Dictionnaire - lettre J

jabot, malète, n.f.

jaboter, caqueter, cancaner, tchafter, tchawyi.

jacasse, femme bavarde, plédwêre, n.f.

jacasser, tchafter, ratchafter, ratchawter, ratchapter.

jacasserie, tchaftâdje, ratchaftâdje, ratchawtâdje, ratchaptâdje, n.m.

jacasseur, euse, tchafteû, se, ratchafteû, se, rat-chawteû, se, ratchapteû, se, n.m.f.

jachère, tri, n.m. Lèyi couri à tri. Pour avoir été des jachères, certains lieux-dits ont été baptisés : Try.

jacinthe sauvage, Clé d' bo, bleû godè. Quand c'est 'l moumint, au bo d' Hal, i fét tout bleû à cause dès clés d' bo. On vwèt minme dès autocârs avu dès Chinwès yè dès Japonès.

Jacob, pipe en terrre cuite, Djacob.

Jacqueline, Djakline.

Jacques, Djâke, Djauke, Djaco.

Jacquet, Jacquèt, Djakè, lieu-dit sur la route de Ittre vers Virginal, à hauteur du monument aux morts, du nom de la papeterie-cartonnerie Jacquet qui s'y trouvait.

jacquet, jeu, djakè, bac, n.m.

jadis, dins 'l timps. Dins 'l timps, on avoût dèl nîve tous lès iviêrs. On entend aussi : dins 'l temps.

jaillir, brotchi, (è)spiter, (è)spritchi. Ça m'a spité woûr d'èm bouche. L'eûye spite pa lès traus d' l' arozwêr. Fé spritchi 'l djârnon d'in clô.

jais, jé, n.m. Nwêr come du jé.

jalap, plante aux propriétés purgatives, jèlape. On li z-a mis du jèlape dins 's cafè pou li fé 'ne fârce. I n'a ni ri avu ça : il a couru t'au long du nûte.

jalon, djalon, n.m. avisse (rare), n.f. Pou mèzurer, èl jèyomète a vnu avu sès djalons.

jalonnement, djalonemint, djalon'mint, n.m.

jalousement, djalousemint, djalouz'mint, adv. I survèye toudi djalouz'mint 's feume quand èle va fé sès comissions.

jalouser, djalouzer. I djalouze toudi lès afêres dès autes.

jalousie, djalouz'rîye, n.f. Blèfer après lès vizins, c'est souvint dèl djalouz'rîye.

jaloux, djalou, djalousse, adj. et n. Èle est foûrt djalousse après 's n-ome. Rv. Èle est djalousse come ène fumèle dè sindje. Èl tchi qui n'est ni djalou d'ès' n-oche, c'èsst'ène rosse ! Être jaloux : avwêr mau 's vinte. Il a yeû mau 's vinte quand il a vu èm' nieufe auto.

jamais, jamé, maye (rare). Si jamé vos pâssez dins 'm rûwe, buskiz à 'm n-uch. Dji n'âroûs jamé sondji qu'il âroût gangni. Rv. Jamé, c'èsst' in long djoû.

jambage, fé dès bias djambâdjes in scrivant.

jambe, djambe, n.f. Avwêr mau 's djambe. Avwêr ène djambe dè bo. Prendre ses jambes à son cou : prinde sès djambes à spales ou prinde ès' cu à pougnéyes. Avoir des jambes très fines : avwêr dès djambes come dès montants d' gayole, come dès bastons d' pouli. Pour des jambes longues et grêles : yèsse monté à scasses. Avoir les jambes empêtrées : yèsse ingambyi. Rv. Fé ène djambe dè coureû : engourdir la jambe d'une personne en donnant un coup de genou sur la cuisse.

jambon, djambon, n.m. Mindji du djambon infunki. Doner in coûp d' jambon : heurter la cuisse d'une autre personne au moyen du genou.

jambot, gamin de 10 ou 11 ans qui commence à descendre dans la mine (Borinage), par extension, n'importe quel gamin, djambo, n.m.

jante, djante, n.f. Èl djante d'ène roûwe dè vélo.

janvier, janvier, janvié, n.m. In janvié, on a co souvint dèl nîve.

jappement, bawâdje, n.m. Lès bawâdjes du tchi sont soûlants.

japper, bawer.

jappeur, euse, baweû, se, bawau, te, adj. et n. D'aucuns tchis sont pus baweûs qu' lès autes.

jaquette, veste, djakète, n.f. I fét frwèd, mètez vo djakète ! Jaquette de cérémonie : frac à pans.

jardin, djârdin, n.m. Daler pourmèner au djârdin. Rv. In djârdin come in cindri : très petit.

jardinage, djardinâdje, n.m. Lès djârdineûs passe leû timps, à fét branmin d' djardinâdje.

jardiner, djârdiner.

jardinier, ère, djârdini, ère, n.m.

jargon, djârgon, n.m. Tîkfwè, lès avocats pârle ène soûrte dè djârgon maléjièle à comprinde.

jargonner, djârgoner, flamindji. Quand Jan couminche à flamindji, pour mi, c'est du canifèchtoûne.

jargonneur, euse, djârgoneû, se, n.m.f.

jarnac, jarnac, in coûp d' jarnac, c'est quand vos stez pris in tréte.

jarre, tèrin, n.f. Pou consèrver dès yeus in n-iviêr, on lès stitche dins in tèrin.

jarret, (d)jarè, djèrè, n.m. Mindji in djèrè d' pourcha avu dèl sauce al moustârde, c'est fin bon.

jarretelle, (d)jârtèle, n.f. Lès djârtèles dès djoûnes mariéyes poûrte tchance.

jarretière, (d)jârtière, n.f. Sacans omes mète dès djârtières pou tèni leûs tchaussètes.

jars, in mâle d'wè.

jaser, djâser. Ça djâse dins 'l vilâdje : i parèt qu'èl curé va yèsse nomé dwèyin à Tubisse.

jasmin, djasmin, n.m. Bwère du thé au djasmin.

jaspage, action de bigarrer, djaspâdje, n.m.

jasper, djasper, mouch'ter.

jatte, jate, djate, n.f. Bwêre ène djate dè cafè al fèrlope. Aussi pour un verre de bière servi dans un café : dalone bwêre ène djate ? Un infirme dépourvu de jambes : in cu-d'-jate. Rv. À Djily, lès boûrgnes n'ont qu'in n-î, yè lès cus-d'-jates jamé frwèd leûs pîds

jauge, jauche, n.f., salwè (rare), n.m., t. de sylviculture, et d'agriculture, sillon creusé pour enterrer provisoirement les racines d'un arbre, de poireaux, céleris, etc. Mète dès pouplis in jauche. Mète dès pôrias yè dès cèlèris au salwè.

jauger, jauger, djauzer, mèzurer. Djauzer in réservêr.

jaunâtre, djaunâte, adj. Faute au solèy', èl couleûr du mur' qui stoût tout blanc a dèv'nu djaunâte.

jaune, djaune, adj. et n. Ène couleûr djaune canari. In djaune d' yeu. Rîre djaune. Pour un travailleur rebelle aux mouvements sociaux : in djaune.

jaunet, louis d'or, gaunète, n.f.

jaunir, djauni. Èl papi a djauni.

jaunissage, djaunichâdje, n.m. Èl djaunichâdje du bûre n'est ni 'l minme au bon temps qu'in n-iviêr.

jaunisse, djaunisse, n.f. Il a tél'mint sti sèré qu'i d'a fét ène djaunisse.

jaunissement, djaunich'mint, djaunis'mint, n.m.

javel, eau de, dè l'iau d' javèl.

javelage, djav'lâdje, n.m. Quand lès blés sont faukis, èl djav'lâdje couminche.

javeler, djav'ler, mète à djavias.

javeleur, euse, djav'leû, se, n.m.f. Lès djav'leûs n'ont ni yeû fini l'ouvrâdje. Bouter avu ène djav'leûse.

javelle, brassée de céréales, djavia, n.m. On louye deûs djavias inchène pou d'in fé ène djârbe.

jazz, djas', n.m. On va ascouter du djas' à l'anciène sale du Progrès à Yite qui s'apèle asteûr l' Heptone.

je, d', dè, dj', dje, dji, djè. Waye, vos dis-dje ! Dji m'invas. Djè va stièrni. D'arife ! Dj'oûzroûs 'l fé.

Jean, Djan, Djan-Djan. Pour un épouvantail placé par dérision dans un champ tardant à être moissonné : in Djan 'l nôji (fatigué).

Jean-Baptiste, Batisse, Tiche, Tisse. Counèchiz Batisse ?, pusk' i bwèt, pusk'i piche !

jean-foutre, djan-foute, n.m.f.

Jeanne, Jane, Djène. Rv. Quand i n'a ni Djan, il a Djène : il se plaint toujours.

Jeannette, Janète, Djanète, Nanète, Nènète. On a sti ké dès frites lé Nènète à Brin.ne-Chatau.

jemenfichiste, jemenfoutisse, n.m.f. On n' fra ri d' bon avu in jemenfoutisse dinsi.

Jérôme, Djèrôme.

jersey, jèrsè, n.m. Mète in jèrsè d' lin.ne. Ène vatche jèrséye.

jésuite, jézwite, adj. et n.m. Daler à scole lé lès Jézwites. Èle a toudi in n-ér jézwite.

Jésus, Jézu, Djézu. Èl pètit Jézu. Jézu, Marîye, Jozef ! Rv. Ça sint t'aussi bon qu' si 'l pètit Jézu lach'roût 'ne vèsse dins vo nez ! Du pipi pètit Jézu ou c'est du pipi du ptit Jézu dins 'ne marone dè vloûrs : pour une très bonne boisson. Mète èl pètit Jézu dins 'l crèche : coïter.

jet, djèt, jèt, n.m. In djèt d'eûye. Jet (plante, arbre), djèt, djèton. Coûper lès djèts qui poûsse pa-dzou l'ârbe. Pour un jet sortant d'une patate : in djârnon.

jeter, djèter, taper, ruwer, (è)rlater. Il a sti djèté à l'uch. On l'a tapé vwèye. Èle l'a ruwé à l'uch. Taper in coû d'î pal fèrnièsse. Il a rlaté l'ome à têre.

jeteur, euse, djèteû, se, tapeû, se, n.m.f. Ène djèteûse dè soûrt.

jeton, jèton, j'ton, n.m. Al ducasse, i faut acater dès j'tons pou daler ké à bwêre au comptwêr. I d'a qui frine dèl politike ri qu' pou touchi dès jètons d' présince. Foute in j'ton à 'ne saki.

jeu, djeu, n.m. Ké djeu dwéci ! : quel bazar ! In djeu d' cârtes, dè biyâr, dè guîyes. Être à son affaire : yèsse à 's djeu. Coïter : fé 'l djeu. Il a bien conduit son affaire, il a bien manoeuvré : il a bî min.né 's djeu. Muchi 's djeu. Daler au djeu d' bale. Djeu d' main, djeu d' vilain. Rv. Chériye, dj'ai du djeu ! : je bande.

jeudi, djeudi, n.m. Dins 'l temps, à scole, on avoût condji tous lès djeudis, mins ni 'l sèm'di. C'èsst'in 1958 qu'on a yeû condji lès après-din.ners dès mèrcrèdis yè dès sèm'dis. Rv. On ratindra èl sèmin.ne dès kate djeudis pou 'l fé : on remet aux calendes grecques. Note : il s'agirait du premier jeudi, à la fois du millénaire, du siècle, de l'année, du mois.

jeun, à, yèsse à djun. I faloût yèsse à djun pou daler à comuniyon.

jeune, adj. djoûne, djon.ne. Il a co l'ér djoûne pou 's n-âdje. Plais. : il est co djoûne, i tchit co dès danisses (bonbon à l'anis). No tcha a yeû sès djoûnes : a mis bas. Rv. Vî djoûne ome, vîye bièsse ! Rv. À un jeune garçon qui commence à fumer ou à boire de l'alcool : fèzez atincion, vos dalez brûler vo djârnon !

jeûne, n.m., djune. Fé djune yè abstinince.

jeûner, djuner. Pou raméri, i faut djuner. Note : ne pas confondre avec d'djuner, forme contractée de dèdjuner pour le verbe « déjeuner ».

jeunesse, djon.nèsse, djoûnèsse, n.f. I faut qu'djoûnèsse ès' passe. Ène bèle djoûnèsse.

Joachim, Djwèsse, Jwassin.

Job, Job, Djète (rare). Yèsse poûve come Djète.

joc, à, état de repos (du moulin), à djoke. I dmeure à djoke : il se repose. Travayi sins djoke : sans répit.

jockey, jokè, n.m. Avu sès 45 kilos tout ramouyi, i froût in bon jokè.

Joconde, la, èl Joconde, n.f. Rv. Pour une personne peu souriante : èle est come èl Joconde, èle a peu d' moustrer sès dints.

jocrisse, niais, lourdaud, djocrisse, n.m.

Jodoigne, Djodogne. Dè Yite à Djodogne, i n'a pon d' route dirèk'.

joie, jwè, jwèy', djwè, n.f. Moustrer 's jwè. Brére dè jwè.

joignant, e, jwingnant, e, jwindant, e, adj. Dins lès mézos jwingnantes, i faut fé atincion d' ni fé trop d' brû.

joindre, jwinde, djwinde. Quand on est djoûne, on a tîkfwè du mau à jwinde lès deûs bouts. Djwinde sès mains pou priyi.

joint, e, adj. jwint, e, djwint, e. Avwêr sès deûs mains jwintes. Sauter à pîds djwints. On entend aussi : à pîds djondus.

joint, jwint, n.m. Fé lès jwints dèl façade. Fumer in jwint.

jointoiement, jwintwèyâdje, jwintwayâdje, jwintèy'mint (rare), n.m. Note : (è)rjwintwèyâdje est le plus usité. L'èrjwintwèyâdje d' in mur'.

jointoyer, djwintèyer, djwintwèyi, djwintwayer. Pou djwintwèyi, on boute avu in rparwè.

jointoyeur, (d)jwintwèyeû(r),(d)jwintwayeû n.m.

jointure, (d)jwintur', ployant, plouyant, n.m. Avwêr mau sès plouyants.

joli, e, djoli, îye, adj. I fét toudi 'l djoli pa-d'vant lès coumères. Hè bî, c'est du djoli ! (quand ça ne l'est pas !, antiphrase).

joliment, djolimint, adv. Ça stoût djolimint arindji.

Jolimont, Djolimont. Daler al clinike dè Djolimont.

jonc, djon, n.m. Il astoût drwèt come in djon.

jonchée, (d)jonchéye, n.f.

joncher, djonki, (d)jonchi. Après qu'il a fét du grand vint, èl rûwe astoût djonchéye d'ène masse dè feuyes.

jongler, djongler. C'est in brichaudeû : i djonguèle avu sès liârds.

jongleur, euse, djongleû, se, n.m.f.

jonquille, tchambouréyes, n.f, ène djaune pupe. On daloût coud' lès tchambouréyes au long du tch'min du Sart, dins 'l bo d' Ite.

Joseph, Jozèf, Djozèf, Djo, Zè. Sint Djozèf c'est 'l patron dès mènuziés, dès tcharpintis, dès tchârlis, dès èbènisses, yè d' tous lès cis qu'ont yeû in gamin qui n'èst ni d'à yeûs'.

Joséphine, Jozèfine, Djozèfine, Fine, Fifine.

jote, djote, n.m. Mindji dèl târte al djote. I d'a d' deûs soûrtes : lès vèrtes yè lès mitwèyènes qu'ène mitan est djaune, ri qu'au froumâdje. Note : pas d' étymologie trouvée pour ce mot. Dans certaines régions wallonnes, le mot djote désigne une potée de patates avec des légumes verts.

jouable, djouwâbe, djeuwâbe, adj. Ène pièche dè tèyâte dificîl'mint djouwâbe.

joubarbe, djubarbe, n.f. Dins 'l temps, on mètoût ène djubarbe sul twèt pou impétchi l'orâdje dè tchér dèssu.

joue, machèle, n.f. Doner in bètche su lès deûs machèles. Enfler les joues : moufler (rare).

jouer, djeûwer, djeuwer, djouwer, djuwer. Djeûwer au tcha-muchi, au tcha couri, à lès îs bindés, al bale, au cèrke (cerceau). Djeuwer à popa-moman, à tièsse yè à lète (pile ou face). Djeûwer à mèles, au p'tit fièr, à cârtes, du piyano. Terme technique : èl manse djeuwe. Il a du djeu dins 'l roûwe. Se moquer gentiment : djeûwer avu lès pîds. Se moquer avec défi : djeûwer avu. Jouer un mauvais tour : djeûwer ène kinte, ène crasse.

jouet, djouwèt, djeuwèt, n.m. Pou leû Sint-Nicolas, lès èfants dèmande ène masse dès djouwèts. Dj' ai sintu qu' dj'astoûs 's djeuwèt.

jouette, djeûwète, adj. et n.m.f. Lès djoûnes dè tcha sont foûrt djeûwètes.

joueur, euse, djouweû, se, djeuweû, se, djuweû, se, n.m.f. In bia djeuweû. In djeuweû d' toûrs.

joufflu, e, qui a dès grosses machèles.

joug, goreau (français local), porte-seaux, goria, n.m. Avant 1948, lès djins d'Yite qui n'avine pon d' pus' à leu mézo daline al fontin.ne, ou bî al coulète, avu in goria yè deûs sayas, ké ène vwèye d' eûye.

jouir, jouwi, djouwi. Nos avons dèl tchance dè djouwi d'ène bone santé.

jouissance, djouwissance, n.f. Avwêr èl djouwissance d'ène bone pinsion.

jouisseur, euse, (d)jouwisseû, se, n.m.f.

jouitif, ve, jouwitif, îve, adj. Bwêre ène bone Trapisse avu sacans coumarâdes, ça pût yèsse jouwitif.

jour, djoû, n.m. In bia djoû. Un jour ouvrable, am'djoû. Yun d' cès djoûs, djè dirai in condji. Èl djoû d'après, èl djoû d'avant. En plein jour : plin djoû, plin.ne eûre. A la pointe du jour : al pikète du djoû. A la tombée du jour : al breune. Rv. Lès djoûs sè sûve mins nè s'èrchène ni. Vivre au jour le jour : vîfe au jour le jour (pas de tournure wallonne connue). On n'a ni fét 'l monde in n-in djoû. Rv. Pour un jour imaginaire, qui n'arrivera jamais : èl djoû dèl fwêre aux boutons d' brayète ou èl djoû qu'lès pouyes diront à crochètes ou èl sèmin.ne dès kate djeudis ! Travailler en pause de jour : yèsse dè djoû.

journal, gazète, n.f. Tous lès djoûs, èl facteûr m'ap-oûrte èm' gazète. Journal de classe : à scole, nos avine tèrtous in journal dè classe pou moustrer à nos parints qui dèvine tîkfwè l' signi.

journal, mesure agraire, djourné, n.m. In djoûrné, ça mèzuroût 21 ares.

journalier, ère, adj. et n. In n-ouvrâdje dè tous lès djoûs. Ène feume à djoûrnéye. Lès sézonis Flamins travayine al djoûrnéye.

journaliste, journalisse, n.m.f. Lès journalisses dwève avwêr èl libèrté d'èsprèssion.

journée, djoûrnéye, n.f. Ène bèle djoûrnéye. Gangni 's djoûrnéye. Ène feume à djoûrnéye. Quand il a fini 's djournéye à l'usine, i d'in rcouminche yone in travayant dins lès cinses, 'squ'au nût'. Rv. I n' faut jamé s' vanter d'ène bèle djoûrnéye tant qu'èle n'est ni woute : il ne fait pas vendre la peau de l'ours, etc.

journellement, journèlemint, journèl'mint, djour-nèl'mint. I faut brouch'ter sès dins journèl'mint, deûs coûs au mwins.

joute de coqs, bataye dè coqs.

joûtir, laisser mûrir, pârer. Après qu'on a coudu lès puns, i faut lès lèyi pârer sacans djoûs dins 'l câve ou bî dins 'l cûjène.

jouvenceau, djoûnia, gavio, n.m. Maugré 's n-âdje, i djeûwe co au djoûnia.

jouvencelle, djoûnète, djoûnèsse, n.f.

jovial, e, jovial, e, adj. Minme quand il est scrans, il est toudi jovial.

joyau, jwèyau, n.m. Lès jwèyaus d'ène courone.

joyeusement, (d)jwèyeûsemint, (d)jwèyeûz'mint, adv. Quand on inme ès' mèsti, on boute jwèyeûz'mint.

joyeux, se, (d)jwèyeû, se, adj. Avwêr in caractére jwèyeû.

jubé, tribune d'orchestre, docsâl, n.m. Daler tchanter au docsâl.

jubilaire, jubilére, adj. et n.m.f. I n' faut ni confonde « on a vu bwêre 10 jubiléres » avu « on a vu bwêre 10 Jupiler ». Les feumes ètou save bi poukè.

jubilé, jubilé, n.m.

jubiler, jubiler. Rv. Tèni 'l bon Dieu pal bârbe. C'est quand leû n'èkipe dè fout'bal gangne conte les Francès ou bi lès Olandais que lès Bèljes jubile èl pus.

jucher, yèsse à pièrtche, djoki (rare). Djoki in n-èfant su sès spales. Èl coq dè l'èglîje èsst' à pièrtche tout au d'zeûr du cloki.

juchoir, perchoir, djokwè (rare), n.m. Lès pouyes doûrme su in djokwè.

Judas, Juda, Djuda. In tréte Djuda. In fau Djuda.

judiciaire, judiciére, adj. Èl police judiciére. In n-èspèrt judiciére.

judiciairement, judiciéremint, judiciér'mint, adv.

juge, jûche, n.m.f. Daler au jûche dè pé. On n' pût ni yèsse jûche yè pârtîye.

jugement, jûj'mint, n.m. Ratinde èl jûj'mint.

jugeotte, jujote, n.f. Avwêr dèl jujote.

juger, jujer. I n' faut ni jujer trop râde lès djins.

jugulaire, de casque, gourmète, n.f.

juif, ive, jwif, e, adj. et n. Jézu a sti jujé pa lès Jwifs.

juillet, (d)julète, juliè, n.m. In djulète, lès èfants sonsst' in condji.

juin, djwin, jwin, n.m. Au mwès d' jwin, lès djoûs sont foûrt longs.

jujube, jujub', n.m.f. On chuchoût du jujub' conte èl tousse.

Jules, Jules, Tchu. Rv. Daler lé Jules : à la toilette.

Julia, Djulia, Julia, Juya. Lès pidjonisses daline bwêre in vêre lé Juya Dètry.

Julie, Djulîye.

Julien, Julyin, Djulyin, Yin, Yin-Yin.

Julienne, Juliène, Djuliène.

Juliette, Juliyète, Djuliyète, Yète.

jumeau, djumau, djumèle, adj. et n. Louis yè Gaston sont djumaus.

jumelage, djumelâdje, djum'lâdje, n.m. In djum'lâdje dè deûs vilâdjes.

jumeler, djum'ler. Yite s'a djum'lé avu Ecueillé.

jumelle d'optique, djumèle, lunètes d'aproche ou dè raproche. Raguider lès mouchons avu dès djumèles.

jument, cavaye, n.f. Ène bèle cavaye. Jument alezane : ène gaunète. Pour désigner une jolie dame ou demoiselle : ène bèle cavaye. Par contre, en parlant d'une dame visiblement sur le retour : ène vîye cavaye.

Jumet, Djumèt. On a sté vîr èl Mad'lin.ne à Djumèt. Ce cortège dont l'origine remonte à l' épidémie de peste de 1380 compte aujourd'hui 2000 marcheurs et pèlerins, 150 cavaliers, 50 fanfares et batteries. Le trajet est de 22 kms et se déroule fin juillet.

jupe, cote, n.f. Pou n' ni l'èspliter, èle a rlèvé 's cote pou passer dins l'eûye.

jupon, cote dè d'zou. Rv. Pour un coureur de jupons : c'èsst'in marou, i keûrt à cotes. S'épuiser en amour : atraper in coûp d' cote.

jurement, djuremint, djur'mint, n.m. Lès djur'mints du cî qui min.noût lès tch'faus, on lès intindoût bî lon.

jurer, djurer. Djurer come in payin. Djurer come in tchèron ou come in tchârti. Dji vos djur' què c'est vré !

jureur, euse, djureû, se, n.m.f.

juridique, juridike, adj. Dèmander in n-avis juridike.

juridiquement, juridikemint, juridik'mint, adv. Juridik'mint parlant, vos n'avez ni rézo.

juriste, jurisse, n.m.f. Daler vîr in jurisse.

juron, Nom dè Dieu. Plais. Skèter dès yeus (jeu de mots avec Dieu prononcé di-eu, eu comme dans oeuf). Nom dè diè, nom dè dieus', nom dè djoû, nom dè djous', nom dèzo, nom dè dom', nom dè djoum', nom dè doum', god'fèrdèke, god'fèrdom, god'fèrdoum, godom, léd godom, godoye, léd godoye, pot'fèrdèke. Sèt' cints noms dè dieus ! Var. Nom dè djiâle.

jury, juri, n.m. Il a yeû 's diplôme avu lès complumints du juri.

jus, djus, n.m. Bwêre du djus d' citron. Mauvais café : djus d' chike.

jusque, djuskè, djusk', dusk', 'squ', tant qu'asteûr. 'Squ' à dmin. Djusk'asteûr, tout va bî. Squ'à taleûr. Djusk'adon. Tant qu'asteûr, dji ratinds toudi après li. I no faut daler djuskè Brusèle pou candji d' train inviè Lîdje. Vos avez djusk'au 30 décimbe pou fé vo dmande. Rv. Alez, 'squ'à là, lès coumarâdes : à plus târd !

juste, djusse, adj. et n. Èl compte est djusse. Tchanter djusse. I n'est ni tout djusse, pour un simple d'esprit, un cinglé, un fou. Juste à temps : à scape. Rv. Dins 's monde-ci, i n'a qu' deûs afêres djusses : tout 'l monde vît d'in trô pou s'indaler dins in aute trô. Rv. Ça ira, mais tout juste : c'est ric et rac !

justement, djustèmint, adv. Djustèmint, djè daloûs vos 'l dîre !

justice, djustice, n.f. Daler au Palè d' Djustice à Nivèle.

justifier, djustifyi. I dwèt tout djustifyi à sès parints.

Justinien, Tiyin. Tiyin Gervy boutoût dins lès cinses.

jute, jute, n.m.f., twèle dè satch. On a mis lès patakes dins in satch dè jute.

juter, djuter. Après 'l pieufe, lès ârbes djute.

juteux, euse, djuteû, se, adj. Ène pwêre bî djuteûse.

juxtaposer, mète à costé yun d' l'aute.