Dictionnaire - lettre V
vacha, n.m., 1. vasseau ou vaisseau, boisseau, jauge d'environ 20 litres pour les céréales. Acater in vacha d' froumint. 2. grand verre à goutte : bwêre in vacha d' Tchèssau (Chassart).
vacsiner, vacciner. Rv. Èle a sti vacsinéye avu ène èguîye dè gramofone : elle parle tout le temps.
vadrouye, n.f., vadrouille, balade sans but précis (péjor.), personne en balade, personne peu active, bon à rien. Il est toudi in vadrouye, à cachi après on n' sét ni kè. Wétiz 'l grande vadrouye dwé-là, i pourmène toute èl djoûrnéye à ri fé ou bî à vîr si lès uchs dès autos sont bi fruméyes, ou bi à taper sès poubèles lé lès vizins.
vadrouyeû, se, n.m.f., personne qui vadrouille (péjor.). I va fé bia, lès vadrouyeûs sont d'djà in route.
vadrouyi, vadrouiller, vagabonder. On n' savoût ni kè fé, adon, on a sti vadrouyi au martchi.
vagabondâdje, n.m., vagabondage. Dins 'l temps, on racontoût qu' i faloût toudi avwêr 20 francs dins 's poche, sinon èl champète vos arètoût pou vagabondâdje.
vagon, n.m., 1. wagon : lès prèmis tram du matin, yè lès cîs d' chinke eûre, astine ékipés d' in vagon. Aussi et plutôt : wagon. 2. forme en tôle pour cuire le pain, platine : il est timps d' èrsaki lès vagons du four' !
vâgu'mint, adv., vaguement. Waye, dj' ai vâgu'mint intindu pârler d' ça.
vaincu, dans la locut., vaincu, c'est karante fèsses.
valâbe, adj., valable. Si vos markiz su vo bul'tin d' vote « dji d'ai spès dè tous vous autes », i n' s'ra ni valâbe.
valâblèmint, adv., valablement.
Vôter valâblèmint, c'est facîle.
Valencia (air paillard connu, détourné). Valencia, drouvez vos cotes què dj' vos picote avu 'l carote qu'est dins 'm culote !
valeûr, n.f., valeur. In ome sins valeûr.
valéye, n.f., 1. vallée : èl valéye du Ry Tèrnèl keûrt dè Bolozac à Skimpont. 2. dans la locut., al valéye, en bas : tchér al valéye dès montéyes : tomber en descendant l'escalier. Tchér al valéye dè l' èskiyèye.
valichance, n.f., validité. Èl valichance d' èm' n-abonemint est woute.
valicheûr, valichur', n.f., valeur. Èl valicheûr dès djins.
valonemint, n.m., vallonnement. Èl valonemint du Brabant walon fét qu' pou daler à vélo dè Vèznau à Nivèle, il a toudi dès tiènes à monter.
valser, 1. valser : valser à l' indrwèt, valser à l' invièr. 2. mettre à la porte, faire décamper : fé valser 'ne saki à l'uch.
valseû, se, n.m.f., valseur, euse.
valwêr, valoir. Fé valwêr qu' on stoût avant yeûs'. Ès' fé valwêr.
Indic. prés. : dji vaus, i vaut, nos valons, vos valez, is vale.
Indic. imparf. : dji valoûs, i valoût, nos valine, vos valiz, is valine.
Indic. fut simple : dji vaurai, i vaura, nos vaurons, vos vaurez, is vauront.
Condit. prés. : Djè vauroûs, i vauroût, nos vaurine, is vaurine.
Subj. prés. : què djè vale, qu' i vale, què nos valine, què vos valisse, qu' is vale.
Part. prés. : valant.
Part. passé : valu.
vane, n.f., vanne. Èl vane du moulin. Èl vane dè l'ètang. Lachi lè vanes : uriner.
vaner, 1. cabrioler, au jeu de fer, dégager un fer en le percutant, : il a vané 'l fièr dè l' aute èkipe. 2. s' ébattre, s' ébrouer : lès mouchons vane dins lès flaches pou rnètyi leûs pènas. Lès pouyes vane dins 'l poûssière.
vantârd, e, vanteû, se, n.m.f., vantard, e. Rv. À quelqu'un qui exagère à son avantage : hé, dès vantârds, i d'avoût d'djà avant 'l guêre ! Répl. Waye, yè on n' lès a ni tèrtous tuwés ! I vaut mèyeû yèsse à l' uch d' in plindeû qu' à 'l ciène d' in vanteû. Rv. pour rabattre le caquet de quelqu'un : téjiz-vous, vos n' counèchiz minme ni 'l têre qu'on fét dès pipes dè bo avu.
vantîse, n.f., vantardise. Lè vla co dins sès vantîses ; bî râde, i va asprouver d' nos stitchi qu' c'est li qu' a indvinté lès alumètes à carbûre (soufrées). V. vapeûr.
vant'rîye, n.f., vanterie. Dji sus scrans d'ascouter sès vant'rîyes.
vapeûr, n.f., vapeur. Prinde èl vapeûr à Vèznau pou daler 'squ' à Brusèle. Èl tram à vapeûr, on l' apèloût « èl nwêr tram ». Avwêr dès vapeûrs : bouffées de chaleur. Dès alumètes à vapeûr : soufrées.
varache, n.f., cage en osier servant au transport de poules ou autres gallinacés. V. ravache.
va-râde, précipitamment. I boute toudi al va-râde.
variâbe, adj., variable. Èl timps est foûrt variâbe audjoûrdu : solèy', pieufe, solèy', pieufe, pèrdez vo parapwîye pou daler pourmèner, chérîye.
vârlèt, n.m., 1. valet de ferme : èl vârlet est vwèye à tchamps pou passer 'l yèrse. 2. valet de menuisier, en forme de L, que l'on bloque dans un trou de l'établi : mète èl plantche au vârlèt pou 'l travayi. Rv. In simpe vârlèt al tchèruwe vaut dix coûs mèyeû qu' in gros mossieu sul rûwe.
varlotia, n.m. jeune valet de ferme. Lès varlotias vont soûrti lès vatches pou lès mète au pachi.
varyi, varier. I faut varyi 'l mindji, minme si c'est du caviâr avu du champagne : ça, tous lès djoûs, vos d' in stez râde èscrans.
vasfèrfoute, al, locut. Aussi : va-t'-farfoute.
Aussi : was'foute.
vatche, n.f., vache. Ène vatche à lét, ène vatche monse (stérile). Min.ner 'ne vatche à toûr (saillie). Èl vatche èrmache. Rv. Il a intindu ène vatche brére, mins i n' sét ni dins ké èstaule. Èl vatche roubliye souvint qu' èle a sté via. C'est ni 'l vatche qui beûle èl pus foûrt qui done èl pus d' lacha. Al bouch'riye, toutes lès vatches sont bieus ; al tan'riye, tous lès bieus sont vatches. On n' alèfe ni lès vatches avu dès coukes au suke. I n' a ni si viyèye vatche qui n' torèye ni in coû par an : pour une dame, d'un âge certain, courant le guilledou.
Fauve : in Flamin roûle intrè Waut-Ite yè Vèznau, arivé au Trô d' Infièr, i vwèt twès vatches avu leûs kate pates in l' ér. I s'arète à De Bie :
- Meneer, je pense que tès kooien sont ziek : èles sont sur leur rug et èles kijken in l'ér !
- Mins non, qu' i rèspond Stan : avant, èles kijken le tram, mins asteûr, èles kijken lès aviyons qui vont naar Zaventem !
Advinia : pou koû c' qu' ène vatche ravance tîkfwé avu 's tièsse bachéye. Rép. : c'est tél'mint qu' èle est trisse qu' on djeûwe deûs coûs par djoû avu sès tètes, yè qu' c'est tout !
vatchi, n.m., vacher, rustre. Pârler come in vatchi. S'abiyi come in vatchi.
vatch'rèsse, n.f., vachère.
va-t'-fèrfoute, al, locut., étourdiment, négli-gemment.
Vaudru, Waudru. Sinte Vaudru astoût 'l prope cousène dè Sinte Djèdru.
vauri, ne, n.m., vaurien, ne, fainéant, e, personnage peu recommandable. C'esst' in vauri, vos n' frez jamé ri de bon avu li ! Plais., à un enfant effronté, arsouille : yè adon, p'tit vauri, on fét dès fafârces à 's mounonke. Atincion, si vos continuwez, dji vas pèler vos dints yè dji va mète vo tièsse intrè vos deûs orèyes !
vayamint, adv., vaillamment. Lès Gaulwès is s' ont batu vayamint conte lès Romains, mins quand Bluchèr esst' arivé,c'est li qu' a marki lès trwès gôl conte nous autes. Dè kè ? Dji m' brouye ?
vayance, n.f., vaillance. C'esst' in chitau, i n' a pon d' vayance sauf pou s' incouri.
vayandîse,n.f., vaillantise. Avu d' èl vayandîse, on fét tikfwè dès mirakes.
vé, n.m., t. de sabotier, ciseau à bois pour graver finement.
vé, n.m., vin. Bwêre in bon vére dè vé. Aussi : vin.
véci, ici. Vènez véci, dj'ai 'ne sakè à vos dire ! Aussi, et de préférence : dwéci.
vélâdje, n.m., vêlage. No vatche a toudi dès rûjes avu sès vélâdjes, à chake coû, on apèle l' ârtisse.
véler, vêler. No djènisse va véler pou 'l preumi coû.
vélîye, n.f., utérus d'animal. L' ârtisse a rmis 'l vélîye à place.
vèl-là, le voilà, la voilà. On n' a ni co mis 'l tâbe, yè vèl-là d'djà qui buske à l'uch.
vélo, n.m., vélo. Rv. Pou aprinde à roûler à vélo, vaut mèyeû aprinde su in vî : il vaut mieux apprendre l'amour avec une personne expérimentée. On entend aussi : vèlo
vèl-zà, les voilà. On pârloût d' yeûs', yè vèl-zà qui rinte dins 'l cabarèt.
Vènèrâbe, n.m., Saint-Sacrement. Fête fixée au jeudi qui suit la Trinité.
Vènèré, n.m., Trinité, dimanche qui suit la Pentecôte. Au Vènèré, nos dalons à Mons pou fé 'l Doudou, c'est 'l Mama, c'est 'l poupée, poupée, poupée… Auwe ! Rv. Al Pint'coute, il a dès fréjes à coud', au Vènèré, i d' a tout grimé, au Vènèrâbe, èles sonsst' au diâbe.
vènète, n.f., venette, frousse, peur. V. chite, proute, vèsse, pèpète.
vèni, vènu, venir.
Indic. prés. : djè vis, i vit ou vît, nos vènons ou v'nons, vos vènez ou v'nez, is vène.
Indic. imp. : dji vènoûs, i vènoût, nos vènine ou v'nine, vos vèniz ou v'niz, is vènine.
Fut. simple : dji vérai, i véra, nos vérons, vos vérez, is véront.
Cond. prés. : dji véroûs, i véroût, nos vérine, vos vériz, is vérine.
Subj. prés. : què djè vène, qu' i vène, què nos vènine ou v'nine, què vos vériz, qu' is vène.
Part. prés. : vènant.
Part. passé. : vèni ou vènu.
Èl sèmin.ne qui vit, nos dirons al ducasse dè Waut-Ite.
Rv. Ça n' vît ni à in mète ! : on n'est pas à ça près.
vènin, n.m., venin. Quand èle droufe ès' bouche, i n' d' in soûrt què du vènin : ké mauvéje langue !
ventoûse, n.f., ventouse. Pou sougni 's clike, on li z-a mis dès ventoûses à 's dos. Ça n' a ri candji !
vènur', n.f., dans la locut., « tout d' ène vènur », d'un seul jet. C'est tout d' ène vènur' qu' il a scrit 's powème.
vépe, n.m., vêpres. Èl dimince après din.ner, nos daline à vêpes.
vèra, n.m., verrou. Èl vèra d' l' uch. In plat vèra : targette. Rv. Il est co pus tchaud qu' èl vèra d' l' infièr.
vèrau, n.m., verrat. Mète èl trouye au vèrau. Rv. Lès trouyes vont toudi avu lès vèraus : qui se ressemble s' assemble. V. ûlô.
Vèrau, Marcel du, spo. Son père était verratier.
vèrbal'mint, adv., verbalement.
vèrbiâdje, n.m., verbiage, bavardage exagéré. Dji sus scrans dè tous sès vèrbiâdjes : èle pârle, èle pârle, yè après, èle èrtoûne à 's mézo ; diriz bi kou ç-qu' èle a v'nu fé ?
vèrcot, n.m., petit verre à liqueur. Dji vos rmèts in p'tit vèrcot ?
Vèrcot, crème, pâte, produit vert pour entretenir les ceinturons des militaires de la force terrestre.
vèrcoter, enduire de Vèrcot.
vèrcotâdje, action de vercoter.
vèrdasse, 1. adj., verdâtre : avu 'l tchaleûr, l' eûye du canâl a dèv'nu toute vèrdasse. 2. n.m. f., luron, ne, comique : èm' vizin, c'esst' in vèrdasse, i n' arète ni d' in raconter à pichi dins vo marone.
vèrdâte, adj., verdâtre. Il a tél'mint yeû peû qu' ès' visâdje a dèv'nu tout vèrdâte.
vérdi, n.m., vendredi. Èl vérdi, ç-astoût 'l djoû qu' on stoût oblidji d' mindji du pèchon. Ça sintoût 'l cabiau dins tout 'l vilâdje.
vèrdi, verdir. Èl banc tchamousse : il a tout vèrdi avu 'l pieufe.
vèrdia, n.m., pomme des marais. In vèrdia, c'est 'ne soûrte dè rin.nète.
vèrdich'mint, n.m., verdissement.
Èl vèrdich'mint dès twèts in cwîfe.
vèrdière, n.f., bruant, jaune verdier. Ène vèrdière, c'esst' in mouchon qu'on n' vwèt qu' au bon temps. Aussi : djôzine.
vèrdje, 1. n.f., tringle, verge : cachi 'l tchi à coûps d' vèrdje. 2. dos de la lame de la faux. 3. zizi, verge.
vèrdje, n.f., verge, mesure agraire d'environ 21 m², soit un centième de journal.
vèrdjon, n.m., vergeron, manche de fouet, dernier élément d'une canne à pêche à sections emboîtables, verge de l'homme. Plouyi come in vèrdjon. Lèyi 'l vèrdjon dins 'l four' : coitus non interruptus.
vèrdur', n.f., verdure. Mindji dèl vèrdur'.
vêre, n.m., verre. Rv. Èl trwèzième coû, c'est vous qui paye in vêre : à une personne que l'on croise pour la 2ème fois sur la même journée.
vèrète, adj., en rut, à propos des suidés. Quand 'l trouye est vèrète, on l' min.ne au vèrau.
vèrèter, être en vèrète. Aussi : vèrter.
vèreû, se, adj. 1. véreux, se : lès puns sont vèreûs, adon is tchèye dè l' ârbe. 2. grincheux, se : li, c'esst' in vèreû, i n' rit jamé, sauf quand i s' brûle…, foûrt ! 3. frileux, se : in iviêr, lès vèreûs mète dès longs scan'çons.
vèrifieû, se, n.m., vérificateur, trice. I stoût vèrifieû d' bobines à Skimpont.
vèrifiyi, vérifier. Avant d' pârti in condji, i faut toudi vèrifiyi si vo n-auto esst' in orde.
vèrin, n.m., vérin, étau, vis de serrage. On a asprouvé d'èrlèver 'l camion avu in vèrin, mins ni moyi d'èl fé boudji à cause du pwèd.
vèritâbe, adj., véritable. Èm frére, c'esst' in vèritâbe boufon : i mindje ène târte au riz t' intière à li tout seû.
vèritablèmint, adv., véritablement. Dji sus vèritablèmint choki quand dji vwès tout çou qu' on mèt al poubèle yè qu'est co bon à mindji.
vèrité, n.f., vérité. Dîre èl vèrité, ké vèrité ? Èl vôle ou bi 'l miène ? Rv. Dire sès kate vèrités à 'ne saki : son fait. Èl vèrité, c'est come dèl wîle : ça rvit toudi au d'zeûr.
vèrmichél, n.m., vermicelle. C'est l' vèrmichèl qui a pièrdu 's tcha…, non, c'est ni dinsi. Mète du vèrmichèl dins 'l soupe.
vèrmousse, n.m., cerfeuil. Ène soupe au vèrmousse, ça cakèye al goûrdje, adon, ça fé toussi.
vèrni, vernir. Pou mès pâkes, i m' a falu mète dès solés vèrnis ! Maria Dèyi, ça n'astoût ni 'm goût !
vèrnichâdje, n.m., vernissage. Èl vèrnichâdje dès tchassis yè dès uchs. Èl vèrnichâdje d' ène èspôsicion au Chatau-Bauthièr.
vèrnicheû, se, n.m.f., personne qui vernit.
vèroule, n.f., virole, bague. V. viroule.
vèrouyi, verrouiller. Vèrouyi toutes lès uchs quand i couminche à fé nûte.
vêr'rîye, n.f., verrerie. Èl vêr'rîye dè Fauquez fabrikoût dèl marbrite. Note : la verrerie de Fauquez (de ± 1900 à 1979) fut mondialement reconnue pour sa marbrite, imitation de mar-bre en pâte de verre mise au point par Arthur Brancart (originaire de Thulin). Cette marbrite servit aussi à la fabrication de cimorné : ciment orné de particules de marbrite. Voir les façades des maisons rue Basse 10 et rue Haute 37 à Ittre. Rv. C'est du cristal qu'a rifté èl Val Sint-Lambèrt yè qu'est vwèye su Fauquez : c'est du cristal qui a frôlé le Val Saint-Lambert et qui est passé par Fauquez (expression locale visant des verres en faux cristal).
vèrsèmint, n.m., versement. In vèrsèmint automatike.
vèrsifyi, versifier. C'est ni toudi facîle dè vèrsifyi : pou bi fé, i faut qu' ça rime yè qu' ça rame come târtine yè boterham.
vèrt, e, adj. et n.m. 1. vert. In vèrt tchapia pou daler al cache. Dès vèrts dè patakes : des fanes. Mète lès bièsses au vèrt : en prairie. 2. personne originale, comique : in vèrt, in vèrt dè gris, ène vèrte. 3. propos grivois : chufler dès vèrtes.
vèrtâdje, n.m., rut en parlant de la truie. No trouye n' a ni co sti in vèrtâdje.
vèrt-bouc, n.m., vieux séducteur. Maugré 's n-âdje, c'est co in vèrt-bouc !
vèrt-diâle, n.m., satyre imaginaire. Pou Alowîne, i s'a abiyi in vèrt-bouc.
vèrte, n.f., histoire grivoise. I raconte toudi dès vèrtes.
vèrtèmint, adv., vertement. Èle li z-a rèspondu vèrtèmint qu' il astoût bî trop léd pour lèye.
vèrter, être en rut (truie). V. vèrèter.
Vèrte Allée, lieu-dit à Ittre, situé à gauche de la rue des Primevères vers Baudémont (plan Popp).
Vèrtès Ayes, tchèmin dès. Lieu-dit à Haut-Ittre, premier chemin à droite en descendant la rue vers Wauthier-Braine, en venant de la sortie de l'autoroute à Haut-Ittre (plan Popp).
vèrt-fiyon, n.m., verdier, bruant, aussi : gros-vèrt. C'esst' in mouchon al couleûr vèrte. V. vèrdière.
vèrticâl'mint, adv., verticalement. Si vos mètez l' èskiyèye trop vèrticâl'mint, vos riskiz d' tchér au rvièr.
vèrtuweûs'mint, adv., vertueusement. Viki vèrtuweûs'mint, c'est souvint fé chènance dè yèsse pus catolike qu' èl Pâpe.
vèrt-vèssu, ûwe, adj., blême de froid. Il avoût tél'mint frwèd qu' i triyanoût yè qu' i stoût tout vèrt-vèssu ; 's feume astoût vèrt-vèssûwe ètou.
vèrzin, n.m., 1. germe de l'œuf : i d'a qui n'inme ni mindji dès yeus avu in vèrzin dins 'l djaune. 2. vigueur, mordant : audjoûrdu, dj' ai 'l vèrzin.
vèrzinéye, n.f., caprice, lubie. Èle candje toudi d' avis, èle est co dins sès vèrzinéyes. V. néerl. verzinnen : imaginer, inventer, changer d'avis.
vésicatwêre, n.m., vésicatoire, médicament provoquant des ampoules cutanées, la vésicule elle-même. Èl vésicatwêre èm' fét dès clokes à 'm pia.
Vès'nau, Virginal. Aussi : Vèznau. Première mention officielle de Virginal au 12ème siècle. Du latin versus altum (situé en hauteur, haut placé : 144m), devenu en gaulois Vèrzenau, puis, selon les époques Verginal, Verzenault et autres variations jusqu' à Virginal-Samme le 22 janvier 1808, sous l'occupation française. En 1859, la commune comptait 1382 habitants. Virginal, propriété de l'abbaye de Lobbes était une terre franche, exempte de « toutes tailles, aides et impositions envers tous princes, ducs et seigneurs ». Ce privilège prit fin en 1664 sous l'occupation espagnole. On compta deux piloris : l'un à Virginal au lieu-dit Bruyère de la Justice, l'autre à Samme près de la chapelle Saint-Vincent et de la ferme dénommée Mairie de Samme. À Vèznau, pusk' i pieut, pusk'i fét biau ! Voir en fin d'ouvrage l'hymne virginalois. En septembre 1830 une compagnie de Virginal se distingua à Bruxelles en participant aux combats contre les Hollandais.
« I n' a qu'in Vèznau », devise de Virginal.
Note : la forme Vèsnau est à déconseiller.
vèssau, te, 1. vesseur, euse : quand lès vèssaus sont là, èl sinbon s' inva ! 2. peureux, se. Aussi : vèsseû.
vèsse, n.f., veste. Acater ène nieufe vèsse pou daler à in mariâdje.
vèsse, n.f., 1. vesse, prout, proute (belg.) : èle a co lachi ène puwante vèsse, adon, chènance dè ri, èle raguid' les autes, l'ér dè dîre : « c'est ni mi ». C'est sûr come ène vèsse dè trouye. 2. une futilité : ène vèsse mau tournéye. 3. une personne frileuse : ène frwède vèsse. Rv. Il est vwèye come ène vèsse su 'ne twèle ciréye. Il a lachi 's dérène vèsse : il est mort. Il a toudi pète ou vèsse : pour un hypocondriaque. Il a yeû ène vèsse mau toûrnéye : il a subitement changé d'humeur.
vèsse-dè-leûp, n.f., vesse-de-loup. Rv. Il a sondji mète ès' main su in tchampiyon, mins ç'astoût ène vèsse-dè-leûp : pour une attente déçue, une déception.
vèsseû, eûse. V. vèssau.
vèsséye, n.f., vessie. Dj'ai ène vèsséye come in balon d' fout'bal ! : ça presse ! Rv. I n' faut ni prinde dès vèsséyes pou dès lantèrnes !
vèssi, vesser, péter. Rv. I n'a ni pou fé vèssi ène cane : cela n'en vaut pas la peine. Prèmi sintant, prèmi vèssant. Avwêr l' alin.ne qui rboufe : vesser. Rv. I vaut mèyeû vèssi in société què d' mori tout seû! Ou : i vaut mèyeû vèssi in société què d' avwêr mau 's vinte tout seû !
veûvâdje, n.m., veuvage. Bi souvint lès feumes n'ont ni dificîle avu 'l veuvâdje. D'ayeûr, on pârle toudi d'ène veûve djwèyeûse, ni d' in veûve djwèyeû. (V. veûve ci-dessous).
veûve, adj., et n.m.f., veuf, veuve. Il a bi dij' ans qu' il est veûve, yè i n' s' a jamé èrmariyé. Nèlly astoût 'l veûve dè Jules.
vèye, n.f., veille. Al vèye dè Sint-Nicolas, au nûte, on mètoût nos solés bi propes dins 'l tchèminéye, yè sul tabe : in vêre à goute avu 'ne boutèye dè Tchèssau pou Sint-Nicolas, yè trwès carotes pou 's baudèt.
vèyeû, n.m., veilleur. Ça arife co souvint qu' in vèyeû tchéye indoûrmi.
vèyeûse, n.f., veilleuse. Faute què lès èfants n' sont ni à leû n' èje, on a lèyi 'l vèyeûse aluméye tout 'l nûte. Plaisam., sur certaines représentations : petite flamme surmontant le Sacré-Coeur de Jésus ou la tête des Apôtres lors de la Pentecôte. V. Binchou.
vèyi, veiller. Vèyi in moûrt. I faura vèyi à ç' qu' èl baye du pachi dèmeure sèréye.
Vèznau, Virginal. V. Vès'nau.
vî, vîye, adj., et n.m.f., vieux, vieille. In vî ome, ène vîye feume, ène vîye djoûne fîye, in vî djoûne ome. In vî stoumak ou in vî scan'çon ou vî strin : au fig., vieille branche. Rv. Pus vî, pus sot. C'esst' aussi vî qu' lès tch'mins. Il est vî assez pou fé in moûrt. On entend aussi : ène viyèle feume. Lès vîs, is vîye pus clér avu 'l trô d' leû cu qu' lès djoûnes avu leûs îs ! V. vièy'.
viande, n.f., viande.
vin, n.m., vin. Rv. Au bon vin, pon d' bouchon.
via, n.m., veau. Brére come in via. In grand via : un grand nigaud. Il inme austant vatche què via : cela lui est indifférent. In via d' mârs : giboulée. Rv. Si vos s'riz v'nu wit' djoûs pus târd, vos s'riz via. I n'est ni arivé come lès vias, qu' i faut leû doner 'l dwèt : à propos d'un buveur. Donez à bwêre au via ! : pour faire taire quelqu'un. Il est rlètchi come in via qu' a deûs méres : il est dorloté. Èl ci qu'est via, c'est pou in an ; èl ci qu' est bièsse, c'est pou toute ès' vîye. Latin vitellus. Rv. En réponse à la question « où ?, ayu ?», rép. Dins 'l cwin ayusk'èl via est moûrt !
vibratwêre, adj., vibratoire.
vicoter, vivoter. Lès cîs qu' ont 'ne pètite pinsion, is vicote djusqu' à leû moûrt.
victorieûs'mint, adj., victorieusement.
Victor ma Pome, spo.
Victorine, Sainte Victorine, dji vas m' fé bèguine !
victwêre, n.f., victoire. Èl victwêre nè leû z-a ni souri.
vidange, n.f., vidange, bouteille consignée. Fè 'l vidange du moteûr. On va rapoûrter lès vidanges dè bières au boutike. Rv. Daler fé vidange : uriner.
viè, prép., vers. On intind 'ne sakè viè Brin.ne-lè-Comte. Vènez viè deûs eûres. Aussi : inviè, palé.
vièle, adj., et n.f., vieille. V. vièy'.
viène, n.f., poutrelle faîtière. Èl paneti s' a achis sul viène.
viêr, n.m., ver. Viêr dè têre. Tout nu come in viêr. Èl viêr salutère ou èl long viêr : fr. sp., ténia. In viêr lûjant. Fé dès viêrs sins d' avwêr l'ér. Rv. Yèsse monté come in viêr su 'ne pièrtche à féves : être mal outillé, être mal embarqué.
Fauve : dè tous sès pus râde, in viêr dè têre brodje woûr d'ène assiète dè spaguètis,
- Ouf, co 'ne miyète, dji m' fèzoûs mète à mâle !
viêr, n.m., verrat. V. vèrau.
vièrmoulu, ûwe, adj., vermoulu, e. Èl plantchi est tout vièrmoulu.
vièrmoulur', n.f., vermoulure. L'èscayé a toûrné à vièrmoulur'.
vièrser, vièrsi, verser. 1. pleuvoir à verse : i vièrsoût tél'mint qu' lès tchis arine bu stampés. 2. verser. Èl camion a vièrsé dins l' uréle. Vièrsi à bwêre.
vièspréye, n.f., vesprée, soir, crépuscule. Al vièspréye, nos vérons à scrène, yè nos bwêrons du cafè al fèrlope.
viès'rîye, n.f., vieillerie. Dins lès brocantes, on n' vwèt qu' dès viès'rîyes.
viète, n.f., petite gouge dont se sert le sabotier pour faire des trous.
vièy', e, adj., vieux, vieille. Marcel, i d'vît vièy', savè ! Mins 's feume, èle n'est ni si vièye què ça !
vièyème, n.f., athrepsie, maladie qui donne à l'enfant un faciès de vieillard. L' èfant dès Choûses a 'l vièyème, on dîroût tout qu'il a swèssante ans. Si c'est ni maleûreû !
vièyèsse, n.f., vieillesse. Coumint scapé al vièyèsse ? Pou lès feumes : prinde in galant pus djoûne ?
vièyi, vieillir. In vin qui vièyit, i d'vît mèyeû, mins in n-ome ? Kè dites Judith ? C'est 'l contrére ?
vièyichant, e, adj., vieillissant, e. Lès moûdes, c'est toudi vièyichant d' natur', mins tîkfwè, ça rvît.
vièyich'mint, n.m., vieillissement. Èl vièyich'mint dèl populâcion va nous couster tchér.
vièy'mint, adv., vieillement. Ça va mounonke ? Bah, vièy'mint, da !, mins què volez fé à ça ? À nonante-chinke ans… !
vîfe, vivre. I fét tchèr vîfe. Aussi : vîve, viki. Rv. Vos vivez co ? Répl. : Bî waye, avez rçu ène lète dè moûrt à 'm no ?
vigo, n.m., porcelet.
vigoureûs'mint, adv., vigoureusement. Si vos volez fé tchér lès prones, i faut skeûwer l'ârbe vigoureûs'mint.
vigueûr, n. f., vigueur. Pou 's n-âdje, il a co branmin d' vigueûr.
vijilante, n.f., fiacre. Pourmèner in vijilante. Lès vijilantes ratindine lès djins pa-d'vant 'l gâre dè Nivèle.
vijin, ène, adj., et n.m.f., voisin, e. Vaut mèyeû avwêr dès bons vijins trankéyes què dès barakis qui font 'ne masse dè brû. Rv. Èl ci qu' est jin.né pa 's vijin, i n' a qu' à rculer 's mézo ! V. vizin, ène.
vij'nâdje, n.m., voisinage. Èl mèyeû dès vij'nâdjes c'est d' n' avwêr què dès pachis alintoûr.
vij'ner, voisiner. Si on vijène dè trop, on finit pa s' mêler dè ç' qui n' nos rgârde ni.
vikâdje, n.m., façon de vivre, rente pour vivre. Is ont in vikâdje dè bourjwès.
vikant, e, adj., vivant, e. Il est vikant come in diâle dins in bèniti. Is s'ont mariyé au dérni vikant tous lès bîs. Aussi : vivant.
vikérîye, n.f., vie, existence, usufruit. Dins 'l Bîbe, on raconte què Matusalèm a yeû ène longue vikérîye, mins on n' dit ni in ké ètat qu' i stoût. Si l'ome tchét moûrt, ès' feume a 'l vikerîye dèl mézo.
viki, vivre. Dèvant d' mori, asprouvone dè bi viki ! On sint qu'on vike ! : lorsque l'on ressent une douleur. Rv. Viki come lès tchis : sans principes. Aussi vîfe, vîve.
vilâdje, n.m., village. Lès djins du vilâdje, is vos dîse bondjoû, lès autes, is n' vos raguid' dèdjà ni !
viladjwè, se, n.m.f., et adj., villageois, e. In cabarèt viladjwè, à Yite, i n' d' a pus. À Vèznau, i d' a co yun, pou 'l moumint. Mins i parèt qu' is vont frumer in jwin 2019.
vilbrèkin, n.m., vilebrequin. Èl vilbrèkin du moteûr a skèté nèt'. V. imbèrkin.
Vilé, Villers. L'abèyi d' Vilé.
vilin'mint, adv., vilainement. Il a sté vilin'mint cochi, on a dû l' èrkeûde.
Vincent. Rv. Al Sint-Vincent (22 janvié), l' iviêr pièrd ène dint. Al Sint-Vincent, l' iviêr èrprind ou bi skète sès dints.
vindâbe, adj., vendable. Bî râde, ène auto à mazout, ça n' s'ra pus vindâbe.
vinde, vendre. Vinde ès' mézo. Vinde ès' n-âme au diâbe. Rv. Vos n' vindriz qu' dès alumètes, què vos âriz co dès crédits.
vindeû, se, n.m.f., vendeur, euse. Rv. Il a pus d' sots acateûs què d' sots vindeûs. Rv. I vindroût dès palmes à in canârd.
vindji, venger. I n'est ni foûrt assez pou s' vindji. V. èrvindji.
vindjince, n.f., vengeance. I parèt qu' ça s' mindje ! Frwèd ! I ratind 'm vindjince.
vindûwe, n.f., vente publique aux enchères. Dj' ai acaté in tablau su 'ne vindûwe.
vinégue, n.m., vinaigre. Sûr come du vinégue. Rv. On n'atrape ni lès mouches avu du vinégue.
vin.ne, n.f., veine. Avwêr du sang dins lès vin.nes. I parèt qu' lès cocus is ont dèl vin.ne. Dji vas râde daler djeûwer au Loto d' aboûrd ! Kè, vos vnez avu mi ?
vint, n.m., vent. Si vos pichiz conte èl vint d' bîje, vos dalez atraper ène tchaude-piche. À Vèznau, il avoût in moulin à vint dèspu lonmin. Daler co pus rèd' qu' èl vint. Rv. Tènè, èl vint a tcheut sins pieufe : quand un ange passe. Vlà co in grand vint tcheut sins pieufe : quand la querelle est apaisée. Quand lès bèdots danse, i va fé du vint. C'est du vint sins pieufe : beaucoup de bruit pour rien. C'est ni a cause du vint qui soufèle à vo cu qu' vos stez cras ! : à un gros mangeur. Dj'inme bi quand 'l vint ûle yè qu'èl pieufe èrlate su lès caraus.
vinte, n.f., vente. Daler à 'ne vinte. Mète in vinte. V. vindûwe.
vinte, n.m., ventre. Avwêr mau 's vinte (au fig., envier). Rv. Èm' vinte plake à 'm dos : j'ai faim. In coutia qui coûpe come in mau d' vinte : pas du tout. Avwêr lès îs pus grands qu' èl vinte. Daler vinte à têre. Dj'ai mau 'm vinte ! Répl.,Faites ène crwè d'su vos ârez trinte ! : en référence au chiffre romain XX (20), auquel on rajoute une croix, soit XXX. Vinte qu'a faim, èn' cache ni après 'l sauce : celui qui a très faim ne fait pas la fine bouche. Grogni à 's vinte : faire régime.
Autre :
- Mi dji counwès èl diamète dè vo boutroule !
- Ah waye ?
- Vos avez in trau d' vinte !
vintière, n.f., 1. ventrière, sous-ventrière. 2. verne de toiture : traverse soutenant les isolants thermiques du toit.
vintin.ne, n.f., vingtaine. Nos stine ène vintin.ne dè djoûnes à couri après 'l balon.
vint'kate, n.m., ancien jeu de palet tombé en désuétude. Djeûwer au vint'kate.
vinvole, al, locut., à la venvole : à la légère, par hasard, au gré du vent. Faites vo n-ouvrâdje come i faut, ni al vinvole. Èle avoût lèyi sès tch'feûs al vinvole.
viole, 1. n.f., orgue de barbarie : in toûrneû d' viole. 2. piano ou orgue automatique, par extension : juke-box : mète ène mastoke dins 'l viole. Danser al viole. Au fig., à une personne ressassant les mêmes récriminations : ça y est, èl viole est co rmontéye ! Rv. I vaut mèyeû in ér dè feû qu' in ér dè viole. I faut danser come èl viole va. Il a dès dints come dès brokes dè viole. Il a 'ne brike dins 'l viole : il y a un problème, c'est le bordel. Il a tapé 'ne brike dins 'l viole : il a refroidi l'ambiance.
vîr, voir
Indic. Prés. : djè vwès, i vwèt, nos viyons, vos viyez, is viye.
Imparf. : djè viyoûs, i viyoût, nos viyine, vos viyiz, is viyine.
Fut. simple : djè vîrai, i vîra, nos vîrons, vos vîrez, is vîront.
Condit. : djè vîroûs, i vîroût, nos vîrine, vos vîriz, is vîrine.
Subj.. prés. : què djè vîye, qu' i vîye, què nos viyone, què vos viyisse, qu' is vîye.
Part. prés. : viyant.
Part. passé : vu.
C' esst' à vîr : ça dépend. Vîr volti : aimer. I m' chène à vîr ou i m' chène avis : il me semble. Dj'ai vnu vîr après vous ! Rv. Vîr èle diâle dins 'ne boûrse dè twèle ou dè cûr : en voir des grises. Mè vîr ! Répl. Vîr c'est kate in flamin, yè béji 'm cu in latin. Dj'ai vu Choûse ! Répl. Yè vos n' aviz ni in satch pou 'l mète dèdins ? Nos vîrons ! Répl. In vî rond, c'esst' in vî cu ! À un enfant casse-pied : alez vîr si djè n' sus ni au djârdin ! À quelqu'un qui promet une visite improbable : nos vîrons bi èl lind'min si vos ârez v'nu ! Lès vis, i viye pus clér avu leû cu qu' lès djoûnes avu leûs bèrlikes ! : les vieux comprennent plus vite que les jeunes. Rv. Yèsse vu : être trompé.
virâdje, n.m., virage. Dè Vèznau à Waut-Ite, c'est tout virâdjes.
Virjinîye, Virginie. Dji vas au dintisse lé Virjinîye Mussche, à Nivèle.
vir'mint, n.m., virement. Fé in vir'mint pou payi 's n-abonemint al gazète.
viroule, n.f., 1. virole : mète ène viroule au manse d' in osti. 2. bague (péjoratif) : vos avez ène fameûse viroule à vo dwèt !
virtuwél'mint, adj., virtuellement.
visâdje, n.m., visage. Rv. Fé in bia visâdje. Avwêr in visâdje dè gate : laid. Fé in sûr visâdje. Fé in visâdje come ène trouye qu' a agni dins in sûr pun ! Fé in visâdje à fé rculer ène procèssion. In visâdje dè Ponce-Pilate : faux-cul. In visâdje come in navia pèlé deûs coûs : très pâle. In visâdje dè rinconte, què tous lès tchis vont pichi conte ! Visâdje dè târte au riz (grêlé), quand dji vos vwès, dji pinse què c'est ducasse ! Il a in visâdje come in coûp d' pougn' dins 'ne flate : pas beau.
visiter, visiter. Tous lès diminces, on daloût visiter 'l famîye. On n'acate ni ène mézo sins 'l visiter : à propos de relations sexuelles avant le mariage.
Vîs Paltots, groupement amical de personnes d'un certain âge visant à organiser des retrouvailles d'Ittrois, ou s'attelant à certaines manifestations ou mouvements culturels : photos anciennes, élaboration du dictionnaire wallon local, etc. Anecdote : étaient ainsi nommés les réservistes les plus âgés (40 à 50 ans) qui furent rappelés dans l'armée lors des guerres 14-18 et 40-45. Leur équipement consistait notamment en une vieille capote (vî paltot) qui les protégeait des intempéries.
vissâdje, n.m., vissage. Vissâdje yè dèsvissâdje sont lès mamèles dè l'aprintissâdje, siya, siya !
vitèssié, n.m., pigeon mis sur des courses de vitesse.
vitié, n.m., vitrier. V. vitriyé.
vitoulè, n.m., boulette de viande, fricadelle. (rare, surtout en usage vers Charleroi).
vitrâdje, n.m., vitrage. Du doûb' vitrâdje, du trip' vitrâdje.
vitrau, n.m., vitrail. À Yite, il a in vitrau ayusk'on vwèt Jézu dèscrotchi in bras pou inlaci sinte Lutgarde. I d'a qui sont chokis avu ça. Il avoût èl minme sin.ne sul chasse in bo dèl sinte, mins ène saki l'a grazné dju. À Vèznau, lès vitraus vène dèl ver'riye dè Fauquez. A Waut-Ite, su lès vitraus, on vwèt notamint Sainte Cécile yè Saint Joseph.
vitriyé, n.m., vitrier. Èl gamin a co skèté in carau in djeûwant avu dès cayaus : on va apèler 'l vitriyé, adon.
vivâdje, n.m., manière de vivre. Ç' n'est pus in vivâdje si vos d'vez d'meurer dins vo lit djusk'à vo moûrt, après qu' vos avez fét ène atake. V. vikâdje.
vîve, vivre. I faut vîve avu 'ne saki pou bi 'l counwète.
viveû, se, n.m.f, viveur, bon, ne, vivant, e, fêtard, e. C'esst' in fameû viveû, on l' vwèt à toutes lès fièsses.
vivifyi, vivifier. Daler pourmèner dins lès Mourbètchs quand i djèle yè pau vint d' bîje, c'est vivifiyant.
viviyé, n.m., vivier. On a rmis dès pèchons dins 'l viviyé.
Viviyé Hoquet, èl, le Vivier Hoquet, lieu-dit à Virginal. A dr. du chemin du Chârli des Prés, après les Hoyaux, en montant vers le Bois de la Houssière. (Plan Popp).
viv'mint, adv., vivement. Viv'mint 'l pinsion qu' on dit souvint. Mins quand vos stez pinsioné, vos stez tout pièrdu.
vîye, n.f., vie. Ène vîye dè pourcha : courte yè bone. Min.ner la vîye : bambocher. Min.ner sès vîyes : hausser la voix, se disputer. Rv. Tant qu' i a vîye, y a d' l' èspwêr. On n' a ni 's vîye à 's poche : on ignore tout du lendemain.
vizîbe, adj., visible. Quand vos faites du vélo, fuchiz bî vizîbe, mètez ène vèsse djaune ou bi oranje.
vizîblèmint, adv. visiblement. Vizîblèmint, vos n' savez ni qu' i faut s'arèter à lès STOP. Co 'ne miyète yè vos stiz spotchi pal bus què vos n' aviz ni vu ! C'est bon pou in coû, circulez !
viziteû, se, n.m.f., visiteur, euse. Al prîjon, il a dès eûres fixes pou lès viziteûs.
vlà, v'là, vlà'tè, prép., voilà. Vlà toute ! Mè vla-ci, mè vlà-là. Vos d'in volez, d'in vlà. Yè vla'te vèl-là !
vlà-toute, c'est fini, point final.
Vlaamsmarkt, topon., flamand spotchi, pour Vlasmarkt, lieu-dit entre Braine-le-Château et Halle. Quand vos dalez dè Brin.ne-Chatau à Halle, djusse après 'l fin dèl montéye, vos arivez au Vlaamsmarkt. À gauche, on va al Zôguerâ, à drwète on rinte dins 'l bo d' Hal. Note : « zôguerâ »' vient de « zagerij », scierie, en néerlandais. Un restaurant réputé y est d'ailleurs installé sous l'enseigne Zogeraa.
vlèk, objet de mauvaise qualité (emprunt au bruxellois). Si c'est pou acater du vlèk, austant taper vos liârds al poubèle.
vloûr, n.m., velours. C'est pipi pètit Jézu dins 'ne marone dè vloûr : pour une très bonne boisson. C'est du vloûr : c'est délicieux. Ène marone dè vloûr, in casake dè vloûr. Djeûwer al baguète dè vloûr : tendre une baguette enduite d'excréments à quelqu'un qui a lès yeux bandés
v'ni, v'nu, venir. V. vèni,u.
vo, adj., et pron., votre, vôtre. Ça c'est 'l mi, ça c'est 'l vo. Vo tchi, c'esst' ène rosse. Vo coumère vos mèt dès coûrnes. V. vôle, vote.
volâdje, adj., volage. On dit qu'in ome foûrt volâdje, c'esst' in coq, yè qu' ène feume foûrt volâdje, c'esst' ène trouye. Vos trouvez ça djusse ?
vôle (s), pron., vôtre (s). C'est ni 'l mi, c'est 'l vôle. C' est ni d'à mi, c'est lès vôles.
volè, dans les locut., volè gaz, volè pètrole. V. flam. vol (plein).
volè pètrol, volè gâz, vite, (à) fond de balle, emprunt au flam.
voler, 1. tomber, dégringoler : il a volé dju du mur'. 2. déguerpir, expédier. I s'a disputé avu 's feume, yè adon, il a volé à l' uch dèl mézo. 3. Voler, dérober. On a volé 'l vèlomoteûr Italjet dè Jacques Vanderlinden tant qu'i stoût au cinéma à Tubisse.
voler, voler, planer. Lès moukès vole au dzeûr dès pachis.
voleû, se, voleûr, eûse, n.m.f., voleur, euse. Lès rnauds, c'est dès voleûs d' pouyes. Li, c'esst' in fameû voleû.
voléye, n.f., volée. Atraper 'ne bale dè voléye. Sèmer al voléye.
Voléye, lès cinses dèl, la Haute Volée et la Basse Volée : fermes situées à gauche et à droite des rues Maurice et Arthur Brancart vers Fauquez (Virginal). La Haute Volée aurait accueilli Marie-Henriette d'Autriche, deuxième Reine des Belges, dont le convoi connaissait des problèmes techniques lors d'un voyage de Bruxelles au Roeulx.
volontére, adj., et n.m.f., volontaire, résistant,e. Yèsse volontére dè guêre. Avwêr in caractére volontére. Ène plante volontére : qui résiste à tout.
volontér'mint, adv., volontairement. I n'a ni fét ça volontér'mint.
vol'rîye, n.f., larcin, volerie, procédé malhonnête. Is sont dèv'nus riches avu ri qu' dès vol'rîyes.
voltâdje, n.m., voltage. Abituwél'mint, lès autos ont in voltâdje dè 12 volts. Pou lès camions, on boute avu 24 volts. Sacans foûrt vîyès autos sont co avu du 6 volts.
volti, adv., volontiers. Dji bwèroûs foûrt volti ène bone pinte avu vous. Chérîye, dji vos vwès co toudi volti : je t'aime encore et toujours. Rv. On s' vwèt bi volti sins fé austant d' grimaces. On n' vwèt jamé si volti 's bèle-mére què quand èle fét sès pakèts !
vômi, vomir., Sacans crimes, ça m' fét vômi. V. èrmète, rinde, èrmèzurer, èrnaki.
vômichâdje, n.m., vomi, vomissure. Èl lind'min dès ducasses, i fét rimpli d' vômichâdjes pa t'avau 'l vilâdje. Volez co 'ne miyète dè sauce bolognèse su vos spaguètis ?
vômicheû, se, n.m.f., personne qui vomit.
vômich'mint, n.m., vomissement. Lès feumes qui ratinde famîye ont souvint dès vômich'mints au matin.
vômichur', n.f., vomissement.
vos, pron.pers., vous. Dj'ai 'ne sakè à vos dîre : vos stez d' pus in pûs bèle, 'm fîye. Pour la forme interrogative, le vous est supprimé : què dites ?, què d'sez ?, què tchantez ?, què mindjiz ? Après préposition, on emploie la forme vous : après vous, avant vous, sins vous, avu vous, pour vous.
vôtâdje, n.m., vote, élection, votation. Pou lès comunes, èl vôtâdje, c'est in coû tous lès chîz ans.
vote, prép., votre. Madame, vote colis esst' arivé, èl facteûr l' a apoûrté. Il a pris 'l vote pou 'l note. V. vo.
vôter, voter.
voulwêr, verbe vouloir.
Indic. prés. : dji vûs, i vût, nos volons, vos volez, is veule.
Imparf. : dji voloûs, i voloût, nos voline, vos voliz, is voline.
Fut. simple : dji voûrai, i voûra, nos voûrons, vos voûrez, is voûront.
Condit. : dji voûroûs, i voûroût, nos voûrine ou voudrine, vos voûriz ou voudriz, is voûrine ou voudrine.
Subj. prés. : què djè voliche, qu' i voliche, què no volone, què vos volisse, qu' is voline.
Part. prés. : volant.
Part. passé : volu.
Rv. Arife çou qui vût. Volone daler pourmèner ? I dira come i voûra : advienne que pourra.
Voulwêr, c'est pouvwêr.
Rv. Dji vûs, dji n' pûs : je fais de mon mieux.
voulwêr, n.m., vouloir. Il a toudi moustré du bon voulwêr.
voûssâdje, n.m., action de voûter. Èl voûssâdje du plafond. Aussi : voûtâdje.
voûsse, n.f., voûte. Èl voûsse dèl câve n'est ni waute assez, dji dwès m' bachi pou rintrer.
voûssète, n.f., petite voûte. Dins lès vîyès mézos, on vwèt souvint dès voûssètes au plafond.
voûssur', n.f., voussure.
voûtâdje, n.m., voûtage. Èl voûtâdje du Ry Tèrnel a sti fét dins lès anéyes 70.
voûte, n.f., crêpe. Al Tchandlé, on mindje dès voûtes avu dèl cassonâde ou bi dèl confitur'.
vouvwèyer, vouvoyer. À Yite, on vouvwèye toudi tout 'l monde.
vouvwèy'mint, n.m., vouvoiement.
vôvèle, n.f., liseron. Ni moyi dè s' fé kite dès vôvèles, ké drôgue. Aussi : fôvèle. V. latin volvere, tourner, pour une plante volubile qui tourne et s'enroule.
voye, n.f., voie, chemin. Toudi yèsse su tch'min, su voye. Ène lârdje voye fét 140 cm intrès lès roûwes pou lès tchârs. Ène estrwète voye fét 125 cm intrès lès roûwes. Daler ké 'ne voye d' eûye : la quantité de 2 seaux en un voyage. Pèter voye : détaler. Doner dèl voye à 'ne souyète. Aussi : vwèye.
voye, part., passé et subj. prés. de daler et raler. Qu' i voye aux sèt' cints diâles ! Qu' èle s'in rvoye ! Il est voye, èle est rvoye. Aussi ; vwèye, rvwèye.
voyi, envoyer. V. invoyi, invouyi.
vré, ye, n.m. et adj., vrai, e, vérité, personne de confiance, authentique. Indvinter ène minte pou counète èl vré. C'esst' ène vréye gate. Li, c'esst' in vré, on pût compter d'su. C'esst'aussi vré què djè vos l' dis ! C'est pou du vré ou pou du rîre.
vrémint, adv., vraiment. Djozef, vos dalez vrémint vos rmarier ?
vrésimblâbe, adj., vraisemblable. Ça n'est ni vrésimblâbe çou qu' vos racontez !
vrésimblâblèmint, adv., vraisemblablement.
vûdâdje, n.m., vidange, vidage. Èl vûdâdje dès guèrnis. Èl vûdâdje d'ène citèrne.
vûde, adj., et n.m., vide. Tchér dins 'l vûde, fé 'l vûde. Èl boutèye est vûde. Èm' vêre est vûde, dj'ai swè. Rv. I n' sét ni vîr lès vêres plins, ni pus qu' lès vûdes.
vûdeû, eûse, n.m.f., vidangeur, euse, videur, euse. In vûdeû d' tchiyotes, i fét in drole dè mèsti.
vûdi, vider. Vidone èl boutèye ?, alez, on fét cu-sètch, adon ?
vûdi, d' in, en sortir. Dji n' d' in vûde ni à rimpli mès papis. Dj'ai 'ne masse dès rûjes avu mès bias-parints : dji n' d' in vûde ni avu yeûss' !
vulguér'mint, adv., vulgairement. Dji vas vos l' dîre vulguér'mint : vos stez in mau kèté, yè vos m' faites tchîr avu vo léd mouzon d' vî bouc què vos stez ! Putoût què d' pârler vulguér'mint, mètez ène marone à vo vocabulére !
vûwe, n.f., vue. Rv. I n' a ni pus d' vûwe qu' in bèdot ! Avwêr ène basse-vûwe : être myope.
vwè, n.f., voix. Au vôtâdje, vos ârez 'm vwè. Avwêr ène grosse vwè. Rv. Il a 'ne bèle vwè pou scrîre : pour quelqu'un dont la voix est désagréable.
vwèle, n.m., voile. Èm' matante Andrée a pris 'l vwèle pou daler sougni lès lépreûs au Congo.
vwèler, voiler. Èl roûwe vwèle. Èl solèy' est vwèlé. Ès' vwè est vwèléye.
vwèlète, n.f., 1. voilette : dins 'l timps, ç'astoût 'l moûde pou lès feumes dè mète ène vwèlète pa-d'vant leû visâdje, surtout pou daler à lès intèr'mints. 2. amnios : l'èfant qui vît au monde avu 'l vwèlète su 's tièsse, il âra toudi branmin d' tchance dins 's viye. 3. épiploon, repli du péritoine : on mèt 'l vwèlète au d'zeûr du pâté d' fwè.
vwèli, n.m., étagère de cabaret, vaisselier. Sul vwèli, on mèt lès vêres yè lès boutèyes.
vwèrîye, n.f., voirie. Quand i tchét dèl nîve, on tape du sé su tout 'l vwèrîye du vilâdje.
vwètur', n.f., voiture. Pou 'l Sint-Nicolas dèl gamène, on li z-a doné ène vwètur' dè poupéye.
vwèturâdje, n.m., voiturage, transport par voiture attelée. Èl vwèturâdje dès djoûnes mariés.
vwèturer, voiturer. Transporter en voiture, en automobile. Il avoût bi trinte z-autos pou vwèturer 'l cortéje.
vwèturète, n.f., voiturette. Antwène i s' pourmène pa t'avau avu 's vwèturète.
vwèye, n.f., voie, chemin. Lès vwèyes du tram, intrè Vèznau yè Brain.ne-Lè-Comte, lès Almans lès ont inlèvéyes deûs coûs : d'aboûrd in 1914, yè après, in 1942. On lès a rmîjes in 1921, mins plus jamé après 'l guêre de 40.
vwèye, adj., parti, e. Il est vwèye à kârt dè chinke eûres. Pèter vwèye : détaler.
vwèyâdje, n.m., voyage, pèlerinage. Paul Jossart esst' in vwèyâdje à Sint Djâke dè Compostèle, à pîd.
vwèyadjeûr, eûse, n.m.f., voyageur, euse, représentant de commerce itinérant. Asteûr, on vind tout pa Intèrnèt, pus dandji d' vwèyadjeûrs.
vwèyadji, voyager. Èm' feume, c'est 's goût d' vwèyadji èl pus lon possib'.
vwèyâgeûr, eûse, n.m.f., eûse. V. vwèyadjeûr.
vwèyance, n.f., voyance. Vos dalez tîkfwè à dès sèyances dè vwèyance ?
vwèyant,e, adj., et n.m.,f., voyant, e. Èl vwèyante m' avoût stitchi dins l' idéye què djè daloûs gangni au Loto. Ça fét 25 ans d' ça yè dji ratinds co. Èl djaune yè l'oranje, c'est dès couleûrs foûrt vwèyantes.
vwèye, subj., prés., de daler. I faut què d' vwèye 'squ' à 'm matante. Rv. Vos n' sârez ni co sitoût vwèye qu'on n' vos vîra pus.
vwèyèle, n.f., voyelle.
vwèyou, n.m., voyou. Vènez dwéci 'm pètit vwèyou à 's pârin ! Coumint ç' qu'on dit ène vwèyou ? Ène vwèyoute, ène vwèyèle, ène vwèyoûse, ène vaurine ?
vwèyoucratie, n.f., voyoucratie. Parèt qu'on vwèt tîkfwè èl vwèyoucratie bî abiyie.
vwèzinâdje, n.m voisinage. Avu in bon vwèzi-nâdje, vos stez trankîye.
vwèziner, voisiner, fréquenter ses voisins. V. vij'ner. Avu lès djins d'èm' rûwe, nos vwèzinons volti : in coû d' lé yun, in coû d'lé l'aute, yè tout va bî.