûr s'arètoût, instinctiv'mint, lès djins 's muchine n'impoûrte ayu.

instrumint, n.m., instrument. Djeûwer d'in instrumint dins 'l fanfare dè Vèznau.

instrwîre, instruîre. Pus' què lès djins sonsst' instrwits, pus' qu'is sont malins…, in principe !

insufisamint, insuffisamment. Dji n' sus ni au courant, dj' ai insufisamint li 'm gazète au matin.

insule, n.f., insulte. Hé, arètez vos insules, hin, fieu !

insupoûrtâbe, adj., insupportable. Ès' coumère-là, èle esst' insupoûrtâbe avu sès grands érs.

intamer, entamer. Lès ouvris ont intamé l'ouvrâdje à sèt' eûres au matin.

intas'mint, n.m., entassement. Au tram dè sèt' eûres, il avoût souvint in intassemint d' djins ni possib'.

intasser, entasser. Avu leû mèsti, is ont intassi ène masse dè liârds.

intasseû, se, personne qui entasse. Quand on monte lès djârbes dins 'l mafe, i faut toudi in n-intasseû pou fé d'èl place.

intassi, entasser. Avu tous lès yârds qu' is ont intassi, i n'a pon d'imbaras pou yeûss'.

intaye, n.f., entaille. Is ont fé ène intaye dins l'ârbe pou marki leûs nos.

intayi, entailler. Il a intayi sès pougnèts pou s' fé mori.

intchanter, enchanter. V. inchanter.

intchaufer, échauffer, exciter. I s'a intchaufé au casino, yè il a sti ramouné dè cint z-euros. En wallon, on fait parfois la liaison : cint z-euros.

intchin.ner, enchaîner. On a intchin.né 'l voleûr pou 'l min.ner al gayole.

inte, entre. Chwèzi inte deûs coumères, c'est ni toudi facîle,… inte deûs galants, néri !

intégral'mint, intégralement. I s' pourmènoût intégral'mint dèsbiyi dins 'l bo quand il a pèstèlé dins in nid d' wasses (guêpes) ; viyiz l'afêre !?

intèlèctuwèl'mint, intellectuellement. Il esst' intèlèctuwèl'mint limité 'stilâle !

intèlijamint, intelligemment. Rèspondez intèlijamint à vo mésse d'èscole, hon !

intèlijant, e, adj., intelligent, e. Èle est tél'mint intèlijante qu' on n' vwèt ni qu'èle est léde.

intempèstiv'mint, intempestivement. Èle a rintré intempèstiv'mint dins 'l sale dè bin : dj' astoûs tout nu pa-d'vant l'uch, yè èle s'a pèté à rire ! Mi, ni !

intencionèl'mint, intentionnellement. Sondjiz qu' is ont fé ça intencionèl'mint ?

intensiv'mint, intensivement. Dj' ai apris intensiv'mint 'l flamin pou daler bouter à Antwerpen.

intèrer, enterrer. Èl vi grand-pére, i nos intèr'ra tèrtou.

intèrèssé, ye, n.m.f., personne très intéressée à ses avantages matériels. Avwêr ène dringuèye d'in intèrèssé parey', vo povez toudi couri !

intèrèsser, 1. grever : il a toudi intèrèssé sès parints à sès afêres à li. 2. perdre de l'argent : il a sti intèrèssé in vindant 's pachi. 3. intéresser : çou qu' vos dites, ça m' intèrèsse foûrt !

intèrfète, n.f., entrefaite. V. intrèfète.

intérieûr'mint, intérieurement. Intérieûr'mint, i stoût prèsse à boûre (bouillir).

intérimèr'mint, intérimairement.

I boute intérimér'mint à Clabecq.

intèrloki, interloquer. Dj'ai sti foûrt intèrloki quand i m'a dit qu'i stoût prépinsioné à 53 ans.

intèr'mint, funérailles, enterrement. Quand il a deûs intèr'mints, èl minme djoû, al minme eûre, yun à Yite, l'aute à Vèznau, cachiz d' ni vos tromper. Rv. I stind ène mawe (mine) come à l'intèr'mint d'in champète.

intèrnèmint, n.m., internement. Pus moyi d'èl soûgni à 's mézo, il a falu passer pa in n' intèrnèmint.

intèrogativ'mint, interrogativement. Dj'ai sondji intèrogativ'mint à ça, mins djè n'ai pon d' rèponse à doner.

intèrogatwêre, n.m., interrogatoire. Pindint l'intèrogatwêre, il a avouwé qu' il avoût volé lès lapins du vizin.

intèrompe, interrompre. Quand dji pârle, wétiz d' ni m' intèrompe sivoplét.

intèrpèler, interpeller. Dj'ai sti intèrpèlé pal facteûr qu'avoût in colis pour mi.

intèrpèrdant, e, adj., entreprenant, e. Lès djins intèrpèrdants, is n' sont jamé à ri fé.

intèrprèneûr, euse. n.m.f., entrepreneur, euse. V. intrèprèneûr.

intèrprinde, entreprendre. Intèrprinde dès longuès z-ètud'. I n'a pon d'alur' pou s'intèrprinde.

intèrtèni, intèrtènu, entretenir. Ène mézo bi intèrtènûwe, ça fét pléji dè d'meurer dwé-là. Èl patron d' l'usine intèrtit 'ne coumère qu'inme bi lès liârds.

intèrtènuwe, n.f., maîtresse. Lès intèrtènuwes, ça cousse tchèr à abiyi, tout ça pou lès dèsbiyi après ; c'est bi lè pène !

intèrvèni, intèrvenu, intervenir. Èl mayeûr a intèrvènu pour mi, dinsi dj'ai yeû 'ne place al Comune.

intét'mint, n.m., entêtement. Quand il est dins sès intét'mints, pus moyi d'èl fé ascouter, ké tièstu !

intié, adj., entier. Il a avalé ène târte t'intière.

intièr, e, entier, entière. Èm' vizène n'est ni dins 's n-intière (elle est malade).

intièrmint, entièrement. I stoût intièrmint tcheut dins 'l pus', co 'ne miyète, i s' nouyoût.

intim'mint, intimement. Is s' counèche intim'mint : is sont vizins dèspu lonmin.

intinde, 1. entendre. Rv. Douvrez vo bouche, vos intindrez mèyeû ! S'intinde come tchi yè tcha. Il intind toudi tout à 's moûde (ce qui lui convient). Intinde dûr come ène tchape (être malentendant). Doner à intinde (insinuer). Bi n-intindu ! Dji vos intinds v'ni avu vos gros chabots ! Èl ci qu'intind dûr sint co bi lès vèsses. 2. s'y connaître. Rv. I s'intind à ça come in marchau à l'oûrlodj'rîye : il n'y connaît rien.

intind'mint, n.m., entendement. Yèsse payi dès miyons yè dès miyons pou taper su 'ne bale, ça dèspasse l'intind'mint ! Mins què f'riz à leû place ?

intindur', n.f., entendement, acuité d'ouïe. Il est dur' d'intindur' yè d' compèrdur'.

intinte, n.f., entente. Quand il a ène bone intinte dins lès min.nâdjes, tout 'l monde est binèje.

intoné, ye, adj., gavé de boisson.

intonwêr, n.m., entonnoir. Pou n' ni brichauder in vudant dè l' wîle, pèrdez in intonwêr.

intorse, n.m. entorse. Il a clintchi 's pîd, yè lè vlà avu ène bèle intorse.

intoukiâdje, n.m., emmêlage. Èl pècheû a fét in intoukiâdje avu toutes sès lignes. V. intourpinâdje.

intoukyi, emmêler. Intoukyi lès laches dès tchis ? Aussi : coum'ler, trèmèler.

intouner, 1. s'empiffrer : i s'intoune à trop mindji. Bwêre dè l' eûye plate, ça m'intoune. 2. météoriser, ballonner : èl vatche s'a intouné in mindjant d'èl luzèrne.

intounwêr, n.m. entonnoir. V. intonwêr.

intourâdje, n.m., entourage. C'est l'intourâdje qui sièrt à alver lès èfants.

intourer, entourer. Quand il est moûrt, i stoût bi intouré pa 's famiye.

intoûrnur', n.f. entournure. Èle strapoût dins sès intoûrnur'.

intourpinâdje, n.m., action d'entortiller, escroquer. Pou lès intourpinâdjes dè toutes soûrtes, il est toudi là !

intourpiner, 1. entortiller, envelopper : l'èfant s'a intourpiné dins sès couvèrtes. 2. rouler quelqu'un : i s'a fét intourpiner pa 's fîye.

intourtiyâdje, n.m., entortillage.

intourtiyeû, se, n.m.f., entortilleur, euse.

intourtiyi, entortiller. Pou intourtiyi lès djins, faut avwêr ène douce alin.ne.

intourtiy'mint, n.m., entortillement.

intoxiki, intoxiquer. Lès fumières ont intoxiki lès pompiers vènus pou dèstinde èl feu.

intrake, n.m. entracte. À l'intrake, on daloût al twèlète yè on acatoût dès friskos, dès caramèles yè dès chôcolats.

intrant, n.m, entrant. Lès intrants dwève d'aboûrd lèyi passer lès soûrtants.

intrayes, n.f.plur., entrailles. Quand 'l bus a roulé sul tcha, sès intrayes ont brotchi dèwoûr.

intrè, entre. Intrè deûs maus, i faut chwèzi 'l mwins pîre. Intrè nous swèt dit. V. inte.

Intrè 'l Fond d' Mai yè 'l Douwârt, lieu-dit à Haut-Ittre, situé à l'emplacement de l'autoroute, derrière le parking qui est face au Bld Piron.

intrècha, n.m., entrechat. I stoût télmint losse qu'il a couminchi à fé dès intrèchas dins 'l cabarèt.

intrècôte, n.f., entrecôte. Si vos acatez ène intrècôte lé Jean-Franswè à Vèznau ou bi lé Pascal à Yite, vo s'rez toudi bi sièrvi.

intrèdeû, n.m., entre-deux. Avu sès grosses mains, il a in fameû intrèdeûs dins sès dwèts.

intrèfète, n.f., entrefaite. Su l'intrèfète, l'ome d'a léye esst' arivé dins 'l mézo, ça fét qu'il a pèté vwèye pal fèrnièsse dè dri. V. intèrfète, tèrchèdon.

intrèfin, n.m., mur ou cloison de refend. In intrèfin, c'esst' in mur' non poûrteû dins 'l mézo, ène clwèzon.

intrèlaci, entrelacer. Lès amoureus sonsst' intrèlacis au mitan du banc qui tchamousse, lé l' Dodin.ne qui doûrt intrè sès rojas (Fr Dewandelaar).

intrèlârdé, e, adj., entrelardé. Dè l' intrèlârdé, c'est du lârd avu du mégue yè du cras, du pèrsiyé.

intrèmète, s', s' entremettre. S' intrèmète dins lès afêres dès autes, c'est dèlicat, vos riskiz d' yèsse in rûje avu tèrtou !

intrèmîje, n.f., entremise. C'est pa l' intrèmîje du facteûr qu' lès èfants ont scrit à Sint Nicolas.

intrèprèneur, n.m., entrepreneur. Èl pére d'Ivan Michel astoût intrèprèneur au Bilot. Aussi intèrpreneur.

intrèprîje, n.f., entreprise. Ène intrèprîje dè dèsmolicion.

intrer, entrer. Intrez, pèrdez 'ne sèle, yè assijiz-vous al têre ! Rv. On inte doûlà come dins in moulin. Il inte ou il intèr'. Rv. Intrez bwêre ène jate yè vos rsèki ! Intrez si c'est ni 'l Djâle ! : à quelqu'un qui frappe à la porte.

intrétâbe, adj., intraitable. I faut yèsse intrétâbe avu lès cis qui yoûrdisse lès rûwes.

intrètimps, entretemps. Intrètimps, tant qu' vos stiz à bèrdèler, mi dj'ai min.né trwès browètes dè sâbe au maçon.

intrètwèse, n.f., entretoise. Èl boulon astoût trop long, adon, on a mis ène intrètwèze.

intrètwèzer, entretoiser.

intrètyin, n.m., entretien. Pou passer au contrôle tèknike on va daler à l'intrètyin d' l' auto lé Frèdy Van Hemelen.

intrèvuwe, n.f., entrevue. Pou avwêr ène intrèvuwe avu 'l mayeûr, i faut daler à 's pèrmanance.

intrè-vwèy', n.f., entrevoie. L'intrè-vwèy' dès ray' du tram, ç-astoût intrè 1 mète, yè dès.

intréye, n.f., entrée. À l'intréye dè l'èscole, sacans djoûnes brèye après leu mame. Il a dmandé l'intréye d'èl mézo (pour courtiser). Rv. Il a dès djins qu'ont 'ne bèle intréye, yè 'ne léde soûrtie. I prind 'l trau d'ès' cu pou l'intréye d'ène grande vile.

intrigu', n.f., intrigue. Yèsse dins lès intrig'.

intrigui, intriguer. Vos m'intriguez avu vos èrs dè deûs érs !

intrin.ner, entraîner. I s'a lèyi intrin.ner à mau fé.

intrin.neû, n.m., entraîneur. Lès intrin.neûs de fout'bal, is ont toudi leûs valîses prèsses pou bagadji.

intrin.n'mint, n.m., entraînement. Lès intrin.n'mints dès coureûs à vélo, c'est tous lès djoûs.

introuvâbe, adj., introuvable. Èl trézôr dès Templiers esst' introuvâbe.

inutîle, adj., inutile. Inutîle dè brére, vos n' ârez ni d' chôcolat audjoûrdu.

inutîl'mint, inutilement. Bouter inutîl'mint, c'esst' ûjant.

invariâbe, adj., invariable.

invariâblèmint, invariablèmint. Èm' mounonke arivoût invariâblèmint à chinke eûre pou bwêre ène jate dè cafè.

invayi, envahir. No mézo esst' invayiye dè frumûjes.

invènimer, envenimer. Èl discussion s'invènime, ça va barder.

invèrse, à l', contrairement. À l'invèrse dè vous, dji va à mèsse tous lès diminces. Aussi : invièrse.

invèrsémint, inversément. Quand i faut, dji l'assiste, yè invèrsémint.

invi, à l', à l'envi. Cès deûs-là, is sont toudi à l'invi yun d' l' aute.

invi, inviè, vers, à l'approche de. Dji m'invas fé in toûr inviè Baudémont. Dji vérai à vo mézo invi sèt' eûres.

invièr, envers. Bouter à l'invièr, c'est stièrde ès' cu dèvant d' tchîr.

invièrse, V. invèrse.

invincion, n.f., invention. Vos avez bèl à dîre, mins final'mint, èl pus bèle invincion, c'est ni 'l papi à cabinèt ?

invinteû, eûse, n.m.f. et adj., inventeur, menteur, mythomane. I n' faut ni crwêre tout ç-qu'i dit, c'esst'in invinteû d' crakes ! Èl Salon dès invinteûs.

inviron, environ. Nos stine inviron deûs cints à l'intèr'mint.

invironant, e, adj., environnant, e. Lès tchamps invironants sont bi in orde.

invitacion, n.f., invitation. Nos avons rçu ène invitacion pou daler al pinsion dè Jean-Paul Segaert. Nos stine à cint invités, yè tout 'l monde s'a fét pèter sul compte dè Jean-Paul. Note : en wallon, cint prend S (euphonique?) devant voyelle, même s'il n'est pas multiplié : on pourrait aussi écrire cint z-invités.V. invite, indvitacion.

invite, n.f., invitation. Nos dalons invouyi lès invites pou 'l batème dè Margaux. Aussi : indvitacion.

inviyâbe, enviable. Avwêr ène pinsion d' foncsionère, c'est foûrt inviyâbe.

invîye, n.f., envie. Dj'ai l'invîye dè vos doner in gros bètche. Vos m' fèzez invîye ! Èle a d' z-invîyes (caprices de femme enceinte).

inviyeû, se, adj., envieux, euse. Cès djins-là, is sont toudi inviyeûs su lès autes.

inviyi, envier. Si vos inviyez lès autes, vos s'rez toudi maucontint.

inv'lope, n.f., enveloppe. Mètez in timbe su l' inv'lope, hin !

inv'loper, envelopper. Èl bouchi inv'lope toudi ses martchandîses.

inv'lop'mint, n.m., enveloppement. Pou sougni in mau d' goûrdje, on mètoût in inv'lop'mint umid foûrt tchaud pou daler doûrmi.

invoki, invoquer, prier On va invoki Sint Laurent à Waut-Ite pou lès maladîyes d'èl pia. Aussi : èrclamer.

involé, ye, adj., volage, étourdi, évaporé. C'esst' in involé, i keûrt pa dière toutes lès cotes.

involer, s, s'envoler. Lès arondes vont bi râde s' involer pou l' ivièr. Rv., Qu'èl djâle l'invole (l'emporte) !

involéye, n.f., envolée. Ène involéye dè piètris.

involontér'mint, involontairement.

invoye, adj., parti, e. Il esst' invoye fé dès comissions au martchi. I n' faut ni taper ça invoye, ça pût co sièrvi. Aussi : voye, èvoye, vwèye.

invoyi, invouyi, envoyer. Invoyi 'ne saki min.ner lès pouyes pichi (au diable). Aussi : avoyi, èvouyi.

invrésimblâbe, adj., invraisemblable. In pèchon d'avri invrésimblâbe : èl gouvèrnèmint suprime lès contribucions.

invrésimblâblèmint, invraisemblablement.

invûdi, s'en sortir. Avu 'ne coumère dinsi, ni moyi dè d'invûdi.

in-waut, n.m. étage. Dins l'in-waut on a trwès tchambes yè in cabinèt.

ipocrit'mint, hypocritement. I rèspond toudi ipocrit'mint.

iréfutâbe, adj., irréfutable. Deûs yè deûs, ça fét kate c'esst' iréfutâbe !

irégulièr'mint, irrégulièrement. Il a trichi, il a batu l'aute irégulièr' mint.

irémédiâbe, irrémédiable. Quand 'l carau est skèté, c'esst' irémédiâbe.

irémédiâblèmint, irrémédiablement ? 'Stilâle, il esst' irémédiâblèmint sot.

Irène du Succès, spo de Irène Jacobs dont les parents exploitaient le café « Au succès » rue de Fauquez à Ittre.

iréparâbe, adj., irréparable. Quand vos mintez à 'ne saki, ça pût yèsse iréparâbe.

iréprochâbe, adj., irréprochable. Pou alver dès èfants, i faut yèsse iréprochâbe.

irévocâbe, adj., irrévocable.

irévocâblèmint, irrévocablement.

Irma d' Djanète, spo.

ironik'mint, ironiquement. Avu in p'tit sourire, i rèspond toudi ironik'mint.

isolémint, isolément. Pou mèyeû leû spliki lès calculs, i faut prinde lès élèves isolémint.

isol'mint, n.m., isolement. L'isol'mint dès vîs, ça lès tuwe.

isolwêr, n.m., isoloir. Lès isolwêrs sonsst' ékipés d' in ridau pou muchi lès cis qui vote.

istorik'mint, historiquement. Istorik'mint, on n' sèt ni d' trop si Jézu a èxisté.

istwêre, n.f., 1. histoire : raconter dès istwêres. V. fauve. 2. manière de : istwêre dè passer 'm timps, dj'ai sti pourmèner au Bo d' Sapins.

ivièr, n.m., hiver. In ivièr, lès djoûs sont cour'. Rv. Au Sint Sébastien (20 janvié), l'ivièr èrprind ou skète sès dints. Il a v'nu au monde in ivièr, sès dwèts sont crochus. Al ducasse dè Yite, l'ivièr gripe, al ducasse dè Véznau, l'ivièr esst' au trô.

ivwêre, n.f., ivoire. Èm' matante qu'astoût missionére au Congo Bèlje ramin.noût toudi ène masse d'afêres in ivwêre.

iyo, n.m. bardane. Lès boutons d' saudârd, c'est dès boutons d' iyo. Avu du té d' racène d' iyo, on soûgne lès clôs.

iyote, n.m., iode. Daler au farmacyin pou acater dèl tintur' d'iyote.