Dictionnaire - lettre Q

quadragénaire, qu'a dins lès karante, alintoûr dè karante ans.

quadrille, kadrîye, n.m. Danser 'l kadrîye.

quadrillé, kadriyé, ye, adj. Du papi kadriyé.

quadruple, au, kate coûs austant. I li z-a rindu kate coûs austant.

quai, ké, n.m. Èl batia s'a mis à ké à Skimpont.

qualifiable, kalifiâbe, adj. Voler in poûve, ça n'est ni kalifiâbe. Voler in riche, c'est ni si pîre !

qualifié, e, kalifié, ye, adj. In n-ouvri kalifié.

qualifier, kalifyi. Yseult s'a kalifié pou 'l finale du championat d'Europe in 4 nâdjes. Mèdaye dè bronze.

qualité, kalité, n.f. Acater dèl bone kalité, final'mint, c'est mwins tchér què du bon martchi.

Qualité supérieure : du pèpère. Dèl bière pèpère. Passer à la seconde qualité : mète Sint-Pière sul bon Dieû. Mauvaise qualité : du vlèk (emprunt au bruxellois), dèl cacaye, ène sakè acaté à Sarma.

quand, quand. Quand ç- què c'est qu'on s' èrvwèt ? Quand ç-què c'est qu' vos vérez à 'm mézo ?

quant à, tant qu'à. Tant qu'à mi, ça pût dmeûrer dinsi. Tant qu'à dîre.

quantième, combi, adv. Vos stiz 'l combi dins 'l file ? Èl combi astone audjoûrdu ?

quantité, un peu, ène fiane, ène plotche, ène bètchéye, ène larme, ène kète dè puce. Grande quantité : ène masse, in moncha.

quarantaine, fleur, karantin ou carantin, n.m. Nos avons sèmé dès djirofléyes karantin.

quarantaine, karantin.ne, n.f., Faute au covid, in 2020 on a mis ène masse dè djins in karantin.ne. Avwêr ène karantin.ne d'anéyes.

quarante, karante. Yèsse dins lès karante ans. Èl guêre karante.

quarantième, karantième, adj. et n. Dj'astoûs èl karantième sul lisse.

quart, kârt, n.m. In kârt d'eûre. Yèsse à trwès kârts sot. C'èsst'in trwès kârts. Dji vérai à kârt dè chinke eûres. Il a fé l'ouvrâdje su trwès kârts dè temps : plus vite que prévu.

quartaut, kârtèle, n.f. Acater ène kârtèle dè bûre.

quarteron, kârtron, n.m. Vinde in kârtron d'yeus (25 pièces ?).

quartier, kârti, quârtier, n.m. In kârti d' târte. Èl prèmi kârti dèl bèle. Lès djins d' no quârtier. Èl quârtier dèl Bruyère à Vèznau. Èl quârtier du Warichay à Waut-Ite. Quartier pour empan : mèzurer au kârti.

quasi, kazi. Il est kazi midi.

quasiment, kazimint, adv. Dj'avoûs kasimint fini d' fosser, qu'il a couminchi à pieûre. Rv. Si, yè kazimint, ont toudi sté cousins djèrmins.

quatorze, katorze, katoûrze, katoûze. Louwis katoûrze. Rv. A l'adresse d'une personne qui fait des bêtises : arètez, Inocint katoûrze. Explication : le dernier pape à s'appeler Innocent portait le matricule XIII.

quatorzième, katoûrzième, adj. et n. Yèsse tréze à tâbe, ça n' va ni, adon on cache après in katoûrzième.

quatre, kate, katr' devant monosyllabe commençant par une voyelle. Intrè kate z-îs. Mindji come kate. Is stine à katr'omes. Kate à kate. Ès' mète in kate. On rcine à katr'eûres. Plais., kate, c'est vîr in flamin. Environ quatre : ène katrin.ne. Lès kate bras dè Brin.ne-Chataû.

quatre-bras, kate-bras, n.m. Lès kate-bras dè Brin.ne-Chatau, dè Béji-Thy, dè Libèrchies.

quatre-heures, èrciner, n.m. Tous lès djoûs i mindje l'èrciner inviè katr' eûre

quatre-vingtième, katrè-vintième, adj. et n.

quatre-vingt, katrè-vint.

quatrième, katième, adj. et n. Yèsse in katième anéye.

quatrièmement, katièm'mint, adv.

que, què, qu'. Qu'avez dit ? Cousse què cousse. Qu'èst-ce què c'est d' ça pou ène afêre ? Què lès djins sont droles ! Què vos stez bièsse ! Dji n' sûs ni malin assez qu' pou comprinde èl flamin. Dji n' sûs ni riche assez qu' pou acater ène grosse mézo. Dji n'ai jamé dit què vos stiz bièsse, què du contrére !

quel, le, ké devant consonne, kél, e ou kîle devant voyelle. Ké nouvèle ? Ké maleûr ! Kéle eûre qu'il est ou kîle eûre ou ké n-eûre. Èl kîle buvez ? Téle kéle. Aussi : ké n- devant voyelle. Ké n-âfêre à Lîdje ! Ké n-osti d' Sarma ! Quel que soit le monde : qu'èl monde fuche come i vût.

quelconque, quèlconque. In n-ome quèlconque.

quelque, kéke. Dji d'ai vu kékes uns. Quelque part : ène sadju. Quelque chose : ène sakè. Quelque peu que ce soit : si wére què ça fuche.

quelquefois, tékfwè, tîkfwè, kékfwè, kîkfwè, pacoû, tènawére. Tîkfwè, dji vouroûs yèsse riche à milions yè avwêr ène masse dè couméres à 'm cu… ! Kwèkè, final'mint, dj'âroûs branmin trop d' rûjes avu tout ça. Donc, il est bon dinsi ! Si tîkfwè, djè n' vos intinds ni, buskiz pus foûrt su l'uch.

quelques, kékes, sacans, sacantes. Dèspu sacans djoûs, èl timps èsst'au bia. On a coudu sacans tchambouréyes. Dès gayes, i m-d'in dmeûre co sacantes.

quelqu'un, ène saki. Il a 'ne saki qu'a tokté à l'uch. I s'prind pou 'ne saki d'râre.

quels, les, kés. Kés bias puns ! Kés bèle pwêres. Kés bèlès feumes !

quémander, proûler, briber, yèsse pindu al sounète. Èm' vizin, il est toudi pindu à 'm sounète pou avwêr mès ostis.

quémandeur, euse, péyau, te, péyeû, se, prouleû, se, bribeû, se, n.m.f., satcheû d' sounète.

Quenast, Kènas', K'nas', Knaus'.

qu'en dira-t-on, çoû qu'on dit, çoû qu'on tchante, çoû qu'on ramâdje.

quenotte, pètite dint.

quenouille, kènouye, kènoye, n.f. Rv. Avoir de la fortune : avwêr du lin à 's kènouye.

querelle, chakine, brète, n.f. Il a yeû 'ne brète avu 's père.

quereller, chakiner. Dins 's famîye-là, is sont toudi à l'ouvrâdje à s' chakiner yun l'aute.

querelleur, euse, chakineû, se, cache-misère, vèreû, se, n.m.f. Rv. A propos d'un querelleur : s'i dmeûr'roût au cwin d'in bo, i s' disputroût avu tous lès ârbes.

quérir, aller chercher, kéri, kér, ké. Il èsst'à 's mézo, alez 'l ké. Vas-in 'l kér. Djè l'ai sti ké.

quertin, panier à anse, par extension sac ou panier à provisions, kèrtin, n.m. Il a ramin.né in plin kèrtin d' fréjes.

qu'est-ce, què ç-què c'est (d') ça. Koû ç-què c'est (d') ça ?

question, kèstion, n.f. I n'a ni seû rèsponde al kèstion. I n'est ni kèstion d' vos doner dès liârds ! Rv. Poser mille questions : dèmander dès kèsses yè dès mèsses. Pour des questions importunes : arètez d' m'imbéter avu vos kèsses yè vos kèkèsses. Il en a été question : on a yeû dû pârler d' ça. Rv. Faire les questions et les réponses : fé 'l clér èyè 'l curé.

questionner, kèstioner. Èl mésse n'arètoût ni d'èl kèstioner. Importuner en questionnant : fé dès kèkèsses (qu'est-ce, qu'est-ce ?).

questionneur, euse, kèstioneû, se, n.m.f. Ène pètite kèstioneûse dè gamène.

quête, recherche, cache, pourcache, n.f. I stine al cache dè yârds.

quête, collecte, colèke, n.f. On a fét ène colèke pou lès poûves.

quêter, rechercher, pourcachi.

quêteur, euse, pourcacheû, se, n.m.f.

quetsche, prone dè pourcha.

quette, bite, biroute, flotche, n.f.

queue, keûye, keûwe, kekeûwe, keûkeûye, n.f. On a coûpé 'l keûwe du tchi. Lès pourchas ont 'ne keûye qui crole. Une comète : ène èstwèle à keûye. Ça n'a ni keûye, ni tièsse. A la queue leu leu : au cu d'yun l'aute. Ène keûye dè biyâr. Fé 'l keûye au bouchi. Ça a fini in keûye dè pèchon. Faire les choses à l'envers : brider 'l tchèvau pal keûye. Petite queue : ène keuwète. Queue à aiguiser : ène keû. Pour encourager un sportif à la dérive : agniz vo keûkeûye !

queue-d'aronde, keûye d'aronde, n.f.

queue-de-cheval, keûye dè tch'fau.

queue-de-rat, lime, keûye dè rat.

queuter, couyoner. I s'a fét couyoner pa in vauri.

qui, qui, qu'. Qui ç-qui va rlaver l'auto ? Vlà 'ne sakè qui m' plét ! Qui astez ? Qui qu' cè fuche/ seûche. C'est mi qu'a rézo.

quia, à, à broke, à sto, asto. Il a dmeuré à broke, à sto. Plais., il a yeû 's cu stoupé (bouché).

quiconque, n'impoûrte qui, n'impoûrtè qui. N'im-poûrtè qui vos 'l dîra : l'ivièr n'est ni woute. Tout qui-conque qu'a sti à Nivèle, à d'djà mindji dèl târte al djote.

quiet, ète, cwèye, adj. I stoût achis, cwèye, au culot d' l'èstûve.

quignon, chikè, tontia, tontcha, n.m. Grand-pére s'a skèté in dint in n-agnant dins 'l tontia.

quille, guîye, n.f. Djeûwer 'ne pârte à guîyes. Abattre 2 quilles en même temps : fé in raclot. N'abattre aucune quille : fé browète. Jeu de 5 quilles alignées : djeu d' boulwêr. Intervalle entre la 1ère quille et la 2^ème : èl fourtche. Quille du milieu : èl dame. Jeu de 9 quilles : djeu d' grosse boule, djeu d' Brussèle. Variété de jeu de quilles de foire : tirlibibi. Au tirlibibi, on n' pièrd jamé, on gangne toudi. Rv. Èrcèvwêr ène saki come in tchi dins in djeu d' guîyes.

quinconce, zigzonzèsse. Planter in zigzonzèsse.

quine, kine. C'est tout, n'insistez pas, je refuse : waye mins ça c'est kine, hin fieu !

quinine, kinine, n.f. Avaler in cachèt d' kinine.

quinquagénaire, qui a dins lès cinkante ans.

quinquet, kinkèt, n.m. Rv. Ouvrez les yeux : drouvez vos kinkèts !

quintal, kintau, n.m. In satch d'in kintau d' froumint.

quinte, kinte, n.f. Ène kinte dè tousse. Subir un contretemps, un ennui : avwêr ène kinte. Dj'ai yeû ène kinte ayèr, èm' n-auto a tcheut in pane. Jouer une mauvaise farce : djeûwer 'ne kinte à 'ne saki.

quintuple, au, chinke coûs austant.

quinzaine, kinjin.ne, n.f. Il a bu tout 's kinjin.ne. Ène kinjin.ne dè djoûs. Rv. A l'adresse d'une personne qui tire la tête : vos avez pièrdu vo kinjin.ne ?

quinze, kinje, adj. et n. Èl kinje du mwès. Rv. Avoir la vie facile : l'avwêr kinje. A l'adresse de quelqu'un qui vient de répliquer du tac au tac : kinje à deûs èyè 'ne chasse !

quinzième : kinjième.

quinzièmement, kinjièm'mint, adv.

quiquine, gamine, kikine, n.f.

Quirin, Kirin. On rclame Sint-Kirin pou lès maladîyes dèl pia. A Baudémont, èl tchapèle Sint- Kirin est prèsse à tchér. Damâdje.

quittance, kitance, n.f.

quitte, kite, adj. Nos astons kite dèl maladîye. Kite ou doub'. Nos astons kite dè no tchi : il est moûrt. Dji sûs kite d'èm' vélo : on me l'a volé. Se débarrasser : ès' fé kite. Nous sommes quitte d'un importun : nos stons kite d'ène bèle rûje.

quitter, kiter. Èle nè mè kite ni d'ène sèmèle. Èle a kité 's n-ome tél'mint qu'i buvoût. Quitter son em-ploi : kiter 's place. Rv. Qui va al cache pièrd ès' place ! Répl. Yè 'l cî qui rvît, i cache lès tchis.

qui-vive, yèsse sul ki-vîfe ou ki-vîve.

quoi, kè, dè kè, kwè, koû. À kè sondjiz ? Avwêr dè kwè travayi. Kwè qu'ça fuche ou seûche. Pour faire quoi ? Pou koû fé ou pou kè fé ? C'est du n'impoûrtè kè ! Quoi ?, dè kè, koû dites ? I n'a ni d' kwè dîre mèrci. Dèmain, dites mi kè pou mi savwêr çoû qu' vos volez. Rv. Dè kwè? Répl. Dès crwès, c'est ni dès mèdayes ! Plais., wad', emprunt au flam., « wad'e ».

quoique, kwèkè, kwèk'. Kwèkè dj'ai mau nulvârt, dji sus putète malâde tout d' minme. Kwèk'asteûr, tout pût arriver.

quote-part, kôte-pârt, n.f. Tout 'l monde dwèt payi 's kôte-pârt. On lit aussi : côte-pârt.

quotidien, ne, dè tous lès djoûs. C'èsst'in n-ouvrâdje dè tous lès djoûs.