Dictionnaire - lettre V

V, vé.

va, interj. Téjiz-vous, va ! Vos mintez, va !

vacance, vacance, n.f. Èl vacance du pouvwêr.

vacances, vacances, n.f.pl. Daler in vacances, in condji.

vacant, e, adj. Ène place vacante.

vacarme, brû, bastrinke, dalâdje, n.m. Ké bastrinke lé lès vizins ! Rv. Quel vacarme, on ne s'entend plus : on n'intind pus sès pus couri !

vaccin, vacsin, n.m. Quand ç-qu'on indvint'ra in vacsin conte lès bièstrîyes ?

vaccination, vacsinâcion, n.f.

vacciner, vacsiner. Il est majeûr yè vacsiné.

vache, vatche, n.f. Asteûr qu'èl train n' passe pus à Vèznau, lès vatches raguid' lès aviyons qui vont à Goch'lies. Le pis de la vache : èl pé dèl vatche. Mindji dèl vatche inradjéye. Julio pârle francès come ène vatche èspagnole. Pour une vache aux flancs creux : ène vatche flancréye. Une vache stérile : ène vatche monse. Une vache qui s'apprête à vêler : ène vatche asmètante. Une vache qui vient de vêler : ène vatche frèche véléye. Une vache qui se tarit : ène vatche qui s'èrtir', qui plokète. Rv. Ça m'est égal : dj'inme austant vatche què via. Les vieux ont oublié leurs erreurs de jeunesse : èl vatche roublîye souvint qu'èle a sté via. Il a entendu une rumeur qu'il n'a pu vérifier : il a intindu ène vatche brére, mins i n' sét ni dins ké staule. Une vache qui joue au taureau : ène torlaute. Une vache nymphomane ( !?) : ène torasse. Pour une dame ménopausée mais toujours portée sur la bagatelle : i n'a ni si vièye vatche qui n' torîye in coû par an ! En parlant de vaches qui courent en battant l'air de la queue pour tenter d'échapper aux mouches qui les harcèlent : lès vatches bizèle ou buzèle. Pour marquer une évidence : quand lès vatches vont à tchamp, èl prèmière est toudi pa-dvant ! En parlant d'une mauvaise habitude dont il est impossible de se défaire : c'est come ène vatche qui tape.

vacher, ère, vatchi, vatch'rèsse, n.m.f.

vacherie, étable des vaches, èstaule dès vatches.

vacherie, coup vache, crasse, n.f. I fét toudi dès crasses à sès vizins.

vaciller, pendouiller, barloki, bèrloki. Èl flame bèrloke avu lès courants d'ér.

vadrouille, vadrouye, n.f. Il est toudi in vadrouye.

vadrouiller, vadrouyi. Dèspu qu'il est pinsioné, i vadrouye pa tous costés.

vagabond, e, vagabond,e, roûleû, se, adj. et n.m.f.

vagabondage, vagabondâdje, n.m. Èl vagabon-dâdje dès tchis èsst'intèrdit.

vagabonder, roûler lès tch'mins.

vague, d'eau, vâgue, n.f. Ène grosse vâgue a rbiki 'l batia.

vague, adj. vâgue. In tèrin vâgue. Dèmeurer dins 'l vâgue.

vaguement, vâguemint, vâgu'mint, adv. Dji d'ai vâgu'mint intindu pârler.

vaillamment, vayamint, adv. I s'a batu vayamint conte in pus grand qu' li.

vaillance, vayance, n.m. Moustrer dèl vayance à l'ouvrâdje.

vaillant, e, vayant, e, adj. Pou bouter, c'èsst'in vayant. Il n'a pas un sou vaillant : i n'a ni in cron liârd.

vaillantise, vayandise, n.f.

vain, e, inutîle, adj. Fé dès èfoûrts inutîles.

vaincre, vinke, bate. I n'a pièrsône pou 'l bate à vélo. Il a sti vinku pal maladîye. Rv. En commentaire sur 2 personnes qui se combattent : on n'sét ni co qui ç-qui d'in mindjra (sous-entendu : de la terre, lorsqu'il sera terrassé). Il a été vaincu : il a yeû ça à 's cu. Rv. Vos stez vinku ! Répl. Vint cus, c'est karante fèsses ! Rv. A vaincre sans péril…etc. On n'a ni à s'fé ène glwêre si on gangne sins mau, sins rûje. Var., on n'a ni à fé du rinflé si…èç' cétèra.

vainqueur,e, vinkeûr, e, n.m.f. Èl vinkeûr du Toûr dè France l'a tîkfwè sti à l'insu d'ès' plin gré.

vaisseau, récipient pour liquides ou grains, vacha, n.m. Passer l'èstritche su 'l vacha d' froumint.

vaisselier, véssèlier, vwèli (rare), n.m.

vaisselle, véssèle, n.f., bidons, n.m.pl. C'èsst'à qui 'l toûr d'èrlaver lès bidons ? On a acaté dèl nieufe véssèle.

valable, valâbe, adj. À lès élècsions, on n' compte què lès vôtes valâbes pou savwêr qui ç-qui va yèsse élu.

valablement, valâblèmint, adv.

Valentin, Lentin, Tintin.

Valentine, Lentine, Titine.

valet, valèt, vârlèt, n.m. Djeûwer au valèt d' pike (aussi surnommé chachâle). In vârlèt d' cinse. Tél mésse, tél vârlèt. Rv. In simpe vârlèt al tchèrûwe vaut mèyeû qu'in gros mossieû sul rûwe.

valeur, valeûr, valichur', valicheûr, n.f. Lès yârds ont dè mwins in mwins d' valeûr, acatez dès brikes !.

valide, valid', adj. Vo tikèt n'est pus valid'. Un homme valide : in n-ome dè stok. Être valide : yèsse dè stok.

validité, validité, valichance (rare), n.f. Èl validité d'in passepôrt.

valise, valîse, n.f. Ès' feume li z-a fét sès valîses.

vallée, valéye, n.f. Èl valéye du Ry Tèrnèl. Courir par monts et par vaux : couri pa tiènes yè valéyes.

vallonement, valonemint, valon'mint, n.m.

valoir, valwêr. Fé valwêr sès drwèts. Ès' fé valwêr. Ène auto dinsi, ça vaut dès liârds. Ça n'd'in vaut ni lès pin.nes. Rv. Cela ne vaut rien : ça n' vaut ri, ou ça n' vaut ni 'ne chike, ou ça n'vaut ni 'ne pète, ou ça n'vaut ni lès kate fièrs d'in tchi. Rv. I vaut mèyeû in mouchon dins 's main què deûs su l'aye. Rv. I n' vaut ni co l'eûye qu'i fét cûre sès yeus d'dins. Rv. I n' vaut ni co l'ombe dèl fumière du brin d'èm' grand-pére !

valse, valse, n.f.

valser, valser. Valsone chérîye ? Je l'ai mis à la porte : dji l'ai fét valser à l'uch.

valseur, euse, valseû, se, n.m.f.

valve, valve, pipète, n.f. Rv. Pour une dame aux gros tétons : èle a dès bouts d' tète come dès pipètes dè tracteur.

Valve d'affichage : lambretèke, lambèrdèke, n.m. Lès cîs qui vont s'marier ont leûs nos dins 'l lambretèke pa-dvant 'l Mézo Comunâle.

van, machine à vanner, vintche, n.f. Passer du froumint al vintche.

vandale, vandale, n.m.f. Sacans vandales ont rintré dins 'l tchapèle dè Fauquez pou skèter ène masse d'afêres. Binde dè malins, va !

vanille, vanîye, n.f. On m'a dit qu'èl mèyeûse vanîye, c'est 'l ciène dè Gascard, c'est marki d'su : Made à Gascârd. Kè dites, dji n'ai rî compris !?

vaniteux, se, grandiveû, se, n.m.f. À ç-qu'i parèt qu' c'èsst'à Knouke-lès-Zots qu'il a in nid d' grandiveûs.

vannage des blés, dèspayâdje, n.m.

vanne, vane, n.f. Drouvi lès vanes.

vanneau huppé, piwîtche, n.m.

vanner, aponter, mète à pont, dèspayi. Mète dèl blé à pont. Elle est fatiguée : èle est vanéye.

vanneur, euse, dèspayeû, se, mèteû, se, à pont, n.m.f.

vannier, mandèrli, n.m.

vantail, arrière de charrette, tape-cu, n.m. Vantail supérieur de porte : in pèrnia, n.m., inférieur, in n-uchèt, n.m.

vantard, e, vantârd, e, vanteû, se, adj., soufleu, se, dè prautes. n.m.f. Lès Aclots, èl dimince après-din.ner, is s' mète pa dvant leû n-uch pou scrèper leûs dints yè moustrer qu'is ont mindji dèl viande ! En parlant d'un vantard : i s' vante, yè i n'a ni co in djigot pou scrèper 's cu ! En réponse à un vantard : hé, dès vantârds, i d'avoût d'djà d'vant 'l guêre ! Répl. Waye, yè on n' lès a ni tèrtous tuwés ! Rv. I fét mèyeû à l'uch d'in plindeû qu'à 'l ciène d'in vanteû. Var., il a souvint pus al mézo d'in bribeû qu'al ciène d'in vanteû. Autre réplique à un vantard : trô d' vo cu ! À l'adresse d'un jeune vantard : il apèrdroût bî 's père à fé dès èfants.

vantardise, vantardîse, n.f.

vanter, se, ès' vanter. Rv. I n' sâroût ni dîre kate mots sins s'vanter. Vanter sa marchandise : fé l'ârtike.

vanterie, vantrîye, n.f.

va-nu-pieds, va-nu-pîds, n.m.f.

vapeur, vapeûr, n.f. In batia à vapeûr. Allumettes soufrées : dès alumètes al vapeûr. Dins 'temps, au d'zeûr du tiène Bièrny, au cwin dèl rûwe dèl Longue Sèmin.ne, ç'astoût in cabarèt apèlé : Al Vapeûr. Èl tram à vapeûr qui passoût à Yite, on l'apèloût ètou « èl tram à carbûre ». Inviè 40 ans, lès feumes ont souvint dès vapeûrs.

vaporisateur, vaporisateûr, n.m.

vaporiser, vaporiser.

varech, waréche, n.m.

vareuse, vareûse, n.f. Quand 'l match dè foutbal est fini, i faut mète lès vareûses al lèssife.

variable, variâbe, adj. et n. Èl timps est variâbe.

variante, variante, adj. et n.

variation, variâcion, n.f. Djeûwer dès variâcions su in piyanô.

varice, varice, n.f. Quand èles ont d' l'âdje, on dîroût qu' lès feumes in minijupe font dès concoûrs dè varices. Mamourète, vos srez sul podium !

varicelle, pokètes dè rûwe ou pokètes volantes. Note : les appellations dè rûwe ou volantes sont probablement en relation avec le caractère très contagieux de la varicelle.

varier, varyi. I faut varyi lès pléjis. Souvint feume varîye.

variété, variété, soûrte, n.f. Dès soûrtes dè patakes, i d'a dès masses. Dins 's djârdin, i sème branmin d' variétés d' fleûrs.

variole, nwêrès pokètes, n.f. Il est gravé pa lès pokètes.

varioleux, se, varioleû, se, adj.

varlope, varlope, drèsseûse, djwindrèsse, jwindrèsse, n.f.

vase, n.f., vâse, bèrdouye. Èl fond du canâl est plin d' vâse. Pou daler pèchi, Marc mètoût dès vièrs dè vâse su 's n-auzin.

vase, n.m. vâse. Mète dès fleûrs dins n-in vâse. Vase de nuit : in pot'chambe, n.m., in pich'pote,ou pis'pote, n.m.

vau-l'eau, à, toûrner à cu d' pouye, à manegaye, à drouye, à rî.

vaurien, ne, vauri, ne, n.m.f., alblouk, albran, n.m., brake, n.m.f. Rv. I n' vaut ni lès kates fièrs d'in tchi !

vautrer, se, ès' trouyi. Lès pourchas s' trouye dins lès bèrdouyes. No tchi daloût s' trouyi dins lès flates.

Vauxhall, voir Wauxhall, n.m.

va-vite, diarrhée liquide, va-vite, courante, coulante, n.f.

veau, via, n.m. Satchi 'l via woûr dè 's mame. Veau à l'arrière-train très développé : in cu d' poulangn' ou cu d' poulain. Lès Bleu Blanc Bèlche, c'est tout cu d' poulangn'. Brére come in via qu'a pièrdu 's mame. Pour un grand nigaud : in grand via. Rv. Quand on est con, c'est pour toujours : quand on est via, c'est pou in n-an, quand on est bièsse, c'est pou toudi.

Pour quelqu'un qui est dorloté, soigné, comme un coq en pâte : il est rlètchi come in via qu'a deûs méres. Pour éconduire un curieux qui demande « ayu ? », rép. : « dins 'l cwin ayusk'èl via est moûrt… ! ».

veau-de-mars, via d' mârs, jibouléye, n.f.

vedette, vedète, n.f. I s' prind pou 'ne vedète.

végétation, véjétâcion, crèchances, n.f. No gamin a dès crèchances dins 's goûrdje. Algues : dès maraches, n.f.

veille, vèye, n.f., èl djoû dè dvant. Al vèye dè Sint-Nicolas, on mètoût nos solés pa dvant 'l tchèminéye, yè sul tâbe, in vêre dè goute pou 'l sint, avu 'ne carote pou 's baudèt.

veillée, vèyâdje, vèyéye, n.m., (è)scrène,(è)scriène, n.f. Daler à scrène lé lès vizins. Èl vèyâdje d'in moûrt. V. soirée.

veiller, vèyi, (è)scrèner, wéti (veiller à). Wéti au grain. On scrène al Nowé. Wéti à sès afêres. Wéti à sès liârds.

veilleur, euse, vèyeû, se, n.m.f. In vèyeû d' nût'.

veilleuse, lampe, vèyeûse, n.f. Lèyi ène vèyeûse alumée.

veinard, v. chançard.

veine, vin.ne, n.f. Lès vin.nes du bo. Lès vin.nes du marbe. Avoir de la veine, de la chance : avwêr dèl tchance.

vêlage, vélâdje, n.m. C'èsst'au printemps qu' lès vélâdjes couminche.

vêler, véler. No vatche s'asmèt, èle va bi râde véler.

vélocipède, vélo, vélo, vèlo, n.m. Audjoûrdu, on acate dès vélos élèctrikes qui cousse 2500 eûros. Is font 250 watts, 625 wh, 16 ah yè 60 nm.

vélodrome, vélodrome, n.m.

velours, v'loûr. In n-ivièr, on mèt dès marones dè v'loûr.

velu, e, pwèyu, we, adj. Il est pwèyu come in gorile.

venant, e, vènant, e, v'nant, e, adj. In n-èfant bî v'nant. Acater du tchèrbon tout v'nant.

vendable, vindâbe, adj. Ès' vîye auto n'est pus vindâbe.

vendeur, euse, vindeû, se, n.m.f. In bon vindeû d'autos. Rv. Il a pus d' sots acateûs què d' sots vindeûs.

vendre, vinde. Dèl guêre, sacans boutikes n'avine pus rî à vinde. Vinde dès boubounes. Vinde bon martchi, vinde tchér. Vendre au rabais : brader, bazârder, lèyi daler.

vendredi, vérdi, vendrèdi, n.m. Rv. Léd vérdi, bia dimince.

vendu, e, vindu, we, adj. et n. C'èsst'in vindu, l'ar-bite : on intind souvint ça du costé dès cîs qu'ont sti batus.

vénérable, vènèrâbe, adj. et n. In n-ome vènèrâbe. La procession de la Fête-Dieu : èl procèssion du Vènèrâbe.

vénération, vènèrâcion, n.f. Lès cis qu'avine dèl vènèrâcion pou Notrè-Dame d' Ite ont sti foûrt dèsbautchis dè vîr l'uch dè l' èglîje sèréye deûs mwès d' long, à cause du Covid-19. Du coû, d'aucuns du vilâdje dîje què l'èglîje dè Yite n'est pus leû n-èglîje. On dira dirèk au cimintière, d'aboûrd ? Mi, waye, dirèk.

vénérer, vènèrer. Yè si on vènèroût 'l diâle ?

vénérien, ne, maladie vénérienne, vèrole, n.f.

venette, vènète, pèpète, clope, vèsse, proute, chite, n.f. Avoir la venette, avoir peur : avwêr èl pèpète, èl clope, èl proute, èl chite, avwêr ès' cu strwèt, prouter, cloper, tchîr dins 's marone.

vengeance, vindjince, n.f. Ça crîye vindjince.

venger, vindji, (è)rvindji. Il a vindji 's frére. I s'a rvindji d'in n-afront. Rv. Attendre le moment opportun pour se venger : ratinde au long toûr.

véniel, le, vénièl, e, adj. In péché vénièl. Ène faute vénièle.

venimeux, euse, vènimeû, se, adj. Atincion d' ni midji dès tchampions vènimeûs.

venin, vènin, n.m. Èl vènin d'ène wasse.

venir, vèni, vènu, v'ni, v'nu. Vènez 'squ'à ci ! Ça li vît d' famîye. I faut prinde lès djins come is sont, èyè èl temps come i vît. Lès cîs qui véront après nous n'ârons qu'à rnètyi no polucion. S'i véroût à mori, ayusk'on va l'intèrer. L'année prochaine : l'anéye qui vît. D'où vient-il que., comment se fait-il que ?, pourquoi ? À kè manke … ? On n'est pas à cela près : on n'est ni à ça près ou ça n' vît ni à in mète. Ça n' vît ni à chinke francs. Ça n'vît ni à chinke minutes. Dji vérai à vo mézo, èl sèmin.ne qui vît. Pour un accouchement par siège : vèni 'l cu dvant.

vent, vint, n.m. Èl vint soufèle dins lès tchapes du Ry Tèrnèl. Èl vint èsst'al pieufe. Èl vint pinche, agne, cache. Èl vint soufèle dè bîje. Coup de vent, nuage : ouftéye, n.f. Ène ouftéye dè poûssières. S'abriter du vent : s'mète au rcwè (abri) du vint. Daler pus râde qu'èl vint. Èrwéti dè ké costé qu'èl vint vît. Avwêr vint d'ène sakè. In n-instrumint à vint. Rv. En parlant de personnes qui aiment paraître, sans en avoir les moyens : branmint d'vint, wére dè pieufe. Èl vint qui soufèle èl sèm'di d' Pâke, soufèl'ra 'squ'al Pint'coute. Lâcher un vent : fé in pèt, ène proute. Avoir vent de : avwêr dès sounètes. Rv. Quand 'l tcha grate ès' n-orèye, c'est signe dè vint. Rv. Le vent est aigre : èl vint est sûr, èl bîje est sûrte. Rv. Il n'a jamais eu de chance : il a toudi yeû èl vint dins 'l nez.

vente, vinte, n.f., vindâdje, n.m. Daler al vinte d'ène mézo. Pour un commerce à fort débit : il a in fameû vindâdje à 's boutike-là.

ventilateur, ventilateûr, n.m.

ventilation, ventilâcion, n.f. Èl ventilâcion d'ène tchambe.

ventiler, ventiler lès dèspinses.

ventouse, vintoûse, n.f.

ventre, vinte, n.m. Plais., boutike, n.m. boudène, boudine, panse, n.f. D'un gourmand : i n' sondje qu'à 's vinte. Avwêr sès îs pus grand qu'ès' vinte. Faire un bon repas : mète ès' vinte su fourme. Faire un régime sévère : grougni à 's vinte. Avoir le ventre creux : avwêr sès bouyas vûdes. Couri vinte à têre. Yèsse à plat vinte. J'ai l'estomac dans les talons : èm' vinte plake à 'm dos. Se tenir en équilibre sur le ventre : yèsse à pansète su 'ne couche. Être atteint de coccidiose, maladie du lapin. : avwêr èl gros vinte. Importuner quelqu'un : pèler 'l vinte à 'ne saki. Être jaloux, envier : il a mau 's vinte dè ç-què dj'ai acaté ène nieufe auto. Rv. Pour un couteau qui ne coupe pas : in coutau qui coûpe come in mau d' vinte. Rv. Dj'ai mau 'm vinte (XX)! Répl., fêtes ène crwè d'su, vos ârez trinte (XXX) ! Ventre affamé n'a point d'oreilles : quand on a scau sès brokes, on d'vît soûrd yè moya. Être jaloux de : d'avwêr mau 's vinte.

ventrière, vintière, n.f.

ventriloque, ventriloke, n.m.f.

ventru, e, pansu, we, panchu, we (rare), adj. et n.

venu, e, vènu, we, v'nu, we, adj. et n. Èl prèmi v'nu. Èl nouvèle vènûwe.

venue, vènûwe, vènur', n.f. Lès aléyes èt v'nûwes. Il a rèspondu ça d'ène seûle vènur'.

venvole, à la, pris avec légèreté, sans y accorder d'importance, al vinvole.

vêpres, vépes, n.m.pl. Tous lès diminces, nos stine oblidjis dè daler à vépes.

ver, viêr, vièr, moulon, n.m. Lès puns sont plins d' moulons. In viêr dè têre. Daler pèchi avu dès viêrs dè vâse. C'èsst'in mindjant dèl viande ni cûte assez qu'on pût atraper 'l viêr salutére. Tout nu come in viêr. Yèsse mindji pa lès viêrs, pa lès moulons. Vert blanc de fumier : warbô, n.m. Trace laissée par un ver sur le linge mis à sécher : sucète, n.f.

véranda, vèran'da, n.f.

verbal, e, vèrbâl, e, adj. et n. Il a ramassé in proçès-vèrbâl.

verbalement, vèrbâlemint, vèrbal'mint, adv.

verbaliser, verbaliser. Èl police l'a vèrbalisé pask' i n'avoût ni mis 's cintur' dè sécurité.

verbe, vèrbe, n.m. Ça n'est ni facîle dè conjugui lès vèrbes in walon.

verbiage, vèrbiâdje, n.m. Après qu'il a arèté 's vèr-biâdje, pièrsône n'a clatchi.

verdâtre, vèrdâte, vèrdasse, adj. Il avoût in teint vèrdâte. L'eûye du pus' est vèrdâte. Pour un farceur, une farceuse : in, ène vèrdasse. Être verdâtre : yèsse vèrdausse, vèrt-vèssu.

verdeur, vèrdeûr, n.f. Maugré 's n-âdje, sèptante yè dès ans, il est co plin d' vèrdeûr.

verdict, vèrdik, n.m. On ratind èl vèrdik du jûche.

verdier, ordinaire, vèrt-fiyon, gros-vèrt, n.m., jaune, vèrdière, djauzine, n.f.

verdir, vèrdi. Au mwès d'avri, lès bos couminche à vèrdi.

verdissement, vèrdich'mint, n.m. On vwèt du vèr-dich'mint su lès ârdwèses du twèt.

verdure, vèrdur', n.f. Lès mouchons s' muche dins 'l vèrdur' dès ârbes.

verdurier, ière, légumi, n.m., marchand(e) d' légumes, n.m.f., èl feume du légumi.

véreux, se, vèreû, se, adj. In pun vèreû, ène pwêre vèreûse. Vèreû s'emploie aussi à propos d' une personne au caractère difficile, désagréable, grognon. Ké vèreû 'm n-ome.

verge, fouet, vèrdje, n.f. Tringle en acier : ène vèrdje d'aci. Surface de ± 43,6 m². No djârdin a ène surface dè 2 vèrdjes. Note : 20 verges = 1 bonnier, soit ± 87,2 ares. Membre viril : bite, kète, biroute, n.f., sindje, tchipe, osti, n.m. Verge de gamin : chuflot, fifi, pièrot, n.m., kèkète, n.f. Manche de fouet en frêne ou en jonc tressé : èl vèrdjon d' l'èscoréye. Rv. Pour une personne en situation de dépit, de forte déception : c'èsst à brére avu 's pièrot dins 's main !

vergeron, manche de fouet, vèrdjon, n.m.

verglas, vèrgla, wargla (rare), n.m.

vérificateur, trice, vérificateûr, trice, vérifieû, se, n.m.f.

vérification, vérificâcion, n.f. Èl vérificâcion dès papis.

vérifier, vèrifyi. Avant d' daler doûrmi, on va vèrifyi si lès uchs dèl mézo sont sèréyes.

vérin, vèrin, n.m. In vèrin idraulike.

véritable, vèritâbe, adj.

véritablement, vèritâblèmint, adv.

vérité, vèrité, n.f. Djurer dè dîre èl vèrité, rî qu'èl vèrité. Djè li z-ai dit sès kate vèrités. Rv. Il a 'ne sakè qu' on n-inme ni intinde, c'est sès kate vèrités. Je voudrais connaître la vérité sur cette affaire : dji vouroûs savwêr èl fin mot d'ès' n-afêre-là. I n'a qu'èl vèrité qui blèsse. Rv. Èl vèrité, c'est tout parèy' à dèl wîle : ça rvît toudi au-d'zeûr.

verjus, vèrju, n.m. Èl vèrju, ça n'est ni facîle à bwêre.

vermeil, vèrmèy', n.m.

vermicelle, vèrmichéle, n.m. Mindji dèl soupe avu dès vèrmichéles.

vermifuge, dèl poûde conte lès viêrs.

vermine, vèrmine, n.f. Lès poulis sont plins d' vèrmine, adon on stitche dèl tan'zéye pou 'l fé daler vwèye.

vermouler, se, ès' vèrmouler. Du vî bo qui s' vèrmoule.

vermoulu, e, vièrmoulu, uwe, adj. L'uch est tout vièrmouluwe.

vermoulure, vièrmoulur', n.f.

vernir, vèrni. Vèrni ène tâbe.

vernis, vèrni. Mète ène uch au vèrni. I fét in bia visâdje, yè quand i pârle, il a 'ne doûce alin.ne, mins ça n'est qu'in vèrni.

vernissage, vèrnichâdje, n.m. Èl vèrnichâdje d'ène èspôsicion.

vérole, vèrole, n.f. Rv. Plais. (quoique.) en parlant d'un personnage dont le visage est marqué par la vérole : il a tcheut dins in brin d' pièrètes.

véronique, plante utilisée pour soigner les ulcérations de l'œil : browon, n.m.

verrat, vèrau, n.m. Avwêr ène tièsse come in vèrau. Èl cî qui min.ne èl vèrau pou daler mète lès trouyes à mâle, ça s'apèle « in chinèl ».

verre, vêre, n.m. Vos m'payiz in vêre ? In vêre à bière. Bwêre in bon vêre. Verre à genièvre : in culbuteûr, ène motche. Grand verre à liqueur : in godau. Petit verre à liqueur : in chuflot, in vèrkin, in vèrcot. Un demi-verre : in misérâbe. Un verre à liqueur sans pied : in plat-cu. Rv. Vos pèrdrez bî in deûzième vêre ? Rép. : bî waye, on n' s'inrva ni su 'ne djambe ! Pour un bon verre : on dîroût du pipi d' pètit Jézu dins 'ne marone dè v'loûrs ! A l'adresse d'une connaissance dont la braguette est ouverte : vos payiz in vêre ?

verrerie, vèr'rîye, vêr'rîye n.f. Èl vèr'rîye dè Fauquez.

verroterie, vèrotrîye, n.f.

verrou, vèra, n.m. Fé 'l vèra. Rv. A propos d'une dame portée sur la bagatelle : èle est pus tchaude qu'èl vèra d' l'infièr. A propos d'une personne mince : on n' dèvît ni cras à chuchi lès vèras.

verrouiller, vèrouyi. Vèrouyi in cofe-foûrt.

verrue, poria, n.m. Pou fé pârti in poria, on mèt du djus d' sologne (chélidoine) dèssu.

vers, vèrs, n.m. I fét dès vèrs sins in n-avwêr l'ér yè dès powézîyes sins in avwêr inviye !.

vers, inviè, viè, aviè, palé, sul coû. Il èsst'arivé sul coû d' midi. I dmeure du costé d' Vèznau. On intind l'orâdje inviè Brin.ne-lè-Comte. Il est vwèye viè Nivèle. Daler pourmèner palé lès Longs Prés.

versage, vèrsâdje, n.m. Èl vèrsâdje dès poubèles dins lès uréyes, c'est pou lès barakis.

versement, vèrsèmint, n.m. On a fét in vèrsèmint d' cint z-eûros pou lès maleûreûs.

verser, vièrser, vièrsi, biki, (è)rbiki, flachi. Vièrsez dins 'm vêre, mins ni pus waut qu'èl boûrd. Vièrsi dès larmes. L'orâdje a flachi, coûchi, aflachi lès blés. I pieut à vièrse. Vo saya pûje, vos flachiz t'au long du tch'min. Èl camion à rbiki dins 'l fossé. Etendue de blés couchés : ène payasse. Rv. Plais., pour le fait de soulager un besoin naturel : biki 's bènia.

versificateur, vèrsifieû, n.m.

versification, vèrsificâcion, n.f.

versifier, vèrsifyi. Vèrsifyi in tèxe.

versoir, de la charrue, rîche ou rîsse, n.f. Partie du versoir : utche, n.f. Versoir double pour butter ou labourer profondément : foûgnau, n.m.

vert, e, vèrt, e, adj. et n. Du bo vèrt. Ène fieuye vèrte. Mettre le bétail en prairie : daler au vèrt. In vî ome qu'est co vèrt. Dire des gauloiseries : dîre dès vèrtes. Pour une personne entre deux âges : intrè 'l vèrt yè 'l sètch. Pour un original, un comique : c'èsst'in vèrt. C'èsst'ène vèrte. C'est chou vèrt yè vèrt chou. Mindji ène anguîye au vèrt.

vert-de-gris, vèrt dè-gris. Un original : in vèrt-dè-gris.

vertèbre, vèrtébe, n.f. In tchèyant d' l'èskièye, dji m'ai intassi trwès vèrtébes.

vertement, vèrtèmint, adv. Rèsponde vèrtèmint à 'ne saki.

vertige, tourniyole, n.f. Dj'ai yeû deûs tourniyoles audjoûrdu, i faura què d' vwèye au mèd'cin.

vertu, vèrtu, n.m. Pratiki lès vèrtus.

vertueusement, vèrtuweûsemint, vèrtuweûz'mint, adv. Vîfe vèrtuweûz'mint.

vertueux, se, vèrtuweû, se, adj. In cèrke vèrtuweû, c'est 'l contrére d'in cèrke vicieû.

vertugadin, faus-cu, n.m.

verveine, vèrvin.ne, n.f. Bwêre dèl vèrvin.ne.

vésicatoire, vésicatwêre, n.m. Lès vésicatwêres, c'est dès médicamints qui done dès clokes sul pia.

vésicule biliaire, amèr, n.m., boutèye, n.f.

vesprée, vièspréye, n.f. Profiter du bon temps dèl vièspréye.

vesse, vèsse, chîlante, sûrte, proute, n.f. Lachi ène vèsse, ène proute. Inutile de s'auto-flageller : inutîle dè rniyi 's cu pou 'ne vèsse. D'un homme versatile : il a austant d'idéyes qu'in pourcha n'a d' vèsses à 's cu. Pour une futilité : pou 'ne vèsse mau toûrnéye.

vesse-de-loup, vèsse-dè-leûp, n.m.

vesser, vèssi. Rv. Pour un fieffé menteur : i mint co pus qu'èl diâle èn' vèsse. Cela n'en vaut pas la peine : i n' d'a ni pou fé vèssi ène cane. Rv. Vèssi pau bètch : avoir une mauvaise haleine, puer du bec. Avwêr l'alin.ne qui rboufe : avoir mauvaise haleine.

vesseur, euse, vèsseû, se, vèssau, te, n.m.f.

vessie, vèssîye, n.f., pètroû, n.m. Prinde dès vèssîyes pou dès lantèrnes.

veste, vèsse, n.f., cazake, n.m. Toûrner cazake. Tomber la veste : s' mète in pur'.

vestiaire, vèstière, n.m.

vestibule, vèstibule, n.m.

veston, vèston, cazake, n.m., djakète, n.f. Mètez vo djakète pou daler à mèsse.

vêtement, abit, n.m., loke, n.f. Mète sès abits du dimince. Mète sès bias abits. Il n'a pas de vêtement convenable : i n'a ri à mète à 's cu. Vieux habits : artifayes, atrifayes, n.m.pl.

vétéran, vètèran, n.m. Plais., lès vîs pètaus.

vétérinaire, vètèrinére, ârtisse, n.m.f. Èl vètèrinére Lisart a vnu sougni nos baudèts. Quand 'm bèle-mére est malâde, djè li dis d' daler au vètèrinére, adon, c'est co toudi margaye.

vétille, pètcha, n.m., couye, n.f. On n' va ni s'imbarasser d' pètchas dinsi !

vétiller, chicaner, chicaner, pwèy'-dè-cuter.

vétilleur, euse, chicaneû, se, djan-farfouye, pwèy'-dè-cuteû, se, n.m.f.

vêtir, abiyi. S'abiyi in lokteû. S'abiyi in minîr.

veuf, veuve, vèf, e, veûf, veûve, adj. et n. Plais., épouser une veuve : mindji du stotchè rtchaufé.

veûle, personne veûle, fébe, n.m.f. Terrain trop léger : veûle, adj. Ameublir une terre, aveûli 'ne têre.

veuvage, veûvâdje, n.m. I s'a rmarié après in long veûvâdje. Pratique de colombophile consistant à séparer momentanément les couples de pigeons pour stimuler les mâles. Djeûwer au veûvâdje.

vexant, e, biskant, e, adj.

vexer, fé biski.

viable, viyâbe, adj. Lès trains yè lès trams gratwits, ça n'est ni viyâbe.

viaduc, viyaduc', n.m. Quand 'l tram montoût dèl gâre dè Vèznau 'squ'au vilâdje, i passoût sul viyaduc. À Brin.ne-l' Alieu, èl viyaduc' passe au dzeûr dèl tchausséye qui va à Mont-Sint-Pont.

viager, ère, viyager, ère, adj. et n. Vinde ène mézo in viyager.

viande, viande, n.f. On mindje dè mwins in mwins d' viande.

vibratoire, vibratwêre, adj.

vicaire, vikére, n.m. Georges Denef a sti vikére dins sacans parwèsses.

vice, vice, n.m. Èl vice yè 'l vèrtu.

vice-président, e, vice-présidint, e, n.m.f.

vicieux, se, vicieû, se, adj. et n. In rgârd vicieû.

vicinal, e, vicinal, e, adj. et n. Èl tram vicinal londjoût èl Ry Tèrnèl d'Aut'-Ite à Skimpont.

vicissitude, rûje, n.f. Avwêr dès rûjes. Faire face à des vicissitudes : mindji dèl vatche inradjéye.

vicomte, esse, vicomte, èsse, n.m.f. C'est 'l vicomte Hubert Jolly (18/09/1925-22/10/2020) qui dmeûroût al Chatingnèréye.

victime, victime, n.m.f. Yèsse victime d' ène maladîye.

Victoire, Victwêre.

victoire, victwêre, n.f. I n' faut ni criyi victwêre trop râde.

Victor, Tor, Totor.

Victorien, Toryin.

victorieusement, victorieûsemint, victorieûz'mint, adv.

Victorine, Torine. Dins 'l temps, on daloût bwêre in bouc lé Torine du Marou.

vidage, vûdâdje, n.m. Èl vûdâdje d'ène tone à fichéye.

vidange, vidange, n.f. Fé 'l vidange dèl wîle moteûr. Èrpoûrter lès vidanges au boutike. Taper lès vidanges dins 'l bule à vêre. Plais., fé vidange : uriner.

vidanger, vidanger.

vide, vûde, adj. et n. Tchér dins'l vûde. Èm' vêre est vûde. Plais., pour signaler que le verre est vide et qu'il serait bienvenu de le remplir à nouveau : tchieu, i fét sètch dwéci ! Ariver les mains vûdes. Roûler à vûde.

vidé, croute feuilletée, garnie de viande, vol-au-vent, etc., biscwit, n.m.

vider, vûdi. Vûdi ène boutèye. Vûdi 's satch. Èl tone est vûdéye. Rv. Nous avons bu toute la bouteille : nos avons strauné 'l boutèye. Èl boutèye est straunéye.

videur, euse, vûdeû, se, n.m.f.

vie, vîye, vikérîye, n.f. Tant qu'il a dèl vîye, il a d' l'èspwêr. Yèsse intrè 'l vîye èyè 'l moûrt. Ène vîye dè tchi. Gangni 's vîye. À la vîye yè à la mort. Une longue vie, une longue existence : ène longue vikérîye. Avoir une bèle vie : l'avwêr kinje. Rv. Avwêr ène vîye dè pourcha : courte yè bone. Des yeux sans vie, ternes : dès îs moûrtasses.

vieillard, e, vièyârd, e, in vî ome, ène vîye feume.

vieillement, vièy'mint, adv.

vieillerie, vièz'rîye, anticaye, n.f. Il a vindu toutes sès vièz'rîyes. Il a 'ne masse d'anticayes dins 's mézo.

vieillesse, vièyèsse, n.f. Il est moûrt dè vièyèsse à nonante-deûs ans. In baston d' vièyèsse. Rv. Pour une maladie de vieillesse : in mau d' lûja (cercueil).

vieillir, vièyi, avièyi. I s'avièyit foûrt pou 'l moumint. Prendre un coup de vieux : ravièyi. Plais., à propos d'un personnage dont l'âge fait craindre le pire : i crèche après 'l têre come lès keûyes dès vatches.

vieillissant, e, (a)vièyichant, e, adj.

vieillissement, vièyich'mint, n.m. Coumint scaper au vièyich'mint ?

vielle, viyole, n.f.

vierge, vièrje, adj. et n. Ès' djârdin, c'est 'ne vréye forèt vièrje. Èle n'est pus vièrje : èle a d' djà yeû 's pèna skèté. Fé sès priyères al Sinte Vièrje.

vieux, vieille, vî ou vièy', adj. et n.m., vîye ou vièye, adj. et n.f. In vî ome, ène vîye feume. I m' chène qu'i dvît vièy'. In vî tchapia. Dès vîs djins ou dès vîyès djins ou dès vièyès djins. Un vieux célibataire : in vî djoûne ome. Une vieille jeune fille : ène vîye djoûne fîye ou plais. : in bijou ni rclamé. C'èsst'aussi vî qu' lès tch'mins. Il ne vivra pas vieux : i n' fra ni dès vîs ochas ou i n' pass'ra pus tous lès ivièrs. Un vieux de la vieille : in vî stoumak, in vî scan'çon, in vî sto, in vî paltot, in vî strin. Plais. : in vî pètau. Il est vî assez pou fé in moûrt. Au pus vî, au pus sot ! L'aîné : èl pus vî. Rv. Quand on est vî, ène proute rastènûwe fét in abcès au trô du cu.

Vieux-Genappe, Vî-Dgnape. Gentilé plais., lès Vîs-Gènapans.

vif, vive, vif, e, adj. et n. fèl, e, adj. Il est co fèl pou 's n-âdje. Dèl vife tchausse. Piki au vif.

vif-argent, mèrcur', vif-ârdjint, n.m.

vigile, vijile, n.m.f.

vigne, vigne, n.f.

vignette, vignète, n.f. Plaki ène vignète su l'ordonance du mèd'cin.

vignoble, vignôbe, n.m. Èl vignôbe du Tchaumont.

vigoureusement, vigoureûsemint, vigoureûz'mint, fèl, adv. Wétiz à skeûwer vigoureûz'mint 'l boutèye dè médicamint.

vigoureux, se, coria, stocasse, adj. et n. In n-ome coria. Lès patakes sont stocasses. Au fig., in coria, pour un gai luron.

vigueur, vigueûr, n.f. Avwêr dèl vigueûr.

vil, e, vendre à vil prix, brader, bazârder.

vilain, vilain, vilin.ne, léd, e, adj. et n. In vilin coco. Ène vilin.ne feume. Ène léde playe. Faites du bî à in vilin, i vos ratche dins vo main. De vilaines manières : dès lédès manières.

vilainement, vilin.nemint, vilin.n'mint, léd'mint, adv. I stoût vilin.n'mint cochi.

vilebrequin, imbèrkin, vil'brèkin, n.m.

vilenies, faire des, fé vîr èl diâle dins 'ne boûrse dè twèle ou dè cûr.

villa, vila, n.f. Èl vila dèl Chatingnèréye. Èl vila du Plouys. Èl vila dèl Vigne. Èl vila Piérart : belle construction située rue Basse à Ittre, face à la boucherie Pascal. Elle marqua son époque au point de figurer sur une carte postale sous-titrée « La Villa ». Actuellement, elle subit des travaux. A suivre.

village, vilâdje, n.m. Lès nés-natifs du vilâdje. Vîfe au vilâdje. Èl ducasse du vilâdje.

villageois, viladjwè, se, adj. et n.m.f.

ville, vile, n.f. Vîfe in vile. Daler au martchi dèl vile. Lès djins dèl vile. Rv. A propos d'un vantard : i prind 'l trô d'ès' cu pou l'intréye d'ène grande vile.

Villers-la-Ville, Vilé.

vin, vin, n.m. Bwêre du bon vin.

vinaigre, vinégue, n.m. Vinaigre bouilli dans une bouteille noire, censé faire disparaître les cors au pied : du fèlé, n.m. A l'adresse de quelqu'un qui tire la tronche : il a sté au vinégue.

Rv. On n'prind ni lès mouches avu du vinégue. Pour réveiller certaine ardeurs défaillantes : faites-li bwêre du vinégue : ça ramolit lès ougnons yè ça durcit les coûrnichons !

vinaigrette, vinégrète, n.f. Mète dèl vinégrète sul salâde.

vingt, vint, vint'. Si dj'aroûs co vint' ans yè savwêr çoû què d'sés audjoûrdu ! Quand dj'avoûs katoûrze ans, in 1956, tous lès diminces dji rcèvoûs ène dringuèle dè vint francs (0,5€). Il a vint'deûs ou bî vint'trwès ans.

vingtaine, vintin.ne. Avwêr ène vintin.ne d'anéyes.

vingtième, vintième. Èl vintième sièke est woute.

viol, foûrçâdje, n.m.

violemment, viyolamint, adv. Il a rclapé l'uch viyolamint. Il a sti viyolamint rbouré.

violence, viyolence, n.f. Èl viyolence n'arindje ni lès afêres.

violent, e, viyolent, adj. In n-ome viyolent.

violer, foûrci. Foûrci ène coumére. Violer la loi : daler conte lè lwè.

violet, te, viyolèt, e, adv. In visâdje viyolèt.

violette, viyolète, n.f. Coud' dès viyolètes.

violeur, euse, foûrceû, se, n.m.f.

violon, viyolon, n.m. Quand 'm couzène Genevièfe Dujardin djeûwoût du viyolon, on âroût dit in tcha qu'avoût 's keûye èstrapéye dins 'l craye dè l'uch. Minme qu'èle a yeû dès rûjes avu la S.P.A. (Société Protectrice des Auditeurs). Rv. I faut danser come èl viyolon va.

violoncelle, viyoloncèle, n.f. Si vos mèzurer in mète vint' ça va yèsse maléjièle pour vous dè djeûwer du viyoloncèle. Dji vouroûs bî aprinde à djeuwer du viyoloncèle à coulisse.

violoniste, viyolonisse, n.m.f. Rv. C'èsst'in n-ârtisse dè bouya d' tcha !

vipère, vipére, n.f. Matile du Tcha yè Mèlîye du Pinte avine ène langue dè vipére.

virage, virâdje, n.m. Intrè Waut-Ite yè Vèznau, c'est tout virâdjes.

virago, dragon, n.m. C'est ni ça 'ne coumére, c'èsst'in dragon, èle est toudi sul dos d'ès' n-ome : Eric, èm' pètit, èrlavez lès bidons, Eric, èm' pètit, stièrdez vos pîds, Eric, èm pètit, alez fé lès commissions. Rép. Waye, Mariana, waye !

virement, vir'mint, n.m. Nos avons fét in vir'mint dè cint z-eûros pou 'l Crwè-Roudj'.

virer, virer, braki. Virer d' boûrd. Virer dès liârds. Braki à drwète.

Virginal, Vèsnau, Vèznau, Vèz'nau, Vès'nau. Note : quoique souvent reprise, la graphie Vèsnau est à déconseiller. Gentilé : lès Vèznautoûs.

Virginie, Virjinîye, Mimîye, Ninîye.

virgule, virgule, vèrgule, n.f. Si vos roubliyiz d' mète ène virgule, ça pût candji 'l sens' dèl frâse.

virole, vèroule, viroule, n.f. Plais., anneau, bague : il a 'ne vèroule à 's dwèt.

virus, virus', n.m. Dès virus', i d'a d' toutes lès soûrtes : des djoûnes virus', dès vîs virus', dès co vite arivés, yè dès co vite vwèy' !

vis, vis', n.m.f. Mète in vis avu in tournavis'. Fé in pas d' vis' avu in tèraud. Sèrer 'l vis'.

visage, visâdje, n.m., plais., guèzitche, n.m., (v. néerl. gezicht), binète, n.f. In bia visâdje. Un visage atteint par la gale : in visâdje à crousses. Un visage marqué par la vérole : in visâdje come ène èscum'rèsse. Tirer la tête : fé in sûr visâdje. Un visage bouffi : in visâdje come in cu d' Flamind. Un visage difforme : in visâdje come in coûp d' pougn' dins in boulot d' mastic, ou come in coûp d' pougn' dins 'ne flate. Un visage pâlot : in visâdje come ène plène lune ou in visâdje come in navia pèlé deûs coûs ou in visâdje tout bladjot. Un visage ascétique : in visâdje come èl cu d'in poûvr'ome. Autres gentillesses : in visâdje dè gate, dè tch'fau, dè viêr, dè rinconte què tous lès tchis vont pichi conte.

vis-à-vis. Il n'est pas gentil vis-à-vis de ses voisins : i n'est ni djinti au rgârd dè sès vizins. Mon vis-à-vis : èl cî in face dè mi.

visée, viséye, n.f. Avwêr dès viséyes su in galant. Rv. Rien n'arrête un ambitieux : kète qui bind n'a pon d' parint.

viser, viser, adjuster. Il a visé 'l mouchon qui stoût su l'aye.

viseur, vîseûr, n.m. Yèsse dins 'l vîseûr d'ène saki.

visibilité, visibilité, n.f. Pau brouyârd, èl visibilité n'est pacoû fon què d' 20 mètes.

visible, visib', adj. Fuchiz visib' quand vos faites du vélo.

visiblement, visiblèmint, adv.

visière, pène, n.f. Ène barète avu 'ne longue pène. Rv. Je ne l'ai dit à personne : djè l'ai dit al pène d'èm' barète.

Visitation, èl fièsse dèl Visitâcion al Sinte Vièrje.

vision, vision, vusion, n.f. Avwêr dès visions.

visite, visite, n.f. Passer ène visite au docteûr. Rinde visite à 'ne saki. Ène cârte dè visite. Plais., crotte : èl tchi a lèyi 's cârte dè visite. Ène tchambe dè visite. Rv. Quand 'l coutia tchét al têre, c'est signe dè visite. Rv. A une personne dont la visite précédente remontait à longtemps : tènè, vos avez co bî trouvé 'l tchèmin ? Rv. En parlant d'un personnage qui vous ignore, qui ne vous rend pas souvent visite : i n' prind pus souvint 's tournant par ci.

visiter, visiter. Nos avons visité èl vile dè Gand.

visiteur, euse, visiteû, se, n.m.f. Èm' feume Danièlle astoût visiteûse al prîjon d'Yite.

visqueux, euse, glumiant, e, adj. C'est glumiant come in ratchon sul trotwêr. Glumiant come ène pia d' lum'çon.

vissage, vissâdje, n.m. Èl dérni vissâdje qu'on fra pour vous, c'est 'l cî du couvièrke dè vo lûja.

visser, visser.

vitamine, vitamine, n.f. In n-ivièr, mindjiz du citron, c'est plin d' vitamines !

vite, râde, rèd', adj. et adv. Il est rèd' vwèye. I daloût râde pou scaper al pieufe. Ça va trop râde. I daloût rèd' come èl vint. Au plus vite : râde yè abîye, si râde què possib'. Dji vérai t'aussi râde què d' sais. Couri dè tout sès pus râde. T'aussi râde dit, t'aussi râde fét. Qu'i vène, ça dira râde ! Lès criyaus crèche râde. Vite, vite : abîye, abîye. Si râde qu'i fra bon temps, si râde qu'on dira in condji. Dans les années 1950, des cigarettes portaient la marque SPRINT, dès cigarètes pou daler rèd'. Rv. A quelqu'un qui vous demande d'aller plus vite, d'accélérer la cadence, le rendement : hé dji n' sûs ni à pièches, hin !

vitelotte, vitèlote. Lès vitèlotes, i d'a dès bleûses yè dès co pus bleûses.

vitement, râd'mint, ram'mint, râm'mint, adv. Vènez ram'mint 'squ'à ci, gamin !

vitesse, vitèsse, n.f. Vincent Walem pèdaloût à plin.ne vitèsse pou dèskinde èl tiène Bièrny ; tout ça pou daler blagui avu Christiane yè Myriam.

vitrage, vitrâdje, n.f. Mète in trip' vitrâdje.

vitrail, vitrau, n.m.

vitre, cârau, cârô, n.m., vite, n.f. Lès voleûrs ont skèté ène vite dè l'auto. Lès gamins ont tapé dès cayaus su lès câraus dèl mézo.

vitrée, armoire, armwêre à glace, n.f.

vitrié, vitriyé, n.m. les. Èl vitriyé poûrte sès caraus su in rafe qu'i mèt à 's dos. Rafe : fléau du vitrier, outil formé de crochets, servant à transporter le verre à vitre.

vitrine, étalage, vitrine, n.f. Au Nowé, lès boutikes font dès bèlès vitrines. Valve vitrée pour affichages officiels : lambèrdèke, n.m.

vitriol, vitriyol, n.m. Scrîre ène lète au vitriyol.

vivant, e, vivant, e, vikant, e, adj. et n. Lès vikants yè lès moûrts. On l'a intèré vivant. Èl walon, c'èsst'ène langue qui n'est pus foûrt vivante. Rv. Lès curés mindje lès moûrts, lès avocats mindje lès vivants.

vive, vîve. Vîve èl mayeûr !

vivement, viv'mint, adv. Tant qu' vos travayiz, vos sondjiz : « viv'mint 'm pinsion ! ». Yè quand vos stez pinsioné, vos sondjiz : « yè asteûr ? Viv'mint kè ? Mori ? ».

viveur, euse, viveû, se, n.m.f.

vivier, vivier, n.m.

vivoter, vivoter, vicoter, satchi 'l diâle pal keûye.

vivre, vîve, viki. Viki come in rwè. Vîfe come in n-èrmite. Vivre comme un bâton de chaise : viki come lès tchis. I faut viki dèvant d' mori. Ès' lèyi vîfe. Èl cî qu'est moûrt, i n' ratind pus. Il ne vivra plus longtemps : c'èsst'in mouchon pou 'l tcha. C'est un égoïste : i n' vike què pour li. Manière de vivre : vikâdje, n.m., vikérîye. Il a yeû in bia vikâdje, ène bèle vikérîye. Rv. En entendant parler d'une personne dont on n'a plus de nouvelles : tènè, i vike co li ? Rv. On va vous apprendre à vivre : on vos apèrdra vos patèrs !

vlan !, bèrdaf, bèrdanfe, raf. I roûloût au long du canâl yè tout d'in coû, raf, lè vlà dins l'eûye.

Vlasmarkt, lieu-dit au nord de Braine-le-Château, à la limite avec Halle, èl Vlaamsmarkt (flamand spotchi).

vlek, vlèk, n.m., cacaye, n.f.

vocabulaire, vocabulére, n.m. Modèrez vo vocabulére, hin fieu !

vocation, vocâcion, n.f. Pou yèsse curé, i faut avwêr èl vocâcion, yè pou fé dès mirakes, i faut dès invocâcions.

vœu, veû, n.m. Au Nouvèl An, nos présintons nos veûs à toute èl famîye. Fé veû dè poûvrèté.

Faire vœu d'aller en pèlerinage : promète èl voye à Lourdes.

vogelpik, vôguèlpik, n.m. Djeûwer au vôguèlpik.

voguer, vôgui.

voici, vlà-ci, vlà-cit', vwèci. Vwèci 'm nieufe auto. Lè vlà-cit', vo vélo. En voici : d'in vlà. Le, la voici, vèl-là ci, vèl-là-cit'tè. Les voici : vèl-za. Me voici : mè vlà.

voie, vwè, vwèy', vwèye, voye, vouye, n.f. Èl vwè du tram. Lès vwès du train. Chûre èl vwèye qui va à Piyote. Être toujours en route : yèsse toudi su tch'min su voye. Faire un voyage pour aller chercher une charge d'eau (généralement 2 seaux à l'aide d'un goria) à la source ou à la fontaine : daler ké ène vwèye d' eûye. Donner de la voie aux dents d'une scie : doner dèl vwèye à 'ne soyète. Voie large pour un char agricole : ène lârdje voye (1.80m). Idem, voie étroite : ène èstrwète voye (1.25m). Promettre le pèlerinage : promète èl vwèye.

voilà, vlà, là, là t' tè ! Mè vlà, lè vlà. Le, la voilà : vèl-là. Les voilà : vèl-za. Voilà tout : vlà toute. Ne voilà-t-il pas que : vlà-t-i ni què. ! Tenez, voilà votre argent : tènè, vlà vos liârds. Je ne vous dirai rien, voilà ! : dji n' vos dirai rî, là t' tè !

voile, vwèle, n.m. In vwèle dè dintèle. Prinde èl vwèle. Èl vwèle du palè. Mète in vwèle pou daler al moskéye.

voile de bateau, vwèle, n.f. In batia à vwèle. Fuir : mète lès vwèles.

voilé, e, vwèlé, ye, adj. Èl rouwe d'èm' vélo est vwèléye. Èl cièl est vwèlé.

voiler, vwèler. Vwèler sès îs.

voilette, vwèlète, n.f. Dins 'l temps, à lès intèr'mints, lès feumes mètine ène vwèlète. Il est né avu 'l vwèlète (amnios), il âra toudi dèl tchance.

voir, vîr. I n'a pus rî à vîr. On vîra bî. Daler vîr après in coumarâde. Daler vîr lès couméres. Vîr dè d' lon. Vîr dè près. Vîr d'in waut. Vîr clér. Je pars à leur recherche : dji m'invas vîr après yeûs'. En voir de toutes les couleurs : d'in vîr dès grîjes. Se méprendre : vîr bleû. Ils ne peuvent pas se sentir, ni se voir : is n' pove ni s'sinte, yè ni s' vîr. Voir loin, prévoir : vîr lon. Prendre congé : daler vîr. Dalone vîr ? Rv. On aura tout vu : après ça, on pût bî èrsaki l'èskièye ! Subir des ennuis, des tracas : vîr èl diâle dins 'ne boûrse dè twèle. Vous voyez ça d'ici : vos viyez ça dè d'ci. Voyons un peu : viyone in pau. Rv. I faura vîr. Répl., vîr, c'est kate in flamind, yè béjiz 'm cu in latin ! Rv. Dji n' vwès pus clér ! Répl. Si vos n' viyez pus 'l clér, wétiz 'l curé. Rv. Nos vîrons. Répl. In vî rond, c'èsst'in vî cu. Il semble que. : i m' chène à vîr què. ! Note : à Ittre, cette expression devient le plus souvent : i m' chène avis què… !

voirie, vwèrîye, n.f.

voisin, vizin, vizène, vijin, vijène, adj. et n. Dins no ruwe, on na pon d' rûjes avu lès vizins.

Il est toudi stitchi lé 's vizène. Rv. Èl cî qu'est jin.né pas sès vizins, i n'a qu'à rculer 's mézo.

voisinage, vwèzinâdje, vij'nâdje, n.m. Èl vwèzi-nâdje n'èl vwèt ni volti. Fréquentation entre voisins : fé du vij'nâdje.

voisiner, vwèziner. Èm' garâdje vwèzine avu 'l sî. Fréquenter les voisins : èm' frére vijène volti.

voiturage, vwèturâdje, par tombereau, bèn'lâdje, par charrette, tchèriotâdje, n.m.

voiture, vwètur', auto, n.f. Daler pourmèner in vwêtur'. Ène vwêtur'd'èfant.

voiturée de tombereau, bèn'léye, n.f.

voiturer, vwèturer, bèn'ler, tchèrioter.

voiturette, vwèturète, n.f. Pourmèner in n-èfant in vwèturète.

voiturier, ère, tchârti, bèn'leû, se, tchèrioteû, se, n.m.f.

voix, vwè, n.f. Ène vwè d'ome. Il a ène bèle vwè. Pârler à vwè basse. Pièrde èl vwè. Il a yeû 45 vwès à lès élècsions. Plais. A propos de quelqu'un dont le timbre de voix est désagréable : il a ène bèle vwè pou scrîre. Avoir une voix de fausset : créler.

vol, vol, n.m. A vol d'wèzau. Lès brèyis (bûses) toûrne in vol plané. Atraper au vol.

vol, vol, n.m. Il a sté condan.né pou vol yè viyolence.

volage, volâdje, involé, ye, maraye (rare), adj. Il est foûrt involé.

volaille, volaye, pouy'trîye, n.f. Mindji dèl pouy'trîye.

volailler, pouy'ti, cokli, n.m.

volant, volant, n.m. Djeûwer au volant. Ès' mète au volant. Tèni 'l volant.

volant, e, adj., volant, e. Ène machine volante. Ène soucoupe volante. In pèchon volant.

vol-au-vent, vol-au-vint, n.m. I d'a qui mindje du vol-au-vint avu 'l biscwit.

volée, voléye, n.f. Sèmer al voléye. Ène voléye dè mouchons. Ène voléye dè coûps d' pîds. Une volée de coups : ène rame. Une volée de cloches : ène lache.

voler, planer : voler. Voler conte èl vint. Il a été jeté à la porte : il a volé à l'uch.

voler, dérober, voler, fé skèrwèk (v.flam. wegscheeren), skèrwèki, fé pak'fas (v.flam. vastpakken), scroter, chôler. Voler in vélo. Scroter ène saki.

volerie, malhonnêteté, vol'rîye, n.f. C'èsst'in mauvé bî (personnage douteux) qui n' sondje qu'à vol'rîyes.

volet, volèt, n.m. batante, n.f. Frumer lès batantes. In volèt mècanike. Triyi sul volèt.

voleur, euse, voleûr, eûse, adj. et n, coûpeû d' boûrse. In ardi voleûr. Être voleur : avwêr dès crons dwèts. Pour un voleur compulsif, kleptomane, : i n'a qu'èl trop tchaud yè 'l trop pèzant qu'i n' prind ni. Rv. Il est pus voleûr qu'in moukè (épervier). Rv. A Quelqu'un qui se plaint de sa famille : c'èsst'in maleûr d'avwêr in frère curé yè l'aute voleûr ! Rv. A l'adresse d'une personne qui exagère dans les prix qu'elle demande : tchieu !, vos n'astez ni 'l mitan d'in voleûr !

volière, volière, n.f. Èm' grand-pére avoût toutes soûrtes dè mouchons dins 's volière.

volige, volîche, n.f. Volige placée sur un mur pour régulariser le gîtage : ène lisse.

volontaire, volontére, adj. et n. Une plante qui croît facilement : lès criyaus yè lès ronches sont volontéres come tout. Lès volontéres dè guêre.

volontairement, volontéremint, volontér'mint, adv.

volonté, volonté, n.f. I moustre toudi dèl bone volonté.

volontiers, volti, adv. Note : volti s'emploie dans le sens : aimer, aimer faire, apprécier. Dji bwès volti ène bone trapisse. I va volti s' pourmèner. Je vous aime : dji vos vwès volti. V. flam., ik zie u graag.

voltage, voltâdje, n.m. Èl voltâdje dins lès mézos, c'est souvint du 220.

volte-face, voltè-face, n.m. Fé voltè-face.

voltige, voltîje, n.f. Dèl waute voltîje.

voltigeur, euse, voltijeû, se, n.m.f.

volume, volume, n.m. In grand volume. In stère dè bo, c'èsst'in volume d'in mète cûbe.

vomir, vômi, rinde, dèsgueûler, èrnaki, èrnauder, èrmèsurer, (è)rmète. Il a rmis tout 's din.ner.

vomissement, vômich'mint, vômichur', n.m. Èl mal dè mèr, ça provoke dès vômich'mints.

vomisseur, euse, vômisseû, se, (è)rnaudeû, se, (è)rnakeû, se, n.m.f.

vos, vos, adj. poss. Moustrez-mi vos pîds. Mèlez-vous d' vos afêres.

votant, e, vôtant, e, adj. et n.

votation, action de voter, vôtâdje, n.m.

vote, vôte, n.m. Èl vôte èsst'obligatwêre.

voter, vôter. Vôtez Bèrtoux, vos ârez tout.

votre, adj. poss. vo, vo n-, pour euphonie devant voyelle. Vo n-auto, vo n-èfant. Vo frére, vo tchi. À vo santé !

vôtre, pron. poss., vo, vote, vôle. Ça c'est 'l mi, ça c'est 'l vôle.

vouer, vouwer.

vouloir, voulwêr. Il a fét ça sins l' voulwêr. C'est come vos volez. Èl bo n' vût ni brûler. Qui vût, pût. Djè vos d'in vûs. Ça n' vût rî dîre. Il fait mine de., i vût come pou… ! L'arbre menace de tomber : l'ârbe vût tchér. La pluie menace : on dîroût tout qu'i vût pieûre.

vous, vos, vous. Vos astez fin bia. Vos mindjiz pou kate ! Vous seul : vous tout seû. Vous tous : vous autes tèrtous ou tout vous autes. Après prép. : avant vous, après vous, pour' vous, sins vous, avu vous, avè vous. En interrog., chantez-vous : tchantez ? Boiriez-vous ? Bwériz ? Dormez-vous : doûrmez ? Où allez-vous ? Ayu dalez ? Vous allez où ? Ayu ç-què vos dalez ?

voussette, voûssète, n.f. Dins lès vîyès mézos, lès plafonds astine souvint à voûssètes.

voussure, voussur', n.f.

voûte, voûsse, voûte, n.f. Petite voûte, voussète. In plafond à voussètes.

voûté, e, voûté, ye, adj. Ène câve voûtéye. Ène vîye feume, toute voûtéye.

voûter, voûter, voûsser. Voûter in plafond.

vouvoyer, vouvwèyi. À Yite, on vouvwèye toudi, ni kèstion d' tutwèyi.

voyage, vwèyâdje, n.m. Daler in vwèyâdje. Aller en voyage de noces : daler in toûr dè noces.

voyager, vwèyadji.

voyageur, euse, vwèyadjeû(r), eûse, vwèyajeûr, eûse, n.m.f. Aussi pour un représentant de commerce. I stoût vwèyajeûr pou ène usine dè papi à tapisser.

voyance, vwèyance, n.f. Si vos avez in don d' vwèyance, donez-mi lès numéros du Loto qu'arife.

voyant, e, vwèyant, e, adj. et n. Daler vîr ène vwèyante pou counète l'avni. Mète ène cote avu ène couleûr foûrt vwèyante.

voyelle, vwèyèle, n.f.

voyou, vwèyou, n.m. Dès vwèyous ont tout skèté dins 'l tchapèle dè Fauquez.

voyoucratie, vwèyoucracie, n.f. Démocracie, particracie, vwèyoucracie, ça rime drole èn'do !

vrai, e, vré, ye, adj. et n. bon, invar.. Vos stez in vré minteû. C'èsst'ène vréye sote. Ène istwêre vréye. Vos stez dins 'l vré ! Indvinter in minsondje pou savwêr èl vré. C'est vrai ce que vous dites ?, Vos pârlez pou du bon ou pou du vré ? C'èsst'aussi vré què djè vos l'dis !

vraiment, vrémint, adv. C'est vrémint domâdje dè vîr ça.

vraisemblable, vrésimblâbe, adj. Çou qu'vos racon-tez n'est ni vrésimblâbe.

vraisemblablement, vrésimblâblèmint, adv. Il est vrésimblâblèmint moûrt dins 's lit, impwèzoné.

vrille, vrîye, n.f.

vu, e, vu, we, adj. Il a été eu : il a sti vu. Èle est mau vûwe.

vue, vûwe, n.f. Avwêr ène bone vûwe. Avwêr ène bèle vûwe. À pièrte dè vûwe. I n'a ni pus d' vûwe qu'in bèdot. Avwêr ène basse vûwe. La fenêtre a vue sur la rue : èl fèrnièsse done sul rûwe. I n' faut ni pièrde ça d' vûwe. À prèmière vûwe, vos avez rézo. Ès' mète in vûwe. Avwêr dès vûwes su 'ne saki. Taper sès îs su 'ne sakè. Être roulé, abusé : yèsse vu.

vulgaire, vulguére, adj. et n. Dès djins vulguéres. Tchér dins 'l vulguére.

vulgairement, vulguéremint, vulguér'mint, adv. Vulguér'mint dit, vos m' faites tch. !

vulve d'animal, de vache : nate, natur', n.f.