Dictionnaire - lettre F

f, remplace ph. Daler al farmas'riye.

fable, fauve, n.f. Raconter dès fauves. Rv. Vos counichiz èl fauve du blanc tch'fau ? Répl. Hè bi quand on rlèfe ès' keûye, on vwèt 's trô !

fabricant, fabricant, n.m. In fabricant d' crinme à la glace.

fabrication, fabricâcion, n.f. Pou 'l fabricâcion du papi, i faut branmin d'eûye.

fabricien, fabricyin, cyène, n.m.f. Sylvianne Lambert est fabricyiène al fabrike d'èglîje dè Yite.

fabrique, fabrike, n.f. Bouter al fabrike dè Fauquez. Èl fabrike d'èglîje s'ocupe dès bis dèl parwèsse.

fabriquer, fabriki. Fabriki du vêre yè dèl marbrite.

fabuleusement, fabuleûsemint, fabuleûs'mint, adv. Crésus astoût fabuleûs'mint riche.

fabuleux, se, fabuleû, se, adj. In n-animal fabuleû.

fabuliste, fabulisse, n.m.f. Jean de la Fontaine est 'l pus counu dès fabulisses.

façade, facâde, dèvantur', n.f. C'est ni pask'èl façade est bèle què l'intérieûr èsst' à l' av'nant. Plais., èle a ène bèle dèvantur' : une belle poitrine.

face, face, n.f. Djeûwer à pile ou face, ou djeûwer à tièsse ou lète. Être face à face : yèsse bètch à bètch ou bârbe à bârbe. Côté face d'une pièce de monnaie : mâle, m., ou tièsse, f.

fâcher, se, s' mète in colère, monter su 's bidèt. Être rouge de colère : monter in grin.ne ou yèsse nwêr in colère. Il est mèchant sur mi. I s'a tourminté. Il a min.né sès viyes. Rv. Vous êtes fâché sur moi ? : djè vos ai vindu dès pwès qui n'ont ni volu cûre.

facile, facîle, éjièle (rare). Avwêr in caractére facîle. C'est pus facîle à dîre qu'à fé. Il a toudi yeû facîle à scole. Vous avez beau dire : vos avez bèl à dîre.

facilement, facîlemint, facîl'mint, éjièlemint (rare), adv. Dj'ai facîl'mint monté èl tiène dè Vèznau.

facilité, facilité, n.f. Avwêr dès facilités pou studyi. Bî manki, dins lès anéyes swèssante, Brin.ne Chatau dèv'noût ène comune à facilités.

faciliter, faciliter. Faciliter 'l viye dès djins.

façon, façon, n.f. Travayi à façon. Fé dès façons : faire des manières. Façon d' pârler. Sins façon !

façonnage, façonâdje, n.m. Èl façonâdje d'ène cote. Façonnage à la machine : machinâdje.

façonner, façoner, machiner. Machiner, façoner ène pièche dè bo.

facteur, facteûr, n.m. Ratinde après 'l facteûr. Èl facteûr, i passe à chîz eûres au matin pou mète èl gazète dins 'm bwète aus lètes.

faction, facsion, n.f. Monter d' facsion.

facture, factur', n.f. Si vos n' payiz ni vos factur', on va vos coûper l'eûye yè l'élèctricité.

facturer, facturer.

facultatif, ive, facultatif, e, adj. In arèt facultatif.

faculté, faculté, n.f. Avu l'âdje, il a pièrdu sacans facultés. Il a pièrdu sès nic-nac.

fadaise, babûze, carabistouye, ablaye, praute, n.f. In raconteû d' carabistouyes.

fadasse, fadasse, adj. Mindji ène soupe fadasse.

fade, fâde, adj. Dès patakes sins sé, c'est fâde come tout. Aussi pour : paresseux, lâche. C'esst'in gros fâde qui n' boute ni souvint.

fagot, fagot, n.m., bouréye, n.f. On fét dès fagots avu lès p'titès couches (cuches à Virginal). Levier comportant un crochet et servant à compresser les branches fagotées : ène gate.

fagotage, fagotâdje, n.m.

fagoter, fagoter. Èle est fagotéye à l'as dè pike : mal habillée. Pour une personne accoutrée : in/ène wach'nêr.

fagoteur, fagoteû, fagoti, n.m.

fake news, pèsse, praute, n.f. In lanceû d' pèsses.

faible, fèbe, flauwe, flotche, adj. et n. Tchér fèbe. Èle est fèbe dè l'èstoumak. C'esst'in fèbe : ès' feume li fét peû. Avu 'm catâre, dji m' sins tout flauwe.

faiblement, fèblèmint, adv.

faiblesse, fèblèsse, n.f. I vaut mèyeû ni moustrer sès fèblèsses à lès djins. Èm' fèblèsse, c'est 'l chôcolat.

faiblir, fèbli, flauwi (rare).

faïence, fayence, n.f.

faïencerie, fayenceriye, fayenç'riye, n.f. Èl fayenç'riye Boch astoût bî counuwe.

faillir, manquer, manki. Il a manki d' tchér du twèt.

faillite, fayite, n.f. Is ont fét fayite. Tchér in fayite. Aussi : is ont fét 'l trimouya (culbute).

faim, faim, fangn', n.m.f. Mindji à 's faim. Avwêr faim. Il a toudi fangn'. Yèsse bleû d' fangn'.

Rv. Dj'ai faim ! Répl., Mindji yone dè vos mains, yè tènez l'aute pou d'main ! Rv. A propos d'un glouton : i mindjroût bî lès pîds d' èl tâbe ! Rv. J'ai la fringale : dj'ai 'm kieûr qui tîre ou dj'ai ène mauvé-je faim ou dj'ai mès bouyas come dès manses dè gabardine ! Avoir faim : avwêr scau sès dints. À l'adresse d'une personne qui ne termine pas son assiette, qui n'a plus faim : quand lès pourchas sont cras, lès navias dvène sûrs.

faîne, fawine, n.f. Si vos mindjiz trop d' fawines, vos riskiz d'yèsse impwèzoné.

fainéant, e, fènèyant, e, fâde, vauri, bauyau, te. Rv. Pour un fainéant : il a vnu au monde in dimince !, ou il a dès souflètes pa d'zou sès bras !, ou ès' tchèmise sint pus' èl brin qu'èl suweûr ou i n' a jamé suwé qu' dè sès pîds ! En parlant d'un fainéant : il est fâde come ène bite d'ours ou come ène bite d'Indien ou i va pus doûç'mint qu' à 's n-éje ! Note : « » fènèyant ! » s'adresse aussi à celui qui vient de vous jouer une blague. Arètez d' djeûwer avu mès pîds, fènèyant !

fainéanter, fènèyanter. Il est pus foûrt pou fènèyanter qu' pou bouter.

fainéantise, fènèyantîse, n.f. D'meurer achis su 's sèle quand l'ouvrâdje ratind, c'est dèl fènèyantîse.

faire, fé. Fé du brû. Fé 'l bia. Fé mèsse. Fé 's mèsti du mèyeû qu'on pût. Fé pitié. Faire chou blanc, rater : fé browète. Èl tout, c'est dèl fé. Fé, yè dèsfé, c'est toudi travayi. Bî fé yè lèyi dîre. I n'avoût ni dandji d' fé dinsi. I n'est jamé trop târd pou bî fé. I d'a toudi yun qui fét, yè yun qui dit. Déféquer : fé. Infirmière, i m' faut fé ! Taquiner quelqu'un : fé daler ène saki. Se débarrasser de quelque chose : ès' fé kite d'ène sakè. Li, pou gangni 's vîye, i fét dins lès assurances. A l'impératif, on entend : faites, fèzez, fèyez ! Note : pour l'impératif « faites ! », on entend « faites, fèzez, fèyez ! ».

faisable, fèzâbe, adj. Tout est fèzâbe quand on sét payi !

faisan, fézan, n.m. Alver dès coqs yè dès pouyes dè fézans.

faiseur, euse, fèzeû, se, n.m.f. Ène fèzeûse d'im-baras. In fèzeû d' toûrs : un illusionniste, un escroc.

faisselle, bwèstia, n.m. pour le boitier servant à égoutter le fromage et fichèle, n.f. pour une mesure en bois. In fromâdje dè bwèstia. Acater ène fichèle dè carotes.

fait, circonstance, fèt', fét, n.m. Il a sté pris sul fèt'. Fét-t'à-fét, l'eûye a rondji 'l mur'. In fèt' dè puns, on a reçu dès pwêres. In fét divèrs.

faîtage, poutre faîtière, mésse viène, n.f. L'ardwézi s' a achîs sul mésse viène.

faîte, coupète, djiroupète, n.f. Lès pus bias puns, c'est lès puns d' coupète. Tout au sommet : al fine coupète. Lès ardwèzis sonsst'achis sul djiroupète du twèt.

faîtière, tuile, fèstia, n.m. L'ardwèzi a mis lès fèstias sul mésse viène.

falbala, falbala, n.m. Mète ène cote à falbalas.

falloir, falwêr, folwêr. I va falwêr taper d'su pou avwêr fini au nût'. I faura daler à pîd 'squ' à l'èglîje. Peu s'en est fallu : bî manki. Yè 'l famîye, ça va ? Bouf, i faut bî tout ! Pou comprinde ç-qu'i dit, i faut bî tout.

falsificateur, trice, falsifieû, se, n.m.f.

falsification, falsificâcion, n.f.

falsifier, falsifyi. Falsifyi in passepôrt.

famé, e, adj. In mauvé bouzicot.

fameusement, fameûsemint, fameûs'mint, adv. Nos avons fameûs'mint grossi à bwêre trop d' Caco Laco, yè à mindji trop d' sukâdes.

fameux, euse, fameû, se, adj.

familial, e, familial, e, adj. Tous lès mwès, on rçwèt nos alocâcions familiales.

familiariser, familiariser. Quand on candje dè mézo, i faut ène miyète dè timps pou s' familiariser avu sès adjèts (aîtres).

familiarité, familiarité, n.f. Arètez vos familiarités : nos n'avons ni alvé lès pourchas inchène.

familier, ère, familier, ère, adj. Èm' nouvia vizin est d' djà foûrt familier avu nos autes.

familièrement, familièremint, famiyèremint, adv.

famille, famiye, n.f. Is sont famiye inchène. Èle ratind famiye. Ène famiye nombreûse, plais., ène fameûse nombril. Ène famille dè rakeûdus : une famille de scrofuleux.

famine, famine, n.f. Èm' n-èstoumak criye famine.

fanage, fanâdje, n.m.

fanatique, fanatike, adj. et n. Dji n' sus ni fanatike dè foutbal.

fanchon, bandana, mouchwêr dè tièsse.

fane, rames, tirants, n.f.pl. Fé dèl soupe avu dès rames dè carotes.

faner, fèner, flani. Fèner du fourâdje. Lès roûzes sont flaniyes.

faneur, euse, fèneû, se, n.m.f. Èl cinsi a acaté ène nouvèle fèneûse.

fanfare, fanfâre, n.f. Èl fanfâre dè Vèznau a bone réputâcion. Rv. Èle est dins ' fanfâre : elle est enceinte. Une sale affaire : in sâle coû pou 'l fanfâre.

fanfaron, ne, fanfaron, e, vantârd, e, adj. et n. I fét toudi du fanfaron.

fanfaronnade, fanfaronâde, n.f.

fanfreluche, fanfèrluche, n.f. Èle mèt toudi dès fanfèrluches su sès cotes.

fange, bèrdouy'riye, n.f. Quand i pieut, èl pièsinte toûrne souvint à bèrdouy'riye.

fanion, fanion, n.m. Mète in fanion al fèrnièsse.

fantaisie, fantésiye, n.f. Mète in bèrèt d' fantésiye (copie de béret militaire).

fantasque, fantasse, adj. Il a in caractére fantasse.

fantassin, fantassin, piyote, n.m.

fantastique, fantastike, adj. et n.

fantôme, fantôme, adj. et n. Ène douleûr fantôme. On fét peû lès èfants avu dès istwêres dè fantômes.

farandole, farandole, n.f.

faraud, fakin, n.m.

farce, fârce, mauvaise farce, kinte, couye, n.f. I m'a djeûwé ène fârce. Dj'ai yeû ène kinte ayèr : èm' tchi a mindji 'l tcha du vizin.

farcer, fârcer, couyoner.

farceur, euse, couyoneû, se, losse, n.m.f., arsouye, canaye, n.f.

fard, fârd, n.m. Piki in fârd.

farde, farde, n.f. Mète sès papis dins 'ne farde. Acater ène farde dè cigarètes.

fardeau, kèrtche, n.f. Alver 's famiye, c'esst'ène kèr-tche pou 'l rèstant d' vo viye.

farder, fârder. C'est 'ne feume qu'est toudi fârdéye quand èle va à mèsse.

farfouiller, farfouyi. I farfouye toudi dins lès afêres dès djins.

farine, farène, n.f. Èm' mame acatoût dèl farène au Moulin Delval. Quantité de farine nécessaire à une cuisson : ène mon.néye.

farineux, euse, farineû, se, adj. Èl pwêre est farineûse.

faro, farô, n.m. Bwêre in vêre dè farô.

farouche, farouche, adj. Ène fiye farouche, ça èxisse co ?

fat, e, poûsse-pou-tchîr, ortolan (rare), n.m.

fatal, e, fatal, e, adj. Ène feume fatale.

fatalement, fatal'mint, adv. Fatal'mint, ça dvoût arriver.

fataliste, fatalisse, adj. et n. I n' faut ni yèsse toudi fatalisse, i faut rèyaji.

fatalité, fatalité, n.f. Èl fatalité a fét qu'i stoût al mauvéje place au mauvé moumint.

fatigant, e, fatigant, e, adj. In n-ouvrâdje fatigant. Ène coumère fatigante, tél'mint qu'èle pârle sins arèt.

fatigue, fatigu', n.f. Dji sins ène fatigu' dins 'm djambe drwète. Dji m'èrsins co d'èm' fatigu' d'ayèr.

fatigué, e, (è)scrans, e, (è)scrandi, ye, nôji, nôjéye (rare), meûr, e, drané, ye, (è)spaumé, ye, moulu, we, rèmoulu, we, ramoulu, we, adj. Loc. : à moule. adj. I stoût scrandi d'avwêr bouté 8 eûres dè long. Il est foûrt èscrans. Èle est fin scranse. Il est moûrt èscrans. Il èsst'à moule.

fatiguer, (è)scrandi, fatigui. Fatigui dèl salâde. I m'èscrandit avu sès fauves. Rv. Li, il est scrans à ri fé. Rv. I n' faura ni m' bèrci 's nût'-ci : je suis très fatigué.

fatras, fatra, n.m. Su 's burau, il a toudi in fatra d' papis.

faubourg, fauboûr, n.m. A Nivèle, èl tram arivoût au fauboûr dè Brusèle.

faubourien fauboûrti, n.m.

fauchage, faukâdje, n.m. Èl faukâdje du froumint.

fauchée (subst.), faukéye, n.f. On ramasse lès faukéyes pou lès mète in djârbe.

faucher, fauki, stèfler. Fauki dèl trin.nèle. Il a sti stèflé pa ène auto.

fauchet, rateau de bois servant pour le foin, rèstia d' bo.

faucheur, euse, faukeû, se, n.m.f. Lès faukeûs boute tant qu'i n' pieut ni. Note : èstritche désigne la latte qui sert à enlever le morfil après aiguisage.

faucheuse mécanique, faukeûse, n.f.

faucheux, opilion, genre d'araignée à longues et fines pattes, bèrdji, mârtin-beûleû, n.m.

faucille, fauchèle, n.f. Augusse a pris 's fauchèle pou daler coud' dès pichoulis.

faucon, faucon, n.m.

faude, fôde, faude, monticule de bois couvert de terre pour la fabrication du charbon de bois. Le bois y est brûlé à l'étouffée.

faufil, faufilé, n.m., dèsfaufilur'.

faufiler, infaufiler, èfaufiler, afaufiler. Èl gamin, i s' faufile pa t'avau.

faufilure, afaufilur', n.f.

Fauquez, gentilé moqueur, lès Faukèteûs.

faussaire, faussére, n.m.f. Si vos volez yèsse faussére, arindjiz-vous pou qu' pièrsône èn' fuche au courant, minme ni vo feume.

faussement, faussemint, adv. Il a sti faussemint acusé pa sès vizins.

fausser, fausser. Fausser 's vwè ou fé chènance qu'on est ventriloke.

fausseté, faustriye, n.f. I fét toudi bèle-bèle, mins ça n'est qu' dès faustriyes.

faute, péché, faute, erreur, flotche, floutche, n.f. C'est ni toudi facîle d'èrcounète sès fautes. C'est d' vo faute ou c'est vous dèl faute ! C'est ni d'èm' faute ou c'est ni mi dèl faute ! Il a fét 'ne floutche in djeûwant à cârtes. Sans faute : sins manki. Dji vérai lindi, sins manki.

fauteuil fauteuy', n.m. Grand-pére a dmeuré toute èl sinte djoûrnéye achîs dins 's fauteuy'.

fautif, ive, fautif, e, adj. Quand on a in n-acsidint, on cache toudi après in fautif.

fautivement, fautivemint, fautiv'mint, adv. L'arbite a chuflé pènalti paskè Achille avoût arèté fautiv'mint èl ci qui daloût choter dins 'l gôl.

fauve, fauve, n.m. Pou vîr lès fauves, nos avons sti au djârdin zolojike.

fauvette, fauvète, n.m. Dès fauvètes, i d'a dès grîjes, yè dès à nwêre tièsse. Rv. Il a dès fauvètes pa d'zou 's barète : il manque de franchise.

faux, fau, n.f. Bouter al fau. Bate èl fau avu ène èstritche. Faux flamande, sape, pikèt.

faux, fau, sse, adj. Fé ène fausse vwè. Avwêr dès faus dints. Dîre èl faus pou counwète èl vré. In fau biyèt. Un traître : in fau Judas.

faux-fuyant, fau-fwiyant, n.m. Quand i fét dès bièstriyes, après i s'èscusse avu dès faus-fwiyants.

faveur, faveûr, n.f. Obtèni pa faveûr. Dèmander ène faveûr.

favorable, favorâbe, adj. Avwêr in n-avis favorâbe su 'ne saki.

favori, te, favori, te, adj. et n. C'est li èl favori pou gangni èl Toûr dè France. Pour un favori de barbe : in pîd d' gayole. Aussi fifi, ye pour « chouchou ».

favoriser, favoriser, avantadji. Rv. Èl diâle kèrtche toudi su lès pus gros monchas : les riches s'en sortent toujours mieux.

favoritisme, favoritisse, favorisme, n.m.

fécule, fécule, n.f.

féculent, féculent, n.m. Mindji dès féculents.

fédéral, e, fèdèral, e, adj. Nos vikons dins in payi à pau près fèdèral. Èl fèdèrale dès sindicats.

fédéraliste, fèdèralisse, adj. et n. I n'a ni branmin d' Walons qui sonsst' acharnés-fèdèralisses, pou 'l moumint.

fédération, fèdèrâcion, n.f. Ène fèdèrâcion sportîve.

fédéré, e, fèdèré, ye, adj. Lès cantons fèdèrés dèl Swisse.

fédérer, fèdèrer. Lès Flamins vourine fèdèrer 'l Bèl-jike.

fée, féye, n.f. Dji vouroûs bi qu'ène djintiye féye véroût à 'm mézo pou m' fé à mindji tous lès djoûs.

féérie, féy'riye, n.f. À Nowé, on organise èl féy'riye dè Yite.

feindre, fé chènance. I fé chènance qu'il a yeû mau, mins c'est fon qu' des grimaces.

fêler, pèter. Èl djèléye a pèté 'l tuyau.

Félicien, Felice.

félicitation, félicitâcion, n.f.

féliciter, féliciter. Il a sti félicité pa 's mame : il a été grondé.

Felix, Félice.

fêlure, pètur', n.f. On vwèt ène pètur' dins 'l vêre.

Feluy, Fèlu. Rv. Quand i pieut, yè qu' èl solèy' lût, lès sourcières danse-nè à Fèlu.

femelle, fumèle, fèmèle, n.f. Ène bèle fumèle dè lapin. Ène fèmèle dè tchi.

féminin, féminin, adj. L'étèrnèl féminin.

féministe, féminisse, adj. et n.m.f. I n' faut ni confonde féminisse yè fé minisse.

femme, feume, coumère, (pour une personne de sexe féminin sortie de l'enfance, peu importe l'âge), n.f. Ène bèle feume/coumère. Ène léde feume/coumère. Raguider lès coumères. Daler à coumères. Pour une femme fessue et aux jambes courtes : in cufa. Une femme négligente et aux mœurs douteuses : ène gadrouye, garouye, daubouye, bizouye. Une femme négligée : ène nwêre prone. Une vieille femme : ène vièye prute. Une femme dégingandée : ène djibrine, ène grande brinke, ène coyène. Une femme élancée et mal bâtie : ène tintche. Une femme courte sur pattes : in bas-cu. Une femme sans ordre : ène tatouye. Une coureuse : ène rôdaye. Une femme à la chevelure en désordre, une gaupe : ène pèouye. Une bavarde : ène lapète, ène ratatcha. Une femme délurée : ène franche pouye. Une bonne ménagère : ène popote. Une femme qui se dandine : in n-oche-cu. Une jeune et fringante femme : ène poplinète. Une femme laide et maigre : ène léde gate. Une femme aux mœurs dissolues : ène poufiasse, ène chake-à-toûr, ène trouye. Plais. : il promène sa femme : i pourmène ès' souyète ou i pourmène ès' sint sacrèmint ! Une femme qui se plaint de tout et de rien : quand èle n'a ni tchaud, èle a scau ou quand èle n'a ni Djan, èle a Djène ou èle a toudi pète ou vèsse. Rv. Pou fé minti 'ne coumère, dèmandez-li sès ans. À 'ne djoûne coumère yè à 'ne vièye mézo, il a toudi ène sakè à fé alintoûr. Ène coumère, èle rit quand èle pût, yè èle brét quand èle vût. Prinde ène feume à djoûrnéye. Prinde ène feume d'ouvrâdje. Pour une femme dominante, une virago : i n' li manke qu'ène pètite moustatche ! Pour une femme fière et méprisante : in fièr-cu, in strwèt-cu.

fenaison, fènâdje, n.m. In jwin, lès cinsis sont souvint à fènâdje.

fenasse, foin, fènasse, n.f. Mète èl fènasse su in mulia pou l' fé èrsèki.

fendage, findâdje, n.m. Èl findâdje du bo, on fét ça avu in mèrlin.

fendeur, euse, findeû, se, n.m.f. On a leûwé ène findeûse à moteur.

fendillé, e, findiyi, findiyéye, adj. Èl tâbe est findiyéye.

fendillement, findiy'mint, n.m. On a mis du mastic pou muchi 'l findiy'mint d' l'uch.

fendiller, findiyi. À foûrce dè buchi d' su, èl tâbe s'a findiyi.

fendoir de tonnelier, (èr)findwêr, n.m., de l'abatteur, findrèsse, n.f.

fendre, finde. Vos m' findez 'l kieûr avu vos brèyâdjes. Rv. I faut qu' ça rintre ou bî qu'ça s' finde !

I n' s'a ni findu : pour un avare.

fendu, e, findu, we, adj. Èl vêre est findu. Plais., èl vêre pârle flamind.

fenêtre, fèrnièsse, n.f. Lèyiz ène craye al fèrnièsse ! Drouvez 'l fèrnièsse !

fenil, grenier d'étable, oûrdia, n.m. Èl vârlèt dèl cinse doûrmoût su l'oûrdia.

fenouil, fènouy', n.m.

fente, finte, craye, n.f. findâdje, n.m. Èrwéti pal craye dè l'uch. Ène cote à findâdje.

fer, fièr, n.m. Avwêr ène santé d' fièr. In fièr à rpoli. In fièr à gaufes/waufes. In fièr à friji, à croles. In fièr dè tch'fau. Èl tchèmin d' fièr. Èl djeu d' fièr. Tchér lès kate fièrs in l'ér. Rv. Daler avu in fièr qui osse yè l'aute qui fét du bru : pour une personne dont la tenue n'est pas soignée. I faut bate èl fièr tant qu'il est tchaud. Mète lès fièrs au feu : s'atteler sérieusement à un gros travail.

fer-blanc, blanc-fièr, n.m. Ène bwète in blanc-fièr.

ferblantier, fèrblanti, n.m.

Ferdinand, Dinand. Èl famiye Namuralanâdje-cèdûr ont yeû in gamin, qu'is ont apèlé Fèrdinand. Vos n'avez ni compris ? Alez : faire Dinant Namur à la nage, c'est dur.

férié, jour férié, djoû d' fièsse. Minme al Toussaint, c'est djoû d' fièsse. Pou brére lès moûrts, ratindez èl djoû d'après.

fermage, rindâdje, trècin, n.m. Tous lès ans, lès cinsis paye leû rindâdje à leû propiètére. Note : trècin est à rapprocher de trècinsi pour un fermier-régisseur qui exploite une ferme pour compte d' autrui.

ferme, fèrme, adj. I faut yèsse fèrme avu lès èfants yè lès tchis, sinon, c'est yeus' qui coumande.

Ratinde ène saki dè pîd fèrme.

ferme, cinse, n.f. Daler ké du bûre, dès patakes yè dès oûgnons al cinse De Bie. Une petite ferme : ène cins'lote, ène cinse à pouyes. Les occupants d'une ferme : èl cins' réye. A Brin.ne-Chatau, à costé du tèrin d' fout'bal, il a ène cinse in couleûr rôse, c'èsst'in bon rèstaurant tènu pa Blanc : Christophe Chrispeels. Rv. Pour prendre des nouvelles d'une personne que l'on rencontre : tout va bî al cinse ? Pour des affaires qui tournent mal : i va mau al cinse. Rv. Quand on mariye èl fîye del cinse, on prind tout 'l rèsse avu !

fermé, e, frumé, ye, sèré, ye, adj. Dj'ai trouvé uch dè bo pask'èle astoût fruméye (L. Charlier). Il a sèré sès îs pou toudi : il a rendu l'âme.

fermement, fèrmèmint, adv. Tènez-vous fèrmèmint al balustrâde.

fermentation, fèrmentâcion, n.f.

fermenter, djèter, filer (rare). Èl pain file. Èl cîde djète.

fermer, frumer, sèrer. Sèrer sès îs. Frumer ène uch. Fermer bruyamment : claper. Taisez-vous ! : sèrez vo babaye, vo trape, vo bètch !

fermeté, fèrmèté, n.f. Lès mésses d'èscole dwève moustrer dèl fèrmèté.

fermeture, fèrmètur', n.f., sèrâdje, n.m. Ène fèrmè-tur' èclér. Èl fèrmètur' dès boutikes.

fermier, ère, cinsi, ère, n.m.f. Pour un particulier qui fait paître sa seule vache sur les talus : in cinsi d'uréle. Petit fermier : in cinslotia. Jeu de cartes : cinsi rwiné. Plais., épouse : yè vo cinsière, ça va ? Rv. In bébé qui vît au monde, on tape su 's cu, yè i brét chinke minutes ; si c'est 'l gamin d'in cinsi, i bréra toute ès' vîye ! 

fermoir, frumwêr, n.m. Èle a skèté 'l frumwêr d' ès' sacoche.

féroce, fèroce, adj. I m' raguidoût d'in ér fèroce.

férocement, fèrocemint, fèros'mint, adv.

ferrage, fèrâdje, n.m. Paul du Marchau fèzoût dès fèrâdjes tous lès djoûs : su lès tch'faus yè tîkfwè su lès roûwes dè tchâr.

ferraille, fèraye, n.m. C'est ni ène auto qu'vos avez, c' èsst'in moncha d' fèrayes. In martchand d' fèrayes.

ferrailler, fèrayi. Lès politikes fèraye souvint lès uns conte lès autres. Su lès pavés, lès autos fèraye d'alur'.

ferrailleur, fèrayeû, n.m.

ferré, fèré, ye, adj. Ène bière fèréye : en y plongeant un fer rougi au feu. In tch'fau bî fèré. Dès solés fèrés.

ferrer, fèrer. Fèrer in tch'fau. Fèrer dèl bière in trimpant in fièr roudj' dèdins. V. maréchal.

ferret, fèrète, n.f. Lès fèrètes d'in lacèt. In baston avu ène fèrète in bas.

ferronnerie, fèroneriye, fèron'riye, n.f. Djan yè Antwène Gascard ont leû propre fèron'riye, Bènwèt Braive ètou!

ferronnier, fèroni. Pârin est fèroni.

ferrure, fèrur', n.f.

fertile, fèrtile, adj. Ène têre fèrtile, qui rind bî.

fesse, fèsse, n.f. Sinte lès fèsses d'ène coumère, ça vaut bî ène bèrlafe. Le ménage bat de l'aile : ça n' va pus qu' d'ène fèsse. Pour de petites fesses : dès fèsses come dès sclèpes d'a, dès fèsses come dès machèles dè coûrbau. Rv. Ké cu pou deûs fèsses ! Recevoir une fessée : avwêr su sès fèsses.

fessée, clipéye, fèsséye, n.f. Èrcèvwêr ène clipéye. V. fesse.

fesser, cliper.

fessier, fèssâr, n.m. Ène feume avu in gros fèssâr, on dit qu' c'èsst'ène couviche.

fessue, e, pour une dame joliment fessue : èle a in cu come ène mande à prone, c'èsst'ène clousse. V. callypige.

festival, fèstival, n.m. Daler au fèstival dè Ronquyir'.

feston, fèchon, n.m.

festonner, fèstoner.

festoyer, fé ribote, fé guince. Vos avez dès îs come dès kikines dè poupousse tél'mint qu'vos avez fét guince ayèr ?

fête, fièsse, n.f. Fé fièsse. Rv. I va tout d' crèsse come in tchi qui rvit d' fièsse.

Fête-Dieu, Vènèrâbe (rare).

fêter, fé fièsse, fièster.

fétiche, fétiche, n.m.

fétu, fèstu, n.m. Bwêre avu in fèstu. In fèstu d' paye. Rv. Pour quelqu'un qui a une nombreuse famille, beaucoup de relations : il a v'nu au monde dins in strin yè il est parint avu tous lès fèstus.

feu, feu (prononcer comme œuf ou comme dans oeufs), n.m. Fé du feu. In feu d' paye. Fé long feu. Ratchi du feu. Yèsse tout feu tout flame. Mète ès' main au feu. Avwêr èl feu ène sadju. I n'a pon d' fumière sins feu. Se démener : fé feu dès kate pates yè dèl keûye. Feu d'èstrin èn' dur' ni lonmin. Yusk' èl feu a passé, i dmeûre toudi dès cindes. Èl ci qui n' vût ni s' brûler, i n'a qu'à ni daler au feu. I vaut mèyeû in n-ér dè feu qu'in ér dè muzike : se dit en hiver.

feuillage, feuyâdje, n.m.

feuillard, chlèk, spaté, n.m.

feuille, feuye, fieuye, n.f. L'ârbe a pièrdu sès feuyes. Triyaner come ène fieuye. Il a pus d'ène feuye au bo : il y a plus d'un âne qui s'appelle Martin.

feuillet, feuyèt, n.m.

feuilletage, feuy'tâdje, n.m. Èl feuy'tâdje d'ène pausse.

feuilleter, feuy'ter. Quand 'ne saki feuyète d'asto ène gazète à costé d' vous, ça fét in brû inmarvoyant.

feuilleton, feuy'ton, n.m. Dji counwès dès djins qui sont nèt malâdes s'is rate leû feuy'ton al télévision.

feuillure (t. de menuiserie), batéye, n.f.

feutrage, feûtrâdje, n.m. Èl feûtrâdje dèl lin.ne.

feutre, feûte, n.m. A Vèznau, à Catala, on fabrikoût du feûte qu'on vindoût dins 'l monde intié.

Pour un feutre industriel usagé : ène flote. On mètoût ène flote sul tâbe pou rpoli d' su.

fève, féve, n.f. Mindji dès féves, c'est bon pou vo santé. Fève des marais : artia d' prétcheû.

fèverole, favète (grosse), fav'lote (petite), n.f.

février, fèvié, pètit mwès. Rv. Fèvié, longs djoûs, longs froûs, longuès faims. Source P. Perniaux de Hourdenge.

fiable, fiâbe, adj. I n'est ni foûrt fiâbe, i candje toudi d'idéye.

fiacre, vijilante, n.f. Lès vijilantes ratindine leûs pratikes pa-d'vant 'l gâre.

fiancé, e, galant, n.m., coumére, n.f. Ils sont fiancés : is frécante pou du bon.

fiasco, fiyasco, n.m. Leû mariâdje, ké fiyasco !

fibre, fîbe, n.f. Dèl fîbe dè vêre.

fibrome, fibrôme, n.m.

ficelage, ficelâdje, fis'lâdje, n.m. Èl fis'lâdje d'in colis.

ficeler, fis'ler. Fis'ler in pakèt.

ficelle, ficèle, n.f. Acater in boulot d' ficèle.

fiche, fiche, n.m. Mètez 'l fiche dins 'l prîje.

ficher, foute. Foute in pikèt dins 'l têre. Foute à l'uch. Ès' foute du monde. Pindant kinje ans, èle s' a foutu d' mi.

fichoir, ancienne pince à linge formée par un bâtonnet fendu, broke à lokes, pinche à lindje.

fichu, e, foutu, we, adj. Yèsse mau foutu. Ène foutuwe bièsse qui n' comprind ri à ri. Èle a in foutu caractére ! Rv. Il est foutu : il est capoute (mort ou moribond).

fichu, fichu, mouchwêr dè cou, n.m.

fidèle, fidèle, adj. et n. Fidèle come in tchi. Il a 'ne masse dè fidèles pa-d'vant l'èglîje. Rv. Èle est fidèle ? Waye djusk' à sès dgnous, pus waut, c'est pou tèrtous.

fidèlement, fidèl'mint, adv. Dji vos rèpète fidèl'mint çou qu' on m' a dit.

fidélité, fidélité, n.f.

fief, fièf, n.m.

fiel, amèr, n.m. I faut toudi èrsaki l'amèr du poulèt qu'on vûde.

fiente, brin, n.m., crote, chite, chitréye, flate, n.f. Ène flate dè vatche. Ène chite dè mouche. Ène chitréye dè mièrlau. Ène chite dè mouchon.

fier, e, fièr, e, adj. Vos stez in fièr imbècîle ! In fièr-cu : pour une personne arrogante, qui aime se pavaner. Il est fièr come in brin su 'ne ruke ! Il est fièr come in coq sul fi.

fier, se, ès' fiyi. I n' faut ni s' fiyi à li, c'èsst' in minteû ! Rv. Il faut s'en méfier comme de la peste : i n'a ni pus à s' fiyi à li qu'au cu d'in n-èfant qu'a l'èskite !

fièrement, fièremint, fièr'mint, adv. Milo poûrtout fièr'mint èl drapau bèlje.

fiérot, e, frikèt, e, adj. Èle astout toute frikète dè moustrer 's bultin.

fierté, fièrté, n.f. I raguidoût 's famiye avu fièrté.

fieu (fils avec notion élargie à : monsieur, copain, ami, dans l'expression : ça va fieu ?, fieu, coye, gros, strin, cousse. Hé fieu, ça va daler ?

fièvre, fièfe, n.f. I triyane, tél'mint qu'il a dèl fièfe. Avwêr ène fièfe dè tch'fau. Avwêr 40 dè fièfe. Pour une personne fébrile : il a lès fièfes. Èl fièfe monte.

fiévreusement, fièvreûsemint, fièvreûs'mint, adv.

fiévreux, se, fièvreû, se, adj. L'èfant est fièvreû, i brét toudi.

fifi, enfant ou élève préféré, fifi, fifîye, n.m.f. Lès instituteûrs ont toudi in fifi dins leû classe. Colette astoût 'l fifi dè sœur Paula. Note : en ce qui concerne les élèves préféré(e)s des écoles primaires, on entendait le plus souvent fifi pour les 2 genres, parfois fifîye pour une gamine. En cercle familial ou familier, on utilisait fifi pour les jeunes garçons et fifîye pour les jeunes filles. Michèle, c'est 'l fifîye à 's papa ! Note : fifi était aussi employé pour désigner le zizi d'un jeune garçon ou des sandales fermées de plage, en plastique.

fifre, fife, n.m. Djeûwer du fife.

fignolage, fignolâdje, n.m. Èl fignolâdje d'in n-ouvrâdje.

fignoler, fignoler.

fignoleur, euse, fignoleû, se, n.m.f.

figue, fîgue, n.f. Rv. Èle èsst'aussi plate qu'ène fîgue.

figurant, e, figurant, e, n.m.f. I d'a qui pay'rine pou yèsse figurant au cinéma.

figuration, figurâcion, n.f. Daler à in concoûrs dè biaté c'est ni djusse pou fé dèl figurâcion.

figure, visâdje, mouzon, grougnèt, figur', n.m, binète, gafagne (rare et péj.), n.f. Fé in visâdje dè makéye : blafard. Fé in grougnon/grougnèt : tirer la gueule.

figuré, figuré, n.m. Au propre yè au figuré.

figurer, figurer. Figurer dins 'ne pièche dè tèyâte. Pour se moquer d'une personne imbue d'elle-même : i s' figur' qu'il est lè rwè dès vias.

figurine, marmot, n.m. I colècsionoût lès marmots qu'on trouvoût pou mète dins lès bètlèyèmes (crèche de Noël).

fil, fil, filé, n.m. Ène bobine dè fil à keûde. Fil d'araignée : filé d' l'avièrje. Doner du fil à toûrde.

Ça n' tît qu'à in fil. Fil téléphonique : fil du tèlèphone. Fil de fer : fil dè fièr. Fil barbelé : du fil à ronchse, ou du fil à picots. In 1909, l'usine De Bruycker, rûwe dèl Blanchisserie à Molenbeek fabrikoût des Ronces Artificielles et des Grillages Galvanisés.

filage, filâdje, n.m. Èl filâdje dèl lin.ne.

filament, filamint, n.m. Èl filamint dèl lampe est skèté. Agglomérat de petits filaments de laine, de poussière : in ploumion.

filant, e, filant, e, adj. Ène èstwèle filante. Dèl sirope filante.

filature, filatur', n.f. Avant, au moulin Gailly, il avoût èl filatur' Favette.

file, file, keûye, n.f. Fé 'l file al barake à frites. Faire la file : yèsse au cu d'yun l'aute. D'une file, d'un trait, d'affilée : d'afiléye. Une longue file de gens : ène tricléye dè djins.

filer, filer. Filer dèl lin.ne. Èl Police file in voleûr. Filer doûs. Filer en douce : rider come in pèt su 'ne twèle ciréye.

filet, filèt, n.m. Tinde au filèt. Mète in filèt su sès tch'feûs. Coûper 'l filèt d'in pinchon pou qu'i tchante mèyeû. Filet barrant une rivière : ène doûrmwêre. Mindji du filèt amérikin. Filet d'eau, rigole : filèt d'eûye.

filetage, filtâdje, n.m. Èl filtâdje d' ène vis.

fileter, filter.

fileur, euse, fileû, se, n.m.f.

filière, filière, n.f. Chûre ène filière.

fille, fîye, féye, n.f. Ça va 'm fîye/féye ? Waye èm' fîye ! Daler vîr lès fîyes/féyes. Pour une très jeune fille : in bia p'tit mouchon, in bia p'tit pouyon. Une vieille fille : ène vièye djoûne fîye. La fille cadette : èl mazète. Rv. À fîye unike, èl tchambe èyè 'l boutike ! : à fille unique, garantie d'un bel héritage à venir. I vaut mèyeû ène fîye dè grangn' qu' ène fiye dè strangn' : même sens pour la fille d'un fermier propriétaire. Èl pére nourit 's fiye, yè 'l vizin èl mariye. Rv. En parlant d'une fille facile : èle est bèguine 'squ'à sès dgnous !

fillette, pètite fiye, fifiye, n.f. Fillette qui joue à la maman : ène mèmère. Fillette qui prend des mines de bébé : ène didine. Terme affectif : ène tchiproute.

filleul, e, fiyeul, e, n.m.f. Dj'ai deûs fiyeuls yè kate fiyeules : Vincent, Bénédicte, Martine, Gaétan, Laurence yè Johanne.

filmer, filmer. Asteûr, c'est 'l moûde : tout 'l monde filme tout 'l monde. Is sont cras avu ça !

filmeur, euse, filmeû, se, n.m.f.

filon, filon, n.m. Franswè Fournier, né natif dè Clabecq (1857) a tcheut su in bia filon d'oûr au Mèxique in 1901. Avu 's foûrtune, in 1912, il a acaté l'île dè Porquerolles. Il est moûrt dwélà in 1935. On vwèt co 's tombe.

filoselle, filozèye, n.f. Inviè 1950, sacans auto-mobilisses mètine dès gants d' filozèye pou min.ner leû n-auto.

filou, èscroteû, eûse, adj. et n. Ès n-èscroteû-là, i vos vindroût du brin dins in balotin d' praniles.

filouter, (è)scroter. Toute ès' viye, il a scroté lès djins.

fils, fis', fi, gârçon, gamin, n.m. Tél pére, tél fi ! Mès fréres yè mi, nos stons toudi lès gamins du farmacyin. Li, c'est 'l gârçon du Grand Lèyon. Christian Lekime, c'est 'l fis' dè Marie-Louise Caskète.

filtrage, filtrâdje, n.m. Èl filtrâdje du vin.

filtration, filtrâcion, n.f.

filtre à café placé dans la cafetière et dans lequel on met le sac - èl satch', èl tchaussète - garni(e) de chicorée (Pacha, Regina, Vincart, marques reprises par Leroux qui améliora ses ventes en Belgique en réaffichant la marque Pacha) et de café qui reçoit l'eau très chaude, ramponau, ramponia, n.m. Note : ramponau, ram-ponia, désigne aussi bien le support du sac que le sac lui-même, voire l'ensemble.

filtrer, filtrer. Filtrer l'eûye du pus'.

fin, fin, n.f. Èl fin du monde. Al fin, dji n' d'in pûs pus. La fin de tout : èl dérni d' tout.

fin, e, fin, e, adj. In fin papi à cigarète. Avwêr èl nez fin. Aussi fin pour « très ». Èle est fin djoliye avu 's nouvèle cote. Il est fin scrans. Tout a une fin : i n'a si parfond pus' qu'on n' mète in djoû à sètch. Qui veut la fin veut les moyens : èl ci qui vût dès djoûnes dè tchi, i n'a qu'à alver dès liches.

final, e, finâl, e, adj. Èl concours finâl dè tchant d'coq.

finale, finâle, n.f. Daler in finâle.

finalement, finalemint, final'mint, adv. Aussi : al fin, al fin dès fins.

finance, finance, n.f. À 'm mézo, èl minisse dès fi-nances, c'est 'm feume.

financer, financer. Quand dji vwès toutes lès taxes qu'i m' faut payi, i m' chène què c'est mi tout seû qui finance èl Bèljike.

financier, ère, financier, ère, adj. et n. Lès fi-nanciers, i fét spès ayusk' is s' pièrde.

financièrement, financièremint, financièr'mint, adv.

finaud, e, finâr (rare), n.m., fichau, te, adj.

finement, finemint, fin'mint, adv. C'est fin'mint travayi.

finesse, finèsse, n.f. Djeûwer in finèsse. C'esst'in payisan, èl finèsse yè li, ça fét deûs.

fini, e, finiye, adj. et n. Èl fini d'in ouvrâdje. Èl guêre est finiye dèspu lonmin, savè.

finir, fini. Fini 's bèsogne. Yè pou fini, on fét kè ? I fauroût qu' l'ivièr finiche pus timpe.

finissage, finichâdje, n.m.

finissant, e, finichant, e, adj. In n- octôbe, l'èsté est finichant.

finissement, finich'mint, n.m. Èl finich'mint dès travaus dur' bi lonmin.

finisseur, euse, finicheû, se, n.m.f. Lès spèpieûs, c'est dès bons finicheûs.

fioriture, fiyoritur', n.f. I d'a qui sont douwés pou lès fiyoritur', mins i leû faut branmin d' timps pou travayi.

firmament, firmamint, (è)stwèli, n.m. Avu 'l polucion dès èclèrâdjes, on a bî du mau d' co vîr lès èstwèles qui lûje au stwèli.

firme, firme, n.f.

Firmin, Furmin.

fisc, fisc, n.m. Toute vo vîye, vos pay'rez au fisc.

fiscal, e, fiscal, e, adj.

fiscalité, fiscalité, n.f. On dit què trop d' fiscalité tuwe èl fiscalité, mins adon, lès contribucions, c'èsst' ène bièsse qui vike lonmin.

fissure, fissur', n.f. On a fét du cimint pou rbouchi èl fissur' du mur'. Note : cimint s'emploie souvent pour moûrti.

fiston, fiston, n.m. Tènè, vlà Arthur yè 's fiston qui vont in pourmènâde !

fistule, fistule, n.f. Quand vos atrapez ène fistule ayuskè d' pinse, faites atincion in vos achîdant.

fixage, fixâdje, n.m. Èl fixâdje d'in crampon su in mur'.

fixateur, fixateûr, n.m.

fixe, fixe, adj. Èl tram avoût dès arèts fixes yè dès facultatifs. Avwêr ène idéye fixe. Yèsse in pôsicion fixe.

fixement, fixèmint, adv. Pou fé inmarvoyi ène saki, raguid'-èl fixèmint.

fixer, fixer. Fixer in clô. Fixer in prix.

flacon, flacon, n.m. In flacon d' cafè.

fla-fla, tralala, fla-fla, n.m. Fé du fla-fla pou s' fé rmarki.

flageoler, sur ses jambes, triyaner su sès djambes.

flageolet, fladjolè, n.m. I parèt qu' sacans ciclisses s' dope avu dès fladjolès. Dèvinez poukè : waye, c'est pou roûler plin gaz !

flagorner, flatter, blagui, èrlètchi 'l cu d'ène saki. José n'arète ni d' blagui avu lès djoliyes fiyes. I rlètche toudi 'l cu du chèf.

flagorneur, euse, blagueû, se, plat-pîd, (è)rlètche-cu, n.m.f.

flagrant, e, flagrant, e, adj. Yèsse pris in flagrant délit d' mintriye. Ène èreûr flagrante.

flair, flér, n.m. Avwêr du flér.

flairer, flérer, sukter. In tchi, ça suktèye toudi pa t'avau.

flairer, puer, flérer. Vos flérez dès pîds, hin fieu !

flaireur, euse, suk'teû, se, adj. Dins lès tchis, i d'a qui sont pus suk'teûs qu' lès autes.

flamand, e, flamin, flamind, dje, flamoutche (péj.), adj. et n. Sprècter flamind. Èm' frére s'a marié avu 'ne Flamindje. Flayute : désigne un Flamand entêté et courageux, surtout dans le milieu du sport cycliste. Brik Schotte astoût in vré Flayute. Mindji dès carbonâdes flamandes.

flambant, e, flambant, e, adj. Èm' vizin parâde su 's vélo flambant nieu.

flambeau, de résine, falot. Lès èfants sonsst'animés pou daler pourmèner au nût' avu in falot.

flambée, flambéye, feuwéye, blakéye (rare), n.f. In n-ivièr, on s'èrtchaufe avu ène bone feuwéye.

flamber, flamber, flamer, flam'ter. Fé flamber du bo dins 'l feu. Flam'ter ène pouye pou brûler les dérnis bokès d' pènas.

flamboiement, blake, n.f. In jwin, on a vu lès bla-kes du solèy' djusk' à târd au nût'.

flamboyer, blaki. Èl solèy' blake dè pus in pus foûrt.

flamingant, e, flamingant, e, adj. et n. Lès flamingants nè supoûrte pus lès cis qui pârle francès. À lès matines brujwèses, lès flamingants ont tuwé lès cis qui dijine « sclite ène frite » al place dè « schild en vriend » !

flamme, flame, n.f. Ène bèle flame. Yèsse tout feu tout flame. Vos vîrez lès flames dè l'infièr.

flammèche, flamache, n.f. Èl feu s' dèstind, on n' vwèt pus qu' dès flamaches.

flan, flan, n.m. Mindji in flan al vaniye.

flanc, flan(c), n.m. Yèsse sul flanc. Note : pour éviter la confusion flan (à manger) et flan (côté), il est souhaitable d'écrire flanc en wallon.

flancher, flanchi, flintchi (rare).

flanchet, flantchè, n.m. Daler au bouchi pou acater du flantchè.

Flandre, Flande, plais., Flamandiye.

flandrin, flandrin, e, n.m.f. In grand flandrin avu deûs mains gauches.

flanelle, flanèle, n.f. In ivièr, in pijama d' flanèle, ça vos tît bî tchaud.

flâner, flâner, barlaurer, bèrlaurer, fâderner (probablement formé sur fâde pour fainéant).

flânerie, barlaurâdje, bèrlaurâdje, n.m.

flaneur, euse, barlaureû, se, bèrlaureû, se, n.m.f.

flanquer, foute. I li z-a foutu ène bone danse. Èle l'a foutu à l'uch.

flaque, flake, flatche, flache, n.f. Lès èfants ont branmint d' plézi à pèstèler dins lès flakes.

flasque, flasse, adj. Èl viande est flasse. Dji m' sins tout flasse.

flatte, bouse, flate, n.f. Mète ès' pîd dins 'ne flate, i parèt qu' ça poûrte boneûr.

flatter, flater, fé bèle-bèle, èrlètchi 'l cu (péj.). I flate toudi lès coumères.

flatterie, flatriye, n.f. Lès flatriyes qu'on vos lance, ça n'est jamé gratwit.

flatteur, euse, flateû(r), eûse, blagueû, se, froteû, se, dè manse, n.m.f. Aussi (péj.): in lètche-cu, in plat-pîd.

flatuosité longue et discrète : ène chîléye, ène chîlante.

fléau, flaya, outil, n.m. Taper du flaya. Rv. Djoûnes mariés, ça stoût bètchi-bètcha, asteûr, c'est flayi-flaya. Fléau, calamité, flèyau, n.m. Èl pèsse a sti in fameû flèyau.

flèche, flèche, n.f. Lanci dès flèches. Flèche d'arbalète : makè, n.m.

flèche, dégradation de mailles, flèche, n.f. Madame, vos avez 'ne flèche à vo bas, dji pûs 'l chûre ? Bèrlafe !

fléchette, flèchète, n.f., makè (rare), n.m. Fléchette de vogelpik : picot, n.m., pike, n.f.

fléchir, ployi, plouyi. Plouyi ène djambe. Se laisser fléchir : ès' lèyi à dîre.

fléchissement, flèchis'mint, n.m. Èl flèchis'mint d'in twèt.

flegmatiquement, flègmatik'mint, adv. I rèspond toudi flègmatik'mint à tout 'l monde.

flemme, flème, n.f. Avwêr èl flème.

flemmard, e, bauyau, te, fènèyant, e, adj. et n. I va co pus doûç'mint qu' à 's n-éje.

flétrir, flètri, flani, aflani. Lès roûzes s'aflaniche quand i fét trop tchaud.

fleur, fleûr, n.f. Daler coud' dès fleûrs. Dèl fine fleûr : le meilleur ou le pire selon le sujet. Fleûr dè browon : tache blanche sur la cornée. Note : browon, véronique, plante à feuilles de lierre utilisée pour y remédier.

fleurage, action de décorer avec des fleurs, fleûrâdje, n.m. Lès sieûrs Dehon s'ocupine du fleûrâdje dè l'èglîje.

fleuraison, florichâdje, florich'mint, n.m. Èl florichâdje dès lilas.

fleuret, fleûrèt, n.m. Ès' bate au fleûrèt.

fleurette, pètite fleûr. Conter fleûrète.

fleuri, flori, adj. Lès marguèrites sont floriyes. Èl vilâdje est bî flori.

fleurir, flori, fleûri. Lès pèrce-nèdje floriche foûrt timpe. Rv. I d'a toudi pou flori yè d' z-autes pou flani.

fleurissant, e, florichant, e, adj. In comèrce florichant.

fleuriste, fleûrisse, n.m.f. Daler au fleûrisse pou acater dès roûzes.

fleuron, fleûron, n.m. Lès bières Trapisse, c'est 'l fleûron dès bières bèljes !

Fleurus, Fleûru, Soviètebloum (plais.).

fleuve, fleûve, n.m.

flexibilité, flèxibilité, n.f. On n' pârle pus què d' ça : èl flèxibilité dès travayeûs. Rv. Austant mèzurer 'l flèxibilité dèl keûye dès vatches dins lès tournants : pourquoi s'occuper de telles futilités ?

flexible, flèxîbe, flèxib', adj. et n. Passer in fil élèctrike dins in flèxîbe. In roja est branmin pus flèxib' qu'in tchin.ne.

flexion, flèxion, n.f. Èl flèxion d'ène cane à pèche.

flic, flic, n.m.f.

flirt, flirtâdje, fricotâdje, n.m. Quand on est djoûne, on couminche pa in flirtâdje, mins ça n' va ni souvint 'squ'à in mariâdje.

flirter, fricoter, rîre. Ça fét deûs eûres qu'i rit avu Michèle, mins i n'a ni co seû li doner in bètche.

floche, 1. garniture en forme de gland avec franges pour bonnet militaire, coussins, cordon de tentures, ballon de manège, etc., floche, flotche, n.f. Au caroussèl, èl ci qu'atrape èl flotche, i pût daler in toûr pou ri. 2. erreur grossière, floche, flotche, floutche, n.f. I n'arète ni d' fé dès floutches dins 's n-ouvrâdje. 3. sexe masculin, zizi, chuflot, sindje, tchip, pièrot, zoziau, n.m., bite, kète, kèkète, biroute, pièrète, n.f. Brére avu 's pièrot dins 's main : après une désillusion, se désoler, n'en pouvoir mais.

flocon, flocon, ploumion, pèyon, n.m. Lès pèyons d' nîve dèskinde tout à leû n-éje.

flonflon, flonflon, n.m. On intind bî lon lès flonflons dèl ducasse.

Floribert, Flori.

florissant, e, fleurissant, e, adj. Avwêr ène santé fleurissante.

flot, flot, n.m. Èrmète in batia à flot. I s'a rmis à flot, i s'a rfét.

flottage, flotâdje, n.m. Èl flotâdje du bo.

flottant, e, flotant, e, adj. Mindji ène île flotante. Ène tchèmîse flotante.

flotte, pluie, ensemble de navires, avions, voitures, etc., flote, n.f. I tchét dèl flote. Èl flote dès bombardiers amérikins.

flottement, flotemint, flot'mint, n.m. Quand 'l mayeur a anonci qu'i dèmissionoût, il a yeû in flot'mint dins 'l sale.

flotter, pleuvoir, floter. I n'a ni arèté d' floter audjoûrdu. Tant qu'èl batia flote, tout va bî. Èl Titanic n'a ni floté lonmin.

flotteur, floteûr, n.m. Èl pèchon a skèté 'l ligne yè a pèté vwèye avu 'l floteûr.

flouer, flouwer, èrpingni. I s'a fét flouwer pa in scroteû.

fluet, te, finot, e, finèt, e, adj. Èl gamine est co toute finote.

flûte !, interj., bèrnike, flut' !

flûte, flûte, n.f. Djeûwer dèl flûte.

flûter, boire, flûter. Is ont flûté trwès boutèyes dè pèkèt, is stine moûrts plins.

flûtiste, flûtisse, n.m.f. Il est flûtisse dins 'l fanfare dè Vèznau.

fluxion, congestion, pneumonie, abcès, flucsion, chike (plais.), n.f. C'est ni in catâre qu'il a, c'esst'ène flucsion d' pwètrine. Pour un abcès dentaire avec gonflement de la joue : vos d'avez yone dè chike !

foi, fwè, n.f. Avwêr fwè dins lès rèlijions. Yèsse dè mauvéje fwè. N'avwêr ni fwè ni lwè. En foi de quoi : come kwè… !

foie, fwè, fwèd', n.m. Ène crîje dè fwèd'. Du pâté d' fwè.

foin, fourâdje, n.m. Fé du fourâdje pou donner à mindji à lès bièsses in n-ivièr. Peigner les meulettes de foin : ruj'ler lès mulias d' fourâdje.

foire, fête, kermesse, grand marché, fwêre, n.f. Daler fé in toûr dè fwêre. Ène fwêre d'impougne.

foire, diarrhée, tourista, (è)skite, (t)chite, (t)chitréye, n.f. Eric avoût l'èskite rî qu'à l'idéye dè prinde l'aviyon. Danièlle avoût 'l tourista rî qu'à raguider lès catalog' dè vacances.

foirer, merder, déféquer, chiter, (è)skiter.

foirer, mal tourner, mau toûrner. Si ça continûwe dinsi, ça va mau toûrner pou 'l Bèljike.

foireux, euse, atteint de diarrhée, (t)chitau, te, adj.

foirolle, plante, mercuriale annuelle, ramberge, chitroule, n.f. Quand on est rsèré, on prind du thé d' chitroule. Atincion, ni d' trop, ça pût vos impwèzoner !

fois, coû. Vènez in coû dwéci ! D'in coû à l'aute, i candje d'avis. Une fois pour toute : in coû pou toutes. À ckake coû, i rèspond 'l minme. C'est 'l prèmi coû qui cousse. C'est bon pou in coû. Tant de fois : tant dès coûs. Beaucoup de fois : branmin dès coûs. Voir parallèle avec le famand « keer » : kom 'ne keer.

Note : on écrit coûp s'il y a une notion de force, de choc : in bon coûp d' pîd.

foison, fwèzon, n.f. à rlaye, à rlaye dè bouc, à Dieu plézi, à make, tout spès. Ès' n-anéye-ci, dès fréjes, on d'a yeû à make. Dès criyaus, i d'a à rlaye dins 'm' djârdin.

foisonner, grimyi. Dès marguèrites, i d'a tout grimé dins 'l pachi. Lès moulons grimèye su lès moûrts.

fol, le, v. fou. Rv. Pour une vieille folle : ène vîye chabrake.

folie, foliye, n.f. Pou 'ne coumère, i froût dès foliyes. Avwêr èl foliye dès grandeûrs.

folio, folio, n.m.

folklore, folklore, n.m. Lès rûjes inte lès Flamins yè lès Walons, c'est souvint du folklore.

follement, folemint, fol'mint, adv. On s'a amusé fol'mint al ducasse. Il l'aime follement : i d'est bleû, sot.

follet, poil, moûrt pwèy'. Lès pâkis ont du moûrt pwèy' al place d'ène moustatche.

foncé, e, foncé, ye, adj. Du gris foncé. Du bo brun foncé.

foncer, fonci, broki. Il a fonci tièsse bachéye dins 'l tas. Il a broki dins l'uch pou rintrer dins 'l mézo.

foncier, ère, foncier, ère, adj. Payi l'impôt foncier. Ène proprièté foncière.

foncièrement, foncièremint, foncièr'mint, adv. Sacans djins sont foncièr'mint malonétes.

fonction, foncsion, n.f. Il a ène bèle foncsion au Ministére dès Travaus Finis : pour un fainéant.

Rv. In mayeûr foute-foute : faisant fonction (plais.).

fonctionnaire, foncsionére, n.m.f. Yèsse foncsionére pou l' Ètat.

fonctionnement, foncsionemint, foncsion'mint, n.m. Vos compèrdez èl foncsion'mint dèl Bèljike, vous ?

fonctionner, foncsioner. Fé foncsioner ène oûrlodje.

fond, cu, n.m. Èl cu d'ène marone. Bwêre èl cu d'ène boutèye. Èl fond dèl rûwe. Dmeurer au fin fond dèl Basse-Olande. Rouler fond de balle : roûler volè gaz (emprunt au flam.), brouyi.

fondage, fondâdje, n.m. Èl fondâdje du fièr, du cwîfe.

fondant, e, fondant, e, adj. et n. Mindji du chôcolat fondant.

fondateur, trice, fondateûr, trice, n.m.f. In membe fondateûr.

fondation, fondâcion, n.f. Lès fondâcions d'ène mézo.

fondement, fondemint, fond'mint, n.m. Çou qu' vos ramadjiz n'a pon d' fond'mint. Il a yeû in coûp d' pîd dins lès fond'mints.

fonder, fonder. Fonder ène famiye.

fonderie, fondriye, n.f. Bouter al fondriye dè Tubisse.

fondeur, fondeû, n.m. Lès fondeûs n'ont ni souvint frwèd leûs pîds.

fondre, fonde. Fé fonde du bûre dins 'l payèle. Refondre : èrfonde. Rv. Alez vos fé rfonde à Bouffioulx, à Clabecq : à l'adresse de quelqu'un qui se plaint sans arrêt de sa santé, un hypocondriaque. Hé, Paul, alez vos fé rfonde à Clabecq !

fondrière, fondréye, n.f., foncha (rare), n.m. Dins 'l timps, èl tchèmin qui dèskind à costé du gorli, ç'astoût ène vréye fondréye.

fonds, fonds, n.m. Bouter à fonds pièrdus. Counwète èl fonds yè 'l trèfonds dès aféres.

fondu, e, fondu, uwe, adj. et n. Dèl crinme à la glace fonduwe. Dji n' sus ni in fondu d'informatike. Mindji ène fonduwe au fromâdje. Mindji dès fondus au fromâdje.

fontaine, fontin.ne, n.f. Daler ké ène vwèye d'eûye al fontin.ne.

fontanelle, fontin.ne dèl tièsse.

fonte, fonte, n.f. Quand i rligne, èl fonte dèl nîve couminche.

football, fout'bal, n.m. Achille djeûwe au fout'bal à Yite.

footballeur, euse, fout'balisse, fout'baleû, se, n.m.f. Au pus què d' raguid' lès fout'baleûs, au pus què d' sus dèsgousté pa leû cinéma. Quand in fout'baleû tousse, tous lès cîs d' l'aute èkipe, tchèye-nè al têre in fèzant chènance dè yèsse assoumés. A brére ! Pou 'l moumint, lès fout'baleûses sont pus agrèyâbes à raguider.

forage, forâdje, n.m. Èl forâdje d'in pus'.

forain, e, baraki, barakière, n.m. Lès barakis monte leûs caroussèls sacans djoûs avant 'l ducasse.

forçage, foûrçâdje, n.m. Èl foûrçadje dès chicons, i faut l' fé in plène têre yè dins 'l nwêr.

forçat, forçat, n.m. Bouter come in forçat.

force, foûrce, n.f. Maugré 's n-âdje il est co plin d' foûrces. Yèsse dju d' foûrce : être épuisé. À foûrce dè criyi au leûp, il arife. De toutes ses forces : dè tous sès pus foûrt.

forcé, e, foûrci, foûrcéye, adj. Pourmèner à marche foûrcéye, ça n'est ni ça pourmèner. On a fét ène vinte fourcéye dèl mézo.

forcément, foûrcémint, adv. Dji sus foûrcémint pus vis qu' mès pus djoûnes frères.

forceps, fièrs, n.m.pl., foûrcètes (rare), n.f.pl. Quand il a vnu au monde, on a dû li mète lès fièrs.

forcer, foûrci. Èl Police a foûrci l'uch pou rintrer. I dwèt s' foûrci à bwêre. Violer : foûrci.

forer, forer. Forer in trô.

forerie, for'riye, n.f.

forestier, garde, gârde, n.m. Èl gârde a tcheut su in braconi.

foret, forwè, n.m. In forwè à bèton. Aussi : chignole.

forêt, forèt, n.f. bo, n.m. Èl bo d' l' Oûssière à Brin.ne-lè-Comte.

foreur, foreû, n.m. Il est foreû al carrière pou mète dès mines.

foreuse, accessoire, foreûse, chignole, n.f. Travayi avu ène foreûse élèctrike. Prinde ène chignole pou forer dins 'l bo.

forfait, forfét, n.m. Payi in abon'mint à forfét.

forfanterie, forfantriye, n.f. Lès vantârds, is n' sont ni à 'ne forfantriye près.

forge, foûrdje, n.m. Paul du Marchau avoût 's foûrdje à costé dèl cinse Ballant.

forgeage, foûrdjâdje, n.m. Èl foûrdjâdje d'in fièr à tch'fau.

forger, foûrdji. Foûrdji in n-osti.

forgeron, marchau, n.m. Quand 'l marchau tape su l'èglime, on l'intind dins tout 'l vilâdje. V. maréchal.

forgeur, foûrdjeû, n.m. In foûrdjeû d'ostis.

forière, bande de terre sur le bord d' une forêt, d'un champ, là où les machines font demi-tour, forière, n.f. Quand 'l tracteûr esst'au bout du tchamp, i toûrne sul forière. On parle aussi d'une toûrnière.

formaliser, se, formaliser, ès'. C'esst'in court-atèlé qui s' formalise pou ri.

formalité, formalité, n.f. Asteûr, divorcer d'ès' feume ou bi d'ès' n-ome, c'est bî souvint ène formalité si tout 'l monde est d' acoûrd.

format, format, n.m. On a acaté ène tèlèvision avu in n-ècran grand format.

formation, formâcion, n.f. Lès aviyons vole in formâcion, lès rûjes ètou. Chûre ène formâcion in mécanike.

forme, forme, fourme, n.f. Yèsse in bone forme maugré 's n-âdje. In tchapia avu 'ne bèle fourme. Mète dès fourmes pou pârler à 'ne saki. In vagon, c'esst'ène fourme pou cûre èl pain.

formellement, formèlemint, formèl'mint, adv. Il a sti formèl'mint rcounu pa in tèmwin.

former, former, fourmer. L'èscole fourme lès djoûnes.

formidable, formidâbe, adj. In spèctake formidâbe.

formidablement, formidâblèmint, adv.

formol, formol, n.m. Chériye, si vos morez avant mi, dji vos mètrai dins du formol ! Ah bon, mins pour vous, i n' d'in faura ni si tant d' ès' prodwit-là, vu que vos avez d'djà ène sakè qu'est fort mol dèspu lonmin !

formulaire, formulére, n.m. Rimpli in formulére pou touchi dès alocacions.

formule, formule, n.f. Ène formule majike : abra-cadabra.

fornication, fornicâcion, n.f., carambolâdje (rare), n.m. Èl fornicâcion est condan.néye pa l' èglîje.

forniquer, forniki, caramboler (rare).

fort, fort, n.m. Lès forts dè Lîdje n'ont ni résisté lonmin. Tous lès èfants Bèljes ont monté dès forts su les plâjes dèl Costa Bèlga.

fort, e, foûrt, e, adj. In foûrt ome, ène foûrte feume. Yèsse foûrt come in tchin.ne. Au pus foûrt dèl tempête, èl twèt s'a involé. Èle est foûrte èstèl-lâle ! Pa lès foûrtès tchaleûrs, on doûrt mau. Au maximum possible : criyi dè tout sès pus foûrts.

fortement, foûrtèmint, adv. Dji sus foûrtèmint d' bauchi d' vo n-atitud' !

forteresse, fortèrèsse, n.f. Lès fortèrèsses volantes ont bombârdé l' Almagne.

fortifiant, e, fortifiant, e, foûrtifiant, e, adj. et n. Al farmas'riye, on vindoût in fortifiant foûrt agrèyâbe : du vin d' kinkina. Rî qu'à sondji à ça, dji m' sins fébe tout d'in coû !

fortification, fortificâcion, n.f. Pou ataki lès fortificâcions dèl citadèle dè Nameûr, i faloût d'djà dès fameûses èskiyèyes.

fortifier, fortifyi, fourtifyi. Djoûnes, pou nos fourtifyi, on nous fèzoût bwêre dèl wîle dè fwèd' d' moruwe al culière. Tchieûû qu' ça stoût mauvé !

fortin, fortin, n.m.

fortiori, à, à pus foûrte rézo.

fortuit, qu'a vnu par azâr, qu'on n' s'atindoût ni.

fortuitement, fortwitemint, fortwit'mint, adv. Dji l'ai rincontré fortwit'mint in dalant au martchi d' Brin.ne.

fortune, foûrtune, n.f. Il a fé foûrtune au Congo. Gangni dès foûrtunes au Casino, ça c'est râre à râre.

fortuné, e, foûrtuné, ye, adj. Dins 'l Brabant walon, il a sacans djins foûrtunés. Il est fortuné : ès' pangn' est cût ou i n' a pon d'imbaras pour' li.

fosse, fosse, n.f. Fosse d'aisance, èl fosse à fichéye. Avoir un pied dans la tombe : avwêr in pîd dins 'l fosse. On creuse sa tombe avec ses dents : on fét 's fosse avu sès dints. Rv. In baudet d' fosse : pour une personne niaise, pas intelligente. En référence aux ânes qui travaillaient dans les mines. V. Fosses-la-Ville.

Fosses-le -Ville, Fosse. Certains écrivent « in baudet d' Fosse » ce qui semble indiquer que les habitants de Fosses-la-Ville avaient la réputation - fondée ou pas - d'être des habitués du bonnet d' âne. Il faut plutôt y voir une taquinerie jouant sur fosse et Fosse.

fossé, fossé, n.m. Tchér dins 'l fossé. Petit fossé : royon, n.m. Rv. A propos d'une personne prétentieuse : ça vos foutroût dins 'l royon yè ça ni in clô pou s' grater 'l cu !

fossette, fos'lète, n.f., pote, n.m. Quand èle rit, ça li fét dès fos'lètes à sès machèles. Djeûwer au pote avu dès mèles (bille).

fossoyage, foswèyâdje, n.m.

fossoyer, foswèyi.

fossoyeur, foswèyeû(r), fosti, n.m. Èl djoû qu' vos vîrez lès solés du fosti Jèrârd pa pa-d'zou, i dira mau pour vous.

fou, folle, fou, fole, sot, e, pèté, ye, trwès-kârts, poki, pokéye, ni tout djusse, adj. et n. Yèsse sot après 'ne coumère. Roûler come in pèté. Il est fou à louyi. I n'est ni tout djusse ! C'èsst'in trwès-kârts. Il est foufou : il est sosot. Rv. On n'èrpike ni lès fous, is crèche tout seûs. Il est nèt' sot, il a yeû in coûp d' tram quand i stoût djoûne, il a 'ne poke à 's garlot. Djoûne, on l'a bèrci trop foûrt, yè 's tièsse a poki 'l mur'. I faut yèsse malin pou fé 'l sot. On n' sème ni lès fous, is crèche tout seûs. Èl boulon toûrne sot dins l'ècrou

foudre, (orage), foude, n.f., tounwêre, tounère, n.m. Èl tounwêre a tcheut sul coq dè l' èglîje. Il a yeû 'l coup d' foude pou 'ne bèle coumère. Rv. Èl foude a tcheut su 's tièsse quand i stoût djoûne : pour une personne bizarre.

foudre (tonneau), foude, tonia, tounia, n.m.

foudroyant, e, foudrwèyant, e, adj. In rgârd foudrwèyant.

foudroyer, foudrwèyi. Il est moûrt foudrwèyi adon qu'i stoût au mitan du tchamp.

fouée, chasse aux petits oiseaux, darûwe, n.f. Daler à darûwe. Invouyi 'ne saki à darûwe : à la recherche d'un dahu, animal imaginaire.

fouet, èscoréye, n.f. Fé claki, fé clatchi, fé pèter l'èscoréye. Rv. C'est ni à coûps d'èscoréye qu'on fét avanci lès lum'çons. Forcet du fouet : (è)scaswêre, n.f.

fouetté, e, fwèté, ye, adj. Mindji dèl crinme fwètéye, ça n' fét ni raméri.

fouettement, (è)scoriâdje, n.m. Èl scoriâdje dèl keûye dès tch'faus, ça sièrt à cachi lès mouches vwèye.

fouetter, (è)scoryi, flinchi (rare). Il èscoriye toudi sès tch'faus pou lès fé ravanci. Flinchi in tchi.

fouetteur, euse, (è)scorieu, eûse, n.m.f.

fouger, fouiller le sol à coups de boutoir (sanglier, porc), fougni. Èl singlé a tél'mint fougni dins 'l pèloûse qu'i faura l'èrfé.

fougère, foujère, fètchère (rare), n.f. Èl lapin s'a muchi dins lès foujères.

fougue, fouke, n.f. Èl djoûne gamin est co dins sès foukes.

fougueusement, fougueûsemint, fougueûs'mint, adv. Rimbrassi fougueûs'mint.

fougueux, euse, fougueû, se, adj. In bètche fougueû.

fouille, fouye. Fé dès fouyes.

fouiller, fouyi, fouch'ner, nachi, fournaki, foûgni, cafougni. Lès jandarmes ont fouyi in n-ome. Dji n' inme ni qu'on cafougne dins mès ostis. Èl pourcha fougne dins 'l pachi. I fouchène dins l'armwêre. Pour une personne qui fouille, qui furète : in cacafougna.

fouilleur, euse, fouch'neû, se, fournakeû, se, nachau, te, nacheû, te, n.m.

fouillis, boukiâdje, n.m. Dins 's garâdje, c'esst'in boukiâdje à tchér moûrt.

fouine, martre, fawine, fowine, n.f. Faisez atincion : il arife què lès fowines mindje lès fils élèctrikes dès autos.

fouineur, euse, fougnau, te, adj. et n.

fouir, fougni. Lès fouyons ont fougni tout 'l pachi qu'est plin d' mutiènes, asteûr.

fouissement, fougnâdje, n.m.

fouisseur, euse, fougnau, te, adj. et n.

foulard, foulârd, n.m. Djeûwer au foulârd.

foule, foule, masse, n.f. Il avoût ène foule dè djins à l'intèr'mint. Il avoût ène masse dè djins qui ratindine pou rintrer dins 'l mézo. Rv. Lorsque la foule se presse dans un magasin : c'est bî seûr èl djoû qu'on done tout pou ri.

fouler, fouler, (è)stucler. I s'a foulé 's pîd in dèskindant du tram. Il a stuclé 's poûce in comptant sès liârds : à l'adresse d'un radin. Dji n' vas ni m' fouler pou ça ! Fouler le sol, le tasser : pèstèler.

foulure, foulur', n.f. Pou sougni ène foulur', i faut tîkfwè trwès sèmin.nes.

four, four', n.m. Yèsse au four' yè au moulin. Mète à cûre dins 'l foûr'. Rv. C'est n'est ni pour li qu'èl foûr' tchaufe : en parlant d' un homme dont la compagne prend plaisir à se laisser conter fleurette par un autre soupirant. Fé danser sès sieûrs sul cu du foûr' : lorsque la cadette se marie avant ses sœurs aînées.

fourbature, courbature, fourbatur', n.f. Si vos boutez d' trop dins vo djârdin, èl lind'min, vos stez plin d' fourbatur'

fourbe, in fau boug', in fau Djuda, in fau visâdje, in n-ome à deûs visâdjses, in roucha tchi.

fourbir une arme blanche : (è)scurer.

fourbu, e, (w)ote, adj. Loc. I n' sét pus wote. Èle nè sét pus wote tél'mint qu'èle est scranse.

fourche, fourtche, n.f. Il a couru au cu du vizin avu 'ne fourtche à 's main. Fourche à 2 dents qui sert à secouer les foins : ène èscouvète, èskeuwète. Fourche avec une petite boule à l'extrémité des dents, qui sert à prélever des betteraves : fourtche à maclotes. Aussi dans l'enseignement en parlant des heures creuses entre 2 activités : avwêr deûs eûres dè fourtche.

fourchée, fourtchéye, n.f. Mète ène fourtchéye dè fourâdje à les bièsses.

fourcher, fourtchi. Fourtchi du strin. Èm' langue a fourtchi.

fourchetée, fourtchètéye, n.f. Mindji ène fourtchètéye dè spinasses.

fourchette, fourtchète, n.f. Si vos n'avez ni l'abitud' dè mindji avu 'ne fourtchète, fèzez atincion d' ni fé dès grawes à vos machèles.

fourcheur, euse, fourtcheû, se, n.m.f.

fourchu, e, fourtchu, we, adj. L'ârbe est fourtchu.

fourgon, fourgon, rangon, n.m., rauve, n.f. On a mis lès vélos dins 'l fourgon à bagâdjes. Un fourgon à braises : in rangon, ène rauve dè boulindji.

fourgonner, remuer les braises, rangoner, rauv'ler.

fourmi, frumûje, n.f. In ouvrâdje dè frumûje. Fourmi des bois : mic-mac, n.m. Fourmi ailée : coupiche ou frumûje à pènas. Fourmi noire : frumujère. On entend aussi : fourmiche.

fourmilière, frumujière, n.f., nid d' frumûjes.

fourmillement, n.m. fourmiy'mint, frumûj'mint (rare), n.m. À foûrce dè d'meurer achis su 'n' sèle, dj'ai dès frumûj'mints dins mès djambes.

fourmiller, frumuji, fourmiyi. Mès mains frumûje. Abonder : grimyi. Lès criyaus grimèye dins 'm djârdin.

fournaise, fournése, n.f. Èl fournése dè l'infièr.

fourneau, fournau, fournia (rare), n.m. À Clabecq, on a tapé tous lès wauts-fournaus à têre. Èle est toudi padière sès fournias.

fournée, foûrnéye, cûtéye, n.f. Èl boulindji a couminchi ène cûtéye dè pains.

fournil, fourni. Lès fournis, i faloût lès mète lon dès grègnes pou n' ni mète èl feu al cinse.

fourniment, fournimint, n.m., arnach'riye, n.f. Èl fournimint dès saudârds.

fournir, fourni. Fourni à mindji. In boutike bi fourni.

fournisseur, euse, fournisseû(r), se, n.m.f. I d'a branmin qui voûrine yèsse fournisseû dèl Coûr.

fourniture, fournitur', n.f. Al rintréye dès classes, il a toudi dès fournitur' à acater.

fourrage, foûrâdje, n.m. Rv. Il est bièsse à mindji du fourâdje. Il est minme trop bièsse què pou mindji du fourâdje. Ration de fourrage : ène rafoûréye. Tous lès djoûs, i faut rafoûrer lès bièsses à l' èstaule.

fourrager, fureter, fouiller, mettre en désordre. Fouradji. I fourâdje toudi dins mès tirwêrs.

fourrager, ère, qui fournit du fourrage, fourajer, ère, adj. Ène bètrâle fourajère ou bètrâle à vatche.

fourré, e, fouré, fouréye, adj. In chôcolat fouré-pranilé. In paltot fouré avu ène pia d' bèdot.

fourrer, foûrer, foute, stitchi. Foûrer dès gants. I s'a co foûré dins 'ne drole d'afêre. Stitchi sès mains dins sès poches. I stitche toudi in dwèt dins 's nez. Ayuskè dj'ai co foutu 'm tournavis' ?

fourreur, foureû, n.m. Audjoûrdu, lès foureûs boute avu dès fourur' sintétikes.

fourrier, fourié, n.m. Èl fourié a kèrtchi tous lès tchis qui trin.nine dins lès rûwes.

fourrière, fourière, n.f. Èl dèpaneû a min.né l'auto al fourière.

fourrure, fourur', n.f. Ène foûrur' in pia d' lapin. Fourrure de cou : in minou.

fourt !, fourt'. Fourt', hin fieu !

fortune, foûrtune, n.f. Il a fét foûrtune in vindant dès pwès d' suke. Rv. On n'emporte pas sa fortune au paradis : on n'a jamé vu in cofe-fort qui chûvoût in corbiyârd !

fourvoyer, fourvwèyi. Èle s'a fourvwèyi d' tchèmin : al place dè daler à Nivèle, èle s'a rtrouvé à Brin.ne-l'Alieu.

fouteau, fayard, foyard, hêtre, foya, n.m. Du bo d' foya, c'est bon pou tchaufer lès mézos.

foutre, foute. Foute ène bèrlafe à 'ne saki. I s'a fét foute à l'uch. Foute èl camp.

foutu, e, foutu, we, adj. In osti foutu. Il est foûrt malâde, il est foutu. Èle n'est ni co foutuwe d' èrcouminchi 'l bèzogne qu'èle a mau fét.

fox- terrier, fox, n.m. In p'tit fox.

fox-trot, fox, n.m. Danser in fox.

foyard, hêtre, foya, n.m.

foyer, (è)stûve, min.nâdje, n.m., mézo, n.f. Après 'l guêre, lès saudârts ont rintré à leûs mézos.

frac, sabatu, frac à pans, n.m. Èm' grand-pére daloût au bal avu in frac à pans à 's dos. Rv. I s'a batu, i s' batra co ! Plais., il a mètu sès plantches dè browète.

fracas, fraca, pètâdje, n.m. Avu pèrte èt fraca. Quand 'l mur' a tcheut, on a intindu in fraca dè tous lès diâles.

fracassement, fracas'mint, n.m.

fracasser, fracasser. Quand il a tcheut du twèt, i s'a fracassé sul trotwêr.

fraction, fracsion, n.f. In 'ne fracsion d' sègonde, il a pèté vwèye.

fractionnement, fracsionemint, fracsion'mint, n.m.

fracture, fractur', n.f. I s'a fét ène fractur' dè 's pougnèt in tchèyant dins lès èscayés.

fragile, frajîle, cazuwéle (rare), adj. In n-èfant frajîle.

fragment, bokè, n.m. In bokè du plafond à tcheut su 'm tièsse.

frai, couvi, n.m., frouye, n.f. L'ètang est plin d' frouye. Du couvi d' rin.ne.

fraîchement, frèch'mint, adv. Il a sti frèch'mint rçu pas sès bias-parints.

fraîcheur, frècheûr, n.f. Quand 'l solèy' est vwèye, on sint 'l frècheûr qui monte.

fraîchir, frèchi. À l'autone, èl timps frèchit.

fraie, époque du frai, frouye, n.f. C'esst'au printemps qu'èl frouye arife.

frairie, partie de bonne chère, guinse, n.f. Lès cîs dèl fanfare font guinse al Sinte-Cécile.

frais, fraîche, frè, frèche, fris', adj. Mindji du pain frè. Bwêre du frèche cafè. Tèni au frè. Être mouillé : yèsse frèche. Yèsse frèche dè tchaud. I fét souvint fris' in janvié.

frais, frès, n.m.pl. Payi dès frès d'intèr'mint. I d'a vudi avu wêre dè frès.

fraisage, frézâdje, n.m.

fraise, fruit, fréje, n.f. Lès fréjes dès bos sont toutes pètites avu branmin d' goût. Avwêr in nez come ène fréje.

fraise, outil, n.f. Quand 'l dintisse couminche à fé daler 'l fréje, vos avez d' djà mau avant d' couminchi.

fraiser, fréji.

fraiseur, euse, fréjeû, se, frézeû, se, n.m.f. Bouter al frézeûse.

fraisier, fréji, n.m. On rpike lès fréjis in mars.

fraisil, cendre de charbon de terre mal brûlé, fézi.

fraisure, résultat du fraisage, fréjur', n.f.

framboise, frambwèse, frambwèsse, frambéje (rare), flambéje (rare), n.f. Mindji dès frambwèses.

framboisier, frambéji, flambéji (rare), n.m.

franc, franc, n.m. Donez-mi cint francs pou daler al ducasse, sivoplét pârin ! Ène pièche d' in franc. Rv. On n'a ni tous lès djoûs vint francs…(air connu). 25 centimes : in kârt dè franc. 50 centimes : in dmi franc.

franc, franche, franc, che, adj. In franc diâle : qui n' a pas froid aux yeux. Ène franche pouye : pour une personne de sexe féminin très arrogante. I stoût franc assez pou daler pourmèner pa dzou l'orâdje.

franc battant, franc batant, adv. Il a rintré franc batant dins 'l mézo, sins tokter.

français, e, francè(s), se, adj. et n.m.f. Mindji du pain françès : une baguette. I s'a marié avu ène Francèsse. Pârler francè(s). Pincer son français : scrèper 's francè(s).

France, France. Bwêre du france : eau-de-vie.

franchement, franchemint, franch'mint, adv. Non, mins !, franch'mint, vos n'astez ni onteû dè pârler dinsi.

franchipane, v. frangipane.

franchir, franchi. Franchi ène ètape.

franchise, franchîse, n.f. Il a yeû 'l franchîse dèl dîre.

franc-maçon, ne, franc-maçon, ne, n.m.f.

franco, franco. I li z-a rèspondu franco.

François, Franswè, Tchè, Pantche.

Françoise, Franswèse.

franc-tireur, euse, franc-tireur, eûse, n.m.f. Min-me in politike, on troufe dès francs-tireûrs.

frange, frinje, n.f. Ès' frinje dèskind 'squ' à sès îs.

frangipane, franchipane, franjipane, n.f. Mindji ène bone franchipane pou rciner. Note : on entend aussi : in franchipane, n.m.

franquette, frankète, n.f. Àl bone frankète.

fransquillon, ne, franskiyon, e, n.m.f. Lès Flamins n'inme ni lès Franskiyons.

fransquillonner, franskiyoner. Lès Walons qui scrèpe leû francès, is franskiyone : is pètit-dèdjune au matin, is dèdjune à midi yè in din.ne au nût'. Alez fé dèl soupe avu tout ça !

frappé, e, tapé, ye, adj., yèsse sézi. Ène parole bi tapéye. Dj'ai sté sézi d'èl vîr dwélà.

frapper, taper, buchi, rimbuchi, toki, tokter, tchaner, flayi, (è)rloper. Taper du pîd. Taper su in tchi. Buchi à lès uchs. Rimbuchi su l'uch. Flayi avu ène èscoréye. Èrloper dès bèrlafes. Rv. Avant 'l mariâdje, c'est bètchi-bètcha ; après, c'est flayi-flaya.

frappeur, tapeû, bucheû, (è)rlateû, flayeû, n.m. In tapeû d' martia : un aide-forgeron et par extension, un aidant au sens général, un apprenti.

Frasnes : Fraune.

frasque, fèrlike (rare), frasse, fraske, fèrdin.ne, n.f. Avu sès fraskes, in djoû, i va li tchér ène sakè su 's dos.

fraternellement, fratèrnèlemint, fratèrnèl'mint, adv. I d'vizine fratèrnèl'mint, chake su leû sèle.

fraterniser, fratèrniser. Après 'l guêre, il a bi falu fratèrniser avu lès Almans.

fraternité, fratèrnité, n.f. I n' faut ni confonde fratèrnité yè matèrnité. Il a counu 's propre mame al matèrnité, 's propre pére al patèrnité, 's prope frére al fratèrnité, yè 'l bon Dieu pou l'ètèrnité. Drole, hin !

fraude, fraude, n.f. Acater du toubak in fraude.

frauder, frauder. Avant l'Europe, tous lès Bèljes fraudine ène miyète : du vin yè du Picon dè France, du bûre dè Olande, yè co d'autes z-afêres.

fraudeur, euse, fraudeû, se, n.m.f. Lès fraudeûs sont punissâbes.

frauduleusement, frauduleûsemint, frauduleû-s'mint, adv.

frayer, frouyi, afroyi. Èl pèchon frouye. Afroyi in tch'min. Drouvi in passâdje.

frayeur, frèyeûr, n.f. Vos m'avez fét ène bèle frèyeûr !

frayon, froyon, n.m.,v. entrefesson.

fredaine, fèrdin.ne, n.f. Èl gamin est toudi dins sès fèrdin.nes. I fét toudi dès siènes. Yè vous, avez co fét dès votes ou dès vôles ?

fredonnement, mûj'nâdje, n.m. Lès gamins n'ont ni arèté leûs muj'nâdjes t'au lon d' l'après-din.ner.

fredonner, mûj'ner, mûzer, mûji. Jean-Luc mûze toutes soûrtes dè tchansons.

fredonneur, euse, mûj'neû, se, n.m.f.

frein, frin, n.m. Aspouyi sul pèdale dè frin. Rondji 's frin. In frin d' sècoûrs.

freinage, frin.nâdje, n.m. In frin.nâdje pou scaper à l'acsidint.

freiner, frin.ner. I faut tîkfwè frin.ner sès ambicions.

frêle, fréle, fèbe, cazuwéle (rare). Ène fréle djoûne fiye.

frelon, frèlon, oûrdion (rare), n.m. Lès frèlons sont danjereûs.

freluche, fèrluche, n.f.

freluquet, fèrlukèt, e, frikèt, e, n.m.f. In p'tit fèrlukèt qui apèrdroût bî 's pére à fé dès èfants.

frémir, frémi.

frémissement, frèmichemint, frèmich'mint, n.m.

frêne, frane, n.m. C'èsst'avu du bo d' frane qu'on fét dès manses d'ostis.

fréquemment, frécamint, adv. On l' viyoût frécamint bwêre in vêre à l'èstaminèt.

fréquent, e, frécant, e, adj. Dès acsidints avu dès vélos, c'est d' pus in pus frécant.

fréquentation, frécantâcion, n.f. Avwêr dès bones yè dès mauvéjes frécantâcions.

fréquenter les voisins, vij'ner, des amis, s' pârler, s' vîr, anter.

frère, frére, n.m. Èm' frére Christian dèmeûre à Brin.ne -l'Alieu. Èm' n-aute frére, Philippe, qu'a ma-rié Brigitte Deslée, dèmeuroût à Tubisse yè après à Frasnes-lez-Buissenal. Un religieux : chèr frére, p'tit frére.

frérot, frérot, n.m.

frétillage, fèrtiyâdje, n.m.

frétillant, e, fèrtiyant, e, adj. Rv. Èle est fèrtiyante come ène anguèye au d'bout d'in n-auzin.

frétillement, fèrtiy'mint, n.m. On sondjoût qu'èl pèchon astoût moûrt mais on viyoût co dès fèrtiy'mints dins 's keûye.

frétiller, fèrtiyi. Fèrtiyi come in vièr su in am'ç'on.

fretin, ça n'est ni dèl gnognote, dèl pètite bière.

friable, qui toûrne à poussière.

friand, être, mindji volti, bwêre volti.

fricadelle, fricadèle, n.f. I va al barake à frites du Sart pou acater in grand saclot d' frites avu 'ne fricadèle. Emprunt au néerl. frikandel.

fricassée, fricasséye, frichtouye, fristouye, n.f. Mindji ène bone fricasséye avu trwès yeus yè du lârd.

fricasser, fricasser, fristouyi. Fristouyi dès bokèts d' poulèt dins du bûre.

fricasseur, euse, fricasseû, se, fristouyeû, se, n.m.f. Rv. In fricasseû d' féves : pour un freluquet.

friche, tri, try, n.m. Lèyi ène tére à tri. I dmeûre au Try, à Tubisse.

fricot, fricot, n.m. Mindji in fricot pou souper.

fricoter, fricoter. I fricote avu dès droles dè djins.

fricoteur, euse, fricoteû, se, n.m.f.

friction, fricsion, n.f. Is ont toudi dès fricsions intrè vizins. Fé ène fricsion avu du sint-bon.

frictionner, fricsioner.

frigo, réfrigérateur, frigo, n.m. Mète èl bûre au frigo.

frigorifier, frigorifyi. On a sti frigorifyis pau vint d' bîje.

frileux, euse, n.m.f. In, ène frwède-vèsse ; in, ène indjèlé, ye ; in, ène rafrwèdi, ye ; in, ène frîleû, se.

frileux, se, frîleû, se, adj. Il est tél'mint frîleû qu'i mèt deûs tchèmisètes yè deûs scan'sons pou n' ni avwêr frwèd quand i djèle.

frime, frime, n.f. Anonci qu'on va bachi lès taxes à Yite, c'est dèl frime.

frimousse, frimousse, n.f. Ène bèle pètite frimousse. Aussi : in bia p'tit mouzon.

fringale, mauvéje faim/fangn'. Inviè katr'eûres, on sint toudi ène mauvéje faim ariver.

fringant, e, fringant, e, gayârd, e, adj. Yèsse fringant pou 's n-âdje. Èle est co gayârde maugré sès 70 ans. Is sont co vèrts.

fripe, fripe, n.f. I s'abîye toudi avu dès fripes. Rv. I n' li dmeûre ni fripe ni frape : il est ruiné.

friper, friper. Ès' tchèmîse est toute fripéye.

friperie, frip'riye, n.f. Daler vinde dès lokes al frip'riye.

fripier, fripi, n.m.

fripon, ne, capon, e, n.m.f. In p'tit capon, pour un enfant espiègle, déluré, farceur, qui commet des bêtises.

fripouille, fripouye, n.f. Li, c'esst'in malonète, ène vréye fripouye ! Aussi : terme amical selon les circonstances : vènez dwéci 'm pètite fripouye !, à un enfant.

friquet, moineau des champs nichant dans les cavités d'arbres, pièrot d' chabote, n.m.

frire, frîre. Fé frîre dès pèchons dins du bûre.

frisage, frijâdje, n.m.

frise, frîje, n.f. Lès jandarmes ont mis dès tch'faus d' frîje sul tchèmin.

frisé, e, frîji, frîjéye, crolé, croléye, adj. Avwêr dès tch'feûs frîjis. Yèsse crolé.

friser, frîji, croler. Quand i pieut, sès tch'feûs crole. I frîje lès swèssante ans.

frisette, frîjète, n.f.

frisko, frisko, n.m. Quand i fét tchaud, in bon frisko, ça fét du bî.

frisquet, ette, friskèt, e, fris', adj. À pârti dè novembe, i fét fris', timpe au matin.

frisson, frisson, frizon (rare), n.m. Avwêr dès frissons quand i fét frwèd.

frissonner, triyaner. Èle triyane dè frwèd.

fristouille, fristouye, n.f. À midi, i s'a fét ène bone fristouye.

fristouiller, fristouyi.

frisure, frîzur', frîjur', n.f.

frite, frite, adj. et n. À Yite, au kinje d'awouss' on va al fritur' avu 2.50 eûros pou acater in saclot d' frites dè ducasse. Si on rmèt cinkante cents au d'zeûr, on dmande du pikèls ou dèl sauce : mayonése, tartâre, andaloûse, coktél, yè co d'z-autes. Mins 'l pus pîre, c'est 'l kètcheup' : faut ni yèsse tout djusse pou mète ça su dès bones frites. Lèyiz ça à lès Inglès ou bi lès Amérikins, dès djins qui n'ont pon d'èstoumak, azâr !

fritkot, barake à frites, fritur', n.f.

friture, baraque à frites, frit'kot, fritur', barake à frites, n.f. Gamin, alez ké 2 saclots al barake à frites ! Avu dèl sauce tartâre, hin ! Aliments frits, mindji ène fritur' dè goujons.

froc, froc, n.m. Fé dins 's froc. Rv. Jeter son froc aux orties : taper 's froc su l'aye.

froid, frwèd, froû, n.m. In frwèd d' canârd. Il èsst'in frwèd avu 's feume. Yèsse indjèlé d' frwèd. Ça n' mè fét ni tchaud ni frwèd. Èl frwèd pinche. Avwêr in frwèd dins 's n-î. Rv. Fèvié, longs djoûs, longs froûs, longuès faims.

froid, e, frwèd, e, froû, adj. In fèvié, i fét souvint froû. Avwêr du sang-frwèd. Avwêr frwèd sès pîds. Frwèd come in mouzon d' tchi. Rv. Tènez vos pîds tchauds yè vo tièsse frwède, vos n'arez pon d' catâre : ne prenez pas de risque, il ne vous arrivera rien. Rv. In n-ivièr, dmeurez au cwin de vo stûve sans kiter vos chabots.

froidement, frwèd'mint, adv. Il a sti reçu frwèd'mint pas sès bias-parints.

froideur, frwèdeûr, n.f. Au nût', èl frwèdeûr monte.

froidure, frwèdur', n.f. In novembe, lès prèmières frwèdur' couminche.

froissage, frouchâdje, cafougnâdje, n.m. Èl frouchâdje d'ène tchèmîse.

froissement, frwès'mint, n.m. Èl frwès'mint du vint dins lès fieuyes dès ârbes.

froisser, frochi, froûchi, frwèsser. I s'a frwèssé paskè djè li z-ai dit sès kates vérités. Frochi, cafougni in tissu. Ès' frochi, froûchi in musc'.

froissure, frouchur', n.f.

frôlement, frôl'mint, frôlemint, riftâdje, n.m. Dj'ai sintu èl frôl'mint d'ès' bouche sul miène.

Aussi : riflâdje au jeu de balle pelote lorsqu'elle rase le sol.

frôler, rifter. L'auto a rifté 'l mur', yè on vwèt 'l marke du riftâdje.

fromage, fromâdje, froumâdje, (è)stofé, n.m, makéye, n.f.. Vos pîds sinte èl froumâdje. Intrè 'l pwêre yè 'l fromâdje. Promète pus d' bûre què d' froumâdje : pour des promesses intenables. Fromage blanc frais : dèl makéye, n.f. Un fromage gras et fort : du doûcra. Fromage gras : cras stofé. Èl Confrériye du Cras Stofé, c'esst'à Vèznau. Boulette de Nivelles : bètchéye, boulète de fromage au lait écrémé, affiné 15j. Boulète de Bruxelles : fromage fort, affiné pendant 45j. Jean-Claude Vanvarembergh, (fromagerie du Ry Ternel) nous précise que la bètchéye et le cras stofé sont fabriqués à partir de lait écrémé. Fromage de tête, tête pressée, grougne. Avez mindji dèl grougne : à quelqu'un qui tire la tête, qui boude.

froment, froumint, fromint, n.m. In tchamp d' froumint. Mèchner du froumint. Quantité de froment donnée à moudre : moûnéye, ou mon.néye, n.f.

fronce, fronche, n.f. Fé dès fronches à in ridau.

froncement, fronch'mint, n.m. In fronch'mint d' sourci.

froncer, fronchi. Fronchi 's front. Fronchi in tissu.

fronde, fronde, catapule, catapulpe, n.f. Lès gamins djeûwe volti avu ène catapule.

front, front, n.m. Il a in grand front, c'est pask'il esst'intèlijant. Audace : il a co l' front dè m'pârler. I s'a fét ène poke à 's front. Ès' mézo n'est ni à front d' ruwe.

frontière, frontière, n.f. Èm' coumarâde Eric dè-meûre in France, djusse après 'l frontière, lé Beaumont.

fronton, fronton, n.m. Au Coléje Sinte-Gèrtrûde, on djeûwoût al bale au mur', sul fronton dèl tchapèle.

frottage, frotâdje, n.m. Il est toudi à sès frotâdjes de manse, pou yèsse èl fifi du mésse.

frottement, frotemint, frot'mint, n.m. Lès vîs, on lès intind arriver, rî qu'au frot'mint d' leûs pantoufes sul plantchi.

frotter, froter. Froter 'l tablau nwêr. Froter sès solés sul payasson. Froter 'l manse.

frotteur, euse, froteû, se, n.m.f. Yves, ç-astoût èl pus grand froteû d' manse dèl classe, toudi à blagui avu 'l mésse. Dèsfacer in tablau nwêr avu 'l froteû in feûte.

frottoir, frotwêr, n.m. Outil recouvert de peau de requin pour la finition des sabots.

froucheleir, e, fricoteur, froucheleû, se, n.m.f.

froucheler, fricoter, frouchèler. I frouchèle avu 'l fîye du bouchi. Emprunt au flam. froechelen.

froufrou, froufou, n.m. Èle inme bî lès cotes à froufrous.

froussard, e, chîtau, te, pèteû d' pwès, pèteûse dè pwès. adj. et n.

frousse, pèpète, chite, vèsse (rare), n.f. Lès feumes ont souvint 'l pèpète pa-d'vant lès arègnes.

fructifier, fructifyi. Fé fructifyi sès liârds.

fructueusement, fructuweûsemint, fructuweûs'mint, adv.

fructueux, se, fructuweû, se, adj. In plaç'mint fruc-tuweû.

fruit, frû, n.m. Ès' n-anéye-ci, nos n'avons ni yeû branmin d' frûs su lès pumis. Nos avons yeû branmin d' tchèyotes : fruits tombés avant maturité.

frusquin, fruskin, n.m. Is ont fé fayite yè on a vindu leû mézo avu tout leu sint-fruskin.

frustrer, frustrer, kèter, (è)rlètchi. I m' a djeûwé chin-ke ligne yè dji m'ai sintu kèté.

fuchsia, flucsia, n.m. Ène tchèmîse couleûr flucsia.

fuir, couru voye ou vwèye, pèter voye ou vwèye, spiter voye ou vwèye, s' incouri, prinde ès' cu à pougnéye, foute èl camp. Spiter vwèye come in voleûr. Aussi : pèter à moules, surtout employé chez les miliciens.

fuite, mettre en, fé pèter voye. Fuite d'eau : ène fwite d'eûye. Cachi après dès rustines pou rfé 'l fwite du vélo.

fuiter, présenter une fuite, ne pas être étanche, fwiter, pûji. Èl bouya (tuyau) fwite. Mès solés pûje.

fumage, fumâdje, n.m. Èl fumâdje d'in djambon.

fumée, fumière, n.f. I n'a pon d' fumière sins feu. Èl fumière soûrte pal tchèminéye. Lancer de petits jets de fumée, funkyi. L'èstûve funkèye.

fumer, fumer. Fumer ène cigarète. Fumer dès pîds.

fumeur, euse, fumeû, se, n.m.f. Lès fumeûs, c'est 'ne pèsse : is sinte mauvé, is tape leûs cus d' cigarète pa t'avau, is infunke lès autes, is tousse à fé rmonter leûs bouyas, bêke ! In fumeû qui alume ès' prèmière cigarète, i vos fét dès îs come s'i tchiroût in brin trop lonmin rastènu.

fumier, fi, fumi (rare), n.m. Du fumi d' tchèvau, c'est bon pou lès djârdins. Spârde fi. Min.ner fi. Note : dans ces deux dernières expressions, on entend aussi : spârde èl fi et min.ner 'l fi. Dins lès cinses, ça sint 'l fi, c'est normal. Rv. Faute dè fi, on mârne.

fumoir, fumwêr, n.m. Dins lès cabarèts yè lès rèstaurants, sacans ont in cwin fumwêr pou lès cis qui sont sclâves dè leû cigarète. Èl pètit Bèrt avoût in fumwêr à viande.

fumure, fumur', n.f. Mète d'èl fumur' su lès tchamps pou lès incrachi.

funèbre, funébe, adj. In cortéje funébe. La famille conduit le convoi funèbre : èl famiye min.ne èl deuy'. Messe d'enterrement, mèsse dè moûrt.

fur et à mesure, fét-à-fét, mur', fét-à-mzur'.

furet, furèt, n.m.

furetage, furtâdje, (è)rnachâdje, fouch'nâdje, ran-chnâdje, n.m.

fureter, furter, foûchner, ranchner, (è)rnachi, foûgni. I furète dins lès tchambes.

fureteur, furteû, se, (è)rnachau, te, ranch'neû, se, foûch'neû, se, fougneû, se, n.m.f.

furie, furiye, n.f. I s'a marié avu 'ne furiye, tant pîre pour li.

furieux, euse, furieû, se, dèsmonté, ye, adj. et n. I stoût furieû après 's tchi.

furoncle, clô, n.m. Lès clôs, i couminche al racène d'in pwèy', faute au stafilocoke doré.

fusain, fuzin, n.m. Dèssiner au fuzin.

fuseau, fuja, n.m. Lès fujas oréres.

fusée, fuzéye, chîlante, n.f. Lès chîlantes d'in feû d'artifice.

fuselage, fuz'lâdje, n.m. Èl fuz'lâdje d' in n-aviyon.

fusible, fuzib' fuzîbe, plomb, n.m. Lès fuzîbes ont sauté.

fusil, fuzik, n.m. Satchi au fuzik pou fé pèter vwèye lès pidjons. Rv. C'est 'l kèrtche d' èm' fuzik ! : c'est la femme que je désire !

fusiller, fuziyi. Èle l'a fuziyi d'in rgârd.

fusion, fusion, n.f. Èl fusion dès comunes, ç-astoût èl prèmi janvié 1977. On a passé dè 2358 à 596 comunes.

fusionnement, fusionement, fusion'mint, n.m.

fusionner, fusioner.

fustiger, (èr)zwèper. Il a sti zwèpé dins lès gazètes. V. néerl., zwepen, fouetter.

fût, manche, fût d'un outil, fi, n.m. Rv. Toûrner à fi d' croche : dépérir.

fût, tonneau, fût, n.m. Dèmander ène bière au fût.

futé, e, futé, ye, aviné, ye, adj. Ène pètite gamine dèdjà futéye.

futile, qui n-d'in vaut ni lès pin.nes. Discuter politike, souvint, ça n-d'in vaut ni lès pin.nes.

futilité, bèrzouyâdje, cafouyâdje, pètcha, vèsse mau toûrnéye, babûze. I n' faut ni s' énèrver pou 'ne vèsse mau toûrnéye. Pârler d' pètchas, c'est pièrde ès' timps.

futur, e, futûr, n.m. Counichiz 'l futûr, vous ? Èl prézint èyè 'l futûr.