Dictionnaire - lettre L

'l, le, la : élision de èl. Djè 'l counwès, Dj'ai vu 'l tchat rintrer. L'élision « 'l » devant un mot devient « l' » devant un verbe : dj'ai vu 'l tchi qui l'agnoût.

l', le, la, 1. article : l' aute djoû, l'ârtisse. 2. pronom : djè l'ai vu ayèr.

là, 1. adv. Kè fètes là ? Lèyiz ça là ! 2. tellement : vos astez là si bia ! 3. voilà : tènè, là vo vélo. V. vèl-là, v'là, vèl' lat'.

labeûr, n.m., labour. Dins lès cinses is avine dès bias tch'faus d' labeûr (rare). Plutôt : laboûr.

laboratwêre, n.m., laboratoire. Norbert Poulaint boutoût au laboratwêre d'èl papètriye.

lace, n.f., galon pour vêtements. Ène cote avu dès laces.

lacèt, n.m., lacet. Aussi scoryon pour un lacet en cuir.

lacha, n.m., lait. Ène bone vatche done intrè 20 yè 28 lites dè lacha par djoû. I monte come ène soupe au lacha (pour un colérique) ! Lat. : lac.

lachâdje, n.m., lâchage, lâcher. Lès convwèyeûs ont fét 'l lachâdje dès pidjons à 7 eûres à Quiévrain.

lache, adj., lâche. Aussi grand qu'il est, aussi lache qu'il est ! Latin : laxus.

lache, n.f., laisse, lanière, bride. Mètez 'l tchi al lache. Èle tît 's n-ome al lache. Rv. Il est come in tchi al lache : il est dominé par sa femme.

lache, n.f., volée de cloches. Pou lès mariâdjes on intind souvint ène lache dè clokes, mins à Yite, on a in problèm' : i d'a yone dès deûs qui n' va pus.

lachi, 1. lâcher. On va su Intèrnèt' pou vîr à kîle eûre què lès convwèyeûs ont lachi lès pidjons à Noyon. Èn' lachiz ni pou lès Waut-Ite (l'équipe de jeu de fer de Haut-Ittre était la meilleure de la région. On encourageait donc leurs adversaires en les priant de ne pas se laisser faire) ! 2. libérer : I d' a qui lache leû tchi n'impoûrte ayu ; lès bièsses sont contènes, lès cinsis yè lès cacheûs, non ! Lachi l'eûye (uriner). 3. céder : I n'est ni l'ome à lachi sins rézo. 4. Cesser, sans relâche  : lès Flamins, is travayine sins lachi.

lach'mint, lâchement. Il a abandoné lach'mint sès coumarâdes.

lach'té, n.f., lâcheté. S'incouri pa-d'vant lès in.n'mis qui sont co à 20 kilomètes, c'est d'èl lach'té.

laci, lacer. Laci vos solés come i faut, vos riskez d' tchér, sinon !

Lafosse, lieu-dit à Ittre situé dans la rue de et vers Fauquez, à droite après le carrefour avec la rue Basse-Hollande (plan Popp).

lakâdje, n.m., laquage. In bia meûbe avu in bia lakâdje come lès chinwès.

lakeû, se, n.m.f., laqueur, euse.

laki, laquer. On a dècapé in vî meûbe, yè après, on l'a laki in nwêr.

Laliye, Eulalie, Rosalie.

lambène, adj., lambine. Ès' grande lambène-là, èle arife toudi in rtârd.

lambèrdèke, n.m., valves d'affichage à la maison communale. Tous lès cis qui vont s'marier ont leû no au lambèrdèke (surtout connu à Nivelles).

Lambèrt, Lambert. Quand i pieut au Sint Lambèrt (17 sept.), lès gayes al têre.

lambin, lambène, adj., lambin, e. Vos n'avez jamé vu in lambin parèy' : on diroût qu'ès' pârin s'apèloût Lum'çon.

lame, n.f., 1. lame : èl rèmouleû a rpassé lès lames dè nos coutias. 2. palonnier double (attelage) : avu 'ne lame, on mèt deûs bons tch'faus. 3. raseur, euse : kè dès lames cès soyants-là !

lamia, n.m., palonnier simple (attelage). On va acrochi 'l lamia au bègna.

lamintâbe, adj., lamentable. Voler lès poûves, c'est lamintâbe.

lamintâblèmint, lamentablement. L'inocint a lamintâblèmint raté sès èxamins.

lamintâcion, n.f., lamentation. Arètez vos lamintâcions, yè boutez !

laminter, ès', se lamenter. C'est ni in vos lamintant què vos dalez avanci l'ouvrâdje.

laminwêr, n.m., laminoir. Julbert boutoût au laminwêr à Clabecq.

lampe, n.f., verre à genièvre, son contenu. Fèrnand, muchiz vos lampes, Florine va ariver.

lampète, n.f., petite gorgée de liqueur. Lès coumères bwève dès lampètes d'èlixir d'Anvers.

lampeû, se, n.m.f., personne qui « lampe », buveur d'alcool. Avant 'l lwè Vandervelde, il avoût dès masses dè lampeus in Bèljike. V. lwè.

lampion, n.m., verre à genièvre, son contenu. Quand i fét frwèd, on bwèt volti in lampion ou deûs…

lampisse, n.m., lampiste. Èm' mounonke astoût lampisse al gare dè Nivèles. Quand on n' sét ni qui ç-qu' est rèsponsâbe, on cache toudi après in lampisse.

lampitch, n.m., café clair, léger. Al mézo dès rapias, on vos sièrt toudi du lampitch.

lançant, n.m., pène à ressort. In rclapant l'uch, il a skèté 'l lançant.

lanceû, se, n.m., lanceur, euse. Ène lanceûse dè pèsses (faux bruits, fake news).

lanci, 1. lancer, élancer : ès' lanci pou sauter 'l Ry. Ça lance dins 'm main ! 2. haleter : èl tchi lance tél'mint qu'il couru rèd'. 3. montrer son appétit : Margaux lance après 's tute.

lançur', n.f., élancement, douleur lancinante. Quand dj'ai 'l migrin.ne, dji sins dès lançur' dins 'm tièsse.

Landa, èl, lieu-dit situé à Ittre, à l'arrière de la Ferme d'Housta (plan Popp), à l'arrière de la prison.

landon, (t. d'attelage). 1. grand palonnier pour attacher les lamias : in landon d' trwès (pour 3 chevaux). 2. attelage : in bia landon. 3. palonnier pour faucheuse.

langâdje, n.m., langage, parler. Dji n' comprinds ni vo langâdje dè baraki, parlez come i faut ! Rv. On rcounwèt 'l mouchon à sès pènas, l'èrnaud à 's keûye, yè l'ome à 's langâdje.

langouss', n.f., langouste. On a sti in condji in Brètagne yè on a mindji dès langouss' à s' fé pèter 'l panse.

langue, n.f., 1. langue langage : ène mauvéje langue, ène bone langue. Avwêr ène langue come ène lavète au cu d'in pot. Dji n' vouroûs ni yèsse su vo langue (je ne voudrais pas que vous me critiquiez partout). L'avwêr sul dèbout d'èl langue. Dj'ai 'ne langue come in craya : j'ai très soif. Rv. Il esst' arivé come lès och'cu : il a pus d' langue què d' cu. Avu 's langue, on va à Rome. Èl langue dès feumes èn' pût mau d' s' inrouyi. I n' fét ni daler 's langue, peû qu' èle s' ûj'roût pus râde qu'èl trô d'ès' cu (c'est un taiseux). Ès' langue a dèspassé sès dints : il a eu la langue trop longue. Dj' inm'roûs co mèyeû qu' èm' langue tchéroût : je sais garder un secret. Ès' langue sèra ujéye què sès bras sâront co tout nieus ! : il parle beaucoup mais travaille peu ! 2. plantain lancéolé : langue dè tchi.

languète, n.f., languette, terrain très étroit et de petite surface. Ène languète dè cûr, dè tère.

languèter, langueter. Languèter dès plantches.

langueûr, n.f., langueur, tuberculose. Il est moûrt dè langueûr.

langui, languir, être longtemps moribond. I vaut mèyeû mori què d' langui. Chériye, dji m' languis après vous.

languichant, e, adj., languissant, e. Ça fét dès djoûs yè dès djoûs qu'èle est languichante, ça va mau fini.

lansâdje, lans'mint, n.m., lancement. Èl lansâdje/lans'mint d'èl campagne pou lès élècsions.

lansau, n.m., mécanisme à cliquets situé à l'arrière du char et servant à tendre le combia.

lapète, n.f., 1. boisson très légère : pou bwêre d'èl lapète, austant bwêre l'eûye qu'on a rlavé lès bidons avè ! 2. langue de bavard ou de médisant : léye, c'esst' ène fameûse lapète.

lapin, e, n.m.f., lapin. Èle a in lapin dins 's carnassière : elle est enceinte.

Lapin, spo d'Eugène Lelièvre qui habitait à l'arrêt du tram « Au Lièf », rue Jean Jolly.

Lapin, rûwe dès lapins. Appellation d'une partie de la rue des Genêts où les jeunes pratiquaient des relations sexuelles « façon lapin » : bondjoû mam 'zèle, à rvwêr mam'zèle.

lârd, n.m., 1. lard : mindji du cras lârd avu dès patakes. 2. bande de pâte multicolore et sucrée : on a sti acater dès lârds lé Louwisa Plongère.

lârdje, adj., large. I tènoût 's bouche t'au lârdje (bouche bée). Lèyiz l'uch au lârdje sivoplét ! Fé 'l lârdje (généreux).

lârdjèmint, largement. Il a sti lârdjèmint payi pou 's n-ouvrâdje.

lârdjeûr, n.f., largeur. Mète ène cote à lârdjeûr.

Lardois, èl, lieu-dit situé à Ittre : à droite juste après la carrefour du Vieux Chemin de Nivelles avec la rue de Schoot vers Nivelles (plan Popp).

Lariguète, héros d'une chanson. Djan Lariguète a marié 's fiye, zim boum, tralala…

Larigô, rime de Djan Lariguète, Djan Larigô.

larmwèyant, e, adj., larmoyant, e. Avu sès îs larmwèyants, on diroût tout qu' i n'a ni co rtrouvé 's kinjin.ne. V. brèyotant, e.

larmwèy'mint, n.f., larmoiement. A l'intèr'mint dè Johnny, on intindoût dès larmwèy'mints pa t'avau.

Lasne, gentilé moqueur : lès Lasnussses.

latâdje, n.m., lattage. Èl plafoneû n'a ni fét d' latâdje, ça n' va ni ça !

late, n.f., 1. averse : à midi, il a tcheut 'ne late qu'a nouyi tout 'm djârdin. Syn., drache, lavèrdéye. 2. correction, fessée : èl gamin a ratchi sul tchi, adon, il a yeû 'ne late d'ès' pére.

later, pleuvoir à verse. Il a laté pindint deûs eûres ayèr, on n' viyoût pus à 10 mètes.

latin, n.m. et adj. : latin. Lès curés, quand is lîje in latin, c'est insprès pou ni lès comprinde.

laumin, V. lonmin.

Laumois, èl, lieu-dit à Ittre, situé dans la rue de et vers la Ferme du Sart, à droite juste avant celle-ci (plan Popp).

lauriète, n.f., pavot bleu ou noir, oeillette. Ène lauriète, ç'esst' in pavot a pau près viyolèt avu dès bleûsès grin.nes qu'on done à mindji à lès sizès.

lauvau, là-bas. Il est vwèye lauvau, bi long dè d'ci. On entend parfois lauvauy' ou lauvaut'.

lavâdje, n.m., lavage. Tous lés vérdis on fèzoût èl lavâdje du trotwêr.

lavèrdéye, n.f., V. late.

laveû, se, n.m.f., laveur, euse. Dins lès mines dè tchèrbon, lès laveûses n'arètine jamé.

lavindière, n.f., 1. lavandière. Dji n'ai jamé pon vu d' lavindière à Yite. 2. araignée d'eau : lès lavindières i fauroût lès apèler Jézu : li ètou, i marchoût su lès eûyes (bon, i d'a sacans qui dîje qu' i savoût ayusk' is stine lès pikèts !).

lav'mint, n.m., lavement. Avant d'fé ène indoscopiye, on dwèt fé in bon lav'mint. Rv. Foute in lav'mint à sclid' (suivre et accrocher quelqu'un sur une glissoire). Ça n' vaut ni in lav'mint au cu d'in tchi (cela n'en vaut pas la peine). I n' d'a ni pou mète in lav'mint au cu d'in vièr (idem). Yèsse èrçu come in lav'mint à l'iau frwède !

lav'riye, n.f., laverie, buanderie. V. èrlav'riye.

lavwêr, n.m., lavoir (belg.) Mète sès lokes au lavwêr.

l'çon, n.m., leçon. Michel vos counèchiz bi vo l'çon ? Ça vos sièrvira dè l'çon. Aussi : lèçon.

lé, chez, près de, auprès. Il est rvwèye lé sès parints. Vènez lé mi, èm' pètite chériye !

lè, le, la. Dites-mi lè tout douç'mint. Fètes-lè inmarvoyi. V. l' et 'l.

lèchi, laisser. V. lèyi.

lèçon, n.f., leçon. Il a yeû ène bone lèçon d'ès' pére. V. l'çon.

léd, e, adj., laid, e. In léd visâdje. Èle est tél'mint léde què minme ès' mame èn' sét ni 'l raguider sins brére. Par bia ou par léd (bon gré mal gré). Raconter dès lédes : des propos inconvenants ou très critiques, négatifs. On m'a raconté dès lédes su vo conte ! Èle est tél'mint intèlijante, qu'èle poûroût yèsse léde ! Vos l' mètriz dins vo djârdin, i n' a pus in pièrot qui passe ! : pour une personne laide à faire peur. Variante : …dins in partchè d' pwès…

Fauve :

- Tchieuu come il est léd 's gamin-là !

- Waye, … c'est 'm gârçon !

- … Woûû, … scuz'èm' !, dji n' avoûs ni vu qu' vos astiz 's pére !

- Dji s' sus 's mame !

Ène aute fauve :

- Moman, vous ètou, vos trouvez què d'sûs léde ?

- Mins, Cunégonde, djè vos ai d'djà dit cint coûs d' ni m'apèler « Moman » quand il a dès djins alintoûr dè nous !

Léd Closin, Laid Closin, lieu-dit à Ittre situé à droite de la Rue du Maustichy, avant d'arriver au Ry de Baudemont (plan Popp).

Léd Trô, èl, lieu-dit à Ittre pour une petite sablonnière en face du Rocher de la Résistance. Le sable était remonté jusqu'au Vieux Pavé d'Asquempont.

lédeûr, n.f., laideur. Èl lédeûr, c'est quand ç' est ni à vo goût, mins putète què c'esst' au mi.

lèd'min, lendemain. Èl lèd'min d' leû mariâdje, is n' vikine dèdjà pus inchène. Aussi : lind'min.

léd'mint, laidement. Dins l'acsidint d' moto, il a sté léd'mint arindji.

légal'mint, légalement.

légumi, n.m., légumier, verdurier. Victor astoût légumi, d'aboûrd al rue Waute, après, al rûwe Neuve.

légustrome, (fr.sp.), ligustrum, troène. Au printemps, lès légustromes sinte foûrt.

Lèlou, Lillois. Gaëlle, qu'ès' pére boutoût al Mézonéye, dèmeuroût à Lèlou.

lèpe, n.f., lèvre. Avwêr dès lèpes come dès boûrds dè potchambe. Avwêr dès finès lèpes. Yèsse pris pal lèpe (sur le fait).

lèsse, adj., leste. Il est co lèsse pou 's n-âdje ! Il esst'aussi lèsse qu'in sindje, qu'in lum'çon, qu'in tchi d' plomb, qu'in pû dins lès papes.

lèstèmint, lestement. Maugré sès swèssante ans, i couroût co lèstèmint.

lét, n.m., lait. Du lét d'vatche, dè gate, du lét batu (babeurre). Du lét d' pichouli (latex). V. bé, lacha.

létâdje, n.m., laitage. Pou avwêr dès bons ochas, i faut mindji dès létâdjes.

lètchau, te, n.m.f., lécheur, euse : èl tchi esst' in lètchau d' prèmière. V. èrlètchau.

lètche, n.f., 1. lèchement, léchage : ène lètche dè tchat, ça scaupèye. 2. gifle : èle li z-a foutu ène lètche à l' fé brére. 3. petite tranche : ène lètche dè buftèke.

lètche-cu, n.m., flagorneur, lèche-cul, béni-oui-oui, aplaventriste. À foûrce dè fé 'l lètche-cu, ès' langue va bi râde yèsse ûjiye.

lètchète, n.f., 1. lichette : ène lètchète dè bûre. 2. léchette, petite tranche : ène lètchète dè pain.

lètchi, lécher. Quant c'est bon, on lèch'roût bi 'l plat, mins on n' pût ni, ça fét maû alvé.

lète, n.f., 1. lettre : ène lète dè moûrt (faire-part mortuaire). Èrcèvwêr ène lète. Lès lètes dè l'alfabèt. 2. coté pile d'une pièce de monnaie : djeûwer al lète (pile ou face). 3. mentir : vos avez chinke ( 5 lètes, du mot minti).

létijon, n.m., laiteron. In létijon, ça rchène à in pichouli, mins ça crèche branmin pus waut : 80 cm, yè si vos donez ça à mindji à vos lapins, is f'ront ducasse avu.

létrîye, n.f., 1. laiterie : dins toutes lès cinses, il a 'ne pètite létrîye pou 'l stokâdje du lacha. 2. forte poitrine féminine : tchieuuu, èle a 'ne fameûse létrîye. Rv. On a ingadji à 's létrîye : pour une dame dont la poitrine a pris de l'ampleur.

leû, leûs, 1. adj., possessif : dj' inme austant vîr leûs talons qu' leûs pwintes (ne pas les voir). Leû mame, leû pére. 2. pronom : i leû faura yèsse à l'eûre.

leûp, n.m., 1. loup : quand on pârle du leûp, on vwèt 's keûye ! Ç-t-in leûp pa-d'zou 'ne pia d' bèdot (hypocrite). 2. hachoir : atchi du toubak au leûp. 3. avare : c'esst' in leûp qui doûrt su sès liârds. 4. défaut de planage dans une tôle : èl carossier John va fé ène pwinte dè feu pou ratraper 'l leûp. 5. morve : hé gamin, alez ké in mouchwêr pôu stièrde vo leûp ! 6. lycoperdon : ène vèsse dè leûp. Rv. Quand on n' vût ni yèsse agni pau leûp, on n' va ni au bo ! On fét toudi èl leûp pus gros qu'il est ! I faut ûler avè lès leûps, yè abayi avu lès tchis.

leûr, leûrs, adj., possessif, leur, leurs. C'est ni lès nôles, c'est lès leûrs. V. leû.

leûwer, louer. On a leûwé in kwis'tax pou pourmèner sul dike dè Sint-Idèsbald.

lèver, lever. Dji n' sés pus lèver ène grosse browète tél'mint qu' dj'ai mau mès bras ! Lèver 'l cu (s'enfuir). Lèver dès liârds (emprunter). Lèver 'l cu (filer à l'anglaise). Ès' lèver târd. V. l'ver, èrlèver.

lèvéye, n.f. levée. Ène lèvéye dè saudârds. Ène lèvéye dè princèsses. Èl dèrnière lèvéye al posse. Ène lèvéye à cârtes.

lèvi, n.m., levier. C'est branmin pus facîle avu in lèvi pou soul'ver in gros cayau.

lèvri, n.m., lévrier. Lès lèvris amérikins, ça keûrt râde : 70 km à l'eûre.

lèvur', n.f., levure. In sale djoûne a tapé d'èl lèvur' dins lès cabinèts d' l'èscole, dji pûs vo dîre qu'on d'a sti parfumé pou lonmin. Rv. Nos ârons du bia pain, èl lèvur' est bèle (par dérision à quelqu' un qui se lève tard).

Lèya, Léa.

Lèya du Bon Flamind, spo.

lèyâdje, n.m., 1. action de laisser : avu tous lès lèyâdjes in plan, i n'a pus ri qui ravance. 2. limite par laies des coupes annuelles dans un bois : on va abate djusk' au lèyâdje.

léye, pron. pers., elle. C'est lèye èl pus bèle fiye du vilâdje.

lèyi, laisser. Lèyi dinsi, il est bon (ça suffit,c'est bon comme ça) ! Lèyi ène saki pa dière (délaisser). Ès' lèyi adire (céder, consentir).

Ind., prés. : djè lèyes, i lèye, nos lèyons, vos lèyez, is lèye.

Ind., imparf. : dji lèyoûs, i lèyoût, nos lèyine, vos lèyiz, is lèyine.

Fut., simple : Djè lèy'rai, i lèy'ra, nos lèy'rons, vos lèy'rez, is lèy'ront. Aussi dji léroûs, etc.

Cond., prés. : dji lèy'roûs, i lèy'roût, nos lèy'rine, vos lèy'riz, is lèy'rine. Aussi dji léroûs, etc.

Subj., prés. : què djè lèye, qu'i lèye, què nos lèyone, què vos lèyisse, qu'is lèye.

Part., prés. : lèyant.

Part., passé : lèyi.

Rv. Dji lèye ça au pîd du Bon Dieu pou du pwèfe ou du sé (je m'en fiche). Il a tout lèyi daler (il a abandonné). I s'a lèyi indaler (il s'est laissé mourir). Syn., léchi.

Lèyon, Léon.

Lèyon, èl Grand Lèyon, spo pour Léon Rampelbergh qui exploitait le café des Sports, rue Haute à Ittre.

Lèyon Browète, spo.

Lèyona, Léona.

Lèyonîe, Léonie.

Lèyonie d' Djan Gate, spo de Léonie Bertau.

Lèyonîe du Garde, spo.

Lèyonie du Gros Fonse, spo.

Lèyonôre, Éléonore.

Lèyopol, Léopold. V. Popôl, Yopol, Tchopaul.

léziner, hésiter (pas le même sens que lésiner en français). I lézine pou tout minme pou daler pichi. V. bèziner, balziner.

li, n.m., lys. Èl li, ç'astoût 'l fleûr dès rwès d' France. Aussi : fleûr dè Sint Djozef.

li, pron., pers., lui, elle, le. Li z-avez dit ? Djè li don'rai deûs euros pou 's dimince. C'est 'l mézo d'à li. I n' sondje qu'à li minme ? No dirons sins li. Aussi employé pour « elle ». On sondjoût qu'èle astoût moûrte, mins èle a rvènu à li.

liârd, 1. pièce de 2 centimes : in liârd vaut 2 djigots. I n'a pus in cron liârd (il est fauché). Coûper in liârd in kate (vivre chichement). 2. au plur., argent, fortune : i gangne branmin dè liârds. D'avwêr pou sès liârds. Fé couri lès liârds al coûrse (placer à intérêts). Rv. Moustrer 's cu pou deûs liârds yè user pou deûs sous d' tchandèle (faire de mauvaises économies). Mète sès liârds au notère goyi (les dépenser à boire). Prinde èl timps come i vit, lès djins pou çou qu'is sont, èyè lès liârds pou çou qu'is vale. L' amoûr esst' aveûle ourmi pou lès liârds. Pou avwêr dès liârds pa-d'vant swè, i faut d'in mète dè costé. On fét lès liârds ronds pou rouler, yè plats pou lès intassi. Il a sté pichi sès liârds conte èl mur' (il a bu sa paie). Lès liârds d'in mwène èyè lès cis du djâle èn' pouv'tè mau dè s' bate si on lès mèt inchène. Il a lès liârds à spèk (c'est un dépensier). Priyi pou avwêr dès liârds, c'est come daler ké 'ne vwèye d'eûye avu 'ne mande. Lès liârds, ça n' fét ni 'l bouneûr dès djins… qui n' d'ont ni ! Fé chîler lès liârds : dépenser sans compter.

libe, adj., libre. Il est libe dè toutes sès dèsses, il a tout rimboûrsi.

liber, châtrer. On va liber no marou pou qu'i dmeûre trankiye.

libérau, n.m.f., personne qui vote pour le parti libéral, personne d'opinion libérale. Voter pou lès libéraus. C'esst' in gros libérau.

libèrtinâdje, n.m., libertinage. Pou 'l libèrtinâdje, si tout 'l monde est d'acoûrd… !

librèmint, librement. In Beljike, on pût s' pourmèner librèmint pa t' avau, normal'mint…

librérîye, librairie. Èl Librairyternel, c'esst à Yite, à sto du Ry qu' a sti voûssé. In djoû, arife in djin qui d'mande à Stéphane Haine :

- Dji cache après in Guy d' Maupassant !

L'aute, ène miyète losse, li rèspond :

- 'Scuz'èm', djè n' ai qu' in Guy d' Mich'lin !

Si vos n' compèrdez ni, èrlijiz in coû ou deûs.

liche, n.f., chienne. No liche est co toudi in chasse.

liche, n.f., petit cordon, bride, lichette (belg.). Èm' mame a keûdu 'ne liche à 'm paletot pou savwêr èl pinde au crochèt.

lichète, n.f., petite liche, lichette (belg.). On a keûdu dès lichètes à lès èss'wis.

lich'frite, n.f., lèche-frite. Èl lich'frite est tout incrachiye, c'est ni foûrt prope.

licotâdje, n.m., mouvement et bruit de hoquet. Vos licotâdjes font rire tout 'l monde.

licote, n.f., hoquet. Pou arèter 'l licote, on bwèt d' l'eûye in stoûpant 's nez yè sès orèyes. Rv. Èl licote c'est 'ne proute qu'est su vo stoumak : èle monte èle dèskind, yè come vo tièsse èrchène à vo cu, èle né sét ni pa ayu soûrti !

licoter, hoqueter. Rv. Èfant licotant, èfant bi v'nant.

lidjâdje, n.m., lecture. Èl lidjâdje d'èm' gazète, ça dûre ène bone eûre tous lès matins.

Lîdje, Liège. Ène waufè dè Lîdje. On entend aussi : ène gaufe. Aussi : Lièche.

lidjêr, e, adj, léger, ère. Il esst' aussi lidjêr qu'in papi à cigarètes.

lidjêrmint, légèrement. Il a sti lidjêrmint cochi in tchèyant d' l'èskiyèye.

lidjêrté, n.f., légèreté. Coumint volez danser avu lidjêrté quant on pèsse 120 kilos !?

Lîdjeû, se, Lîdjwè, se, Liégeois, e.

Lièche, Liège. Aussi Lîdje.

lièfe, n.m., lièvre. I keûrt come in lièfe. Ène mémwêre dè lièfe. Fé crwêre què lès lièfes vont punre su lès saus (en faire accroire). C'esst' in lièfe (écervelé). In mâle dè lièfe, ça s'apèle in boukin, dinsi il aprind à lire à sès fèmèles yè à sès djoûnes. Pffff… ! V. bouquin, Petit Robert.

Lièfe, au, arrêt du tram à Ittre, Rue Jean Jolly.

lieu, n.m., lieu. Rv : ça a yeû lieu intrè Pâkes yè 'l Pint'coute (c'est invraisemblable). W.C., daler su lè lieu.

life, n.f., livre (demi-kilo). Dj'ai acaté ène life dè buftèk lé Vincent.

lîfe, n.m., livre, bouquin. Al bibliyotèke dè Vèznau, is ont ène masse dè lîfes pou lès èfants yè lès djoûnes. Al ciène dè Yite, on troufe tous lès lifes d' Arthur Masson.

ligamint, n.m., ligament. In djeûwant au fout'bal, Achille s' a dèskiré lès ligamints d'in d'gnoû, adon, on li z-a mis in plâte.

lignâdje, n.m., lignage. Dins lès cayés L'Ecolier, i faloût chûre èl lignâdje pou bi scrîre.

ligne, n.f., 1. ligne : in cayé à deûs lignes pou aprinde à scrîre. 2. marque au couyon : dèsfacer 'ne ligne. 3. duper : i nos a djeûwé chinke lignes (un sale tour). 4. fil de canne à pêche, la canne à pêche et son fil : èl dimince, on avoût drwèt à 'ne ligne dè pus. 5. raie : fé ène bèle ligne dins sès tch'feûs.

ligni, ligner. Ligni ène fieuye dè papi.

lijâdje, n.m., action de lire. I stoût dins 's lîjâdje, i n' intindoût pus ri. V. lidjâdje.

lîjeû, se, n.m.f., liseur, euse. Michel va dins lès ospices fé 'l lijeû pou fé passer 'l timps à lès vîs.

lijière, n.f., lisière. Lès cacheûs s' muche al lijière du bo in ratindant lès singlés.

likè, n.m., chétron. In likè, c'esst ' in ridwè sul costé d'in cofe.

likeûr, n.f., liqueur. Lès coumères bwève volti dès likeûrs sukréyes. Anecdote à la pharmacie : Gustaf, i m fauroût dèl likeûr pou mès pidjons. A l'époque les pharmaciens délivraient un tonifiant à base d'arsenic : liqueur de Fowler. Ce produit était utilisé par les colombophiles (dopage ?) et certains éleveurs de chevaux ou de chiens.

likide, n.m., adj., liquide. Payi in likide. Èl potâdje est foûrt likide. Aussi : likid'.

limâdje, n.m., limage. Èl limâdje dès ongues.

limeû, se, n.m.f., personne qui lime. Lucien astoût limeû à l'atèlier dès locomotifes.

Limi, Nimy. Cette commune était réputée pour ses fabricants de pipes en terre cuite : i ralume toudi 's Limi.

Limi, èl, spo.

lin, n.m., lente de pou. Tous lès ans, on atrapoût dès pûs à scole, adon, on rsakoût lès lins avu in pingne èspéciâl ; lès lins tchèyine su 'ne gazète qu'on tapoût dins l'èstûve.

Lina, Celina. C'est la fête de Lina, youplala, èle est grosse come in tonia, quel éclat, boum !

linche, n. f., t. de jeu de cartes, syn de ligne ou roye.

linchieu, n.m., linceul. Èm' grand-père voloût avwêr ès' linchieu dèvant d' mori.

lindi, lundi. Tchantez : lindi matin, l'impèreûr, ès feume yè 'l pètit prince… ! Èl lindi pièrdu : voir cachi.

lindje, n.m., linge. Lès lindjes sont tout ramatis. Ès' payi du lindje (se mettre en avant).

lindjère, n.f., 1. lingère : fé 'l mèsti d' lindjère. 2. lingerie, lieu où l'on conserve le linge. Alez ké vos draps dins 'l lindjère.

lindj'rîye, n.f., lingerie. Mathilde tènoût in comèrce dè lindj'rîye.

lind'min, n.m., lendemain. Èl lind'min matin, i stoût rlèvé à 6 eûres.

lingâdje, n.m., langage. Vos avez in lingâdje dè baraki, mau alvé qu' vos stez !

lin.nâdje, n.m., lainage. In octôbe, on a souvint dandji d'in lin.nâdje pou soûrti.

lin.ne, n.f., laine. Èl bèdot a sti tondu, on a yeû à pau près 2kgs dè lin.ne. Rv. I n'est ni si bèdot qu' ça maugré qu' i poûrte d'èl lin.ne. I d'a qui vont ké d' èl lin.ne yè qui rvène tondus (les prévisions se sont renversées, arroseur arrosé).

lin.ni, n.m., linier, qui travaille le lin. C'est d' lé lès Flamins qu'il a branmin d' lin.nis.

Lin.ni, èl, spo de Pierre Devléminckx, originaire de Henripont. Avec son père, il récoltait la laine qui était ensuite lavée dans le ruisseau Le Servoir. V. Couzake.

linte, n.m., linteau, solive. Syn., racrache.

linteûr, n.f., lenteur. I m' énèrve avu 's linteûr, on diroût qu'i l' fét insprè.

lint'mint, lentement. Atincion à lès radârs, roulez lint'mint.

lîre, lire. Djè l'ai li dins 'l gazète. In tout lijant, dji m'ai indoûrmi. Rv. Lisez ceci ! Tapez vos îs là-dsu !

Lisbète, Elisabeth. On counwèt dès Flamindjes qui s' apèle Liesbet ètou.

lis'rè, n.m., liseré. In casake boûrdé dè lis'rè.

lissâdje, n.m., lissage. Asteûr, èl lissâdje du bèton, on fét ça avu in élicoptêre : c'esst' ène machine avu in janre d'élice pa-d'zou.

lisse, n.f., 1. liste : Donatienne Jossart n'est pus sul lisse pou lès élècsions dè 2018. 2. volige placée sur un mur pour régulariser le gîtage.

listia, n.m., lissoir, outil de plafonneur.

lit, n.m., lit. Rv. Si 'ne sakè dwèt tchér dins 'm lit, austant léye qu'èl tounwêre ! Vo lit est trop cour' ? : plaisam., à un chauve.

litanîye, n.f., rengaine, radotage. Grand-pére est co dins sès litanîyes sul guêre 14, putète qui va soûrti lès gaz, alone râde ké lès masses (masques) !

lite, n.m., litre. Dj'ai sti ké deûs lites d'èssence pou mète dins 'l tondeûse.

livrâbe, adj., livrable. Audjoûrdu, tout est livrâbe à vo mézo.

livrer, livrer, lancer la balle. Lès bouchis daline livrer à domicile. T. de balle pelote : livrer al basse-main, à l'èscoûdéye, al tachète, au rwèd bras.

livreû, se, n.m.f., personne qui livre : 1. in livreû à domicile. 2. t. de balle pelote : in bon livreû qui tape woute.

livréye, n.f., 1. livrée : in domèstike in livréye. 2. envoi de la balle : Richard avoût ène fameûse livréye.

liyon,e, n.m.f., lion, lionne. Dè Vèznau, on vwèt 'squ'au liyon d' Watèrlot qui fét 50 m dè waut. Pou amuser lès èfants, i faut leû dîre qu'èl liyon d' Watèrlot, on l' fé dèskinde tous lès diminces à midi pou l' fé pichi.

Liza, Elisa.

Liza du grand Tich, spo.

Liza Trigolait, spo.

Lizète, Elise.

lizète, n.f., chienne, liche. Alez pourmèner vo lizète, mins atincion, èle esst' in chasse, èle cache à mâle.

lizîbe, adj., lisible. Avu vos pates dè mouches, çou qu'avez scrit n'est ni lizîbe.

lizîblèmint, lisiblement. Ah, vos avez scrit lizîblèmint 's coû-ci.

lodjète, n.f., nid, logis, loge pour pigeon. Lès arondes ont bati leu lodjète dins l'èstaule.

lodjeû, se, n.m.f., 1. client d'une maison de logement : quand on a fét 'l nouvia canâl, il avoût dès lodjeûs à Yite yè à Vèznau. Èl mésse lodjeû (amant de l'hôtesse). 2. hôte, invité : pou 'l ducasse, nos avons dès lodjeûs.

lodji, n.m., logis. P'tit z-à p'tit, is ont fét in bia lodji.

lodji, loger. Quand i fét bia, nos coumarâdes vène lodji à no mézo. Rv. Yèsse mau lodji (en mauvaise posture).

lodj'mint, n.m., logement. No lodj'mint esst' à 200 m d'èl Place.

lojik'mint, logiquement. Lojik'mint, nos ârons branmin d' puns 's n-anéye-ci.

loke, 1. loque, chiffon : « marchand d' lokes, dè viyès lokes, dè pias d' lapin… » : c'est dinsi qu'on intindoût ariver 'l lok'ti. Ène loke à poûssières, ène loke à rlokter. 2. bandage : dji m'ai coupé avu 'm coutia, adon, èl mèd'cin m'a mis 'ne loke à 'm dwèt. 3. habits : èl dimince, on mèt sès bèlès lokes pou daler à mèsse. I n' tît pus dins sès lokes (il est trop maigre). 4. cuite : atraper 'ne loke. Rv. Tout ç' qu'il a d' pus gris dins lès grîjès lokes (la racaille). Si 'l martchand d' lokes èl rincontroût, i l' tap'roût dins 's tchèrète : il est en mauvaise santé ou il est très mal habillé.

loke, n.f., loche, limace grise. Claude daloût pèchi al loke.

lokè, n.m., cadenas. Mètez in lokè à vo vélo pou n' ni qu'on 'l vole.

Lokè, cinse du, actuellement Ferme des Merles, rue de Huleu.

lok'ti, n.m., chiffonnier. Lès lok'tis ramassine lès lokes, lès fèrayes, lès vîs papis yè lès pias d' lapin.

lolô, te, niais, puéril. À 's n-âdje, èl fé co 'l lolôte ? A Nivèle, èl Lolô c'est 'l gamin dès jèyants Argayon yè Argayone.

lon, loin. I d'meûre bi lon dè d'ci, lé Foufny-lès Bèrdouyes. I n' dira ni lon avu 's browète kèrtchéye dinsi ! Rv. Vos direz lon, mins vo tchîrez près ! Èl ci qui va lon pou s' marier, c'est pou tromper ou bi yèsse trompé. Rv. Èle est bèle dè d'lon mins lon d'yèsse bèle !

londje, n.f., longe. Min.ner 'l tchèvau pal londje.

londji, longer, cotoyer. Pou daler dè Skimpont à Ronquières, vo n'avez qu'à londji 'l canâl.

londjiva, n.m.f., adj., lambin, e, traînard, e. Avu dès londjivas parèy' vo n'astez ni co arivé au d'bout d' l'ouvrâdje.

long, ue, adj., long, ue. I pourmène dè long in lârdje. Èle a ène longue langue. Travayi t'au long du djoû. Èl fé longue.

long, ue, adj., grand, e, en taille. Èl long Victor Gervy mèzur' pusk' in mète nonante.

Long, Anna du Long, spo. Le père d'Anna était scieur de long.

Long Cou, èl, spo.

Longue Haie, à gauche de la partie basse de la rue de Samme descendant vers le canal, derrière l 'Etable d'Hôtes.

longer, débourser, donner. Djè li z-ai longé chinke eûros (allongé).

Long Pré, èl, lieu-dit à Ittre, situé à droite en descendant la Rue aux Cailloux, juste avant le Ry Ternel (plan Popp).

longue, dans la locut. « èl fé longue », faire durer.

longueûr, n.f., longueur. Coûper al bone longueûr.

lonmin, longtemps. Èn' dèmeurez pus si lonmin sins v'nu. Aussi : laumin et lontin. Rv. Yè adon, coumarâde, il a lonmin ? Répl : Bî non, èle est co toute frèche !

lonpa, n.m., lampas, inflammation de la membrane du palais chez le cheval.

lontin, longtemps. V. lonmin.

loper, travailler rapidement. Nous dalons loper avant qu'i n' fèye nûte.

lopeû, se, n.m.f., personne qui travaille rapidement. 'Sti lâle, c'esst' in fameû lopeû.

lorgneû, se, n.m.f., lorgneur, euse. C'esst' in lorgneû d' coumères.

lorgni, lorgner. Lorgni lès djins, ça n' lès met ni à leû n-éje.

lori, n.m., laurier. Èm' feume mèt toudi du lori dins 'l bouyon d' légumes.

Lorint, Laurent. Sint patron dès cûj'nis, dès cabârtis yè dès aracheûs d' dints (ça li fét d' l' ouvrâdje, hin), On l'èrclame à Waut-Ite pou lès p'titès umeûrs, èl mau Sint Lorint (impétigo, herpès labial), lès ploukes (scrofules) èyè lès brûlur'. Sint Lorint est moûrt sul gril èl 10 d'awous' 258. Èl curé dè Waut-Ite donoût dèl grésse dè Sint Lorint à lès pèlerins qui v'nine pou fé soûgni leû pia. Rv. Lès vints d' Sint Lorint bate èl grin. Al Sint Lorint, l' ivièr èrprind sès dints. Sint Lorint, donez-mi du feu ; quand djè d'ârai, djè vos 'l rindrai. Èl timps qu'i fét al Sint Lorint dure lonmin. Sint Lorint a sti condan.né à yèsse rosti in 258. I parèt què quand il a sti cût d'in costé, il aroût dit au bourau : « hé, asteûr qu'in costé est fét, toûrn'-èm' su l'aute ! ».

Extrait du poème wallon de M.C. « Renard : 'L'Argayon, èl jèyant d' Nivèle » :

Mins tout d' in coû, d' Lolo vlà 'l visâdje qui croustîye,

Èle va 'squ' à Waut-Ite, à Sint Lorint qu' èle prîye ;

Pou 'ne mourmoulète dè crache, èle done in gros djambon.

Èle nè sè d'èrpint ni : Sint Lorint èrfét 's gârçon.

Prière détournée à Saint Laurent pour un accouchement facile : Saint Lorint, métez m'èl dèwoûr aussi facîl'mint qu'on m' l'a mis d'dins !

Loriot, Loriot.

Compère Loriot, compère Loriot,

Les cèrîjes nè sont ni co meûres au cwin du bo

Ni vré, ni vré, p'tit minteû

Èles sont d' djà toutès roudj' !

(comptine communiquée par Francine Vankerkove - Haus)

losse, n.m.f., farceur, libertin, polisson. Èl losse m'a co fét ène fârce in mètant d'èl mustôde sul clitche dè l' uch. In p'tit losse (arsouille, belg.). Rv. I vaut mèyeû yèsse losse què mayeûr, èl mèsti est pus seûr. Lès baudèts périche pa leûs pîds yè lès losses pa leûs îs. Yèsse losse come in tchi qui va al tète !

lostrîye, n.f., farce, polissonnerie, coquinerie, libertinage. I m'a toudi fét rîre avu sès lostrîyes. Il est foûrt losse mins ni mèchant.

loti, lotir. Dèspu lès anéyes swèssante on a branmin loti à Yite yè à Vèznau. Mins, pou fini, ayusk'on va fé poûsser lès froumints ?

lotich'mint, n.m., lotissement. Èl lotich'mint dès parachutés, c'esst au Bo d' Sapin à Yite.

lotriye, n.f., loterie. D'aucuns sondje qu'èl mariâdje, c'esst' ène lotriye : avez gangni, vous ? In lot d' consolâcion ? In gros lot ? Combi, 180 kilos !? Hé, c'est pou rîre hin !

louchi, loucher. I louche tél'mint què quand i raguid' su Brusèle, i vwèt Nameûr in minme temps.

Louis, V. Louwis.

loulou, n.m., t. enfantin : morve. Hé gamin, vo loulou kieûrt su vo târtine, stièrd'-èl, hon !

louloute, 1. zizi, verge. 2. se masturber. Satchi su s' louloute. 3. exagérer, abuser. Rv. Satchi sul louloute : exagérer, abuser de la bienveillance, de la générosité d'autrui, de divers organismes d'assistance. Il esst'au chômâdje dèspu 20 ans, i n' cache ni à travayi, i satche sul louloute.

louper, 1. boire ou manger goulûment : dji loup'roûs èl mér yè lès pèchons ! 2. humer : wétiz-'l louper 's potâdje.

loupin, n.m., 1. écope, pelle en bois longue et étroite. Pèrdez 'l loupin pou aspèrdji 'l lindje sul pèloûse ! 2. louche à long manche : Victor a soûrti 's loupin pou pûji du puria woûr d' èl fosse à cabinèt yè incrachi 's djârdin, bon apétit lès vizins !

Loupougne, Loupoigne. Rv. Wéti Gnape Béji Loupoûgne. Jeu de mots : Ways-Thy-Genappe-Baisy-Loupoigne.

loûrd, e, loûrdinèt, e, loûrdia, adj., lourdaud, e. I n' comprind ni râde,c'esst' in grand loûrd.

lousse, n.f., louche à liquide. Ène lousse al soupe, al fichéye. Rv. Atraper sès lousses (pour un amoureux éconduit). C'esst' ène lousse dè pus dins 'l soupe (à un intrus s' immisçant dans une affaire pour en tirer les marrons du feu).

lousséye, n.f., louchée. Mètez d'in co 'ne lousséye dè pus, hon, dji n' pûs mau dè strauner avu !

loute, n.f., loutre. Rv. Yèsse t'aussi cras qu'ène loute.

louvia, n.m., louveteau.

Louvière, èl, La Louvière. Quand on esst'au Crwèja, on vwèt djusk' al Louvière yè pus lon.

louvwèyeû, se, n.m.f., personne qui louvoie, biaise, tergiverse. In louvwèyeû dinsi, vos n' savez jamé çou qu'i pinse.

louvwèyi, louvoyer. Èl batia a louvwèyi d'Askimpont djusk' à Fauquez : putète qu'èl batli astoût rosse.

louvwèy'mint, n.m., louvoiement. Avu dès louvwèy'mints on n' avance ni.

louwâdje, n.m., location, louage. I vaut mèyeû payi 's louwâdje à timps.

louwadjeû, n.m., loueur de voitures. Pou 'l mariâdje d'ès' fiye, il a coumandé dès vwètur' au louwadjeû.

louwandji, louanger. I n'a ni arèté d' louwandji 'l mayeûr… ! I cache après kè ?

louwer, louer. Pou louwer ène mézo à Yite, i faut bi gangni 's vîye. V. leuwer.

louweû, se, n.m., loueur, euse. Pol a dès rûjes avu sès louweûs, i va daler au Tribunâl, sondjiz ? 

Louwis, Louis, èl Pètit Louwis min.noût 'l dérni tram, èl 4 djulète 1959. Rv. Al Sint Louwis (25 awous'), l'èsté va fini. Aussi : Louis

Comptine :

N'avez ni vu Louwis

Qui cachoût à pichoulis

Pou 's pètit canari

Èl comissère l' a vu

Il a couru si rèd'

Qu'i d'a pièrdu 's barète !

Variante :

N'avez ni vu Louwis

Al coupète du tchèri

Il atrapoût sès pouyes

Pou fé dèl ratatouye

Quand èl tchampète l' a vu

Il a couru à 's cu.

Tél'mint qu' i daloût rèd'

I d'a pièrdu 's barète ! (source M. Demeyer).

Louwîse, Louise.

Louwîse dè Cadiye, spo.

Louwîse dè Papa, spo.

Louwîse d' in Bas, spo.

Louwîse du Kète Marin, spo.

louyi, lier. Louyiz 'l tchi come i faut, sinon, i va pèter vwèye on n' sét ni yu ! V. loyi.

lôvô, là-bas. V. lauvau, lauvauye.

loyâdje, n.m., liage. Èl loyâdje dès boukèts d' fleûrs.

loyète, n.f., lien de paille sommaire. On va mète dès loyètes à lès djârbes dè sicoron.

loyeû, se, n.m.f., lieur, euse. Joseph boutoût avu 'ne faukeûse-loyeûse. Aussi : louyeûse.

loyi, lier. Il est fou à loyi. Rv. Nos astine bi loyis (en situation délicate). On n' loye ni lès tchis avu dès saucisses (on ne tente pas le diable). Aussi : louyi, aloyi.

loyi, n.m., lien. Apoûrtez mi dès loyis pou tèni lès pates d'èl pouye.

loyin, lien de paille pour contenir les épis de la gerbe.

Loyisse, Éloïse. Loyisse est nèt' sote après lès tch'faus.

loyur', n.f., 1. jarretière, liure : mès tchausses dèskinde, i m' faura mète dès loyur'. 2. lien d'osier : on a mis dès loyur' à lès fagots pou lès mète dins 'l browète.

lozindje, n.m., losange, quinconce. Nos avons planté lès cèrijis in lozindje.

l' s', élision de les. Dji sus scrans d' bouter pou l' s'-èfants dès autes.

Luc, Luc. Rv. Il est lidjère come èl mouchon Saint Luc (St Luc est parfois représenté par un bœuf ailé, donc…), si vos n'compèrdez ni qu' ça vût dîre « loûrd », c'est vous qui l'est ! Quand Saint Luc mèt 's mantau (18 octôbe), i djèle à finde lès cayaus !

Luce, Sainte Luce, faites què djè n'eûche jamé ni pûs ni puces !

lûja, n.m., cercueil. Surtout employé dans les expressions : il a dès clôs d' lûja dins sès poches (il va mourir) et çou qu'on vos stitche dins 'l bourlèt (cerveau), vos n' èl pièrdrez qu' dins vo lûja.

lûjant, e, adj., luisant. Ène èstwèle lûjante. In vièr lûjant, ça n'est ni in vièr, c'esst 'in coléyoptère qui lume in n-èsté.

Lulu, Lucien. Lulu Decamps, c'est 'l gamin d' Marie Donc.

lulu, n.f., alouette dès bois, mauviette. Alez, lulu, bras stindu, cint kilos, ni capâbe. Lès lulus tchante bi waut.

lum'çon, n.m., limaçon. V. lum'son.

lumer, 1. éclairer : i lume su Vèznau, l'orâdje va ariver à Yite, yè après à Waut-Ite. 2. regarder, épier : èl vizin i lume lès coumères qui passe su 's trotwêr. V. guider, guigni.

lumeû, se, 1. allumeur, se : ès' grand-pére astoût lumeû d' libèrbères (réverbère) à Nivèle. 2. badaud, curieux : Mèliye du Pinte astoût foûrt lumeûse. V. guideû.

Lumi, café à Huleu.

Lumière, Joseph à, spo pour J. Pourtois. Il était chargé de relever les compteurs électriques et de percevoir les montants dus.

lum'rète, n.f., luciole.

lum'rote, n.f., 1. lumerotte (belg.) : on lèye ène lum'rote par nût', dinsi lès èfants n' ont ni peû du nwêr. 2. feu follet : on viyoût dès lum'rotes dins 'l cimintière ; pinsez qu' is font ducasse là pa-d'zou ?

lum'son, lum'çon, n.m., limace, limaçon. Yèsse t'aussi lèsse qu'in lum'son (peu dégourdi). Joseph Renard fabricoût du sirop d' lum'sons pou 'l cay'tousse. Rv. Ç-n'est ni à coûps d'èscoréyes qu'on fé avanci in lum'son ! Alez brider lès canes yè gorler lès lum'sons (envoyer promener). Nos n' tuwons ni lès lum'sons, dîje lès bouchis. Rv. Il arife sul cu du lum'son : il est en retard.

lumyi, briller. Quand lès feumes mè raguid', èles ont toudi yeû dès îs lumiants…Bon, il a lonmin d' ça, d' acoûrd avu vous… !

lune, n.f. lune, partie fessue d'une personne. Quand èle a tcheut, dj'ai vu 's lune in plin djoû ! Rv.

Lune rousse, signe dè vint.

Lune blatche, signe d' orâdje.

Lune blème, signe dè pieufe.

Lune blinkante, signe dè bia timps.

Lune dè mârs l'âra (en parlant d'un dépressif ou de quelqu'un qui ne passera pas l'hiver).

Lune dè mârs, mauvéje lune.

Ça véra après 'l lune dè mârs.

Al lune rousse, i n'a ri qui poûsse.

V. bèle.

lunète, couque en forme de 8. Lès tireûs à l'arc mindjine dès lunètes avu du fromâdje.

lunète, n.f., lunette. Èm' frére Christian vindoût dès lunètes à Brin.ne l' Alieu. Come i stoût ène miyète losse, il avoût mis in papi su 's n-uch : si vos n' savez ni lire ès' papi-ci, rintrez ! Rv. Bondjoû lunètes, adieu kèkète ! V. bèrlike.

Fauve : in 1342, in walon dè Forchies, Dirk Vandenhuske, indvinte èl lunète à cabinèt. Trinte ans pus târd, èl minme ome indvinte dè fé in trô au mitan.

lunèti, n.m., fabricant de lunettes. Il a deûs soûrtes dè lunètes : lès bèrlikes yè lès ciènes su lès tchiyotes.

lûre, luire. Après qu'il a pieut, èl solèy' va lûre. Èl solèy' lût pou tèrtou. Rv. Tout çou qui lût n'est ni d' l'oûr. I lût come ène couye dè Swisse passéye dins 'l bûre. Part. prés. : lujant, e.

lusse, 1. lustre, luminaire : on va acater in lusse in cwîfe. 2. cirage : tous lès djoûs, lès saudârds mète du lusse su leûs solés.

lustrer, cirer et faire briller. Tous lès s'min.nes, èl mèskène lustroût lès plantchis.

lustucru, n.m., arsouille (belg.). Djoûne, i stoût in lustucru ; vî, il est dèv'nu in losse.

luteû, se, n.m.f., lutteur, euse. Dins lès ducasses, on viyoût dès barakes avu dès luteûs.

luweûr, n.f., lueur. Tant qu'il a ène luweur d'èspwêr, on n'abandone ni.

l'ver, lever. Dj'ai yeû du mau pou l'ver 'l satch dè tchârbon. V. lèver.

l'vi, n.m., levier. Pou lèver l'auto, dj'ai pris in l'vi d'in mète dè long.

l'vin, n.m., levain. On a mis du l'vin dins 'l pausse pou qu'èle lèfe.

l'vri, n.m., lévrier. V. lèvri.

lwè, n.f., loi. Èl règlèmint, c'est 'l règlèmint, yè lè lwè, c'est lè lwè.

lwêr, n.m., loir. I doûrt t'aussi parfond qu'in lwêr. Syn. : sot-doûrmant.

lwèyal, e, adj., loyale, e. I faut toudi yèsse lwèyal avu tout 'l monde. V. rètch'om'kéér.

lwèyal'mint, loyalement. Il a rèspondu lwèyal'mint à 's pére.

lwèyauté, n.f., loyauté. Toute ès' vîye, il a moustré 's lwèyauté au payi, au Rwè yè al Constitucion.

lwèsse, n.f. œuf hardé, sans coquille. Yone dè nos pouyes a pènu ène lwèsse. Aussi : wèsse.

lwèzibe, loisible. I vos est lwèzîbe dè v'ni ou bi non.

lwèzîr, n.m., loisir. Grâce à les sindicas, lès ouvris ont d' pus in pus dè lwèzirs.

l'zè, pron., pers., les. Pèrdez-l'zè dins vo main. Donez mi-l'zè. Pou l'zè gangni, on a du mau. Mindjiz-l'zè dirèk. Note : on dit aussi pèrdez-lè, donez-mi lès, mindjiz-lès.