Dictionnaire - lettre G

gabardine, gabardine, n.f., plais., waterproute, n.m.

gabarit, gabari, n.m. Mète in chassis au gabari.

gabelou, gablou (péj.).

Gabriel, Gabriyèl.

Gabrielle, Gaby. Gaby Hiernaux s'avoût marié avu Charles Grégoire.

gâchage, du mortier, cloutâdje (rare). Action de travailler malproprement, gadrouyâdje.

gâche, truelle de maçon, cloûte, n.f.

gâcher du mortier, cloûter du moûrti. Gâcher l'ouvrage : gachi, achpoter, gadrouyi, potchi 'l bèzogne.

gâcheur de mortier, cloûteu, gadrouyeû, n.m.

gâchis, saleté, bèrdache, bèrdach'riye, n.f., bèrdachâdje, n.m.

gaffe, gafe, n.f. I n'arète ni d' fé dès gafes.

gaffer, fé 'ne gafe.

gaffeur, euse, gafeû, se, n.m.f. Gaston, c'est 'l champion dès gafeûs.

gaga, gaga, adj. et n. Devenir gaga : èrtchér in n-enfance, avwêr in ramolich'mint du cèrvau.

gage, gâdje, n.m. Donner in gâdje au cî qu'a pièrdu 's pari. Payi lès gâdjes dèl mèskène. Mettre en gage : mète au clô.

gager, gadji. Mète dès bijous in gâdje. Parier : gadji. Volez gadji què d' vas vo bate au whis'.

gageur, euse, gadjeû, se, n.m.f.

gageure, gadjur', n.f. Aprinde èl flamin à lès Walons, ké gadjur' !

gagnant, e, guignant, e, gangnant, e, adj. et n. Quand on djeûwe à cârtes, il a toudi dès guingnants yè dès pièrdants. C'est drole : on counwèt dès mauvés pièrdants, mins ni dès mauvés guingnants.

gagne, guingnâdje, gangnâdje, n.m. C'est 'l vérdi qu'i touche ès' guingnâdje.

gagne-pain, guingne-pain, gangne-pain, n.m. Au pus souvint, c'est l'ome, èl guingne-pain dèl mézo, mins ça candje.

gagne-petit, guingne-pètit, gangne-pètit, n.m.f. Sins diplome, vos dèv'nez souvint in guingne-pètit.

gagner, guingni, gangni. Gangni 's vîye. Guingni al lotrîye. Guingni du temps. Rv. Pour une personne qui gagne bien sa vie : avu çoû qu'i gangne, i pût bî ruwer 'l cu. Rv. Tout ç-qu'i faut fé pou gangni sès crousses !

gagneur, euse, gangneû, se, guingneû, se, n.m.f.

gai, e, guéye, adj. Il est toudi guéye. Dès coumarâdes foûrt guéyes. I fét guéy' daler à leû mézo. Rv. in gros guéye : un grincheux (plais.).

gaiement, guéy'mint, adv. Alone guéy'mint al du-casse, d'aboûrd !

gaieté, guéy'té, n.f.

gaillard, e, gayârd, e, adj., et n. Il est co gayârd pou 's n-âdje. In fameû gayârd. Ène tchanson gayârde. Aussi, in castâr, in pèrke, in pwèy', in yane.

gaillardise, gayârdîse, n.f. Raconter dès gayârdîses.

gaille, noix, gaye, n.f. Taper au hasard, taper à pouf : taper à gayes.

gaillette, morceau de charbon, gayète, n.f. Taper dès gayètes dins l'èstûve. Gaillette en chocolat : gayète, friandise peut-être inventée par Gilbert Blancke (1937-1987), originaire de Ittre, dont l'atelier (incendié en 2002) était situé sentier Muraes, à Braine-le-Château. Cette truffe enrobée de grains de chocolat, et en forme de gaillette, est actuellement produite à Hen-nuyères depuis 2003.

gain, gain, gâgne, gangne, n.m. In comèrce, pièrte yè gâgne, ça vike inchène. 1500.00 eûros par mwès, c'est 's gangne. Il a yeû gain d' cause.

gaine, guin.ne, n f. Dins 'l temps, lès feumes mètine dès corsèts, après ç-astoût dès guin.nes, asteûr, dès string', dèmain, …dès confètis, putète ?

gala, gala, n.m. Daler passer 'l swèréye à in gala.

galant, e, galant, e, adj., et n.m. Yèsse in galante compagniye. Michèle d'a yeû dès galants, savè ! Bran-min pus qu' Jean-Marie n'a yeû d' coumères. Aussi : galant pour désigner une toile d'araignée.

galanterie, galantriye, n.f. Pou sédwîre lès feumes, i faut moustrer dèl galantriye.

galantine, galantine, n.m. Mindji dèl galantine dè poulèt.

gale, gale, rogne, n.f. Avwêr èl gale. Avwêr èl rogne : en parlant des animaux. Rv. Hé, dji n'ai ni 'l gale savè !: à l'adresse de quelqu'un qui refuse de trop s'approcher de vous. Avwêr èl gale à lès dints : avoir faim.

galène, galin.ne, n.f. In posse à galin.ne. On troufe dès galin.nes à Skimpont au long du vî canâl.

galéjade, couyonâde, fauve, n.f. I n' faut ni crwêre sès couyonâdes, savè !

galère, galère, n.f. Daler à Brusèle in n-auto, ké galère !

galerie, gal'riye, n.f. Fé dès grimaces pou 'l gal'riye. Galerie de mine : taye, n.f. Galerie profonde de taupe : route, n.f. Galerie superficielle de taupe : routi, trô d' têre, n.m. Galerie de monastère : alwè ou alwêr, n.m. Galeries de cloître : cwètes, incwètes.

galérien galéryin, n.m. Bouter come in galéryin.

galet de silex, boukia, n.m.

galette, galète, n.f. Quand 'ne fiye a sès prèmières régues, on fét dès galètes. Rv. Pour le petit livre très mince, que l'on donne aux derniers de la classe : il a yeû 'ne galète, il est mauvais élève. Petite galette mince, à la cannelle : mastèle, n.f. Lès mèyeûses mastèles, c'est lès ciènes dè Hal. A Ath, on fét dèl târte à mastèles in radjoutant dès amandes yè dès macarons. Note : selon les régions, la définition de galette varie : à Ittre, en général, une galette est de pâte légère et dure, d'une épaisseur de plus ou moins 2 mm avec un relief très fin quadrillé sur chacune des faces. Pour les cuire, on utilise un fer à galettes. Rv. Pou vo crinme à la glace, in cornèt, ou bî ène galète ?

galeux, se, galeû, se, rogneû, se (pour les animaux), adj. Rv. Èl cî qui s' sint rogneû, n'a qu'à s' grater : celui qui se sent fautif finit par se trahir.

galfâtre, goinfre, galfate (rare), boufon, e, n.m.f. I mindje come kate, in vré galfate, in vré boufon !

galimafrée, mets peu appétissant, pôtâdje, n.m., cabouléye, n.f. Ène cabouléye parèye, c'est djusse bon pou lès pourchas. In potâdje dinsi, mi dji n' mindje ni ça !

galimatias, rabat d' gayes. C'est ni ça in discours, c'est du rabat d' gayes : ça n'a ni queue ni tête.

galoche, chaussure à semelle de bois, galoche, n.f. Lès djins qu'ont dès galoches, on les intind ariver : leûs pîds clape. Avwêr in minton in galoche.

galon, galon, n.m. Il a pris du galon : asteûr, il èsst' adjudant-chèf. Rv. Quand on prind du galon, on n' sét ni trop d'in prinde : il faut garder des ambitions. Galon pour tissu : lace, n.f.

galonner, mète in galon.

galop, galop, n.m. Lès tchèvaus sont vwèye au galop.

galopade, galopâde, n.m. On intind lès galopâdes dès èfants dins lès coulwêrs.

galoper, galoper. Èl cî qui s'èrlèfe trop târd, i dwèt souvint galoper pou ariver à l'eûre à 's n-ouvrâdje. In galopant : manège de chevaux de bois.

galopin, galopin, n.m. Ès' galopin-là, i n'a ni in bon plan !

galurin, galurin, n.m. Il a l'ér gaye avu 's vî galurin.

galvanisation, galvanisâdje, n.m.

galvaniser, galvaniser. Galvaniser ène troupe dè saudârts.

galvaudage, galvaudâdje, n.m. Èl galvaudâdje dès eûyes va couster tchèr.

galvauder, galvauder. Galvauder sès liârds al ducasse. Galvauder sès tchances.

galvaudeur, euse, galvaudeû, se, n.m.f. In galvaudeû, parèy' i mor'ra tout nu (ruiné).

gamande, fruit d'un gamandier, variété de châtaignier, baron sauvâdje.

gamelle, gamèle, n.f. Daler al gamèle. Un militaire de carrière : in mindjeû d' gamèle, ène gamèle.

gamin, e, gamin, e, ou gamène, n.m.f. Ène bèle pètite gamène. Ène pètite arsouye dè gamine. Èl gamin èrchène tout 's pére.

gaminerie, gaminerîye, n.f. Arètez vos gaminerîyes, sivoplét.

gamme, game, n.f. Fé sès games su in piyanô.

ganglion, glande, gangliyon, n.m.

gangrène, gangrène, tangrène, n.f. Faute al gangrène, on li z-a coûpé sès artias.

gangrener, gangrèner. Ès' djambe est toute gan-grènéye.

ganse, lace, n.f.

gant, gant, n.m. Mète dès gants.

ganterie, gantriye, n.f.

gantier, ère, gantier, ère, n.m.f.

garage, garâdje, n.m. Mète ès' n-auto au garâdje. Yèsse su 'ne vwè d' garâdje. Si c'est vo goût lès Citroën dè colècsion, alez à Vèznau lé Freddy Vanhemelen yè sès nèveûs Amand yè Nathan Ducochet.

garagiste, garajisse, n.m.

garant, e, adj. et n. S' poûrter garant. Lès jûches sont garants dè l'aplicâcion dès lwès.

garanti, e, garanti, îye, adj. et n. Vo nouvèle auto est garantîye 2 ans ?

garantir, garanti. Djè vous l' garantis : dèmain, i va pieure.

garce, garce, n.f. Ène franche garce dè coumère.

garçon, gârcon, n.m. In bon gârçon. In gârçon bouchi. L'ome d' èm' fiye, c'est 'm bia-gârçon.

garçonne, gamin falu, n.m.

garçonnière, fille au caractère de garçon, in gamin falu, in gamin manki.

garde, gârde, n.m.f. Èl pètit Louis astoût gârde au tram. Al gârde dè Dieu ! Dès istwêres dè corp dè gârde. Prendre garde : wéti à deûs coûs avant dè… ! Garde-champêtre : champète. Rv. Vous faites grise mine : vos stindez 'ne mawe come à l'intèr'mint d'in champète ! Vivre en concubinage : yèsse marié au champète. Après une bonne réplique : atrapez, champète, c'est du lârd !

garde-barrière : barioteû, se, n.m.f.

garde-boue, gârdè-bouwe, n.m.

garde-champêtre, champète, n.m. Rv. Vivre en concubinage : yèsse marié au champète. V. liste en fin d'ouvrage.

garde-chasse, gârdè-chasse, n.m.f.

garde-convoi, gârde, n.m.f.

garde-fou, gârdè-fou, n.m. C'est ni pask'i boute à Sint-Bèrnârd qu'il est gârdè-fou ! Note : en référence à l'Institut St-Bernard de Manage pour soins psychiatriques.

garde-malade, gârde-malâde, n.m.f.

garde-manche, manchète, n.f.

garde-manger, gârde-mindji. On mètoût lès gârde-mindji al câve.

garder, gârder, tèni, wéti. Gârder lès èfants à scole. Tèni in sècrèt. Tèni sès distances. In rwè gârdé. Wétiz-vous ! Wétiz d' ni avwêr frwèd.

garde-robe, gârdè-rôbe, n.f. Lès casakes yè lès rôbes sont pindus dins 'l gârdè-rôbe.

garde-salle, gârdè-sale, n.m.f. Jules astoût gârdè-sale al gâre dè Vèznau.

garde-voie, gârdè-vwè, n.m.f.

gardien, ne, gardyin, diène, n.m.f. Lès gardyins dèl prîjon d' Yite sont co in gréve !

gardon à nageoires rouges, roche, roussète, marote, n.f. Pèchi dès roussètes.

gare, gâre, èstâcion, n.f. On pèrdoût 'l train à l' èstâcion d' Vèznau yè 35 minutes après on stoût à Brusèle-Midi.

gare à vous !, gâre, heup !, yop !

garer, gârer, ès' gârer. Aprinde à gârer 's n-auto in marche arrière.

gargariser, se, ès' gargariser. I d'a qui gargarîse avu dèl tintur' d'iyod'. Ès' gargariser d' vantîses.

gargarisme, gargarime, n.m. Daler ké in gargarime à l'apotikêre.

gargouille, gârgouye, n.f. Chériye, vos stez bèle come ène gârgouye ! Répl. Yè vous, vos stez bia come in camion à z-oûrdur' ! Là-t'tè !

gargouillement, gârgouy'mint, gârgouyâdje, n.m. On intind dès gârgouy'mints dins 'm vinte, tél'mint qu' dj'ai faim.

gargouiller, gârgouyi. L'eûye gârgouye dins 'l gou-tière.

garnement, gârnèmint, galopia, n.m. Ène arsouye dè gârnèmint.

garni, e, gârni, ye, adj. et n. Ène tâbe bî gârniye. Leûwer in gârni.

garnir, gârni. Gârni 'l sapin pou 'l Nowé.

garnison, gârnison, n.f. Quand dj'astoûs saudârt, dj'ai sti in gârnison trwès mwès à Lombardzijde yè dousse mwès al citadèle dè Nameûr.

garnissage, garnissâdje, garnichâdje, n.m. Èl garnichâdje d'in gatau au chôcolat.

garnisseur, euse, gârnisseû, se, gârnicheû, se, n.m.f. In gârnisseû d' meûbes.

garniture, gârnitur', n.m. Pou 'l gârnitur' dèl tchèminéye, is ont mis deûs postur'. Plais. Il a ène pére dè gârnitur' : il est cocu, il est garni de cornes.

garouage, action de vadrouiller, garouyâdje, n.m., Tous lès swêrs, no marou esst'in garouyâdje.

garrot, garot, n.m. Aprinde à fé in garot.

garrotage, garotâdje, n.m. Dji d'in counwès qui f'rine bî in garotâdje au goyi d' leû bèle-mére.

garroter, garoter.

gaspillage, gaspiyâdje, brichaudâdje, bruchaudâdje, garcinâdje, n.m. Quand c'esst'avu lès liârds dès autes, on vwèt branmin d' brichaudâdjes.

gaspiller, gaspiyi, brichauder, bruchauder, garciner, dilapider. Il a brichaudé tout 's n-éritâdje. Gaspiller son avoir : mindji 's blanc avant 's nwêr ou mindji 's vèrt avant 's sètch.

gaspilleur, euse, gaspiyeû, se, brichaudeû, se, bruchaudeû, se, garcineû, se, n.m.f. Ène famiye dè brichaudeûs.

Gaston, Ton. Ton Winckel astoût coureû d' moto-cross.

gastrite, gastrike, n.f. Faute à 'ne gastrike, i n' mindje pus.

gâté, e, gâté, ye, adj. In n-èfant trop gâté, c'esst'in poûri-gâté. Dès patakes gâtéyes.

gâté, câlin, gâté, n.m. Vènez 'm chériye, vènez fé in gâté avu vo grand-pére.

gâteau, gatau, n.m. In gatau d'anivèrsére.

gâte-ménage, gâteû, se, d' min.nâdje.

gâte-métier, gâteû d' mèsti, bradeû d' mèsti. n.m.

gâter, gâter. Gâter sès tchances. Èl timps va s' gâter après-din.ner.

gâteur, euse, gâteû, se, n.m.f. In gâteû d'èfants.

gâteux, se, gâteû, se, adj. et n. In vî gâteû qui s' pièrd. Èle a nonante-chinke ans mins èle n'est ni co gâteûse.

gauche, gauche, adj. et n. Is sont mariés dèl gauche main : ils vivent en concubinage. Prinde à gauche. Parler flamand : pârler al gauche main. Rv. Tourner gauche : pour une affaire qui va mal tourner. Ça, ça va tourner gauche.

gauchement, gauchemint, gauch'mint, adv. Ravanci gauch'mint sul trotwêr.

gaucher, ère, gauchi, gauchéye, gauchél, e, gauchiyèl, e, adj. et n.m.f. C'esst'ène famiye dè gauchiyèls.

gaucherie, gaucheriye, n.f.

gauchir, gauchi, (è)rcroler. Èl plantchi rcrole.

gauchissage, gauchissâdje, èrcrolâdje, n.m.

gauchissement, gauchissemint, gauchis'mint, n.m.

gaudriole, cruwéle, pèrlôte, n.f. I raconte toudi dès pèrlôtes.

gaufrage, gaufrâdje, n.m. Èl gaufrâdje du papi.

gaufre, gaufe, waufe, n.f. Mindji dès gaufes au suke.

gaufrer, gaufrer. In tissu gaufré.

gaufrette, gaufrète, n.f. Lès gaufrètes sont pus p'tites, yè ène miyète mwins spèsses, què lès gaufes.

gaufrier, fièr à gaufes, fièr à galètes.

gauler, taper à gaye, abate dès gayes avu 'ne pièrtche pou lès fé tchér.

gaulois, e, gaulwè, se, adj. et n.m.f. Nos ratayons lès Gaulwès.

gauloiserie, gaulwèseriye, cruwéle, n.f.

gaupe, trouye, n.f. Èle est toudi crapéye, yoûrde, èle sint mwé, ké trouye !

gauperie, trouy'riye, n.f.

gausse, blague, farce, plaisanterie, crake, n.f. Raconter des crakes.

gausseur, euse, crakeû, se, n.m.f.

gavage, gavâdje, apowâdje, rimpèzâdje, n.m. I d'a qui voûrine intèrdîre èl gavâdje dès z-wès.

gaver, apower, rimpèzer. Sul compte dès autres, branmin s' rimpèsse.

gavotte, danse, gavote, n.f. Danser ène gavote.

gayole, cage, goal, amigo, gayole, n.f. Lès jandarmes l'ont rinséré dins 'l gayole.

gaz, gâz, n.m. Lachi dès gâz. Tchér su in bèc dè gâz. Il a dè l'iau dins 'l gâz. Roûler volè gâz.

gaze, gâze, n.f. Ène comprèsse dè gâze.

gazelle, gazèle, n.f. Pa, in mâle dè gazèle, c'est 'l gazète ?

gazetier, gazèti, gaz'ti, fèzeû d' gazètes, n.m.

gazette, gazète, n.f. Ès' feume-là, c'est 'l gazète du vilâdje : pour une dame qui rapporte tous les potins du village. Lès pinsionés ont tout leû temps pou lîre èl gazète.

gazeux, se, gâzeû, se, adj. Bwêre dè l'eûye gâzeûse.

gazogène, gazojin.ne, n.m. Dèl guêre sacans autos yè camions rouline au gazojin.ne.

gazomètre, gazomète, n.m. Hé, pa !, c'est vré qu'on vind du gaz au mète ?

gazon, gazon, n.m. Lès fouyons ont rtoûrné tout 'm gazon. Sales rosses dè bièsses ! Si dji d'atrape yone, dji vas l'intèrer vivante !

gazouillement, gazouy'mint, gazouyâdje, n.m. Timpe au matin, dji droufe èl fèrnièsse pou intinde lès gazouyâdjes dès mouchons dins lès ârbes.

gazouiller, gazouyi. Èl marmot gazouye dins 's bèrce.

geai, djirau, n.m. Rv. Skitau come in djirau. Note : cet oiseau a la réputation de fienter très souvent.

géant, e, jèyant, e, djèyant, e, adj., et n. À Nivèles, lès jèyants c'est l'Argayon, l'Argayone, yè Lolô leu gamin.

Gédéon, Dèyon, Jèdè.

geignard, e, plindeû, se, plindau, te, adj. Rv. I fét mèyeû à l'uch d' in plindeû qu' al ciène d' in vanteû.

geindre, pîler, tchawer, s' plind, cloussi (rare). Lès p'tits pouyons pîle.

gélatine, jèlatine, n.f.

gelée, djèléye, n.f. Fé dèl djèléye dè guèrzèles. Au matin, il avoût du rèle su lès autos : gelée blanche. Rv. Dèl nédje su lès brous (boue), dèl djèléye avant trwès djoûs.

geler, djèler. I djèle. I djèl'ra dèmain. I djèle à tchan-dèles. L'eûye esst' indjèléye.

Gembloux, Djiblou. Daler acater dès coutias à Djiblou. Daler in pèlèrinâdje au bon Dieu d' Djiblou.

gémir, djumi. Rv. I djumit come ène vatche mau tuwéye.

gémissement, djumich'mint, djumichâdje (rare), n.m.

gênant, e, jin.nant, e, adj. Ène situwâcion jin.nante. Pour une personne indésirable : in meûbe jin.nant.

Genappe, Gnape. Dins 'l temps, lès cinsis min.nine leûs bètrâles al sucrèriye dè Gnape. Gentilé plaisant : les ch'napans. Rv. À Gnape, on mindje tout, minme èl nape !

gencive, djincîve, n.f. Avwêr mau sès djincîves.

gendarme, jandarme, n.m. Asteûr, on n' pârle pus dès jandarmes, on pârle dèl police. Rv. Il est grand, foûrt, èt bièsse, tout pou fé in jandarme ! Pour un hareng saur : in jandarme. Paire de verres à goutte : dès jandarmes. Plais., ès' feume, c'esst'in jandarme : elle est dominante.

gendarmerie, jandarmèriye, n.f. À Yite, èl jan-darmèriye astoût d' aboûrd al ruwe dès Moulins, yè après, al ruwe Waute.

gendre, bia-gârçon, n.m. Intrè lès bèles-méres yè lès bias-gârçons, ça va souvint mèyeû qu'avu lès bèles-fiyes.

gêne, jin.ne, djin.ne, n.f. Dj'ai ène djin.ne à 'm djènou. In sans jin.ne. Rv. Ayusk' il a dèl djin.ne, i n' a pon d' plézi.

gêné, jin.né, ye, djin.né, ye, adj. Yèsse jin.né dins 'ne tchèmîse trop strwète. Rv. In jin.né, c'esst'in bossu ! Répl. Yè 'l cî qui l' dit, c'èsst'in toûrdu. Var. Yè 'l cî qui n' sét pus tchîr, i l' est co d' pus.

gêner, jin.ner, djin.ner. I n' faut ni vos jin.ner ! Vos m' jin.nez à pârler d' ça !

général, e, jènèral, e, adj. et n. Yèsse prèmi au class'mint jènèral. In jènèral, dji vwès pus volti lès blondes. Lès jènèrals dè l'arméye.

généralement, jènèralemint, jènèral'mint, adv.

généraliser, jènèraliser. I n' faut ni tout jènèraliser.

généralité, jènèralité, n.f. Si c'est pou pârler dè jènèralités, austant n' rî dîre.

génération, jènèrâcion, n.f. No jènèrâcion esst' à l'ouvrâdje à impwèzoner 'l planète.

généreusement, (d)jènèreûs'mint, adv. Il a jènèreûs'mint doné 5 euros al colèke.

généreux, se, (d)jènèreû, se, adj. Fuchiz djènèreû avu lès poûves.

générosité, jènèrôsité, n.f. Fé preûve dè jènèrôsité, ça fét plézi au Bon Dieu.

genêt, djènièsse, gnèsse, d'gnèsse, guènèsti, n.m. À Rèbècq, sul Tchausséye dè Mons, il a in n-amia qui s'apèle èl Djènièsse (la Genette) putète paskè ç'astoût in cwin à djènièsses.

gêneur, (d)jin.neû, se, n.m.f. Après l'acsidint, il avoût ène masse dè jin.neûs au mitan du pavé.

Genette, La, v. genêt.

génie, jèniye, n.m. Avwêr du jèniye. Daler saudârt au Jèniye.

genièvre, jènéfe, j'néfe, pèkè, schnik, jèjè, n.m. De quelqu'un qui consomme beaucoup de genièvre : il a sti spani au jènéfe.

genisse, djènisse, n.f. Dès bèlès djènisses.

genou, djènou, d'gnou, n.m. Avwêr mau sès d'gnous. Tchér à d'gnou. Rv. Si on li done èl pîd, i pèrdra râde èl djènou. Rv. Pour une personne dont les genoux se cognent en marchant : i tape à d'gnous. Chériye, dji sus à vos pids, dji sus à vos djènous, mins dji n' sus ni prèsse à daler pus waut paskè dj'ai peû dès èrègnes ! Bèrlafe, yè èrbèrlafe !

genouillère, djènoulière, n.f. Pou daler dèsmarier lès carotes, dji mèts dès djènoulières.

genre, genre, janre, n.m. Min.ner grand genre. Fé du genre. Vouloir faire du genre : voulwêr pèter waut.

gens, personne, djin, n.m.f. Qui est-ce ? : c'est qui 's djin-là ? Il a 'ne masse dè djins al ducasse. S'intégrer dans un cercle de personnes : s' mète à djins. Rv. Sans vouloir comparer les humains et les animaux : sans rmète bièsses à djins. I faut toutes soûrtes dè djins pou fé in monde. I faut prinde èl temps come il est, yè lès djins come is sont. I faut lèyi dîre lès djins, yè abayi lès tchis. I faut toudi grater lès djins ayusk'is ont scau. Je ne fréquente que du beau monde : dji n' mèts ni suwer 'm buwéye su lès p'titès ayes. Les gens d'ici : lès djins dè dci ou lès djins d' pâr-ci.

gentil, le, djinti, ye, adj. In n-ome djinti. Ène djintiye feume. Çoû qu'est pètit est djinti, çou qu'est grand est charmant !

gentillesse, djintiyèsse, n.f.

gentiment, djintimint, adv. Çà dira mèyeû si vos l' dèmandez djintimint.

Genval, Djènevau, Djèn'vau.

géographie, jèyografiye, n.f. Aprinde èl jèyografîye.

geôle, gayole, n.m., amigo, n.m.

geôlier, jolié, n.m.

géomètre, jèyomète, n.m.f. Aprinde pou fé jèyomète.

géométrie, jèyométrîye, n.f. Mèzurer èl jèyométrîye d' ène auto.

Georges, Jorche, Djo.

gérance, jèrance, n.f.

géranium, jèraniom', jèraliom', jènèraliom', n.m. Èrpiki dès jèraniom' au mwès d' mai.

gérant, e, jèrant, e, n.m.f. Claudine astoût jèrante d'in Centra.

gerbe, jèrbe, n.f. Mète ène jèrbe dès fleûrs au pîd d'in monument.

gerber, mettre en gerbes, djârber. Après qu'on l'a fauki, on djârbe èl froumint.

gerbier, mafe, n.m. Èl mafe est rimpli d' djârbes. Petit mur séparant les mafes : suwîle.

gercer, imbîji. Sès dwèts sonsst'imbîjis.

gerçure, gèrçur', crèvur', n.f.

gérer, jèrer. Jèrer ène intrèprîje.

germain, e, djèrmain, djèrmin.ne, adj. Lès cousins djèrmains, c'est lès propes cousins.

germe, gèrme, djârnon, n.m. Lès gèrmes d'èl gripe. Lès djârnons d'in clô (furoncle), d'ène patake.

Rv. A un enfant qui boit de l'alcool : vos dalez brûler vo djârnon !

germer, djârner. Lès patakes djârne.

Gertrude, Djèdru. Rv. Al Sinte-Djèdru (17 mars), on tchaufe ès' cu.

gésier, djézi, malète, satch, n.m. Quand vos vûdi ène pouye pluméye, satchiz su 's malète.

gesse, pwès d' sinteûr.

geste, jèsse, djèsse, n.m. Fé dès djèsses pa-d'vant ène saki.

gesticulateur, trice, jèsticuleû, se, adj. L'avocat astoût souvint jèsticuleû au Tribunâl.

gesticuler, jèsticuler. Quand i n' troufe pus sès mots, i jèsticule.

gestion, jèssion, n.f. Èl jèssion d'ène foûrtune.

gestionnaire, jèssionére, n.m.f. In jèssionére dè foûrtune.

gibecière, carnassière, n.f. Lès cacheûs mète èl jibié moûrt dins leû carnassière.

gibet, djibèt, n.m. Monter au djibèt.

gibier, jibié, n.m. Dins lès tchamps, on vwèt dè mwins' in mwins' d' jibié.

giboulée, via d' mârs.

gibus, jibus', bûze, n.m.

gicler, brotchi, (è)spiter, (è)spritchi. Èl fouyon a brotchi woûr d'in mutiène.

gicleur, jicleûr, n.m. Candji 'l jicleûr du carburateûr pou daler pus râde.

gifle, bafe, bèrlafe, clatche, èstèrloupe, lètche, mastèle, pètéye, târte, târtine, tchoufe, n.f.

gigot, djigot, n.m. Mindji in djigot d' bèdot.

gigoter, djigoter, scarpèyer. Ès' n-èfant-là, quand vos l' pèrdez à bras, i djigote dirèk pou dèskinde.

gilet, djilèt, n.m. In djilèt d' lin.ne. Gilet de tricot en laine : in tricoté.

gille, djîle, n.m. À Vèznau, is ont ène troupe dè djîles.

Gilly, Djili. À Djili, lès boûrgnes n'ont qu' in î, yè les cus-d'jate jamé frwèd leûs pîds.

gingembre, djindjembe, n.m. Ène sauce au djindjembe.

girofle, djènofe, djirofe, n.m. Acater dès clôs d' djirofe pou calmer lès maus d' dints.

giroflée, djirofléye, n.f. Giroflée des murailles : mûrè, n.m. Giroflée quarantaine, carantin, n.m.

giroflier, jènofe, djènofe, n.m.

giron, (è)scoû, n.m. Prinde in n-èfant su 's n-èscoû. Contenu du tablier à giron : ène èscoûrcéye.

girouette, djirouwète, n.f., clipotia (rare), n.m. À Yite, quand 'l djirouwète dè l'èglîje raguid' l' Estaminet, c'est qu'il a swè. Note : l'Estaminet se trouvant à l'ouest de l'église, le coq regarde la pluie arriver de cette direction. I candje toudi d'avis, ène vréye djirouwète.

gisement, jis'mint, n.m.

gîte du lièvre, fourme, n.f.

givre, gelée blanche : rèle, n.m. In n-ivièr, au ma-tin, i faut souvint grater 'l rèle qu'est su l'auto.

Glabais, Glabès. Èm' coumarâde Fabrice Schils dèmeûre à Glabès.

glaçage, glaçâdje, n.m. Èl glaçâdje d'in gatau.

glace, glace, n.f. S'raguider dins 'ne glace. Mindji ène crinme à la glace. Fèrer in tch'fau à glace : lui mettre des fers spéciaux pour l'hiver.

glacé, glacé, ye, adj. et n. Pou dèssèrt, on a acaté dès glacés au boulindji. Avwêr sès pîds glacés ou avwêr sès pîds come dès mouzons d' tchi.

glacer, glacer. Èl frwèd a glacé mès dwèts.

glacerie, glas'rîye, n.f.

glaceur, glaceû, n.m.

glacière, glacière, n.f. À Baudémont, il a co 'ne glacière qu'in ivièr on mètoût d'dins 'l glace dè l' ètang. Dinsi in èsté, on avoût co dèl glace.

glaçon, glaçon, n.m. Mète in glaçon dins du vin, ké crime !

glaïeul, glayeul, n.m. Planter dès ougnons d' glayeul.

glaire, glére, n.m. Rinde dès gléres.

glaireux, euse, glériant, e, adj.

glaise, glése, n.f. Lès potis sont toudi à l'ouvrâdje à bouter avu dèl glése.

glaive, gléve, n.m.

glanage, mèch'nâdje, n.m. Quand 'l froumint est fauki, 'l mèch'nâdje couminche. Glanage de fruits ou de patates : daler au rabat d' puns, d' gayes, d' patakes.

gland, fruit, gland, n.m. ; anatomique, noya, n.m. ; à franges, floche, flotche, n.m.

glande, glande, n.f.

glaner, mèch'ner. Lès feumes mèchène inchène. Du sicoron mèch'né. Glaner des 2 mains : rauv'ler. Rv. Èl cî qui pârle sème, èl cî qu'ascoute mèchène. Au jeu, quand l'adversaire perd pied : i fét bon mèch'ner, èl solèy' lût.

glaneur, euse, mèch'neû, se, n.m.f. Pour des propos inintéressants : dès contes dè mèch'neû.

glanure, mèchon, n.m. Rv. Belles rogations, belles glanures : bèlès rogâcions, bias mèchons. Glanure avec les 2 mains : rauv'léye, n.f.

glapir, bawer. Dèl nût', sul matin, on intind tîkfwè lès rnauds bawer.

glapissement, bawâdje, n.m. Lès bawâdjes dès rnauds, ça rchène à in p'tit tchi qui abaye.

glas, sonner le glas, soûner à moûrt.

gletter, glèter. Dji glète, rî qu'à raguider 'l mènu.

glissant, e, glichant, e, ridant, e, adj. Yèsse in tèrin glichant. Pau vèrglas, lès trotwêrs sont ridants.

glissement, glich'mint, glichâdje, ridâdje, n.m. In glich'mint d' tèrin. Al fin du ridâdje, l'auto a tapé su in n-ârbe.

glisser, glichi, rider. Il a glichi su 'ne flate, yè il a volé dins l' Ry avu 's vélo. L'èskiyèye a glichi, yè il a tcheut dè trwès mètes waut.

glisseur, euse, glicheû, se, n.m.f. Lès glicheûs sè chuvine sul glich'wêre.

glissière, ridèle, n.f.

glissoire, glich'wêre, glis'wêre n.f. Lès èfants s'amuse à daler al glich'wêre.

global, e, global, e, adj. Fé in compte global.

globalement, globalemint, global'mint, adv. Global'mint, nos avons yeû ène bèle viye.

globe, glob', glôbe, n.m. Èl glob' tèrèsse ou èl boule du monde. Mète ène Sinte Vièrje pa-d'zoû in glôbe.

globule, globule, n.m. Quand on n'a pus assez d' globule roudj', i faut mindji dès spinasses à rlaye.

gloire, glwêre, n.f. Travayi pou 'l glwêre.

gloria, gloria, n.m. Tchanter in Gloria ine excèlsis' Déyo !

gloriette, tonnelle, galatasse, n.f. Bwêre in vêre pa-d'zoû 'l galatasse.

glorieusement, glorieûsemint, glorieûs'mint, adv. Dèl guêre, sacans sont moûrts glorieûs'mint : is sont cras avu ça.

glorieux, euse, glorieû, se, adj. I parèt qu' lès djins d' Tubisse, c'est dès vantârds, dès glorieûs, dès bètchârds yè… dès mauvés payeûs. Asteûr qu'on va constrwîre 700 lodj'mints al place dès Foûrdjes, is vont yèsse co pus vantârds, glorieûs, yè 'l rèsse … !

glorifier, glorifyi. Il a 'l manière pou s' glorifyi d'ès' foûrtune.

gloriole, gloriole, n.f. I cache toudi après 'l gloriole dèspu qu'il a passé al tèlèvision.

glossaire, glossére, n.m.

glouglou, glouglou, n.m. Yè glouglouglou, asteur, il est dès nô-ôles, alez, tchantez !. Dj'intinds dès glouglous dins vo stoumak.

gloussement, cloussemint, clouss'mint, n.m. On intind èl clouss'mint dès pouyes dins 'l pouli.

glousser, gloussi, cloussi. Èl dindon clousse.

glouton, ne, boufon, e, n.m.f. C'est ni ètonant qu'èle pèsse 120 kilos, èle est boufone come tout.

gloutonnement, boufonemint, boufon'mint, adv. Mindji boufon'mint.

gloutonnerie, boufonerîye, n.f. Èl vatche a skruki pa boufonerîye in mindjant dès bètrâles.

glu, glu, n.m. ou f. Atraper dès mouchons avu du glu su dès baguètes. Rv. Il a dèl glu au d'bout d' sès dwèts : c'est un voleur.

gluant, e, glumiant, e, gluwant, e, adj. Au pusk' èl fromâdje est glumiant, au pusk' i dèskind facîl'mint dins vo stoumak. Lès pèchons ont 'ne pia gluwante.

glycérine, glis'rine, n.f. Quand on mét dèl confitur' in pot, on stitche dèl glis'rine au dzeûr, dèvant d' frumer.

gnognote, gnognote, n.f. Acater dèl gnognote, finâl'mint, ça cousse tchér.

gnole, (è)striflète (très rare), n.f.

gnome, pètit pèpère.

go, tout de go, tout d'ène trake., platèzak. Èle li z-a rèspondu tout d'ène trake : « foutez mi 'l camp ! ».

goal, gôl, n.m. Inviè 1970, Yite a doné sès montants d'gôls à prèsti à lès cîs d' Bolozak qui n'ont jamé volu nos lès rinde. Pou s'èrvindji què Notrè-Dame d'Ite n'a jamé volu raler à leû vilâdje ?

gobelet, à boire, goblèt, n.m., à jouer aux dés, godinète, n.f. À lès ducasses, asteûr, on done à bwêre dins dès goblèts qu'on paye 1 eûro, sauf si vos l' rindez quand vos avez fini.

gober, gober. Milo goboût dès yeus. Gober dès prautes.

goberger, se, ès' gôbèrdji. I s' gôbèrdje d'ène masse dè mintes.

gobeur, euse, gobeû, se, n.m.f.

godage, godâdje, n.m. Atincion èl cote va à godâdje.

Godefroid, God'frwèd.

goder, buz'ler. Ène cote qui buzèle.

godferdom, godfèrdom', juron. Emprunt au fam. godverdomme !

godet, godèt, n.m. Mète dèl pintur' dins in godèt.

godiche, n.f. Avwêr trinte ans, yè co d'morer godiche dinsi !, coumint volez qu'èle troufe in n-ome, c'èsst'à brére !

godiller, godiyi.

gogo, gogo, n.m.f.

goguette, goguète, n.f. Yèsse in goguète.

goinfre, goulafe, n.m.f., pansâr, n.m., (è)rlouche-tout, n.m.f.

goinfrer, goulafer, boufer, boufter.

goitre, glwâte, n.m., ène grosse goûrdje.

golf, golf, n.m. Djeûwer au golf, ça cousse tchér.

gommage, gomâdje, n.m.

gomme, gôme, n.f. Mindji dès boules dè gôme. Ène gôme à dèsfacer. Gomme de cerisier ou prunier : brin d'agace.

gond, gond, n.m. L'uch fét du brû, mètez dèl wîle à lès gonds ! Cavité où se loge un gond : ène tracète.

gondolage, gondolâdje, n.m. Èl gondolâdje du papi à tapisser.

gondoler, se, s'èrtaper. Èl poutrèle s'èrtape.

gonflé, e, gonflé, ye, adj. Èm' main est toute gonfléye.

gonflement, gonflèmint, gonflâdje, n.m. Èl gonflâdje d'in balon. Il a in gonflèmint à 's dwèt.

gonfler, gonfler. Ès' boudène gonfèle bî foûrt ; quand ç-qu'èle va s'acouchi ?

gonzesse, gonzèsse, coumére, n.f.

goreau, (français local ?) porte-seau, joug, goria, n.m. Gamin, pèrdez 'l goria, èyè alez ké ène vwèye d' eûye al pompe ! Goreau pour goria est formé sur les exemples de couteau > coutia, poireau > poria, etc.

goret, porc de 10 semaines et 30 kgs, catcho, n.m. Èl trouye alèfe bî sès catchos.

gorge, goûrdje, n.f., goyi, n.m. Avwêr in mau d' goûrdje. Avwêr mau 's goûrdje. Prinde ène saki pal goûrdje, pal goyi, pal gaye. Rv. Je vais t'étrangler : dji vas vos fé in goyi come ène tute ! Dji vas fé in neû avu vo goyi.

gorgée, goûrdjéye, n.f. Buvez ène goûrdjéye à 'm vêre, vos counètrez mès pinséyes !

gorger, se, ès' goûrdji, s'impâfer. I s'a goûrdji d' târte al djote, asteûr, i n' sét pus wote.

gorille, gorile, n.m. Yèsse pwèyu come in gorile.

gosette, gozette, gozète, n.f., clape-inchène, clape-èchène, n.m. Lès mèyeûses gozètes, c'est lès ciènes au ramplumu.

gosier, goyi, n.m., goyète, gozète, gaye, n.f. Prinde ène saki pau goyi. Rv. Pour un soiffard : il a in goyi come ène tchausse. Avoir soif : avwêr in goyi come in craya.

gosse, gosse, djoûne, n.m.f. On a bî du mau pou alver sès djoûnes.

Gosselies, Goch'lies. Spo des Gosseliens : lès Cas'roles. Autrefois, Gosselies possédait une industrie d'émaillage de casseroles réputée et prospère.

gouape, vaurien, garouye, n.f.

gouaper, mener une vie de débauche, garouyi.

gouapeur, euse, personne débauchée, vaurien, garouyeû, se, n.m.f.

goudron, goûdron, godron (rare), n.m. Mète du goûdron su in mur'. Goudron végétal, daguè, n.m.

goudronnage, goûdronâdje, godronâdje (rare), n.m. Èl goûdronâdje d'ène route.

goudronner, goûdroner.

gouffre, goufe, n.m. Lès autos yè lès couméres, c'est dès goufes à yârds.

gouge, goûdje, n.m. Gouge de sabotier : ène viète. Donner des coups de gouge : ingouber.

goujon (technique), gouvion, èscasse (t. de charron), n.m.

goujon (poisson), gouvion, goujon, n.m. Marc a mètu in gouvion à l'auzin pou pèchi 'l brochèt.

goulafe, goinfre, goulafe, n.m.f. Goulafe come il est, faura li fét in lûja su mèzur', yè rinfoûrci.

goulot, goulot, n.m. Bwêre au goulot.

goulûment, goulumint, adv. Mindji goulumint.

goupillage, goupiyâdje, n.m.

goupille, goupiye, n.f. Goupille d'essieu : ène yeusse.

goupiller, goupiyi.

goupillon, aspèrdjèsse, n.m. Èl curé passe avu l'aspèrdjèsse yè i splite tous lès djins. Plais. Èl curé splite lès parwèssyins avu ène brouche à cabinèt.

gourde en fer blanc, flacon, n.m. Daler bouter avu in flacon d' cafè.

gourdin, rauv'lin, crèti, ploton, n.m. Il a tuwé 'l fouyon in tapant d'su avu l' rauv'lin. Poûve bièsse !

gourmand, e, boufon, e, gourmand, e, adj. et n.m.f. Dins 's famiye-là, c'est tous boufons. Èrsaki lès gourmands d'in n-ârbe.

gourmander une personne pour lui faire peur, sèrer ène saki. Rv. Être gourmandé : intinde dès patèrs dè pourcha.

gourmandise, boufonerîye, n.f. I f'roût pèter 's panse pa boufonerîye.

gourme, gourme, n.f. Il a mis lonmin pou taper sès gourmes.

gourmer, donner des coups de poing, boxiner, pocsiner.

gourmet, fin bètch.

gourmette, gourmète, n.f. Finâl'mint, Lucien li z-a rindu 's gourmète, à Mamourète ! Pour un bonnet de femme avec étoffe pendante : ène godiche à gourmètes.

gousse, n.f. Ène cosse dè pwès. Ène cosse d'a.

goût, gout, n.m., goustintche, n.f. Èle n'a ni bon gout. Èle s'a abiyi sins gout. Èl prix fét pièrde èl gout. Ça a in gout d' trop pau. Faire quelque chose à contre-cœur : fé ène sakè conte ès' gout. Èrsaki lès criyaus, c'est ni 'm gout. Donner la saveur : fé 'l fèrlin. C'est 'l sé qui fét 'l fèrlin su lès frites. Rv. Chake ès' gout, disst'èle èl trouye qui mindje in stron ! Rv. Dèl guêre, i d'a branmin qui sont moûrts conte leû gout. Rv. Lorsque'une personne (re)trouve l'envie de (re)goûter à quelque chose, elle dira : dji sûs (rè)vènu dins 'l goût !

goûter, assayi, gouster, asprouver. Assayi èl mindji. Gouster du vin. Ça vos a bi gousté ? Ça n' mè gousse ni ! Rv. Pour un pique-assiette : çou qui n' li cousse ri, li gousse, çou qui li cousse èl dèsgousse ! Vo bière, èle gousse èl pichate !

goûter, repas de 16h, (è)rciner, katr'eûres, n.m. Nos dalons mindji dèl târte à prones pou rciner. Il est trwès eûres, èyè il a d'djà mindji 's katr'eûres.

goutte, goute, n.f. Ça y est, i va pieure, i tchét dès goutes ! Suwer dès goutes come dès pwès. Is s'èrchène come deûs goutes d'eûye. Bwêre ène goute. Rv. Il n'y voit goutte : il est boûrgne d'in n-î, yè il esst'aveûle dè l'aute ! Souffrir de la goutte : avwêr lès goutes.

goutte, alcool, goute, n.f. In buveû d' goute.

goutter, gouter, dèsgouter. Lès feuyes dès ârbes dèsgoute lonmin après qu'il a pieut. Èl goutière goute. Pour une pluie en goutte-à-goutte : i goutine. Rv. Ce qui est bon pour la Wallonie est bon pour tous les Wallons : quand i pieut sul curé, i goute sul clér.

gouttière, goutière, n.f. Èl tcha s' pourmène dins 'l goutière.

gouvernail, gouvèrnay', n.m.

gouvernante, gouvernante, n.f.

gouverne, gouvèrne, n.f. I boute come ça li chène, à 's gouvèrne. Lès gouvèrnes d'in n-aviyon. Pou vo gouvèrne, dji vos dis què dèmain i va djèler.

gouvernement, gouvèrnèmint, n.m. In Bèljike, on n' sét pus compter combi d' gouvèrnèmints qu'on a…!. Rv. Dji vas l' dèmander à 'm gouvèrnèmint : à ma femme (plais.).

gouverner, gouverner.

gouverneur, gouvèrneûr, n.m.

goyard, grande serpe à élaguer, groy'rèce, n.f.

grabuge, grabuche, grabûje, n.m. Quand lès djins sont bus, ça toûrne souvint à grabuche.

grâce, grâce, n.f. Priyi Notrè-Dame d'Ite pou avwêr dès grâces. Yèsse dins lès bounès grâces du directeûr. Donner 'l coûp d' grâce.

gracier, grâcier, grâcyi. Lè rwè pût gracyi sacans condan.nés qui n'ont fét qu' dès lidjères bièstriyes.

gracieusement, gracieûsemint, gracieûz'mint, adv. Coumint volez roter gracieûz'mint quand vos pèsez 185 kilos ?

gracieux, euse, gracieû, se, adj. Lès égues ont dès vols gracieus.

grade, grâde, n.m. Il a sti militére dè carière, yè il a fini au grâde dè chèf patate-cotche ! : il n' est pas monté en grade. I va d'in prinde pou 's grâde !

gradé, gradé, n.m. Lès saudârds dwève saluwer tous lès gradés.

gradin, gradin, n.m. Lès gradins astine rimplis d' djins.

graduat, graduwat, n.m. Il a sti à scole pou fé in graduwat in n-informatike.

gradué, e, graduwé, ye, adj. et n.m.f.

graduellement, graduwélemint, graduwél'mint, adv. Au matin, èl timpératur' monte graduwél'mint.

graillon, crachat, morfe, n.f.

graillonner, cracher, crayoter (rare).

grain, grin, grangn', n.m. Doner du grin à mindji à lès pouyes. Mète in grin d' sé dins 'l potâdje. I faut toudi qu'i mète ès' grin d' sé dins 'l convèrsâcion. Être dérangé du cerveau : avwêr in grin. In grin d' tchaplè. In grin d' beauté. Couper lès grangn' : moissonner. Rv. A chacun son caractère : chake grangn' à sès spis.

graine, grin.ne, n.f. Èl vint sème lès grin.nes. S'énerver, monter en graine : monter à s'mince.

De la mauvaise graine : dèl mauvéje grin.ne. V. grènetier.

graineterie, grin'trîye, n.f.

grainetier, grin'ti, n.m. martchand d' sèminces.

grainier, martchand d' grin.nes.

graissage, grèssâdje, incrachâdje, n.m.

graisse, grèsse, grésse, crache, n.f. Fé dès frites avu dèl grésse dè bieu. Dèl crache pou mète su lès roûl'mints du tchâr.

graisser, incrachi. Incrachi in moteûr. Incrachi 's marone avu dèl grésse.

graisseur, grésseûr, n.m.

Grambais Granbè.

grammaire, gram'mére, n.f. Pou lîre yè comprinde èl gram'mére francése, faut yèsse malin : mi dji n' comprinds ri grand-choûse.

grammar nazi, anglic., gram'mére nazi, n.m.f., personne qui croit avoir autorité pour corriger systématiquement - et parfois erronément - les fautes de français de ses interlocuteurs. V. grammaticalement.

grammatical, e, gramatical, e, adj.

grammaticalement, gramaticalemint, gramati-cal'mint, adv. Al tèlèvision, i d'a branmin qui dîje « emprunte » pou « empreinte » ou bi dès « testeus » pou dès « tests » ou bi « brin » pou « brun », yè co les 290 z-emplois de NMLK… ! Yè dji n' vos pârle ni dès participes passés gramatical'mint spotchis ! I parèt qu' Maurice Grévisse a d' djà soûrti mile coûs d' ès' tombe. V. grammar nazi.

gramme, grame, n.m. On daloût lé Dènîse acater 100 grames dè boules.

gramophone, grafofone (fr. sp.), n.m. Nos grands-parints ascoutine dèl musike avu 'ne plake qui toûrnoût su in grafofone.

grand, e, grand, e, adj. Victor est foûrt grand, adon on l'a spoté èl long Victor. I fét grand vint. Fé dès grands-érs. Aus grands maus lès grands rmèdes. Daler au cabinèt pou fé 's grande. Pour une grande langue, un bavard, ène longue langue.

grand-chose, grand-choûze, n. C'èsst'in ri grand-choûze.

grande, dans l'expression « faire sa grande », sous-entendu « grande commission », aller à la toilette pour déféquer, grande, n.f.

grandement, grandemint, grand'mint, adv. Vos avez grand'mint rézo !

grandeur, grandeûr, n.f. Mèzurer èl grandeûr d'in mur'. C'est ni pask' i fét 1m95 dè waut qu'i dwèt no raguider dè toute ès' grandeûr. Pour un personnage de petite taille : i fét 1m20 avu sès bras rlèvés !

grandiosement, grandiosemint, adv.

grandir, grandi, crèchi. Èl gamin a bî grandi dè 10 cintimètes su in n-an. Rv. Il a beaucoup grandi : i va bî râde mindji 'ne târte su vo tièsse ! Lès sicorons crèche bi. V. croître.

grandissime, grandissime, adj. Eddy Merckx astoût toudi èl grandissime favori pou 'l Toûr dè France.

grand-livre, grand-lîfe, n.m. Avwêr ès' no au grand-lîfe.

grand-mère, grand-mére, n.f. Èm' grand-mére Florine tènoût ène mèrcèriye al rûwe Waute. Ène grand-mére à tchas. Pour une petit fille prenant des mines sérieuses : ène grand-mére doudouye.

grand-messe, grand-mèsse, n.f. Rv. In curé n' fét ni grand-mèsse pou lès minmes liârds.

grand-père, grand-pére, n.m. Èm' grand-pére Fèrnand buvoût tél'mint d' Tchèssau qu'i d'a fét ène cirôse. Après, i fumoût tél'mint, qu'il a yeû in cancèr du poûmon, yè il est moûrt dè ça, stoufi ! Avu vo pèkè, vos volez ène cigarète, coumarâde ?

grands-parents, grands-parints, tayes, tayons, n.m.

grand-place, grand-place, n.m. Daler fé in toûr sul grand-place.

grand-route, pavé, n.m., pavéye, n.f. Èl pavé qui va dè Yite à Skimpont. Èl pavéye qui va dè Hal à Nivèle. Commentaire : l'usage tend à démontrer que « èl pavé » désigne un chemin pavé, tandis qu' « èl pavéye » s'emploie pour une chaussée pavée.

grange, grègne, n.f. Yèsse t'aussi poli qu'ène uch dè grègne. Rv. Quand une personne âgée tombe amoureuse : quand 'ne viye grègne ès' mèt à brûler, il est bî maléjièle dè dèstinde èl feu. Battre le grain sur l'aire de la grange : bate al grègne. D'une dame enceinte avant le mariage : èl grègne est plène dèvant l'awous' ! Pour quelqu'un qui chante faux : i tchante come in ér dè grègne ou su in ér dè grègne ! Commentaire : il s'agit d'un jeu de mots entre air (de musique) et aire (surface carrelée ou bétonnée du sol de la grange où l'on fait sécher les céréales humides avant de les placer dans le mafe). Combles de la grange : pièrcéye, n.f.

granit, granit', n.m. À Sougnies, on troufe du p'tit granit'.

graphite, grafite, n.m. On mèt du grafite dins l'wîle pou lès moteûrs à èsplôsion.

grappe, grape, n.f. Mindji ène grape dè rézins.

grappillage, grapiyâdje, n.m.

grappiller, grapiyi, rapiner, rapyi. Rv. C'esst'in rapi-nant qu'is s' sont inrichis.

grappilleur, euse, rapineû, se, n.m.f.

grappin, grapin, n.m. Mète èl grapin su 'ne saki.

gras, se, cras, se, adj. et n. Yèsse cras come in mwène. On va à Binche fé 'l Cras Mardi. C'est ni in chuchant 'l vèra d' l'uch qu'on d'vît cras. I n'est ni cras avu 'l vint qui soufèle à 's cu ! Cras come in tchi qui tète. On n' tûwe ni tout ç-qu'est cras. Bwêre ène bone crasse pinte. On est cras avu ça !: nous voilà bien avancés. Pus' qu'èl cujène est crasse, pus' qu'èl tèstamint est tène. Pour un temps chaud et humide : i fét cras.

grassement, grassemint, crassemint, adv. I d'a qui sont grassemint payis à fé ri grand-choûse.

grassèyer, (è)scrèper. Èle èscrèpe sès mots in pârlant français.

grassouillet, te, crachoulèt, e, crassoulèt, e, adj. Lès djoûnes dè tcha sont tout crassoulèts. Rv. Pour une personne grassouillette : in pourcha stampé.

gratification, dringuèye, dringuèle, n.f. Il a yeû ène dringuèle d' ès' pârin.

gratifier, gratifyi.

gratis, gratis'. Fé 'ne sakè gratis pro dèyo.

grattage, gratâdje, n.m. Bouter au gratâdje d'in vî meube dèvant dè l' mète in couleûr.

gratte, griffe, grâwe, n.f. In tchèyant dins lès ronches, i s'a fét dès grâwes à sès djambes.

gratte-cul, fruit de l' églantier, boutèye, grate-cul. I d'a qui font dèl confitur' dè boutèye.

grattement, gratemint, grat'mint, n.m. Lès grat'mints du tcha su l'uch.

gratte-papier, grate-papi, n.m.f. Aussi : grateû d' papi, tchiyeû d'enke.

gratte-pieds, grate-pîds, gratwêr, èscrèpwêr, n.m. Hé, pou n' ni imbèrner 'l mézo, scrèpez vos solés sul gratwêr !

gratter, grater, grawyi, grawi, crawyi, (è)scafoter, (è)scraboter, graz'ner, tij'ner. Scafoter dins sès dints. Grater 's bras. Ça grate à'm cu. Lès pouyes grazèye dins 'l fi. I grazène dins 's nez. Il va falwêr grater pou avou fini au nût'. Scafoter ène pupe. Pie-grièche : ène crawyeûse agace. Rv. I faut grater lès djins yusk' is ont scau. Èl cî qui vît d' pouye ès' grate. Vos li gratriz 's cu avu ène èskète qu'i n' sâroût ni co contint ! Vos li gratriz 's cu avu sèl swèye, qu'i dîroût co qu' ça fét mau ! C'est ni in gratant 's mau qu'on l'èrfét !: rien ne sert de pleurer sur son sort.

gratteur, euse, grateû, se, grazneû, se, (è)scrabieû, se, (è)scraboteû, se, n.m.f. Lès pouyes qui cache à vièrs sont scrabieûses du matin au nût'.

grattoir, gratwêr, (è)scrèpwêr, n.m. Scrèper sès pîds su in gratwêr.

gratuit, e, gratwi, te, pou ri, adj. Si vos d'acatez kate, èl chinkième, vos l'ârez pou ri.

gratuitement, gratwitemint, gratwit'mint, pou ri, pou les couyes du Pâpe. adv. Bouter gratwit'mint, pou fé pléji. Rv. Pou rî, lès tchis vont à toûr !

grave, grâve, adj. Avwêr ène vwè grâve. Ène grâve maladiye. In n-acsent grâve. Il a yeû in grâve acsidint, yè asteûr, i bwèstiye.

gravé, e, gravé, ye, grèlé, ye, adj. C'est gravé dins 'l pière. Il est grêlé par la vérole : il est grèlé d' pokètes.

gravelle, pierre aux reins, gravèle, n.f. I d'a qu'ont d'mandé à Notrè-Dame d'Ite dè lès guéri dèl gravèle. On n'a pus d' nouvèles dè yeûs'.

gravement, grâvemint, grâv'mint, adv. Il a sti grâv'mint malâde, mins i s'a rfé.

graver, graver. Graver ène mèdaye. Graver in cayau. C'est gravé dins 'm mémwêre.

graveur, euse, graveû, se, n.m.f.

gravillon, graviyon, n.m.

gravier, gravier. Mète du gravier su 'ne pièsinte.

gravir, grimper, monter, gripyi. Monter 'l tiène dè Vèznau.

gravité, gravité, n.f. Il a tcheut sul trotwêr, mins c'est sins gravité. Èl gravité d'ène cochur'.

gravure, gravur', n.f. Fé dèl gravur'. Raguider dès bèlès gravur'.

gré, gré. Savwêr gré. Fé 'ne sakè dè plin gré. Agir à son gré : fé à 's moûde. Rv. Bon gré, mal gré : par bia ou par léd ou i n'a ni cric ni crac !

gredin, grèdin, n.m. Vos stez in fameû grèdin !

greffe, n.m., grèfe. Sylvianne Lambert travayoût au grèfe du Tribunâl dè Tubisse.

greffe, n.f., grèfe. Ène grèfe dè kieûr. Fé dès grèfes dè roûzis.

greffer, grèfyi. Grèfyi in nèfli su 'ne blanche èspène.

greffeur, euse, grèfeû, se, n.m.f.

greffier, grèfié, n.m. Yèsse grèfié au Tribunâl.

greffon, grèfon, n.m. Dès grèfons d' pumis.

Grégoire, Grégwêre. Al Sint-Grégwêre (12 mars), on sème lès ougnons.

grêle, gréle, adj. Dès grélès fleûrs. L'intèstin gréle.

grêle, grèle, n.f. Il a tcheut dèl grèle, yè lès feuyes dès tomates sont toutes atchéyes. V. grêlon.

grêlé, grèlé, ye, adj. Lès pwères ont sti grèléyes. Rv. Pour une personne vaniteuse et velléitaire : in grèlé, ène grèléye.

grêlon, guèrja, n.m. Lès guèrjas ont fé dès pokes su les autos.

grelot, grèlot, n.m. Dès ougnons grèlots.

grelotter, triyaner, guèrloter (rare). In ivièr, on ratind 'l bus in triyanant d' frwèd.

grenade, grènâde, n.f. On troufe co dès grènâdes dèl guêre dè 40 dins lès bos.

grenadier, grènadié, n.m. In réjimint d' grènadiés. Rv. Vous m'avez roulé : vos m' avez yeû au grènadié. Avoir des poux : avwêr dès grènadiés su 's tièsse. Un petit homme : in grènadié coûpé in deûs.

grenaille, grènaye, n.f. Ès' vélo a glichi dins lès grènayes, yè il a tcheut su 's panse.

grenat, grènat, adj. Du tissu grènat.

grener, grin.ner, vèni à spi. Lès salâdes couminche à grin.ner. Lès froumints vène à spis.

grènetier, grin'ti, marchand d' sèminces, n.m. Note : le Larousse de 1939 reprend « grènetier » ou « grainetier », de même « grèneterie » ou « graineterie ».

grenier, guèrni, n.m. On a rnètyi 'l mézo, dèl câve 'squ' au guèrni. Rv. Être dans la disette, avoir faim : mète sès dints sul guèrni.

grenouille, guèrnouye, rin.ne, n.f. C'est ni in mindjant dès cwisses dè guèrnouyes què vos dalez savwêr nadji come yeûs' !

grenouillette, renoncule blanche, tumeur sous la langue, rin.nète, n.f.

grès, grè, n.m. In pot in grè.

grésil, grézi, n.m. Rv. In mai roûzéye, in mârs grézi.

grésiller, gréziner. Èl posse dè T.S.F. grézine.

grève, gréve, n.f. Lès T.E.C. font co toudi gréve.

grever quelqu'un, grèver.

gréviste, grèvisse, n.m.f. Lès grèvisses ont dèfilé à Brusèle.

gribouillage, gribouyâdje, grabouyâdje, craboutcha, n.m. Lès èfants inme bi fé dès craboutchas su in grand papi.

gribouiller, gribouyi, grabouyi. C'est ni dèssiner qu' vos faites, c'est grabouyi !

gribouillette, à la, à l'aventure, en se mécon-duisant, inconsidérément, al cabaye. Taper dès liârds al cabaye.

gribouilleur, euse, gribouyeû, se, grabouyeû, se, n.m.f.

grief, griyèf, n.m. Dji n'ai pon d' griyèf conte dè li.

grièvement, grâvemint, grâv'mint, adv. Yèsse grâv'mint cochi.

griffe, grife, grâwe, n.f. No tcha n'arète ni dè doner dès coûps d' grife. Lès grâwes du tcha. Fé ène grife sul carross'rîye dè l'auto.

griffe d'émondeur, d'opérateur sur poteau du téléphone, gripe, gripète, n.f.

griffer, grifyi, grâwer.

griffet, martinet ramoneur, hirondelle de cheminée, aronde dè tch'minéye.

griffon, grifon, n.m. In tchi grifon.

grigne, fente sur la croûte du pain, grigne, n.f. Rv. Il a 'ne bwète aus lètes dins 'l pain (plais.).

grigneux, euse, grognon, ne, grigneû, se, adj. I n' rit jamé, c'èsst'in grigneû.

grignotement, grignotemint, grignot'mint, n.m. On vwèt dès grignot'mints d' soris dins 'l pain.

grignoter, grignoter. Èl mér grignote lès dunes.

grignoteur, euse, grignoteû, se, n.m.f.

gril, grîye, n.f. Rosti ène târtène sul grîye.

grillage, griyâdje, n.m. Rinsèrer lès pouyes padière in griyâdje.

grille, grîye, n.f., grîyâdje, n.m. Ène grîye dè fièr. Rv. Pour une personne affublée d'un nez très long ou très gros : i stoût padière èl grîye quand on lès a d'né.

griller, griyi. Yèsse griyi pau solèy'.

grillon, cricri, crèkion, n.m. On intind lès cricris qui tchante dins 'l pachi. Aussi crèkion pour une personne petite et fluette.

grimace, grigne, mourgnife, n.f. I fét dès grignes padière èl dos du mésse. Rv. Fé dès grignes come si on aroût mindji èl keûye du tcha, ou come in tcha qu'a sti au sûr, ou come yun qu'a bu du vinégue. Pour une grimace de dégoût : ène moûrgnife. Rv. I vaut mèyeû rîre què brére, èl grimace est pus bèle !

grimacer, fé dès grimaces, fé dès grignes.

grimacier, ère, grimancyin, grimanciène, adj.

grimer, grimer. Yèsse grimé come in clône.

grimper, griper, grimper, grimpyi, gripiyi. Gripiyi in tiène. Èl gamin grimpèye su lès meûbes.

grimpereau, gripia, n.m.

grimpette, grimpéye, n.f., gripèt, n.m.

grimpeur, euse, grimpeû, se, n.m.f.

grincement, grincemint, grinç'mint, n.m. Il a yeû dès brèyâdjes yè dès grinç'mints d' dints.

grincer, grincer, grinchi, grigni. L'uch grinche. Grinchi, grigni dès dints.

grincheux, se, grincheû, se, grigneû, se, moûrdreu, se, vèreû, se, mourzouk, strègn' (rare), adj. Avwêr l'ér vèreû. Rv. A propos d'une personne grincheuse : c'esst'in fagot d'èspènes, on n' sét ni pa yu 'l prinde ! Rv. Il èsst'aussi grigneû qu'in rèstia d' fièr.

gringalet, brimborion, brokion, brokton, n.m., crèkion, e, n.m.f.

griotte, grintche, n.f. Mindji dès sûrtès grintches, ça fét grigni vo visâdje. Rv. Fé in visâdje come dès grintches.

grippage, gripâdje, n.m. Èl gripâdje d'in moteûr.

grippe, gripe, n.f. Atraper 'l gripe. Prinde ène saki in gripe ou prinde ène saki à spèk.

grippé, e, gripé, ye, adj.

gripper, griper. Èl machine a gripé.

grippe-sou, arâbe, ape-châr, chnouk, n.m.f.

gris, e, gris, grîje, adj. Mète in couleûr grîje. Lès nuwâdjes sont gris.

grises, n.f.pl., Rv. En faire voir de toutes les couleurs : d'in fé vîr dès grîjes.

grisâtre, grijâte, adj. Èl cwîfe a dèvnu grîjâte.

griser, se, atraper 'ne loke, ène doufe, ène prône, ène tampone, ène charmante.

grison, ne, âne grison, grijon, e, n.m.f. In grijon d' baudèt.

grisonnant, e, grijonant, e, adj. Ène tièsse grijonante.

grisonnement, grijonemint, grijon'mint, n.m.

grisonner, grijoner.

grisou, grisou, n.m. Fâde grisou !

grive, grîve, n.f. Faute dè grîves, on mindje dès mièrlaus. Ène tchap'tchape, variété de grive produisant ce chant.

grivois, e, cras, se, salé, éye, cruwél, e, adj. Pour un personnage grossier, grivois : in cras, in bouc, in léd bouc, in sale bouc, in bouc à botines.

grivoiserie, cruwéle, saléye, sûrte, crasse, n.f. Il inme bî raconter dès cruwéles.

grog, grog, n.m. Quand i fét foûrt frwèd, in grog, ça vo rtchaufe dirèk.

grognard, e, grougnau, te, grigne-dints, n.m.f.

grogne, groûgne, n.f. Mindji dèl groûgne. Rv. Il a été mal accueilli : il a yeû in plat d' groûgne in rintrant du cabarèt.

grognement, grougnemint, grougn'mint, grougnâdje, n.m. Lès grougn'mints d'in tchi. Èl grougnâdje du pourcha.

grogner, grogner, grougni. I grougne toudi, i n' rit jamé.

grognon, ne, grougnon, e, grigneû, se, grignau, te, gnouk, n.m.f., in léd mouzon.

groin, grougnè, grougnon, n.m. Èl pourcha fougne èl têre avu 's grougnè. Péj. Ké léd grougnè qu'il a !

grommeler, groûz'ner. Grand-pére, i grouzène toudi.

gronder, chapitrer, bèrdèler. Èm' grand-mére n'arètoût ni dè m' bèrdèler su mès bul'tins. Note : à Ittre, le verbe bèrdèler s'emploie aussi pour parler, deviser, échanger verbalement.

gronderie, bèrdèle, n.f., bèrdèlâdje, n.m. Dji sus scrans d'ascouter sès bèrdèlâdjes.

grondeur, euse, bèrdèleû, se, n.m.f.

gros, se, gros, se, adj. et n. Ène grosse feume. Avwêr èl kieûr gros. Vinde in gros. In gros moncha d' têre. Note : gros s'emploie aussi pour désigner ou interpeller un ami pour lequel on éprouve de gros sentiments : ça va gros ? Attention, soyez vigilant avant d'interpeller une amie par : yè adon, ça va 'm grosse ?, surtout si elle présente ne fut-ce qu'un léger surpoids. Grosse s'emploie aussi pour « épouse » : ayusk' èle est vo grosse ? ou dji ratinds après 'm grosse ! Prudence, assurez-vous d'abord que la dame en question n'est pas dans les parages.

gros-bec, oiseau, gros-bètch, n.m.

groseille, guèrzèle, grouzèle, n.f. Fé dèl confitur' à guèrzèles. Mindji dèl târte à guèrzèles. Il a dès roudjès guèrzèles yè dès vèrtès guèrzèles.

groseiller, guèrzèli, grouzèli, n.m. Groseiller à maquereaux : guèrzèli ou grouzèli à picots. Cassis-sier, nwêr guèrzèli.

grosse, 12 douzaines, n.f. Acater ène grosse dè brouches.

grossesse, poûrtéye, n.f.

grosseur, grosseûr, grocheûr, n.f. Avwêr ène grosseûr à 's vinte.

grossier, ière, grossier, ière, adj. In grossier pèrsonâdje. Il est grossier come l'uch dèl prîjon. Pour un homme grossier, bourru : in gnouk. V. grivois.

grossièrement, grossièremint, grossièr'mint, adv. Il a rèspondu grossièr'mint au mésse. Pour un travail grossier : in ouvrâdje fét au courbèt.

grossièreté, grossièreté, n.m. Quand i bwèt d' trop, i lache toudi dès grossièretés.

grossir, grossi, grochi. Èle grossit, ri qu'à raguider in lîfe dè cujène. Rv. Grossir, exagérer les affaires, fé lès pwès pus spès qu' is sont.

grossissant, e, grossichant, e, grochissant, e, adj. Dès vêres grossichants.

grossissement, grossich'mint, grochis'mint, Dès djumèles avu in grossich'mint dè 10 coûs.

grossiste, grossisse, n.m. In grossisse in médicamints.

gros-ventre, coccidiose, maladie des rongeurs, gros-vinte. Nos lapins ont 'l gros-vinte.

grotte, grote, n.f. Tous lès Bèljes ont d'djà visité lès grotes dè Han.

grouillement, grouy'mint, n.m. In grouy'mint d' moulons dins no boudène, vlà çou qui nos ratind.

grouiller, grouyi, grimyi. Ça grouye dins 'm boudène. Lès pûs grimèye sus 's tièsse. I faura nos grouyi pou arriver à l'eûre.

groupage, groupâdje, n.m.

groupe, groupe, n.m. In groupe dè pèlèrins a vnu priyi Notrè-Dame d'Ite.

grouper, se, ès' grouper, ès' mète in groupe, groupîre (plais.).

gruau, gruwau, n.m. Mindji du gruwau d'avin.ne.

grue, grûwe, n.f. In novembe 2019, on a dèskindu 'l coq dè l'èglîje dè Yite avu 'ne grûwe.

grumeau, grumia, n.m., maclote, n.f. Il a dès grumias dins 'l sauce. Il a dès maclotes dins 'l farène.

grumeler, se, mat'ner, toûrner à maton, à makéye.

guano, guwano, n.m. Incrachi in djârdin avu du guwano.

Gudule, Dudule.

gué, pîd d'eûye. À Ronquières, ène rûwe s'apèle Pied d' Eau paskè dins 'l temps, dwélà, on passoût 'l Sènète à pîd d'eûye.

guenille, guèniye, foufe, fripe, n.f. Il est toudi abiyi avu dès fripes !

guêpe, wasse, n.f. Lès wasses sont dins lès prones. Mète ès' pîd dins in nid d' wasses, ça vos aprind à couri râde, yè co dè tout vos pus râde.

guêpier, in nid d' wasses.

guère, wére, On a wére dè puns ès' n-anéye-ci. Faute al pieufe, il avoût wére dè djins al procèssion.

Il y a peu : i n'a wére dè timps.

guéret, terre labourée laissée en jachère, rabouré, labourés, n.m. Lès lièfes ès' muche dins lès rabourés.

guéridon, guèridon, n.m. Mète ène lampe su in guèridon.

guérir, guéri, èrfé. I s'a bi sougni, yè après ène sèmin.ne, i stoût rfét. Guérir en faisant des signes de croix et en récitant des prières : signi. Il a sti au spirite qui l'a signi.

guérison, èscape, n.f. Il a co dès cancèrs sins èscape.

guérissable, guérissâbe, guérichâbe, adj. Branmin d'maladiyes sont guérichâbes, minme lès imadjinères.

guérisseur, euse, exorciseur, rebouteux, gué-risseû, se, signeû, se, spirite, n.m.f.

guérite, guèrite, n.f. Yèsse dè gârde dins 'ne guèrite.

guerre, guêre, n.f. Fé 'l guêre. Pindint 'l guêre, lès djins dèl campagne ont saki leû plan pou avwêr toudi à mindji. In 1939, nos stine dèdjà su pîd d' guêre.

guerrier, ère, guèrié, guèriyère, adj. et n. Attila astoût in fameû guèrié ! Minme qu'on l'avoût spoté « Glifozate » du fét qu' ayusk' i passoût, l' yèrbe n'èrpoussoût pus !

guet, guèt, n.m. Fé 'l guèt in s' muchant padière dès buchons.

guet-apens, guèt'-apan, n.m. Tchér dins in guèt'-apan.

guêtre, guète, n.f. D'avwêr plin sès guètes : en avoir marre. Dj'ai yeû ça à mès guètes : j'ai perdu et je dois en supporter les conséquences. Ça va come dès guètes à in baudèt : ça ne va pas, ça ne convient pas. Décamper : èrtroussi sès guètes.

guetter, guèter, afuter, raguider. Raguider au d'zeûr dè l'aye. Afuter 'ne saki.

guetteur, euse, guèteû, se, raguideû, se, n.m.f. Rv. Dins 'ne nuwéye dè coûrbaus, il a toudi in guèteû.

gueulard, e, gueûlârd, e, gueûlau, te, adj. et n. In gueûlârd parèy', i froût in bon sindicalisse. On kèrtche in waut-fournau pal gueûlârd.

gueule, gueûle, gueûye, n.f. Strapez vo gueûle, fènèyant ! Il a yeû in coûp d' pougn' su 's geûye.

Avwêr ène sale gueûle. Fé d'ès' gueûle. In trop d' gueûle : un vantard. Ès' taper dins 'l gueûle du leûp.

gueule-de-loup, muflier, gueûle dè leup.

gueulée, gueûléye, n.f. Èl vatche rèpe volti ène gueû-léye dè trin.nèles pa d'zou 'l clotur'.

gueuler, gueûler, dèsgueûler. Rv. Gueûler come in a-veûle qu'a pièrdu 's baston. I dèsgueûle toudi su 's tchi qui n'a pon d'ascoute.

gueuleton, gueûleton, gueûl'ton, n.m. Fé in bon gueûl'ton.

gueuserie, gueûz'riye, n.f. I n'a ni in bon plan, i n' sondje qu'à fé dès gueûz'riyes.

gueux, se, gueû, se, n.m.f. In mauvé gueû.

gueuze, gueûze, n.f. Bwêre ène bone gueûze. Sacans Francès dîje qu'èl gueûze, c'est 'ne bière qu' a d'djà sti bûwe in coû. Alez, santé ! Répl. Sint'-èl vous minme, il est pus près d' vo nez ! Al vôle !

gui, gui, n.m. Au Nouvèl-An, on s' rimbrasse pa-d'zou 'l gui. Une touffe de gui : in nid d' soûrcière ou in ramon d' soûrcière.

guichet, guichèt, pèrnia ou uchè, n.m. Èl guichèt dèl banke. Guichet de porte d'écurie ou d'étable : in pèrnia. Ène marone à pèrnia : dont le fond s'ouvre, se baisse.

guide, guîde, n.m.f. Fé 'l guîde pou visiter 'l vilâdje. Chûvez 'l guîde ! N' roubliyiz ni 'l guîde !

guide, t. technique, guid', n.m. Tèni lès guid' d'ène tchèrète. Guide attaché à la longe du premier cheval de volée : l'afilèt. Guide simple : in coûrdia. Guide pour retenir le cheval de droite : faus-coûrdia.

guidon, guidon, n.m. In guidon d' vélo, d'in fuzik.

guigne, guigne, n.f. Avwêr dèl guigne. Èl guigne èl poursût.

guigner, lorgner, convoiter, guigni. Guigni pal fèrnièsse. Guigni ène bèle coumére.

guignon, malchance persistante, guignon, n.m. Avu 'm guignon, c'est ni lè pin.ne d'acater in biyèt d' lot'rîye !

guillaume, rabot pour moulures et rainures, guiyaume, n.m.

guilledou, courir le, rôdayi, garouyi, daler al maraude. À 's n-âdje, co daler rôdayi !?

guillemet, guiyemèt, n.m. Mète in mot intrè guiyemèts.

guilleri, chant du moineau, tchiptâdje, n.m. On intind 'l tchiptâdje dès mouchons dins lès ayes.

guillotine, guiyotine, n.f. Si vos avez ène fèrnièsse à guiyotine à vo mézo, faites atincion quand vos passez vo tièsse pa d'zou.

guillotiner, guiyotiner, foute èl tièsse dju. Èl dérni à yèsse guiyotiné in Bèljike s'apèloût Emile Ferfaille. Il avoût tuwé 's coumére à coûps d' martia yè in l'èstraunant. On li z-a foutu èl tièsse dju èl 26 mars 1918 à Furnes.

guimauve, mauvelète, mauv'lète, n.f. Doner dès mauv'lètes à lès èfants.

guimbarde, instrument de musique, gawe, n.f. Djeûwer dèl gawe.

guimbarde, tacot, soûrd, n.m. I roûle toudi dins in soûrd d'auto.

guincheur, euse, guincheû, se, n.m.f. Èl vérdi au nût', lès guincheûs couminche leû wékène. Èl lindi au matin, is ont mau leûs tch'feûs.

guindaille, godaille, ribote, godaye, guindaye, n.f. Il est co in godaye, à dèspinser 's kinjin.ne. V. néerl. goed ale.

guindailler, godayi, guindayi.

guindailleur, euse, godayeû, se, guindayeû, se, n.m.f.

guingois, de, dè bistincwin, dè crèsse. Èl meûbe est tout d' crèsse.

guinguette, guinguète, n.f., cavitche (rare), n.m. On daloût bwêre in vêre al guinguète dè Ronquières.

guipure, dentelle très ajourée, guipur', n.f.

guirlande, guirlande, n.f. Pou lès fièsses dè Nowé yè du rèvèyon, on stind dès guirlandes dins lès reûyes du vilâdje.

guise, moûde, n.f. I fét toudi à 's moûde. Faites à vo moûde ! On fét chake à 's moûde. En guise de : pa manière dè…Rv. In baudèt qui fét à 's moûde, c'est 'l mitan d'ès' nouritur' ! Plais. Faites à vo moûde, yè 'l rèsse à vo n-idéye !

guitariste, guitarisse, n.m. Lès guitarisses sont sub-tîles dè leûs dwèts.

Gustave, Gustaf, Taf.

gymnase, jim'nasse, n.m. Daler vîr ène èspôsicion au jim'nasse dè Tubisse.

gymnaste, jim'nasse, n.m.f. Lès jim'nasses èrchène à dès spirieus, tél'mint qu'is sont soupes.

gymnastique, jim'nastike, n.f. Fé dèl jim'nastike pou dmeurer in foûrme.