Dictionnaire - lettre N

n, èn'. S'emploie pour éviter un hiatus : in n-èfant, in n-èlèfant, in n-amoûreû, in n-uch, in n-osti, in n-ome.

nabot, nambot, bout d' chike, boutchike, brokion, crèkion, n.m.

nacelle, nacèle, n.f. Èl nacèle du balon a aroki 'l cloki d' l'èglîje.

nacre, nake, n.m. Du nake. Dès boutons d' tchèmîse in nake.

naevus, tatche dè vin, ène tatche dè néssance.

nage, nâdje, n.f. Trèvièrsi 'l canâl al nâdje. Yèsse in nâdje dè tchaud, yèsse frèche dè tchaud.

nageoire, nadjwêre, n.f. Si 'l cowélacante est no n-ancète, nos bras yè nos djambes astine dès nadjwêres ?

nager, nadji. Aprinde à nadji come in pèchon. Nager la brasse : nadji al rin.ne (grenouille). Nadji come in tchi. Nadji intrè deûs iaus. Plais., i nâdje come in cayau.

nageur, euse, nadjeû, se, n.m.f.

naguère, anawére, ènawére, in.nawêre.

naïf, ve, nayif, e, djan, adj. Ène grande nayife. Il est foûrt djan. Yèsse dèl bone anéye.

nain, e, nin, nin.ne, adj. et n.

naissance, néssance, n.f. Yun d' mès tayons avoût roubliyi dè déclârer èl néssance d'in gamin. Quand ç-gamin-là a volu 's marier, i stoût inconu al comune dè Brin.ne-Chatau. Au moumint d' èm' néssance, dj'astoûs èl pus djoûne bèbé d' Bèljike. Dji dwès vos spliki ?

naître, vèni, vni, vènu, vnu au monde, passer 's tièsse al bowète (plais.).

naïvement, nayivemint, nayiv'mint, adv.

naïveté, nayiveté, nayiv'té, n.f. Èl nayiv'té dès èfants fét du bî.

Namur, Nameûr. Vîfe Nameûr po tot, èl toubak èyè 'l satcho. I pârèt qu'à Nameûr, lès lum'çons avance pus râde que lès Namurwès.

nankin, toile de coton jaune clair, nankin, n.m.

nansouk, toile de coton d'aspect soyeux, nanzouk, n.m. Dès draps d' nanzouk.

nantir, nanti. On cache toudi à nanti sès èfants dèvant d' mori.

nantissement, nantissemint, nantis'mint, n.m.

naphtaline, naftaline, n.f. On mèt dèl naftaline dins lès armwêres à lokes pou fé s'indaler lès mites.

naphte, nafe, n.m. On acatoût du nafe pou rnètyi les tatches su lès lokes.

Napoléon, Napolèyon. Plais. : Lampe-au-Nèyon.

nappe, nape, n.f. Lès diminces, on mèt ène bèle nape sul tâbe.

napperon, napron, n.m. In napron in dintèle.

narcisse, nârcisse, n.m. Narcisse des bois, jonquille, tchambouréye ou godèt (rare).

nareux, euse, sujet à la nausée, regardant quant à l'aspect et à la qualité de la nourriture, nâreû, se, adj. et n.m.f. Il est râde dèsgousté, c'èsst'in nâreû.

narguer, agrigni. Agrigni lès djins pou lès fé inmarvoyi.

narine, narène, n.f., trô d' nez.

narquois, e, narcwè, se, adj. Prinde in n-ér narcwè, in n-ér pou s' foute.

narquoisement, narcwèsemint, narcwèz'mint, adv.

naseau, trô d' nez.

nasière, muz'lon, n.m.

nasillard, e, nasilleur, euse, personne qui parle du nez, gnouk-gnouk, gnouf-gnouf, n.m.f.

nasiller, pârler dins 's nez, gnoufter. Èle pârle dins 's nez, èle gnouftéye.

natation natacion, n.f. Chûre dès lèçons d' natacion. In bassin d' natacion.

natif, ve, natif, e, adj. Dji sus né natif dè Yite. Èle est natife dè Nivèle.

nation, nâcion, n.f. À Brusèle, on rinconte dès djins dè toutes lès nâcions.

national, e, nacionâl, e, adj. et n. L'èkipe nacionâle dè fout'bal.

nationalisation, nacionalisâcion, n.f.

nationaliser, nacionaliser. On avoût nacionalisé lès tch'mins d' fièr.

nationaliste, nacionalisse, adj. et n. Lé lès Flamins, on compte branmin d' nacionalisses.

nationalité, nacionalité, n.f. Sacans Bèljes ont dmandé èl nacionalité dè Monaco. On s' dèmande poukè.

nattage, natâdje, n.m.

natte de cheveux, trèsse, n.f. Fé dès trèsses à 'ne gamine.

naturalisation, naturalisâcion, n.f. Dèmander èl naturalisâcion francèsse.

naturaliser, naturaliser. Sacans djeûweûs d' fout'bal s'ont fé naturaliser.

nature, natur', n.f. Avwêr ène bone natur'. Raguider lès biatés dèl natur'. Payi in natur'.

naturel, le, naturél, e, adj. et n. Ène moûrt naturéle. Rîre, c'est 's naturél. Un enfant naturel : in èfant d'aye, in n-èfant sul costé.

naturellement, naturélemint, naturèl'mint, adv. Ça a vnu naturél'mint. Naturél'mint, il est co toudi in rtârd ! Aussi : come dè djusse. Come dè djusse, il a toûrné au bon moumint.

naturiste, naturisse, adj. et n. Daler su lès plajes naturisses dè Bredene au mwès d' djulète, ça va, mins au mwès d' janvié, vos riskiz d'indjèler vo… tèrmomète !?.

naufrage, naufrâdje, n.m. Cint z-ans après, on pârle co du naufrâdje du Titanic.

naufragé, e, naufradji, djéye, adj. et n. Robinson Cruzowé est 'l pus counu dès naufradjis.

nausée, nauséye, n.f., invîye dè vômi. Quand 'l batia bèrlondje, dj' ai dès nauséyes.

navet, navia, n.m., djoute, mélange de navets et feuilles de navets pour nourriture des animaux, n.f. Doner dèl djoute à mindji à lès bièsses. Ène soupe dè navias. Rv. Avwêr in visâdje come in navia pèlé deûs coûs. Quand 'l pourcha est cras, lès navias sont sûrs. Plais., pour une montre de gousset : in navia. Kéle eûre qu'il est à vo navia ?

navette, navète de tisserand, (è)spoule, n.f. Fé 'l navète pou daler travayi.

navette, variété de navet, navète, n.f. Dèl navète d'iviêr. On done dès grin.nes dè navète à mindji à les pouyes.

navetteur, euse, navèteû, se, n.m.f. Lès navèteûs d' Yite monte dins 'l train à Nivèle, à Tubisse, à In.nuyères, à Hal.

navigable, navigâbe, adj. Èl Sènète astoût navigâbe.

navigateur, trice, navigateûr, trice, n.m.f. Nowé èsst'in navigateûr bi counu.

naviguer, navigui. Navigui al mér du Nord, c'est tîkfwè riski.

navire, batia, n.m. V. bateau.

ne, n', èn', nè. I nè 'l dîra ni ou i n'èl dîra ni. Dji n' vûs ni d' ça ! Dji n' vwès pus ri. I n' d'a pus nu ou pupon. Lès cèrîjes nè sont ni co meûres.

né, e, né, ye, vnu au monde. Èle n'avoût ni co vnu au monde in 1940. In n-èfant moûrt-né. Originaire de… : in né natif dè… ou ène néye natife dè…

néanmoins, maugré ça. Maugré ça, il a rèyussi sès èxamins.

néant, nèyant, n.m. Pièrdu dins 'l nèyant.

nécessaire, nècèssére, adj. et n. Fé 'l nècèssére. Il n'est pas nécessaire de…, i n'a ni dandji dè…Avoir le nécessaire : avwêr èl nècèssére ou avwêr çoû qu'il a dandji.

nécessairement, nècèsséremint, adv.

nécessité, nècèssité, n.f. Il a volé pa nècèssité.

nécromancie, science occulte effrayante. Loup-garou : in ûlô ou ulau. Chien errant traînant sa chaîne : èl tchi à tchin.ne. Poule noire emportée de nuit à un croisement de chemins pour qu'elle indique la direction vers un trésor caché : ène nwêre pouye.

nécromancien, ne, grimancyin, ciène, n.m.f.

nef, nèf', n.f. Dîre sès priyères dins 'l grande nèf'.

néfaste, mauvé, je, adj. Ène mauvéje maladîye.

nèfle, nèsse, n.f. Dèvant d'mindji dès nèsses, i faut d'aboûrd qu'i djèle.

néflier, nèsli, nèfli, nèssi, nèspèli, spèli (tchieûû, quand i n' d'a pus, i d'a co !), n.m. Pour un bâton, en bois de néflier, dont se servent les marchands de bestiaux : in spèli.

négatif, ive, négatif, e, adj. et n. Il est toudi négatif, ké pèssimisse ! In négatif dè foto. Yèsse in négatif al banke.

négativement, négativemint, négatîv'mint, adv.

négligé, en, in néglidji pour une dame, in pur' pour un homme.

négligeable, nèglijâbe, adj. Ène kantité nèglijâbe.

négligemment, nèglijamint, adv.

négligence, nèglijance, n.f.

négligent, e, néglijant, e, adj. et n.

négliger, nègliji. I nèglîje ès' travay'.

négociable, négociâbe, adj. Çoû qu' dj'ai drwèt n'est ni négociâbe.

négociateur, trice, négociateur, trice, n.m.f.

négociation, négociâcion, n.f. Lès négociâcions pou monter in gouvèrnèmint ont duré trop lonmin.

négocier, négoçyi. Négoçyi dès prix.

nègre, négrèsse, négue, négrèsse, adj. et n. I s'a marié avu ène négrèsse. Travayi come in négue.

neige, nîve, nédje, n.f. I tchét dèl nîve. Yèsse blanc come nédje. Congère : in banc d' nîve. Rv. Dèl nîve su lès brieus, dèl djèléye avant trwès djoûs. Dèl nédje su lès prés, strin à l' èsté.

neiger, nédji, tchér dèl nîve. I nédje ! Plais., il neige : sniyoût' !, v. néerl., het sneeuwt.

neigeux, se, èl timps èsst'al nîve. I vut tchér dèl nîve. I va come pou tchér dèl nîve.

néné, nènè, n.m., tète, n.f. Dès bias ptits nènès qui stritche.

néon nèyon, n.m. Dès lampes au nèyon.

nerf, nêr, nèrf' (rare) n.m. Fé ène crîse dè nêrs. Vos m' tapez su mès nêrs. Avwêr du nèrf'. Plais., arètez d'énèrver mès nêrs !

nerveusement, nèrveûsemint, nèrveûz'mint, adv. Min.ner nèrveûz'mint.

nerveux, se, nèrveû, se, adj. Ène feume nèrveûse. Plais., il èsst'aussi nèrveû qu'in lum'çon dins 'l pape, à l'adresse d'une personne indolente. Rv. Il paraît nerveux : vos dîrîz ène machine à bate !

nervosité, nèrvôsité, n.f. On sintoût qu'il avoût dèl nèrvôsité dins l'ér.

nervure, nèrvur', n.f.

Nestor, Tor, Totor.

Nestorine, Torine. Inviè 1970, on daloût bwêre in bouc à Torine du Marou. Note : le « bouc » était une bière spéciale – de Munich ?- accompagnée d'une petite figurine en plastique représentant un bouc. Problèm' : on cache à savwêr si Torine ça vît dè Nestorine, ou bî d' Victorine ?

V. site Torine du Marou.

net, te, nèt', nète, adj. In bènèfice nèt'. D'avwêr èl kieûr nèt'. C'est clèr èt nèt' come buzète ! Je lui ai dit tout net : djè li z-ai sièrvi tout nèt', platèzak, sètch èt nèt'.

nettement, nètemint, nèt'mint, adv. Il a sti nèt'mint batu.

nettoyage, (è)rnètiyâdje, (è)rnètiâdje, nèrtiyâdje, nètiyâdje, n.m. In coû par an on fét èl grand rnètiyâdje.

nettoyer, (è)rnètiyi, (è)rnètyi, nèrtiyi, nètiyi. Èm' feume èrnètîye èl mézo. Il a tout perdu au jeu : il a sti rnètyi. Procéder au nettoyage hebdomadaire : fé 's sèm'di.

nettoyeur, euse, (è)rnètieû, se, n.m.f. Lès rnètieûs ont mis deûs djoûs pou vûdi ène mézo dèl rûwe Plantchète !

nettoyure, (è)rnètiur', (è)rnètiyur', nètiyur', n.f.

neuf, 9, neuf, nèf, adj. num. Èl neuf décimbe, c'est 'l fièsse dès Léyocadîye.

neuf, neuve, nieu, nieufe, adj. Mète dès nieus solés. Acater ène nieufe mézo.

neurasthénie, état dépressif, neûrasténîye, n.f.

neurasthénique, dépressif, neûrasténike, adj.

neutralité, neûtralité, n.f. In 1940, lès Almans n'ont ni rèspècté èl neûtralité dèl Bèljike.

neutre, neûte, adj. et n. In jûche dwèt toudi dmeurer neûte.

neuvaine, neuvin.ne, nèvin.ne, n.f. Fé ène nèvin.ne al Sinte Vièrje. Ène neuvin.ne dè djoûs. Aussi pour une personne généralement abstinente mais qui s'alcoolise parfois fortement pendant plusieurs jours de suite : il est dins 's neuvin.ne.

neuvième, neuvième, adj. et n. Èl neuvième art c'est lès lîfes dè Tintin, Spirou, Obélix, yè tous lès autes.

neuvièmement, neuvièm'mint, adv. Quand vos arivrez à neuvièm'mint, vos srez putète au d'bout d'ène litanîye.

neveu, nièce, nèveû, nèveûse, n.m.f. Dj'ai deûs nèveûs : Vincent qui vind dès bèrlikes à Rixensau, yè Gaetan qui vind dès ostis yè dès machines pou 'l djârdin à Rèbècq, al Jènète. Dj'ai kate nèveûse : Martine, Laurence, Johanne yè Bénédicte.

névralgie, évraljîye, n.f. Avwêr dès évraljîyes.

névrite, névrite, n.f.

nez, nez, n.m. Avwêr in cron nez. Avwêr in nez come ène patake, come in stoufichoût. Pour un nez retroussé : avwêr in nez qu'i pieut d' dins. Grazner dins 's nez ou plais., fé dès pilur'. I n' vwèt ni pus lon qu'èl dèbout d'ès' nez. Avwêr in nez à rpiki dès pôrias : long. Pour un nez épaté : in nez come in crapau achis ou come dès pîds d' èstûve. Il ment : il a 'l dèbout d'ès' nez qui rcrole. Stitchi 's nez ayusk' i n' faut ni. I fét d'ès' nez : il se vante, il montre de l'arrogance. Il a 's nez qui rcrole : il ment.

ni, ni, ni pus ni mwins'. Ça n' va ni. Ça n'a ni cu ni tièsse. Ça n' mè fét ni tchaud ni frwèd.

niable, niyâbe, adj.

niais, e, beubeu, bièsse, bauyau, te, adj. A l'adresse d'un niais : c'esst'ène bièsse dins dès lokes. V. bête.

niche, niche, potèle, garène (rare), n.f. Nos tchi est dins 's niche. On a stitchi in sint Antwène dins 'l potèle au dzeûr dè l'uch.

nichée, nitéye, n.f. On n'vwèt pupon d' nitéyes d'arondes.

nicher, nichi. Èl mièrlau a nichi dins l'aye.

nichet, œuf en bois, en plastique, ou en plâtre, censé encourager la ponte : niyau, niyô, n.m.

nicheur, euse, nicheû, se, adj. et n.m. In mouchon nicheû.

nichoir, nichète, n.f. On a mis ène nichète pou lès mazintches.

nichon, nènè, tète, n.f. Mori stoufi intrè lès tètes d'ène feume, ça pût arriver ?

nickel, nikèl, n.m.

nickelage, niklâdje, n.m.

nickeler, nickler. I d'a qu'ont minme leûs pîds niklés.

nic-nac, nic-nac, n.m. Rv. I n'a ni tous sès nic-nac dins 'l mimne saclot : il est dérangé du cerveau.

Nicolas, Colas. Fé Sint-Nicolas. Rv. Aussi sètch qu'èl cu sint Nicolas ! Explication : à force de rester assis sur son âne, saint Nicolas en aurait le fessier tout desséché, boucané.

nicotine, nicotine, licotine, n.f.

nid, nid, n.m. P'tit z-à p'tit, lès mouchons font leûs nids. À chake mouchon, ès' nid chène bia.

nièce, nèveûse, n.f. Dj'ai kate nèveûses : Bénédicte, Martine, Laurence, Johanne.

nielle, plante, baron, èrin, n.m.

nielle, maladie de l'épi, èl maladîye dès nwêrès pautes.

nier, niyi. On n' pût ni niyi qu' vos rchènez à vo pére. Inutîle dè niyi, on vos a vu.

nigaud, e, beubeu, baudèt d' fosse, via, bièsse dè grègne. In grand via. Baudèt d' fosse : par allusion aux ânes qui tiraient les wagonnets dans les mines. Note : on lit parfois « baudet de Fosses ». Les habitants de cette ville seraient-ils têtus ou… ?

Nimy, Limi. Ralumer 's Limi : pipe en terre cuite fabriquée à Nimy.

nippe, foufe, bizouye, n.f. Djè li z-ai doné toutes mès foufes.

nipper, niper. Niper lès èfants qui crèche, ça cousse tchér.

nique, v. nargue.

nitouche, n.f. C'est tîkfwè lès sintes nitouches qui sont lès pus animéyes su l'ârtike.

nitrate, nitrate, n.m. Bâton de nitrate d'argent utilisé pour soigner les aphtes, verrues, etc. : ène pière infèrnâle. Lès eûyes dè soûrce sonsst' impwè-zonéyes au nitrate.

niveau, nivau, nivô, n.m. Mète lès brikes dè nivau. Prinde lès nivaus.

niveler, niv'ler. Dèvant d' bati, on a niv'lé 'l tèrin.

niveleur, euse, niv'leû, se, n.m.f.

nivellement, nivèlemint, nivèl'mint, niv'lâdje, n.m.

Nivelles, Nivèle.

Nivellois, e, Nivèlwè, se. Lès Nivèlwès(es), c'est dès Aclot(e)s. Le surnom « aclot » a inspiré beaucoup d'interrogations sur son origine. Il semblerait qu'il s'agit d'une forme de Jean-Jean synonyme de « Hakelot » provenant du francique « Hanke » et du germanique « Han », variante de Jean.

noble, nôbe, adj. et n. C'est ni paskè vos avez in no à ralondjes què du coû vos astez nôbe.

noblement, nôblèmint, adv.

noblesse, nôblèsse, n.f. Plais. : èl nôblèsse du culot, en parlant des habitants d'une impasse.

noce, noce, n.f., bankèt, n.m. Partir en voyage de noces : daler in toûr dè noces. Faire la noce : pèter ène guinse.

noceur, euse, noceû, se, n.m.f.

Noël, Nowé. A Nowé, on mindje dès cougnous. Rv. Vèrt Nowé, blanchès Pâkes. Mouchètes à Nowé, glaçons à Pâkes.

Noël, le, prénom, Nowé, Nowèl, e.

nœud, neûd, n.m. èstritche, n.f. Ké neûd ! : quelle embrouille ! Menace ironique à un enfant : dji vas fé in neûd à vo goyi. Rv. Vlà 'l neûd disst'i 'l soyeû : nous approchons du noeud de l' affaire. Soyi in neûd : ronfler bruyamment.

noir, e, nwêr, e, adj. et n. Yèsse nwêr come du tchèrbon, come in coûrbau. I fét nwêr. Il fait nuit noire : i fét nwêr nût'. Dès nwêrs tchèveûs. Dès nwêrès guèrzèles : cassis. Avwêr dès nwêrès idéyes. Il y en a à foison : i d'a tout nwêr. Travayi au nwêr. Rv. C'est toudi èl cî qui travaye au nwêr qui tréte èl boulindji d' voleûr. Rv. Pour une personne qui se sort de tous les mauvais pas, qui tire avantage de toutes les situations : i fét nwêr ayusk'i s' pièrd !

noirâtre, nwèrâte, adj. Èl cièl est nwèrâte, i va fé d' l'orâdje.

noiraud, e, nwèroû, nwèrète, adj. et n. Pour une dame aux cheveux bruns : ène nwèrète.

noirceur, nwêrceûr, n.f. Èl nwêrceûr dès nût' d' ivièr.

noircir, nwêrci. Rv. On n'est jamé nwêrci qu' pa in nwêr pot.

noircissement, nwêrcich'mint, nwêrcichâdje, n.m.

noircissure, nwêrcichur', n.f.

noise, nwèse, n.f. Cachi nwèse. Pour une personne qui cherche noise : in cache-misère, in cherche-misère.

noisetier, nwèj'ti, nwèsti, nwèjèti, n.m. Lès spirieus monte dins lès nwèj'tis. Chaton de noisetier : bèrbuzète,n.f., bèdot, n.m.

noisette, nojète, n.f. Croki dès nojètes. Mète ène nojète dè bûre dins 'l payèle. Coud' dès nojètes. Rv. C'esst'ène anéye dè bastârds, il a branmin d' nojètes. Rv. Il na pas su tirer parti de sa fortune : il avoût dès nojètes mins il a lèyi tchér sès dints dèvant d' lès croki. Rv. Lès feumes, c'est come lès nojètes : c'esst'al chizième qu'on sint seûl'mint 'l goût. Rv. Les choses sont mal partagées : c'est toudi à lès cîs qui n'ont pus d' dints qu'on done dès nojètes à croki.

noix, gaye, n.f. Croki dès gayes. Brou de noix : (è)scafiot d' gaye. Ça n' vaut ni 'ne gaye. Rv. Cela m'est bien égal : pour mi, c'est dès gayes. Répondre au hasard : taper à gayes. Réussir du premier coup : abate toutes lès gayes d'in coûp d' baston. On donne souvent des noix à croquer à ceux qui n'ont plus de dents : on done souvint dès gayes à croki à lès cîs qui n'ont pus d' dints. Une noix de coco : ène nwè d' coco. Une noix de serrure : ène nojète dè sèrur'.

nom, no, n.m. C'est coumint vo no d' famîye ? Pour le prénom : pètit no. Arètez d' doner vo no à lès autes : à l'adresse de quelqu'un qui vous traite de tous les noms. Jurons : nom d'ène pupe, nom dè dieus, nom dès diâles, nom d'in cu, nom dèzo, nom dè nom, nom dè djous'. Autres jurons, v. dieu et diable.

nombre, nombe, n.m. In grand nombe dè djins, ène masse dè djins, ène contrèmasse dè djins. Bon nombre de, branmin dè. Il y en a un grand nombre : i d'a come dès pèkes (cenelles). On entend aussi : i d'a à pékes.

nombreux, euse, nombreû, se, adj. Lès famîyes nombreûses. Plais., lès fameûses nombrils.

nombril, boutroule, boudine, n.f. I s' prind pou 'l boutroule du monde. Pour une hernie ombilicale : ène boudine dèskeûdûwe, dèsfaufiléye. Rv. Il est mal luné : il a roubliyi d' raguider 's boudine.

nomination, nominâcion, n.f. Branmin dès cîs qui boute al comune vourine avwêr leû nominâcion pou du bon.

nominette, nominète, n.f. Ès' mame a keûdu ène nominète su sès afêres

nommer, nomer. Il a sti nomé champète.

non, non. Ça sra waye ou bî non. Moi non plus : mi néri ou nèri ou nâri. Certes non ! : non-fét, non-na !

nonantaine, nonantin.ne, n.f. Il avoût bî ène nonantin.ne dè djins à mèsse.

nonante, nonante. Avwêr nonante ans, ène nonantin.ne d'anéyes.

nonantième, nonantième.

nonce, nonce, n.m. Èl nonce du Pâpe.

nonchalamment, fâd'mint, adv.

nonchalant, e, fâde, doûrmârd, e, adj. Rv. I n'a ni sti piki pa in lièfe !

nonne, bèguine, n.f. Rv. Ça rime yè ça rame come dès bèguines au cu du tram !

nonnette, nonète, bèguine, n.f.

noquette, nokète, n.f. Mète ène nokète dè bûre dins 'l payèle.

nord, nord, n.m. Pièrde èl nord. L'èstâcion du Nord. Èl vint èsst'au nord.

normal, e, normal, e, adj. I n'est ni normal, èm' n-ome ! Arthur Masson a sti directeûr à l'Èscole Normale dè Nivèle. Rv. Tout est normal, comme d'habitude, rien de neuf : c'est toudi 'l vî djeu. Fé 'l plin d'èssence normale.

normalement, normalemint, normal'mint, adv. Normal'mint, dji vas mori avant 'm feume.

normalien, ne, normalisse, n.m.f.

Norvège, Norvéje. Daler in condji in Norvéje.

nos, nos, adj. poss. Nos èfants, nos parints.

nostalgie, mau du payi. Alfred Decoster dizoût toudi : dèvant d' daler in condji avu vo n'-auto, i faut gonfler vos pneus ène miyète pus foûrt ! Dinsi quand vos srez in n-Espagne yè qu'vos ârez èl mau du payi, vos n'avez qu'à d'in dèsgonfler yun pou sinte l'ér dè Yite !

notable, notâbe, adj. et n. Lès notâbes du vilâdje, c'est 'l mayeûr, èl notère, lès mèd'cins, èl farmacyin, èl farmaciène, les djins dès chataus, èl curé, lès mésses d'èscole, lès cîs qu'ont 'ne masse dè liârds, lès omes qu'ont ène bèle coumére, ène Porsche, ène Ferrari, yè… vous, bî seûr !

notablement, notâblèmint, adv. Èle s'a marié avu li maugré qu'i stoût notâblèmint pus vî qu' léye, mins què volez, quand 'l feu est d'dins !

notaire, notére, n.m.f. Daler au notére. Rv. Yèsse pansu come in notére. Rv. Il a placé sès liârds au notére goyi : il a tout dépensé en boissons. Plais., i vaut mèyeû notére què d' mau pârler !

Liste des notaires successifs à Ittre (source Marie-Hélène Mignon - Gillis) :

Mathieu Joseph : ? – 1860

Delaloy Gustave : 1860 – 1885

Gillis Jean : août 1885 – novembre 1919

Gillis Eugène : novembre 1919 – mars 1956

Gillis Paul : mars 1956 – août 1988

Mignon Jean-Paul : août 1988 – avril 2020

Van Molle Matthieu : avril 2020 -

notamment, notamint, adv.

note, note, n.f. Avwêr dès bonès notes. Prinde note. Payi 'l note. Jouer quelques notes : skèter sacans notes.

noter, noter. Noter ène sakè su in papi. Noter ène saki à in n-èxamin. N.B. pour Notez Bî.

notice, notice, n.f. Dèvant d' prinde in médicamint, lijiz 'l notice come i faut.

notification, notificâcion, n.f.

notifier, notifyi. On li z-a notifyi qu'i stoût à l'uch dès Foûrdjes.

notion, nocion, n.f. I n'a ni 'l nocion du temps. Dj'ai dès nocions d' flamind.

notoire, notwêre, adj. Il est notwêre què lès omes ont bi du mau à comprinde lès feumes.

notoirement, notwêremint, notwêr'mint, adv.

notre, no, no n-, devant voyelle. No n-uch est drouvièrte. No tchi n'agne ni. Aussi dans : nos avons couri tout no pus râde. Nos avons criyi dè tout no pus foûrt. Nos avons sti dè tout no pus lon.

nôtre, le, èl no, èl note, èl nôle. A costé d' vos mézo, c'est 'l note. Vos vatches yè lès nôles.

Notre-Dame, Notrè-Dame. Fé sès pâtèrs à Notrè-Dame d'Ite. Rv. On fét sès provisions d' bûre intrè deûs Notrè-Dame : Notrè-Dame d'Ite èl 15 d'awous', yè Notrè-Dame dè Hal èl 8 sètimbe.

Notre-Dame-au-Bois, Notrè-Dame au Bo, cha-pelle située Rue Latour à Braqine-le-Château. A l'époque, lors du Carême, on y célébrait une messe par semaine pour protéger la gestation des juments présentes (source P. Lisart).

noue de toiture, nôwe, n.f.

noué, e, neuwé, e, adj. In n-èfant neûwé, rachitike.

nouer, neuwer. Neuwer ène chabrake. Neuwer in combia.

nouet, linge dans lequel on noue une matière à faire bouillir ou infuser, du bleu pour lessive par exemple, ène sucète dè bleû.

noueux, euse, à neûds. In baston à neûds.

nougat, nougat, n.m. I s'a skèté in dint in mindjant du nougat.

nouille, nouye, nounouye, adj. et n. L'ârt nouye. Mindji dès nouyes. Coumint ç-qu'on pût yèsse nouye dinsi, hon !? Aussi pour une personne délicate, lente d'esprit, sans dynamisme, peureuse, planplan : ké nounouye !

nounouche, niaise, neuneu, nounouche, adj. et n.

nourrice, noûrice, n.f. Il a sti alvé pa 'ne noûrice.

nourricier, ère, noûricheû, se, adj. Djozef astoût èl père noûricheû du p'tit Jézu.

nourrir, noûri. Noûri in n-èfant al tète. Noûri lès bièsses. Un parvenu : in cu rnoûri. Suralimenter : fournoûri.

nourrissage, noûrichâdje, n.m. Èl noûrichâdje dès vatches.

nourrissant, e, noûrichant, e, adj. Mindji ène sakè d' noûrichant.

nourrisson, jeune porc non sevré, noûrson, n.m.

nourriture, nouritur', n.f. Sièrvi dèl bone nouritur'. Donner de la nourriture à heures fixes : à-eûrer. Lès bièsses sonsst' à-eûréyes. Rv. In baudèt qui fét à 's moûde, c'est 'l mitan d'ès' nouritur' !

nous, nous, nos. Nos stons contints d' vos vîr. Vènez avu nous ? C'esst'à nous à pârler. Nous-minmes. Nous autes-minmes. Note : en forme interrogative de l'indic. prés. et du fut.simple, le nos disparait et devient ne en fin de verbe : nous y allons : dalone ? Avone ? A la forme imp. : dèspétchone-nous ! Buvone râm'mint ! Mindjone-lè tout d' chûte. Nous deux : nous autes deûs. Toi et moi, irons ensemble : nos dirons à deûs.

nouveau, nouvia, nieu, adj. et n. On a acaté in nouvia vélo. Yèsse nouvia dins 'l mèsti. Rv. In nouvia ramon, ça ramoune toudi bi ! : on verra à l'usage… ! I n'a rî d'nouvia al cinse ? Rî d' nieu au vilâdje ?

nouveau-né, nouvia-né, n.m.

nouveauté, nouviaté, n.f., ène sakè d' nieu. I d'a qui pèstèle après lès nouviatés. Toutes lès nouviatés sont dins lès gazètes.

nouvel, le, nouvèl, e, adj. Au Nouvèl An, on va souwéti èl bone anéye à toute èl famîye. C'est 'l nouvèle lune qui lume pau nût'. Mindji dès nouvèlès patakes. On a vu dès nouvias djins.

nouvel-an, nouvèl-an, n.m. Il a yeû ène bone dringuèye pou 's nouvèl-an.

nouvelle, nouvèle, n.f. Ratinde dès nouvèles d'ène saki. Pon d' nouvèle, bone nouvèle. Fausse nouvelle, fake news : ène pèsse. Rv. Lès mauvéjes nouvèles, on lès aprind toudi trop râde. Ké nouvèle ? Répl. : lès pus nouvèles, c'est lès dèrnièrès cûtes. Pour une nouvelle étonnante, scandaleuse : dji d'ai apris ène cruwéle ou ène léde. Rv. Quand on a dès nouvèles, c'est souvint pou brére.

nouvellement, nouvèlemint, nouvèl'mint, adv. Is sont nouvèl'mint arivés dins 'l vilâdje yè is font d'djà d' leû rinkinkin.

novembre, novembe, novimbe, n.m. In novembe, lès vints s' mète dèdjà à soufèler.

novice, novice, kèfrèche, adj. et n. Yèsse novice dins 'l mèsti. In kèfrèche qui manke d' èspéryince. Note : kèfrèche, qui est mouillé comme un bébé à la naissance.

noyau, noya, nwèyau, n.m. pièrète, n.f. In noya d' prone. Ène pièrète dè cèrîje. Un noyau de résistants : in nwèyau d' rèsistants. Un noyau, composant de fonderie : ène kèkète.

noyautage, nwèyautâdje, n.m.

noyauter, nwèyauter.

noyauteur, nwèyauteû, se, n.m.f. Augusse astoût nwèyauteû al fondrîye.

noyé, noyi, noyéye, nouyi, nouyéye, adj. et n. Philippe a rpèchi in nouyi lé l'èclûje dè Yite. Nos stons nouyis d'ouvrâdje.

noyer, verbe, noyi, nouyi. Noyi dès djoûnes dè tcha. I s'a nouyi dins 's bingnwêre. « Dji noye ! » exclamation d'un individu ayant beaucoup bu et pressé de se soulager.

noyer, arbre, gayi, n.m. Rv. In gayi, pou l' fé doner, i li faut dèl trike : il faut le gauler pour détruire les vieilles pousses et favoriser ainsi les nouvelles, plus productives. Èl gayi dwèt intinde èl cot'mâr boûre : il faut planter un noyer près de la maison, non loin de la fosse d'aisance dont le contenu servira d'engrais. In meûbe in gayi.

nu, nu, we, adj. et n. Yèsse tout nu come in vièr. Mète ès' kieûr à nu. A pieds nus : à pîds dèscaus. Avoir les fesses nues : yèsse à cu tout nu.

nuage, nuwâdje, n.m. Lès nuwâdjes dèskinde dè Vèznau inviè Yite yè Waut'-Ite. Yèsse dins lès nuwâdjes. Un petit nuage chargé de pluie : in tacha.

nuageux, euse, nuwadjeû, se, adj. Èl mètèyo a anonci qu'èl cièl astoût nuwadjeû à S'raing. Pon d' tchance pou nos-autes : dwéci i pieut dèspu trwès djoûs.

nuance, nuwance, n.f. Pârler sins nuwances. Il a toutes soûrtes dè nuwances dè couleûrs.

nubile (fille), bone à marier.

nudité, plais., miséres. Bobone, muchiz vos miséres, sivoplét !

nue, nuage, nuwe, nuwéye, n.f. Yèsse dins lès nuwes. Tchér dès nuwes. On l'a poûrté dins lès nuwes.

nuée, nuwéye, n.f. I va tchér ène fameûse nuwéye. Ène nuwéye dè guèrjas. Ène nuwéye dè sprowons s'a involé du bo.

nuire, fé du toûrt. Èl brû m' fét du toûrt.

nuisible, nuizib',nuizîb', adj. et n. Dès bièsses nuizib', i n' d'a ni tant qu'ça. Vîfe, c'est nuizîb', paskè tous lès djoûs vos vos raprochiz d' vo cèrkeuy'.

nuit, nût', n.f. In- ivièr, i fét nût' foûrt timpe. Dèl nût' lès tchas s' pourmène volti. Passer ène bone nût'. Rv. Pour une personne débrouillarde, rusée : i fét nût' ayusk'i s'pièrd. Jusque très tard dans la nuit : djusk'au trô du cu dèl nûte. À la nuit tombante : al breune. Daler pourmèner par nût'.

nuitée, nût', nûtéye, n.f. Passer deûs nûtéyes à l' ôtèl.

nul, le, nu, nul, e, adj. et n. Il n'y a nul mal à ça : i n'a nu mau à ça. Nul d'entre nous : pon d' nous-autes.

nullement, nulemint, nul'mint, adv. I n'est nul'mint kèstion qu' c'est mi qui pay'roût à vo place.

nunuche, nounouye, adj. et n.

numéro, numérô, n.m. In numérô d' tèlèfone. Satchi in bon numérô. Le plus bas numéro du tirage au sort pour la conscription : èl bidèt. Note : ce numéro dispensait du service militaire. Pour un personnage original drôle, espiègle : in fameû numérô.

numérotage, numérôtâdje, n.m. Èl numérôtâdje dès biyèts.

numéroter, numérôter. Vos povez bi numérôter vos ochas !

nuque, anète, nanète, n.f. Apicer ène saki pa 's nanète.

nuton, pèpère, n.m. Lès pèpères s' muche dins lès bos yè dins lès cavèrnes.